WhatsApp બ્લોગ

WhatsApp માં અમારો ધ્યેય હંમેશા એક જ રહ્યો છે કે અમે બને એટલા લોકો ને તેમના મિત્રો, પરિવાર, અને બીજા બધા જેમની તે દરકાર કરે છે તેઓ ની સાથે સંપર્કમાં રહેવા માટે મદદ કરી શકીયે. આનો અર્થ છે કે અમે એવું ઉત્પાદન કર્યું છે જે સાદું છે, ઉપયોગ કરવા માં સરળ છે, અને તમે જ્યાં પણ હો ત્યાં સુલભ છે. અમે મેસેજિંગ અને સમૂહ ગપસપ થી શરૂઆત કરી હતી. પછી અમે ધ્વનિ કોલ ની સુવિધા ઉમેરી. અમે આ એવી રીતે કર્યું કે આખી દુનિયા માં હજારો ઉપકરણો અને પ્લેટફોર્મ પર આ કામ કરી શકે.

આજે અમે લોકો ને જોડવાના પ્રયત્નના આગામી પગલાં ની જાહેરાત કરવા માટે ઉત્સાહિત છીએ - WhatsApp વિડિઓ કોલિંગ. આગામી દિવસો માં WhatsApp ના એક અબજ કરતાં વધુ વપરાશકર્તાઓ સમગ્ર Android, iPhone, અને Windows Phone ના ઉપકરણો પર વીડિયો કોલ કરી શકશે.

અમે આ લક્ષણ ને રજુ કરી રહ્યા છીએ કારણ કે અમને ખબર છે કે ઘણી વાર ધ્વનિ અને લખાણ પૂરતું નથી. તમારા દીકરા કે દીકરી નું બાળક તેના પ્રથમ પગલાં લે તે જોવાનું, અથવા તમારી દીકરી નો ચહેરો જોવાનો જયારે તે વિદેશમાં અભ્યાસ કરી રહી હોય, આનું કોઈ વિકલ્પ નથી.

છેલ્લા કેટલાંક વર્ષો માં અમને અમારા વપરાશકર્તાઓ પાસે થી વિડિઓ કોલિંગ માટે ઘણી વિનંતીઓ મળી છે, અને અમે આખરે આ લક્ષણ દુનિયા ને રજુ કરવા માટે ઉત્સાહિત છીએ. WhatsApp નો ઉપયોગ કરવા બદલ આભાર અને અમે વચન આપીએ છીએ કે અમે અમારી સેવા ને સુધારવા માટે ખુબ મહેનત કરતા રહીશું.