WhatsApp بلاگ

WhatsApp نے ہمیشہ آپ کے معلومہ مواد اور ابلاغ کو جتنا ہو سکے محفوظ بنانے پر اہمییت دی ہے۔ اور آج،ہم فخر سے اعلان کرتے ہیں کہ ہم نے وہ تکنیکی پختگی مکمل کر لی ہے جو آپ کے ذاتی ابلاغ کو محفوظ رکھنے میں WhatsApp کو سربراہی بخشتی ہے: شروع سے آخر تک مکمل رمزکاری ( full end-t-end encryption)اب سے آپ اور آپ کے روابط جب ایپ کی تازہ ترین اشاعت کا استعمال کریں گے، تو ہر کال جو آپ کریں، اور ہر پیغام، تصویر، ویڈیو، فائل، اور صوتی پیغام جو آپ بھیجیں، وہ گروپ بات چیت کی شمولیت کے ساتھ، بنیادی طور پر دونو اطراف سے مرموز ہے۔

سیدھی سی بات ہے: جب آپ پیغام بھیجیں، واحد شخص جو اسے پڑھ سکتا ہے وہ شخص ہے یا گروپ بات چیت جسے آپ پیغام بھیج رہے ہیں۔اس پیغام کے اندر کوئی نہیں دیکھ سکتا۔سائبر (انٹرنیٹ کے متعلق) مجرم نہیں۔ ہیکرس (ناواجب طور سے کمپیوٹر کی معلومات پڑھنے والے) نہیں۔ ظلمانہ حکمران نہیں۔ ہم بھی نہیں۔ دونو اطراف سے رمزکاری WhatsApp سے کئے گئے ابلاغ کو ذاتی بنانے میں مدد کرتی ہے۔ کچھ حد تک گویا رو برو گفتگو ہو۔

اگر آپ شروع سے آخر تک رمزکاری کس طرح کام کرتی ہے اس کے متعلق مزید جاننا چاہتے ہیں، تو آپ اس کے بارے میں [یہاں] (https://www.whatsapp.com/security) پڑھ سکتے ہیں۔ بہر حال آپ کے لیے صرف اتنا ہی جاننا ضروری ہے کہ دونوں اطراف سے مرموز پیغامات صرف وہ ہی لوگ پڑھ سکتے ہیں جنہیں آپ چاہیں۔اور اگر آپ WhatsApp کی تازہ ترین اشاعت کا استعمال کر رہے ہیں، تو اپنے پیغامات کو مرموز کرنے کے لیے آپ کو کچھ بھی نہیں کرنا ہے: دونوں اطراف سے رمزکاری بنیادی طور پر ہمیشہ چلتی رہتی ہے۔

ہم ایسی دنیا میں رہتے ہیں جہاں ہمارا معلومہ مواد ڈیجیٹلائزڈ، یعنی کمپیوٹر پر عددی نگارش کے روپ میں، پہلے سے کہیں زیادہ ہے۔ ہر دن ہم حسّاس معلومات تک نا درست طریقوں سے رسائی یا اس کی چوری کے قصّے سنتے ہیں۔اور اگر کچھ نہیں کیا گیا، تو آنے والے سالوں میں زیادہ لوگوں کی ڈیجیٹل معلومات اور ابلاغ ایسے حملوں کے خطرے میں ہوگی۔خوش قسمتی سے، دونوں اطراف سے رمزکاری ہمیں ایسے خطرات سے بچاتی ہے۔

رمزکاری سب سے زیادہ اہم وسائل میں سے ایک ہے جو حکومتیں، کاروبار، اور اشخاص کے پاس اس نئے ڈیجیٹل وقت میں بچائو اور تحفظ کی حمایت کرنے کے لیے ہے۔ حال ہی میں مرموز خدمات اور قانون کے نفاذ کے چلن پر بہت تبادلۂ خیال ہو چکا ہے۔ جہاں ہم نفاذِ قانون کے ذریعے لوگوں کو محفوظ رکھنے کے کام کے حمایتی ہیں، سائیبر مجرمین، ہیکرس، اور بدمعاش ریاستوں کی رمزکاری کو کمذور بنانے کی کوششیں لوگوں کو معلومات کے غلط مظاہرے کے خطرے میں ڈالتی ہیں۔

گر چہ WhatsApp کچھ ابلاغی پلیٹفارمس میں سے ہے جو دونوں اطراف سے مکمل رمزکاری بنانے والا ہے جو آپ کے ہر عمل کے لیے بنیادی طور پر چلتی رہتی ہے، ہم امید کرتے ہیں کہ وہ بال آخر ذاتی ابلاغ کے مستقبل کی نمائندگی کریگا۔

لوگوں کے ذاتی ابلاغ کو محفوظ رکھنے کی خواہش ان خاص اصولوں میں سے ہے جس پر WhatsApp میں ہم عمل کرتے ہیں، اور میرے لیے، یہ معاملہ ذاتی ہے۔ میں ملکِ روس (USSR ) میں اشتراکی (کمیونسٹ) حکومت کے دوران بڑا ہوا ہوں اور یہ حقیقت کہ وہاں لوگ بے خوف کلام نہیں کر سکتے تھے میرے کنبے کے ریاستہائے متحدہ امریکہUnited States منتقل ہونے کی وجوہات میں سے ایک ہے۔

آج دنیا بھر میں ایک ارب سے زیادہ لوگ اپنے دوستوں اور رشتہ داروں سے منسلک رہنے کے لیے WhatsApp کا استعمال کر رہے ہیں۔اور اب، ان میں سے ہر کوئی WhatsApp پر بے خوف و با حفاظت بات کر سکتا ہے۔

یان اور براین

اس ہفتے WhatsApp نے سات سال مکمل کئے۔ یہ سفر ہمارے لیے کمال کا رہا اور آنے والے مہینوں میں ہم تحفظ کی خصوصیات پر اور آپ کو عزیز ہوں ان لوگوں سے رابطے میں رہنے کے مختلف ذرائع تلاش کرنے ہر زیادہ اہمیت دیںگے۔

مگر سال گرہ کی تاریخیں پیچھے مڑ کر دیکھنے کا بھی موقع ہوتی ہیں۔ ہم نے جب WhatsApp کو ۲۰۰۹ میں شروع کیا تھا، تب لوگوں کا موبائل آلات کا استعمال بہت مختلف تھا۔ Apple App Store کی عمر بس کچھ مہینوں کی ہی تھی۔ اس وقت فروخت والے صرف ۷۰ فی صد اسمارٹ فونس میں BlackBerry اور Nokia کی جانب سے عملیاتی نظامات دئے جاتے تھے۔ Apple ،Google اور Microsoft کی جانب سے پیش کئے جانے والے عملیاتی نظامات - جو آج ۹۹.۵ فی صد فروخت کے ذمہ دار ہیں - وہ اُس وقت ۲۵ فی صد سے بھی کم موبائل آلات کی فروخت پر تھے۔

ہم اگر آنے والے سات سالوں پر نظر دوڑائیں تو، ہم ہماری کوششوں کو زیادہ لوگوں کے استعمال کرنے والے موبائل پلیٹفارمس پر مرکوز رکھنا چاہتے ہیں۔ اس لیے، ۲۰۱۶ کے اخیر تک، ہم مندرجہ ذیل موبائل پلیٹفارمس سے WhatsApp پیغام رسانی کی معاونت کو قطع کر دیںگے:

  • BlackBerry OS اور BlackBerry 10
  • Nokia S40
  • Nokia Symbian S60
  • Android 2.1 اور Android 2.2
  • Windows Phone 7
  • iPhone 3GS/iOS 6

یہ آلات جب کہ ہماری کہانی کا اہم حصہ رہے ہیں، لیکن یہ مستقبل میں ہمارے ایپ کی خصوصیات کی فراخی کے لیے ہمیں درکار صلاحیتیں عطا نہیں کرتے۔

یہ ہمارے لیے ایک مشکل فیصلہ رہا ہے، لیکن لوگوں کو WhatsApp کے ذریعے دوستوں، رشتہ داروں اور عزیزوں سے رابطے میں رہنے کے بہتر طریقے پیش کرنے کے لیے صحیح ہے۔ اگر آپ ان متاثر آلات میں سے کسی کا استعمال کر رہے ہیں تو، ہماری صلاح ہے کہ آپ WhatsApp کا استعمال جاری رکھنے کے لیے ۲۰۱۶ کے اخیر سے پہلے، جدید تر Android، iPhone، یا Windows Phone کا استعمال شروع کر دیں۔

تازہ خبر: آپ ذیل میں درج پلیٹفارمس پر WhatsApp کا استعمال نہیں کا پائیں گے:

  • ۳۰ جون۔ ۲۰۱۷ کے بعد Nokia Symbian S60
  • ۳۱ دسمبر، ۲۰۱۷ کے بعد BlackBerry OS اور BlackBerry 10
  • ۳۱ دسمبر، ۲۰۱۷ کے بعد Windows Phone 8.0 اور اس سے قدیم
  • ۳۱ دسمبر، ۲۰۱۸ کے بعد Nokia S40
  • ۱ فروری، ۲۰۲۰ کے بعد Android versions 2.3.7 اور اس سے قدیم

توجہ: ہمارے ان پلیٹفارمس پر سرگرمی کے ساتھ کار تخلیق نہ کرنے کی وجہہ سے خصائص کبھی بھی بند ہو سکتی ہیں۔

اس وقت، ایک ارب لوگ WhatsApp کا استعمال کر رہے ہیں۔

یہ تقریباً اپنے عزیزوں، دوستوں اور رشتے داروں سے تعلق میں رہنے کے لیے دنیا میں سات لوگوں میں ایک انسان کا مہینے بھر میں WhatsApp کا استعمال کرنا ہوا۔

ہمیں اس سنگ میل پر فخر ہے، اور آپ سب نے جس غیر معمولی طور سے WhatsApp کا استعمال کیا ہے اس سے ہم بڑے منکسر ہیں۔ اگرچہ وہ قدرتی آفات کے دوران خصوصی معلومات کا اشتراک کرنا ہو، یا صحت کے متعلق ہنگامی حالات، چھوٹا موٹا کاروبار شروع کرنا یو، منگنی کی انگوٹی خریدنی ہو یا بہتر زندگی کی تلاش ہو - لوگ اپنی اور اپنے اطراف میں دوسروں کی زندگی کو بہتر بنانے کے لیے جو کچھ کرتے ہیں اس کا چھوٹا سا ہی صحیح، ایک حصہ ہونے پر ہمیں ناز ہے۔

پھر بھی، ہم نے مل جل کر یہ جو ترقی پچھلے سات سالوں میں کی ہے، اس دوران ہمارا مشن کبھی بدلا نہیں ہے۔ ایک چھوٹے سے خیال کے ساتھ WhatsApp شروع ہوا تھا: اس زمین پر کہیں بھی، ہر کسی کا اپنے رشتے داروں اور دوستوں سے رابطے میں رہنا بغیر کسی دام یا شعبدہ کاری کی رکاوٹ کے۔

تو اس کامیابی کی خوشیاں مناتے ہوئے بھی، ہمارا دھیان تو وہیں ہے۔ روزانہ، ہماری ٹیم WhatsApp کی سرعت، بھروسے مندی، تحفظ اور آسانی کو بہتر بنانے پر کام کرتی رہتی ہے۔ ہم کتنی دور نکل آئے یہ جان کر بہت خوش ہیں۔ لیکن اب، کام پر لگنا ہے - کیونکہ ہمیں مزید ۶ ارب لوگوں کو WhatsApp پر لانا ہے، اور راستہ طویل ہے۔

تقریباً ایک ارب لوگ دنیا بھر میں اپنے دوستوں اور رشتے داروں سے رابطے میں رہنے کے لیے، آج WhatsApp پر اعتبار کرتے ہیں۔ انڈونیژیا سے اپنے خاندان کے ساتھ اپنے نو مولود بچے کی تصاویر کا اشتراک کرتے ہوئے باپ سے لے کر، اپنے وتن میں دوستوں سے رابطہ کرنے والی اسپین میں رہنے والی طالب علم، اپنے مریزوں سے رابطہ کرنے والی برازیل میں ڈاکٹر تک، لوگ WhatsApp کے تیز، آسان اور قابلِ اعتبار ہونے پر بھروسہ کرتے ہیں۔

اسی لیے ہمیں اس بات کا اعلان کرنے میں بہت خوشی ہو رہی ہے کہ اب WhatsApp پیشگی چندے کے طور پر کوئی فیس نہیں لیگا۔ کئی سالوں تک، ہم نے کئی لوگوں سے WhatsApp کے ایک سال کے استعمال کے بعد فی ادا کرنے کو کہا ہے۔ اب جیسے ہماری ترقی ہوئی ہے، ہم نے یہ پایا کہ یہ طریقہ کچھ کار گر نہیں ہے۔ کئی WhatsApp صارفین کے پاس کریڈٹ یا ڈیبٹ کارڈ نمبر نہیں ہوتا اور وہ اس بات سے خائف رہتے کہ ایک سال کے مکمل ہو جانے کے بعد وہ اپنے دوستوں اور رشتے داروں سے تعلق کھو بیٹھینگے۔ سو اب کچھ ہی ہفتوں میں، ہم ہمارے ایپ کے مختلف ورژنس پر سے فیس لینا ختم کر دیںگے اور ہماری خدمات کے عوض WhatsApp اب کوئی چارجز نہیں لیگا۔

بیشک، لوگوں کو اس بات کا تجسس تو ہوگا کہ ہم کیسے پیشگی چندے کے بغیر WhatsApp کو جاری رکھیںگے اور کہیں آج کا یہ اعلان فریقِ ثالث کے اشتہارات کی تمہید تو نہیں۔ اس کا جواب نفی ہی ہے۔ اس سال سے، ہم ایسے آلات کا جائزہ لینگے جو، جن بِیوپاروں اور تنظیمات سے آپ سننا چاہیں ان کے ساتھ ابلاغ کرنے کے لیے آپ کو WhatsApp کا استعمال کرنے کی سہولت دیںگے۔ اس سے مطلب یہ ہے کہ حال میں کئے گئے آپ کے کاروباری معاملہ میں دھوکا دھڑی نہ ہونے کی تصدیق کرنے کے لیے آپ اپنے بینک سے، یا کسی دیر سے آنے والی اڑان کے متعلق ہوائی تنظیم سے بات کر سکتے ہیں۔ آج کل ہمیں اس قسم کے پیغامات ملتے رہتے ہیں - پیغامِ متن اور فون کالس کے ذریعے - اس لیے ہم آپ کو فریقِ ثالث کے اشتہارات اور اسپیم کے تجربے کے بغیر ایسا WhatsApp پر آسانی سے کر پانا فراہم کرنے کے لیے نئے آلات کا جائزہ لینا چاہتے ہیں۔

ہمیں امید ہے WhatsApp پر جو آنے والا ہے، آپ اس کا مزا لینگے، اور ہم آپ کی رائے کے منتظر ہیں۔

آج، پہلی بار، آپ سب میں سے اربوں لوگوں کے پاس WhatsApp کو اپنے ویب برائوزر پر استعمال کرنے میں آسانی ہو جائیگی۔ ہمارا ویب کلائنٹ آپ کے فون والے آلے کی ایک توسیع ہی ہے: یہ ویب برائوزر آپ کے موبائل آلے کی باتوں اور پیغامات کی ہی عکاسی کرتا ہے -- اس کا یہ مطلب ہے کہ آپ کے تمام پیغامت آپ کے فون پر ہی رہتے ہیں۔

آپ کے WhatsApp کلائنٹ کو اپنے ویب برائوزر سے منسلک کرنے کے لیے، بس اپنے Google Chrome برائوزر پر https://web.whatsapp.com کھولیں۔ آپ کو ایک QR کوڈ نظر آئیگا --- اندرون WhatsApp اس کوڈ کو اسکین کریں، اور بس پیغام بھیجنا شروع کریں۔ اب آپ نے اپنے فون والے WhatsApp کو WhatsApp ویب کلائنٹ کے ساتھ مربوط کر لیا ہوگا۔ ہمارے ویب کلائنٹ کے کام کر پانے کے لیے،آپ کے فون کا انٹرنیٹ سے منسلک رہنا ضروری ہے، اور براہ کرم اطمینان کرلیں کے آپ نے اپنے فون پر WhatsApp کے تازہ ترین ورژن کو انسٹال کر لیا ہو۔ بد قصمتی سے اس وقت، ہم ہمارے iOS استعمال کرنے والوں کے لیے Apple پلیٹفارم کی حدود کی وجہ سے ویب کلائنٹ پیش نہیں کر سکتے ہیں۔

ہماری امید ہے کہ ویب کلائنٹ کا ستعمال آپ کی روزمرہ کی زندگی میں خارآمد رہیگا۔

آپ سب کا بہت شکریہ، آدھا ارب لوگ اب دنیا بھر میں باقائدہ WhatsApp صارف ہیں۔ پچھلے کچھ مہینوں میں، برازیل، بھارت، میکسیکو، اور روس جیسے ممالک میں ہماری بہت ترقی ہوئی ہے، اور ہمارے صارفین ۷ ارب تصاویر اور ۱ ارب ویڈیوز کا ہر روز اشتراک کر رہے ہیں۔ ہم اور بھی بتا سکتے ہیں، مگر اب، یہ ضروری ہے کہ ہم کام سے مطلب رکھیں - کیونکہ یہاں WhatsApp میں، یہ تو بس ہماری ابھی شروعات ہے۔

ہمارے Facebook کے ساتھ اپنی ساجھیداری کا اعلان کرنے کے بعد، اس بات پر آپ سب کی توجہ سے ہم بڑے مشکور ہیں۔ ایک کمپنی کے طور پر، ہم زیادہ سے زیادہ لوگوں کو اپنے دوستوں اور عزیزوں سے رابطے میں رہنے کے موقعے فراہم کرتے رہنے پر دھیان دینے پر مشتاق ہیں، خواہ وہ جو بھی ہوں اور کہیں بھی رہیں۔

بدقسمتی سے، ہماری اس حصہ داری کے WhatsApp صارفین کے مواد اور پوشیدگی پر مستقبل میں ہونے والے اثرات کو لے کر، بہت سی افواہیں اور بے ثبات خبریں پھیلائی جا رہی ہیں۔

میں اس بات کا خلاصہ کر دینا چاہونگا۔

سب سے بڑھ کر، میں اس بات کا اطمینان کر لینا چاہتا ہوں کہ آپ سب کو اندازہ ہو جائے کہ میں نجی مواصلات کے اصول کی کتنی گہرائی سے قدر کرتا ہوں۔ میرے لیے، یہ بہت ذاتی معاملہ ہے۔ میری پیدائش یوکرین میں ہوئی، اور میں ۱۹۸۰ کی دہائی میں USSR میں بڑا ہوا۔ اس زمانے کی یادوں میں میرے لیے سب سے زورآور یادوں میں سے ایک وہ جملہ ہے جو بارہا اپنی ماں کو فون پر ابلاغ کے دوران بولتے میں نے سنا تھا: ’’یہ فون پر کرنے کی بات نہیں؛ روبہ رو ملیںگے تب بتائونگی۔‘‘۔ ہماری باتوں کو KGB کے سن لینے کے خوف کے مارے ہمارا بے خوف باتیں نہ کر پانا بھی کچھ حد تک، میرے لڑکپن کے دنوں میں United States میں منتقل ہونے کی وجوہات میں شامل ہے۔

آپ کی پوشیدگی کی قدر ہمکاری رگو ریشے میں بسی ہے،اور ہم نے WhatsApp کو آپ کے متعلق کم سے کم جاننے پر مبنی رکھا ہے: آپ کو ہمیں اپنا ای میل پتہ دینے کی کوئی ضرورت نہیں نہ ہی ہم آپ سے آپ کا ای میل پتہ طلب کرتے ہیں۔ ہمیں آپ کی سال گرہ معلوم نہیں۔ نہ ہمیں آپ کے گھر کا پتہ ہی معلوم ہے۔ آپ کہاں کام کرتے ہیں یہ بھی ہم نہیں جانتے۔ ہم یہ بھی نہیں جانتے کہ آپ کو کیا پسند ہے، آپ انٹرنیٹ پر کیا تلاش کرتے رہتے ہیں اور نہ ہی ہم آپ کے GPS مقام ہی کو جمع کرتے ہیں۔ اس مواد میں سے کچھ کو بھی WhatsApp پر جمع کر کے ذخیرہ نہیں کیا جاتا، اور اس میں تبدیلی کرنے کا ہمارا کوئی ارادہ نہیں ہے۔

اگر Facebook کے ساتھ ساجھیداری کرنے کا مطلب ہمارے اصولوں میں تغیرات لانا ہوتا تو ہم یہ ساجھیداری کبھی نہ کرتے۔ بجائے اس کے، ہم ایسی ساجھیداری کر رہے ہیں جو ہمیں آزادانہ اور خود اختیاری طور پر کارروائی کرنے دیگی۔ ہمارے بنیادی اصول اور عقیدے میں کوئی بدلائو آنے والا نہیں ہے۔ ہمارے اخلاقی اصول بدلیںگے نہیں۔ ذاتی پیغام رسانی میں WhatsApp کو اولیت بخشنے والی ہر چیز اپنی جگہہ رہیگی۔ اس کے بر خلاف قیاس آرائی صرف بے اصل اور بے بنیاد ہی نہیں، بلکہ یہ غیر ذمہ دارانہ ہے۔ اس سے لوگوں کو ڈرایا جاتا ہے کہ اب ہم ایک دم سے مختلف طرح کا ڈیٹا جمع کرنے لگیںگے۔ یہ بالکل صحیح نہیں ہے، اور آپ کو اس کا پتہ ہونا ہمارے لیے بہت ضروری ہے۔

اس بات کو یاد رکھیں: Facebook کے ساتھ مستقبل میں ہونے والی ہماری ساجھیداری، ہمیں اس مقام تک لانے والی بصیرت کے ساتھ کبھی سمجھوتا نہیں کریگی۔ ہمارا مرکزِ نظر تو WhatsApp کو دور دور تک پہنچانے کے وعدے پر ہی ہے، تا کہ دنیا بھر میں لوگ بے خوف ہو کر اپنے خیالات کا اظہار کرنے کی آزادی حاصل کر سکیں۔

تقریباً پانچ سال پہلے ہم نے ایک سادہ سے منصبِ عملی کے ساتھ WhatsApp کی شروعات کی تھی: ایک اچھی سی صنعت ایسی جسے دنیا بھر میں ہر کوئی استعمال کرے۔ اور کچھ بھی ہمارے لیے اہم نہیں ہے۔

آج ہم Facebook کے ساتھ ہماری ساجھیداری کا اعلان کر رہے ہیں جو ہمیں اپنے اس سادہ سے منصبِ عملی پر جاری رہنے میں مدد کریگی۔ ایسا کرنے سے WhatsApp کو ترقی کرنے اور وسعت پذیری پانے کی قابلیت ملیگی، اور برائن کو، مجھے اور ہماری تمام ٹیم کو ممکن ہو سکے اتنی ایک تیز، سستی اور ذاتی ابلاغی خدمت بنانے پر دھیان دینے کے لیے مزید وقت ملیگا۔

آپ، ہمارے صارفین کے لیے یہ تبدیلیاں آئینگیں: کوئی نہیں۔

خود مختاری اور آزادی سے WhatsApp کار کردگی کرتا رہیگا۔ آپ نہ معلوم سی قیمت کے عوض اس خدمت کا مزہ لینا جاری رکھ سکتے ہیں۔ آپ دنیا میں کہیں بھی ہوں یا کسی بھی قسم کے ہشیار فون کا استعمال کر رہے ہوں، آپ WhatsApp کا استعمال جاری رکھ سکتے ہیں۔ اور آپ کے ابلاغ میں قطعاً کسی بھی اشتہار کی رکاوٹ نہ آنے پر یقین رکھ سکتے ہیں۔ ہماری کمپنی، ہماری نظریات، اور ہماری صنعت کا سمجھوتا کر کے اگر ایسا کرنا پڑتا، تو ہماری ان دو کمپنیوں کے بیچ ساجھےداری ہونا ممکن ہی نہیں تھا۔

ذاتی طور پر، برائن اور مجھے ایک ایسی چھوٹی سی ٹیم کا حصہ ہونے پر اس سے زیادہ ناز نہیں ہوتا، جنہوں نے صرف پانچ سالوں کے اندر ہی، ایک ایسی ابلاغی خدمت خلق کی جو اب دنیا بھر میں ۴۵۰ ارب ماہانہ سرگرم صارین اور ۳۲۰ ارب سے زیادہ روزانہ سرگرم صارفین کی معاونت کرتا ہے۔ انہوں نے ابلاغ رسانی کو ۲۱ صدی کے لیے نیا نام دینے اور اس میں انقلاب لانے میں مدد کی ہے، اور ہم ان کے ممنونِ احسان ہیں۔

ہماری ٹیم نے ہمیشہ یہ مانا ہے، کہ نہ قیمت اور نہ فاصلہ لوگوں کو اپنے دوستوں اور عزیزوں سے رابطہ کرنے سے روک پانا چاہیئے۔ ہم لوگ تب تک چین کی سانس نہ لینگے جب تک ہر ایک، ہر جگہہ اس موقع سے فائدہ نہ اٹھا لے۔ ہم ہمارے تمام صارفین اور ہماری زندگی میں آنے والے ہر کسی کا ہمارے اس سفر میں ساتھ نبھانے کا شکریہ ادا کرتے ہیں، جنہوں نے اس نئے باب کو ممکن بنایا ہے۔

ابھی کچھ ہی سال پہلے کی بات ہے، میرے دوست برائن اور میں،ایک پیغام رسانی کی خدمت خلق کرنے چلے تھے ،ایک ہی نقطۂ نظر کے ساتھ: صارف کے لیے ممکن ہو اتنا اچھا تجربہ۔ ہم نے شرط لگائی کہ اگر ہمارے انجینئروں کی ٹیم پیغام رسانی کو تیز، آسان، اور نجی بنا سکے، تو ہم لوگوں سے اس خدمت کے لیے براہ راست چارجز لے سکتے ہیں، بجائے بد مزہ بینر اشتہارات، کھیلوں کی تشہیر، یا دیگر دھیان بنٹانے والی ’’خصوصیات‘‘ جو کئی پیغام رسانی کے ایپس کے ساتھ موصول ہو تے ہیں۔

آج، فخر سے اعلان کرتے ہیں کہ آپ لوگوں کی وجہ سے، WhatsApp اک ایسے سنگ میل پر کھڑا ہے جس تلک کوئی اور پیغام رسانی کی خدمت نہیں پہنچ سکی: ۴۰۰ ملین ماہانا صارفین، ۱ کروڑ سرگرم صارفین کا صرف پچھلے چار مہینوں ہی میں شمار کیئے جانے کے ساتھ۔ یہ شمار صرف ان لوگوں کا ہی نہیں ہے جنہوں نے صرف WhatsApp پر اندراج ہی نہیں کیا - یہ شمار ان لوگوں کا ہے جو ہر مہینے اس خدمت پر سرگرمی کے ساتھ مصروف رہتے ہیں۔

اگر ہم یہ کہیں کہ یہ سب آپ ہی نے ممکن کیا ہے، تو ہم یہ سچ مانتے ہیں۔ صرف ۵۰ کاریگروں کے ساتھ WhatsApp میں بیشترانجینئرس ہی ہیں۔ ہم یہاں تک اشتہارات یا تجارتی مہم کی تشریح پر ایک ڈالر بھی خرچ کئے بغیر پہنچے ہیں۔ ہم یہاں اس لیے ان لوگوں کی وجہ سے ہیں جو اپنے قصوں کا ساتھیوں، دوستوں اور عزیزوں کے ساتھ اشتراک کرتے ہیں - قصے جنہیں سننا ہمیں بہت پسند ہے۔

اپنی PhD مکمل کرنے کو نیو زیلینڈ سے جنوبی افریقہ جانے والی ایک خاتون تھیں۔ گھر واپس جانے کے ایک ہفتے پہلے ہی اپنے خوابوں کے شاہزادے سے ان کی ملاقات ہوئی۔ اب ایک دوسرے سے ہزاروں میل کے فاصلے پر رہتے ہوئے بھی، ان خاتون کا کہنا ہے کہ WhatsApp نے ان دوریوں کا احساس کم کر دیا ہے۔

ہم سے ایک برطانوی خاتون نے بھی رابطہ کیا تھا، جو یوگانڈا میں کارِ رفاہی کرتی ہیں۔ انہوں نے ہمیں بتایا کہ ان کی ٹیم جن بچوں کی وہ خدمت کرتے ہیں ان کی روزانہ معلومات، تصاویر، اور ویڈیوز بھیجنے کے لیے WhatsApp کا استعمال کرتے ہیں، جنہیں دنیا بھر میں اپنی تنظیم کی تشہیر کے لیے وہ استعمال کرتی ہیں۔

بھارت میں ڈاٹرس WhatsApp کا استعمال کر کے، اپنے دل کے حملے کے مریزوں کو تیزی سے ان کے ایلیکٹرو کارڈیو گرام کی تصاویر بھیج کر قیمتی وقت اور زندگی بچا رہے ہیں۔ میڈرد کے پہاڑوں میں نجات دہندگان کھوئے ہوئے پیدل سیر کرنے والوں کو WhatsApp کا استعمال کر کے ڈھونڈتے ہیں۔ اور آج، جب میں یوکرین میں ہونے والی سیاسی مشکلات پر نگاہ کرتا ہوں، وہ جگہ جہاں میں پیدا ہوا اور سولہ برس کی عمر تک رہا، بے اختیار میرے دل میں امید ہوتی ہے کہ WhatsApp کی اگلی غیر معمولی کہانی، وہاں کے لوگوں کے اس خدمت کو اپنے بے باک طور پر اظہار خیال کرنے اور اپنے بنیادی حقوق کے لیے لڑنے کے بارے میں ہو۔

ہمارا WhatsApp کو بنانے میں عین ارادہ لوگوں کو ٹیکنالجی اور مواصلات کے ذریعے قادر بنانا تھا، خواہ وہ جو بھی ہوں ، یا جہاں بھی رہیں۔ ہم لوگوں کی زندگی کو بہتر بنانا چاہتے تھے، چاہے معمولی طور پر ہی۔ اسی لیے یہ سب ممکن کرنے کے لیے آپ کا شکریہ۔ شکریہ، اپنے قصوں کا اشتراک کرنے کا، اور براہ کرم، انہیں بھیجنا جاری رکھیں - ہم بڑے بے تاب ہیں، یہ جاننے کے لیے کہ اب آپ WhatsApp کا کیسے استعمال کریںگے۔

ہم WhatsApp میں بہت سارا وقت تعلق قائم رکھنے میں آسانیاں تلاش کرنے میں بتاتے ہیں، اور ہم جانتے ہیں کہ اپنے کسی دوست یا کسی رشتے دار کی آواز سننے کا کوئی بدل نہیں ہے۔ اسی لیے، ہم ایسی ایک نئی خصوصیت کو پیش کر رہے ہیں، جسے لے کر ہمیں بڑا اشتیاق ہے: صوتی پیغام رسانی۔

ہم صوتی پیغامات کو اپنے تمام پلیٹفارمس پر بیَک وقت جاری کر رہے ہیں۔ ہم نے iPhone اور Android آلات پر صوتی پیغامات کی خصوصیت کے خوبی کے ساتھ کام کر پانے کے لیے خوب محنت کی ہے، اور BlackBerry، ،Nokia اور Windows Phone کے صارفین کے لیے اسی صوتی پیغام رسانی کے بھرپور اور ذوردار تجربے کو ممکن بنانے کے لیے مزید کوششیں کی ہیں۔

صوتی پیغام کے متعلق مزید معلومات اور یہ کیسے کام کرتے ہیں، یہ جاننے کے لیے ہماری بنائی اس ویڈیو کو دیکھیں:

اپنے مخصوص فون پر صوتی پیغامات کے متعلق مزید معلومات حاصل کرنے کے لیے، اس بارے میں موجود ہمارے متواتر پوچھے جانے والے سوالات میں سے آپ ہماری اینٹری کو بھی پڑھ سکتے ہیں:

http://www.whatsapp.com/faq/link/voice_messaging.php

ہمیں امید ہے کہ جتنا ہمیں اسے بنانے میں مزہ آیا اتنا ہی آپ بھی صوتی پیغامات کا مزہ لیںگے۔