WhatsApp બ્લોગ

WhatsApp હંમેશા તમારી માહિતી અને સંચારને બને તેટલું સુરક્ષિત રાખવાને પ્રાથમિકતા આપી છે. અને આજે, અમને આ જાહેર કરવામાં ગર્વ થાય છે કે અમે એક ટેકનોલોજીકલ વિકાસને પૂર્ણ કર્યું છે, જે તમારા ખાનગી સંચારને સુરક્ષિત રાખવામાં WhatsAppને પહેલું સ્થાન આપે છે: સંપૂર્ણ શરૂઆતથી અંત સુધી ગુપ્તીકરણ. હવે થી, જયારે તમે અને તમારા સંપર્કો અૅપના તાજેતરના સંસ્કરણનો ઉપયોગ કરશો, તો સમૂહ વાતો સહીત, તમારો કરેલો દરેક કૉલ, અને તમારો મોકલેલો દરેક સંદેશ, ફોટો, વિડિઓ, ફાઇલ, અને ધ્વનિ સંદેશ, શરૂઆતથી અંત સુધી ગુપ્ત થયેલ હશે.

વિચાર સરળ છે: જયારે તમે સંદેશ મોકલો, ત્યારે જે તેને વાંચી શકશે તે એ જ વ્યક્તિ અથવા સમૂહ વાત હશે જેને તમે તે સંદેશ મોકલ્યો હોય. અન્ય કોઈ પણ તે સંદેશ જોઈ શકશે નહીં. ના સાયબર ગુનેગારો. ના હેકરો. ના દમનકારી શાશનો. અરે અમે પણ નહીં. શરૂઆતથી અંત સુધી ગુપ્તીકરણ WhatsApp દ્વારા થયેલ સંચારને ગુપ્ત રાખવામાં મદદ કરે છે - જાણે સામસામે કરેલ ચર્ચા.

જો તમને શરૂઆતથી અંત સુધી ગુપ્તીકરણ વિષે વધુ જાણવાની ઇચ્છા હોય, તો તમે તેના વિષે અહીં વાંચી શકો છો. પણ તમારે જાણવા જેવું એ છે કે શરૂઆતથી અંત સુધી ગુપ્ત થયેલ સંદેશાઓ ફક્ત તમે ઇચ્છો તે જ પ્રાપ્તકર્તાઓ દ્વારા વાંચી શકાશે. અને જો તમે WhatsAppના તાજેતરના સંસ્કરણનો ઉપયોગ કરી રહ્યા હોવ, તો તમારે તમારા સંદેશાઓનું ગુપ્તીકરણ કરવા માટે કંઈ પણ કરવાની જરૂર નથી: શરૂઆતથી અંત સુધી ગુપ્તીકરણ મૂળભૂત રૂપે અને સદાય ચાલુ રહેશે.

આપણે એક એવી દુનિયામાં રહીયે છીએ જ્યાં આપણી વધારે પડતી માહિતી પેહલા કરતા વધારે ડિજિટલ રૂપમાં છે. દરરોજ આપણે અયોગ્ય રીતે મેળવેલ અથવા ચોરાયેલ સંવેદનશીલ માહિતીના સમાચાર જોઇયે છીયે. અને આ બાબત જો કશું ના કરાયું, તો આવતા વરસોમાં વધારે ને વધારે લોકોની ડિજિટલ જાણકારી અને સંચાર હુમલાપાત્ર રહેશે. સદભાગ્યે, શરૂઆતથી અંત સુધી ગુપ્તીકરણ આપણને આવી નબળાઈઓથી બચાવે છે.

નવા ડિજિટલ યુગમાં સરકારો, કંપનીઓ, અને વ્યક્તિઓ પાસે, સલામતી અને સુરક્ષાને પ્રોત્સાહન આપવા માટે, ગુપ્તીકરણ એક સૌથી અગત્યનું સાધન છે. આજકાલ ગુપ્તીકરણયુક્ત સેવાઓ અને કાયદાના અમલીકરણને લઈને ઘણી ચર્ચાઓ થઈ રહી છે. જ્યાં આપણે લોકોને સલામત રાખવા માટે કાયદાના અમલીકરણના કામનું મહત્વ જાણીયે છીએ, ત્યાં જ ગુપ્તીકરણને નબળું કરવાના પ્રયાસો લોકોની માહિતીને સાયબર ગુનેગારો, હેકરો, અને ધૂર્ત રાજ્યો દ્વારા દુરુપયોગ માટે ખતરામાં નાખી દે છે.

તમારી દરેક ક્રિયા માટે મૂળભૂત રૂપે સંપૂર્ણ શરૂઆતથી અંત સુધી ગુપ્તીકરણ બનાવવા વાળા થોડાક સંચાર પ્લેટફોર્મ્સમાંથી WhatsApp પણ એક હોવા છતાં, અમને આશા છે, કે તે આખરે વ્યક્તિગત સંચારના ભવિષ્યનું પ્રતિનિધિત્વ કરશે.

લોકોના વ્યક્તિગત સંચારને સુરક્ષિત રાખવાની ઈચ્છા જ WhatsAppની મૂળ માન્યતાઓમાંની એક છે, અને મારા માટે, એ વ્યક્તિગત છે. હું સામ્યવાદી શાસનકાળમાં USSRમાં મોટો થયો છું અને મારા કુટુંબનું અમેરિકા સ્થળાંતર કરવા પાછળનું એક કારણ, લોકોનું મુક્ત રીતે વાત કરીના શકવું પણ છે.

આજે એક અજબથી પણ વધારે લોકો પોતાના મિત્રો અને કુટુંબ સાથે સંપર્કમાં રહેવા માટે વિશ્વભરમાં WhatsAppનો ઉપયોગ કરે છે. અને હવે, આમાંથી દરેક વ્યક્તિ WhatsApp પર મુક્ત અને સુરક્ષિત રીતે વાત કરી શકે છે.

યાન અને બ્રાયન

અગાઉ આ સપ્તાહે WhatsAppને સાત વર્ષ પૂર્ણ થયા છે. અત્યાર સુધી આ એક અદભુત સફર રહ્યો છે અને આગામી મહિનાઓમાં અમે સુરક્ષાની વિશેષતાઓ પર અને તમારા સ્નેહીજનો સાથે સંપર્કમાં રહેવાના વધુ ઉપાયો ઉપર વધારે મહત્વ આપી રહ્યા છીએ.

પરંતુ, વર્ષગાંઠ પાછળ જોવાનો એક અવસર પણ હોય છે. જયારે અમે ૨૦૦૯માં WhatsApp શરુ કર્યું હતું, ત્યારે લોકોનો મોબાઈલ ઉપકરણોનો ઉપયોગ અત્યાર કરતા ઘણો જુદો દેખાતો હતો. Apple App Store માત્ર થોડા મહિના જૂનું હતું. લગભગ, ૭૦ ટકા સ્માર્ટફોન જે વેચાતા હતા તેમના ઉપર Blackberry અને Nokiaના ઓપરેટિંગ સિસ્ટમ હતા. Google, Apple, અને Microsoft દ્વારા રજૂ કરેલા ઓપરેટિંગ સિસ્ટમ - જે આજે ૯૯.૫ ટકાનું વેચાણ ધરાવે છે - તે વખતે ૨૫ ટકાથી પણ ઓછા મોબાઈલ ઉપકરણો જે વેચાતા હતા તેમાં ઉપલબ્ધ હતા.

આજે, જયારે અમે અમારા આગામી સાત વર્ષોને જોઈએ, તો અમે અમારા પ્રયાસને એવા મોબાઈલ પ્લેટફોર્મ પર કેન્દ્રિત કરવા માંગીયે છીએ જેનો વિશાળ બહુમતીમાં લોકો ઉપયોગ કરતા હોય. તે માટે, ૨૦૧૬ના અંત સુધી, અમે નીચે આપેલા મોબાઈલ ઉપકરણો પરના WhatsApp સંદેશસંચારણ માટેના સમર્થનને બંધ કરી રહ્યા છીએ:

  • BlackBerry OS અને BlackBerry 10
  • Nokia S40
  • Nokia Symbian S60
  • Android 2.1 અને Android 2.2
  • Windows Phone 7.1
  • iPhone 3GS/iOS 6

આ મોબાઈલ ઉપકરણો અમારી ગાથાનો મહત્વપૂર્ણ ભાગ રહ્યા છે, તેમ છતાં તે, અમને ભવિષ્યમાં અમારા અૅપની વિશેષતાઓનો વિકાસ કરવા માટે જરૂરી પ્રકારની ક્ષમતા પ્રદાન નથી કરતા.

આ અમારા માટે એક મુશ્કેલ, પરંતુ લોકોના મિત્રો, કુટુંબ, અને સ્નેહીજનો સાથે WhatsApp દ્વારા સંપર્કમાં રહેવાના સુધારણાયુક્ત ઉપાયો આપવા માટે, એક યોગ્ય નિર્ણય હતો. જો તમે આમાંથી કોઈ પણ પ્રભાવિત મોબાઈલ ઉપકરણનો ઉપયોગ કરી રહ્યા હોવ, તો અમે ભલામણ કરીએ છીએ કે WhatsAppનો ઉપયોગ ચાલુ રાખવા માટે ૨૦૧૬ના અંત પેહલા તમે નવા Android, iPhone, અથવા Windows Phone પર પદોન્નતિ કરી લો.

અપડેટ: નિમ્નલિખિત પ્લેટફોર્મ્સ પર તમે WhatsAppનો ઉપયોગ કરી શકશો નહીં:

  • ૩૦ જૂન, ૨૦૧૭ પછી Nokia Symbian S60
  • ૩૧ ડીસેમ્બર, ૨૦૧૭ પછી BlackBerry OS અને BlackBerry 10
  • ૩૧ ડીસેમ્બર, ૨૦૧૭ પછી Windows Phone 8.0 અને એથી જૂના
  • ૩૧ ડીસેમ્બર, ૨૦૧૮ પછી Nokia S40
  • ૧ ફેબ્રુઆરી, ૨૦૨૦ પછી Android 2.3.7 સંસ્કરણો અને એથી જૂના

નોંધ: અમારા હવે સકેરિય રીતે આ પ્લેટફોર્મ્સ ઉપર કંઈ ના બનાવવાના કારણે, ધણી વિશેષતાઓ કોઈ પણ સમયે બંધ થઈ શકે છે.

આજે જુઓ તો, એક અબજ લોકો WhatsAppનો ઉપયોગ કરે છે.

આ લગભગ સાતમાંથી એક માણસ આ ધરતી પર દર મહીને તેના સ્નેહીગણ, તેના મિત્રો, અને તેના કુટુંબ સાથે સંપર્કમાં રહેવા માટે, WhatsAppનો ઉપયોગ કરતો હોય તેમ થયું.

અમને આ સીમાચિહ્ન માટે ગર્વ છે, અને તમે બધાએ જે અસાધારણ રીતે WhatsAppનો ઉપયોગ કર્યો છે તેથી અમે વિનયશીલ છીયે. તે કુદરતી આફતો દરમિયાન આવશ્યક માહિતીની વહેંચણી હોય કે પછી આરોગ્યની કટોકટી, પ્રેમની શોધ, નાના એવા ઉધ્યોગની વૃદ્ધિ, સગાઈ માટે વીંટી લેવાની હોય, અથવા તો બહેતર જીવનની ખોળાખોળ – લોકો પોતાનો જીવન અને તેમની આસપાસ રહેનારા લોકોના જીવનને બહેતર બનાવવા માટે જે કાંઈ કરે છે તેનો એક નાનો ભાગ હોવાનો અમને ગર્વ છે.

અને હજી, છેલ્લા સાત વરસોમાં અમે હળીમળીને મેળવેલ પ્રગતિ પછી પણ, અમારો લક્ષ્ય નથી બદલ્યો. WhatsAppની શરૂઆત એક સાદા વિચાર રૂપે થઈ હતી: કોઈના પણ, કશી કિંમત કે ચાલાકીભરી યુક્તિની અડચણ વગર, દુનિયામાં કહીં પણ રહેતા પોતાના કુટુંબ અને મિત્રો સાથે સંપર્કમાં રહી શકવાની ખાતરી આપતા.

એટલે આ સિદ્ધિની ઉજવણીમાં પણ, અમારો ફોકસ તો એ જ છે. દરરોજ, અમારી ટીમ WhatsAppની ઝડપ, વિશ્વસનીયતા, સુરક્ષા અને સરળતાને બહેતર બનાવવા ઉપર કામ કરતી રહે છે. અમે આ જોઈને ખૂબ ઉત્સાહિત છીયે કે અમે ક્યાં આવી પહોંચ્યાં છીયે. પરંતુ હવે, કામ પર પાછા લાગવાનું છે – કારણકે અમારે હજુ ૬ અબજ લોકોને WhatsApp ઉપર લાવવાના છે, અને ત્યા સુધી પહોંચવાનો લાંબો રસ્તો બાકી છે.

આજે વિશ્વભરમાં આશરે કરોડ જેટલા લોકો તેમના મિત્રો અને કુટુંબ સાથે સંપર્કમાં રહેવા માટે WhatsApp પર આધાર રાખે છે. ઈન્ડોનેશિયાથી કોઈ નવા પિતાના તેના કુટુંબ સાથે ફોટા શેર કરવાથી, સ્પેઈનમાં રહી વતનમાં રહેતા મિત્રો સાથે વાતો કરતી પેલી વિધ્યાર્થીની, બ્રાઝિલના રહીશ પેલા ડોકટરનું પોતાના દરદીઓ સાથે સંપર્ક જાળવવા સુધી, લોકો WhatsAppના ઝડપી, સરળ, અને વિશ્વસનીય રહેવા પર આધાર રાખે છે.

એ જ કારણ છે કે અમે આ જાહેર કરવામાં પ્રસન્નતા અનુભવિયે છીયે, કે WhatsApp હવે લવાજમની ફીસ ક્યારેય લેવાનું નથી. ઘણા વરસો સુધી, અમે કેટલાક લોકોને તેમના પ્રથમ વર્ષ પૂરા થયા પછી WhatsAppનો ઉપયોગ કરવા માટે ફીસ આપવાનુ કહ્યું છે. અમે જેમ સફળ થતા ગયા, અમને લાગ્યું કે આવું કરવાથી કામ ના બને. WhatsAppના ઘણા ઉપભોક્તાઓ પાસે ક્રેડિટ કે ડેબિટ કાર્ડ નંબર હોતો નથી અને તેમને એક વર્ષ પૂરું થયા પછી તેમના મિત્રો અને કુટુંબથી વિખુટા પડી જવાની ચિંતા રહેતી હોય છે. એટલે આવતા થોડા સપ્તાહોમાં, અમે અમારા અૅપના વિભિન્ન સંસ્કરણો પરથી ફીસ કાઢી નાખીશું અને WhatsApp હવેથી અમારી સેવા માટે તમારી પાસેથી કોઈ કિંમત નહીં માગે.

સ્વાભાવિક રીતે, લોકોને વિચાર થશે કે અમે લવાજમ ફીસ વગર WhatsAppને ચલાવીશું શી રીતે અને કદાચ આજની જાહેરાતનો મતલબ એ તો નથીને કે અમે કોઈ તૃતિય પક્ષોની જાહેરાતોની રજૂઆત કરી રહ્યા હોય? તો જવાબ છે, ના. આ વર્ષથી, અમે એવા સાધનોની ચકાસણી કરીશું જે તમને WhatsAppના ઉપયોગથી એવા વ્યાપાર અને સંસ્થાઓ સાથે સંચારણ જાળવી રાખવાની સગવડ આપે જેમના તરફથી તમે સાંભળવાની ઇચ્છા રાખતા હોવ. અર્થાત તમારા હાલમાં કરેલ લેવડદેવડના દગાયુક્ત ના હોવાની ખાતરી કરવા માટે તમારી બૅન્ક સાથે, અથવા મોડી થતી ઉડાન વિષે એરલાઈન સાથે ચર્ચા કરવી. આજે અમે આ બધા સમાચારો બીજે કહીંથી પ્રાપ્ત કરીયે છીયે – ટેક્સ્ટ સંદેશાઓ કે ફોન કૉલ્સ દ્વારા – તેથી અમારે એવા સાધનોની ચકાસણી કરવી છે જે, તમારા માટે તૃતિય પક્ષોની જાહેરાતો કે સ્પામ વગરના અનુભવને જાળવી રાખતા, આ બધુ WhatsApp ઉપર કરવું સરળ બનાવી દે.

અમારી આશા છે કે WhatsApp પર જે આવવા વાળું છે તેને તમે માણશો, અને અમે તમારા પ્રતિસાદની રાહ જોઈશું.

આજે, પહેલી વાર, તમારામાંના અબજો લોકો WhatsAppને તમારા વેબ બ્રાઉઝર ઉપર વાપરી શકશે. અમારું વેબ ક્લાયન્ટ તમારા ફોનનું એક વિસ્તૃત સંસ્કરણ જ છે: વેબ બ્રાઉઝર તમારા મોબાઇલ ઉપકરણની વાતો અને સંદેશાઓને પ્રતિબિંબિત કરે છે -- અર્થાત તમારા સઘળા સંદેશાઓ તમારા ફોનમાં તો રહેશે જ.

તમારા વેબ બ્રાઉઝરને તમારા WhatsApp ક્લાયન્ટ સાથે જોડવા માટે, બસ તમારા Google Chrome બ્રાઉઝરમાં https://web.whatsapp.com ખોલો. તમને એક QR કોડ જોવા મળશે --- તે કોડને WhatsAppની અંદર સ્કેન કરો, અને હવે તમે આગળ વધવા તૈયાર છો. તમે હવે તમારા ફોન પરના WhatsAppને વેબ ક્લાયન્ટ વાળા WhatsApp સાથે જોડી લીધું. અમારા વેબ ક્લાયન્ટના ચાલુ રહેવા માટે તમારા ફોનનું ઇનટરનેટ સાથે જોડાયેલું રહેવું જરૂરી છે, અને કૃપયા તમારા ફોન ઉપર WhatsAppના તાજા સંસ્કરણને સ્થાપિત જરૂર કરી લેજો. કમનસીબે હમણા, Apple પ્લેટફોર્મની મર્યાદાઓના કારણે iOS ઉપભોક્તાઓ માટે અમે વેબ ક્લાયન્ટ ચાલુ નથી કરી શકતા.

અમને આશા છે કે તમને રોજિંદા જીવનમાં વેબ ક્લાયન્ટ ખૂબ કામમાં લાગશે.

તમારો બધાનો આભાર, અડધા અબજ લોકો, વિશ્વભરમાં હવે રોજના સક્રિય WhatsApp ઉપભોક્તાઓ છે. છેલ્લા ઘણા મહીનાઓમાં, બ્રાઝિલ, ભારત, મેક્સીકો, અને રશિયા જેવા દેશોમાં અમે ઝડપથી વૃદ્ધિ મેળવી છે, અને અમારા ઉપભોક્તાઓ ૭ કરોડ ફોટા અને ૧ કરોડ વીડિયોને દરરોજ શેર પણ કરે છે. અમે હજુ પણ બતાવતા રહી શકીયે છીયે, પણ હવે અમારું કામ પર લાગવું જરૂરી છે – કારણકે અહીં WhatsAppમાં, આ તો બસ શરૂઆત જ છે.

Facebook સાથેની અમારી ભાગીદારીની જાહેરાત કર્યા પછી, અમારી આ વાત પર જેટલું ધ્યાન આપવામાં આવી રહ્યું છે તેનાથી અમે ખરેખર વિનયશીલ છીયે. એક કંપની તરીકે, ઘણા લોકોને તેમના મિત્રો અને સ્નેહીજનો સાથે સંપર્કમાં રહેવાની, શક્ય હોય તેટલી તકો આપવાના સદંતર પ્રયાસ કરતા રહેવા માટે અમે ઉત્સુક છીયે. ભલે ને પછી તેઓ જે પણ હોય અને ક્યાંય પણ રહેતા હોય.

કમનસીબે, અમારી ભવિષ્યની ભાગીદારીના WhatsApp ઉપભોક્તાઓના ડેટા અને ગોપનીયતા ઉપર આડઅસરોને લઈને, ઘણી ખોટી અને બેદરકારી ભરેલી અફવાઓ પણ ફેલાઈ રહી છે.

મારે આ બધી બાબતે સ્પષ્ટિકરણ કરવું છે.

મુખ્યત્વે, મારે ખાતરી પૂર્વક તમને સમઝાવવાનું કે મને વહેવાર સંચારણમાં ગોપનીયતાની કેટલી કદર છે. મારા માટે, આ એક અંગત વાત છે. મારો જનમ યુકરેઈનમાં થયો હતો, અને હું ૧૯૮૦ના દાયકામાં રશીયામાં મોટો થયો છું. તે સમયની મારી સૌથી અસરકારક સ્મૃતિઓમાંની એક એ વાત છે, જે મારી માતાના મોઢે હું તેના દર ફોન કૉલ ઉપર સાંભળતો હતો: “આ ફોન પર કરવા જેવી વાત નથી; આપણે મળશું ત્યારે કહીશ.” અમારી વાતો પર KGB દ્વારા નિયમિત દેખરેખ રાખવાના ડરના કારણે અમે છૂટથી વાતો કરી નહોતા શકતા. તે પણ એક કારણ હતો કે મારી યુવાવસ્થા દરમિયાન અમે કાયમ માટે વતન મૂકીને United Statesમાં રહેવા આવી ગયા.

તમારી ગોપનીયતાની કદર અમારી રગેરગમાં સમાવેલ છે, અને અમે WhatsAppને હોઈ શકે તેટલું તમારા વિષે ઓછું જાણવાના હેતુસર પણ બનાવ્યું છે: તમારે અમને તમારો નામ આપવાની જરૂર નથી અને અમે તમારા ઈમેઈલ સરનામા પણ નથી માગતા. અમને તમારો જનમદિવસ ખબર નથી. અમને તમારો સરનામો ખબર નથી. તમે ક્યાં કામ કરો છો, તે અમે નથી જાણતા. તમને શું ગમે છે, તમે શું ઈન્ટરનેટ ઉપર શોધો છો કે તમારો GPS સ્થાન અમે નથી જોતા. આ ડેટામાંથી કશું જ અમે જોતા કે WhatsApp ઉપર સાચવતા નથી, અને આ પ્રથા બદલવાનો અમારો કોઈ ઇરાદો પણ નથી.

જો અમારા અસૂલો બદલીને Facebook સાથે ભાગીદારી કરવાની હોત, તો અમે અેવું કરતા જ નહીં. એના કરતા, અમે એવી ભાગીદારી કરી રહ્યાં છીયે, કે જે અમને સ્તંત્રતાથી અને સ્વયંશાસિત રૂપે ચાલવા દેશે. અમારા મૂળભૂત અસૂલો અને માન્યતાઓ બદલવાની નથી. અમારા કાયદા નથી બદલવાના. WhatsAppને જેથી અંગત વહેવારમાં આગેવાની મળી છે, તે બધું તેની જગ્યાએ જેમનું તેમ જ રહેવાનું છે. લોકોને ખોટું ડર છે કે અમે હવે એકદમથી દરેક રીતનો ડેટા સંગ્રહ કરવા માંડશું. તે સદંતર અસત્ય છે, અને તમને તેની ખાતરી હોવી અમારા માટે જરૂરી છે.

ભૂલતા નહીં કે: Facebook સાથેની અમારી ભાગીદારી અમને અહીં સુધી લાવવા વાળા અમારા સપનાને જોખમમાં નહી જ નાખે. અમારો ફોકસ તો બસ WhatsAppના વચનને દૂર દૂર પહોંચાડવા પર જ છે, જેથી વિશ્વભરમાં લોકો તેમના મનની વાત કોઈ જાતના ડર વગર કરી શકે.

લગભગ પાંચ વર્ષ પહેલાં અમે અેક સાદા મીશન સાથે WhatsAppની શરૂઆત કરી હતી: એક સરસ મજાના ઉતપાદની રચના કરવી, જેનો ઉપયોગ વિશ્વભરમાં થાય.

આજે અમે Facebook સાથેની અમારી ભાગીદારીની ઘોષણા કરી રહ્યા છીયે, જે અમને અમારા તે જ સાદા મીશન પર ચાલતા રહેવામાં સગવડ આપશે. તેનાથી WhatsAppને વિકાસ અને ફેલાવ માટે ચપળતા મળશે, જ્યારે મને, બ્રાયનને અને બાકીની અમારી ટીમને શક્ય હોય તેટલી ઝડપી, સસતી અને નિજી સંચાર સેવા બનાવવા પર ફોકસ કરવાનું વધારે સમય પ્રાપ્ત થશે.

તમે, અમારા ઉપભોક્તાઓ માટે આમાં આ ફેરફાર થશે: કશું નહીં.

WhatsApp સ્વયંશાસિત રહેશે અને સ્વતંત્ર રીતે ચાલતું રહેશે. તમે કેવળ નામની ફી વતી આ સેવાને માણતા રહી શકો છો. તમે દુનિયામાં ક્યાંય પણ રહો, કે પછી કેવા પણ હોંશિયાર ફોનનો ઉપયોગ કરી રહ્યાં હોવ, તમે WhatsAppનો ઉપયોગ કરતા રહી શકો છો. અને તમે તમારા સંચારણમાં તદ્દન કોઈ પણ જાહેરાતની અડચણના ના હોવા પર ભરોસો રાખી શકો છો. અમારી કંપની, અમારા સપના અને અમારા ઉતપાદને વ્યાખ્યા આપતા અમારા સિદ્ધાંતોમાં બાંધછોડ કરવી પડત તો અા બન્ને કંપનીઓ વચ્ચે ભાગાદારી થવાની શક્યતા થઈ જ ન શકત.

વ્યક્તિગત રૂપે, હું અને બ્રાયન એવા લોકોની ટીમનો ભાગ હોવા પર અતીશય ગર્વ અનુભવિયે છિયે, જેઓએ ફક્ત પાંચ વર્ષોની અંદર, એક સંચારણ સેવા એવી બનાવી કે જે હવે વિશ્વભરમાં દર મહીને ૪૫૦ અબજ સક્રિય ઉપભોક્તાઓને અને દરરોજ ૩૨૦ અબજ સક્રિય ઉપભોક્તાઓને સમર્થન આપે છે. તેમણે ૨૧મી સદી માટે સંચારણની નવી વ્યાખ્યા લખવામાં અને તેમાં ક્રાંતિ લાવવામાં સગવડ આપી છે, અને અમે તેમના અત્યંત આભારી છીયે.

અમારી ટીમને સદાય વિશ્વાસ હતો કે કિંમત અને અંતર, તેમના મિત્રો અને સ્નેહીજનો સાથે લોકોના સંપર્ક સાધવામાં અડચણ રૂપ ના થવાં જોઈયે, અને જ્યાં સુધી દરેકને, સર્વત્ર આ તકથી સુશક્ત ના કરી દઈયે ત્યાં સુધી અમે જંપશું નહીં. અમારો આ નવો પ્રકરણ સંભવિત કરવા માટે, અને અમારી આ ખાસ મુસાફરીમાં ભાગ લેવા માટે, અમારે અમારા બધા ઉપભોક્તાઓ અને અમારા જીવનમાં અવનાર બધાંનો ખાસ આભાર માનવો છે.

થોડા ઘણા વર્ષો પહેલા, મારા મિત્ર બ્રાયન અને હું, મળીને એક ફોકસ સાથે એક સંદેશસંચારણ સેવા રચવા નીકળી પડ્યા હતા: થઈ શકે તેટલો ઉત્તમ ઉપયોગ અનુભવ. અમે શરત લગાવી કે જો અમારા ઇજનેરો સંદેશસંચારણને ઝડપી, સરળ અને અંગત બનાવી શકે, તો અમે બેનર જાહેરાતો, રમતોના પ્રચારો, કે અન્ય બધી ખલેલકારી “વિશેષતાઅો”ની મગજમારી વગર, સીધા લોકોથી જ ચાર્જ લઈ શકીયે.

આજે, અમે ગર્વથી ઘોષણા કરીયે છીયે કે તમારે લીધે, WhatsApp એવા સીમાચિહ્ન ઉપર આવી ગયું છે જ્યાં અન્ય કોઈ સંદેશસંચારણ સેવા નથી પહોંચી: ૪ કરોડ ઉપભોક્તાઓ દર મહીને, એમાં પણ ખાલી ૧ કરોડ સક્રિય ઉપભોક્તાઓ તો છેલ્લા ચાર મહીનાઓમાં જ ઉમેરાયાં. આ ફક્ત WhatsApp સાથે નોંધણી કરતા લોકોની ગણતરી જ નથી - આ આંક એ લોકોની સંખ્યાનો છે જે આ સેવાનો દર મહીને સક્રિય ઉપયોગ કરે છે.

અમે જ્યારે કહીયે કે તમે જ આ બધું શક્ય બનાવ્યું, તો અમે તે દિલથી માનીયે છીયે. WhatsAppમાં ફક્ત ૫૦ કર્મચારીઓ છે, અને અમારામાં વધારે ઇજનેરો છે. અમે અહીં સુધી કોઈ પણ યોજનાબદ્ધ જાહેરાત કે કોઈ મોટી વેચાણ ઝુંબેશ ઉપર એકેય ડોલર ખરચ્યા વગર પહોંચ્યા છીયે. અમે અહીં તે બધા લોકોના લીધે છીયે જે તેમની WhatsApp ગોષ્ઠિઓ તેમના સહકર્મીઓ, મિત્રો, અને સ્નેહીજનો સાથે શેર કરે છે - ગોષ્ઠિઓ જે અમને સાંભળવી ગમે.

ન્યુ ઝીલેન્ડથી પેલી એક સ્ત્રી હતી જેણે તેની દાકતરી (PhD) પૂરી કરવા દક્ષિણ આફ્રીકા સ્થળાન્તર કર્યું હતુ. ઘરે પાછા વળવાના એક સપ્તાહ પહેલા જ, તેને તેના સપનાનો રાજકુમાર મળી ગયો. હજારો માઇલ દૂર રહ્યા પછી પણ, તેમને પાસે હોવાનો અહેસાસ WhatsApp આપે છે.

યુગાન્ડામાં દાનધર્મ કરતી બ્રીટનની એક સ્ત્રીએ પણ અમારો સંપર્ક કર્યો હતો. તેણે અમને જણાવ્યું હતું કે ત્યાં કાર્યરત તેની ટીમ, તેઓ મદદ કરી રહેલા બાળકોની રોજની બાતમી, ફોટા, અને વીડિયોઝ મોકલવા WhatsAppનો ઉપયોગ કરે છે, જે તેણી વિશ્વભરમાં શેર કરી તેની સંસ્થા માટે સમર્થન મેળવે છે.

ભારતમાં ડોક્ટરો તેમના હ્રદય રોગના દરદીઓને WhatsAppના ઉપયોગથી તેમના ઇલેક્ટ્રોકાર્ડિઓગ્રામના ફોટાઓ ઝડપથી મોકલી, મહત્વપૂર્ણ સમય અને કીંમતી જીવન બચાવે છે. મેડરિડના પર્વતોમાં, રાહત કાર્યકર્તાઓએ ખોવાયેલા હાઈકર્સને ગોતી, બચાવવા માટે WhatsAppનો ઉપયોગ કર્યો હતો. અને આજે, જો હું યુકરેઇનમાં થઈ રહ્યા રાજકારણીય ઊથલપાથલ પર નજર નાખું, તો તે જગ્યા જ્યાં મારો જનમ થયો અને જ્યાં હું સોળ વર્ષની વય સુધી રહ્યો, તેના માટે હું એ આશા સિવાય કશું કરી નથી શકતો કે WhatsAppની હવેની ગાથા ત્યાંના લોકોના આ સેવાના ઉપયોગ વડે તેમના મનની વાત કરવા અને તેમના જન્મસિદ્ધ અધિકારો માટે લડત કરવા વિષે હોય.

WhatsAppની રચના કરવામાં અમારો ધ્યેય લોકોને ટેક્નોલોજી અને સંચાર દ્વારા અધિકારસંપન્ન બનાવવાનો હતો, તે જે પણ હોય, અને જ્યાં પણ રહેતા હોય. અમારે લોકોના જીવનને નાની એવી રીતે સુધારવું હતું. તો આભાર તે શક્ય કરવા માટે. તમારી વાતો શેર કરવા માટે આાભાર, અને કૃપયા, તેમને મોકલતા રહેજો હોં - WhatsAppના તમારા નવીનતમ ઉપયોગ વિષે જાણવા અમે આતુર છીયે.

WhatsAppમાં અમે ઘણો બધો સમય વહેવારને સરળ બનાવવા વિષે વિચારતા કાઢીયે છીયે, અને અમને ખબર છે કે કોઈ મિત્ર કે સંબંધીના અવાજને સંભળવા જેવું બીજું કાંઈ પણ નથી. એટલે જ આજે અમે એક નવી વિશેષતાની રજૂઆાત કરી રહ્યાં છીયે જેના વિષે અમે ખૂબ ઉત્તેજિત છીયે: ધ્વનિ સંદેશાઓ.

અમે એક સાથે અમારા સઘળા પ્લેટફોર્મ્સ ઉપર ધ્વનિ સંદેશાઓની રજૂઆત કરી રહ્યાં છીયે. અમે iPhone અને Android ઉપકરણો પર ધ્વનિ સંદેશાઓના કાર્યક્ષમ રહેવાની ખાતરી કરવાની ખાસ કાળજી લિધી છે, અને અમે BlackBerry, Nokia અને Windows Phone ઉપભોક્તાઓ પણ એ જ વિપુલ અને જોરદાર ધ્વનિ સંદેશાઓના અનુભવને માણી શકે તેની ખાતરી કરવા માટે ખાસ શ્રમ કર્યું છે.

ધ્વનિ સંદેશાઓ અને તે કેવી રીતે કાર્ય કરે છે તેના વિષે વધુ માહિતી માટે અમે બનાવેલી આ વિડીયો જુઓ:

જો તમારે ખાસ તમારા ફોન માટે ધ્વનિ સંદેશાઓ વિષે વધુ માહિતી મેળવવી હોય તો તમે અમારા વારંવાર પૂછાતાા પ્રશ્નોની યાદી પણ જોઈ શકો છો:

http://www.whatsapp.com/faq/link/voice_messaging.php

અમારી આશા છે કે ધ્વનિ સંદેશાઓ બનાવવામાં અમને જેટલી મજા આવી એટલી જ મજા તમને તેને માણવામાં પણ આવશે.