WhatsApp एका सरळसाध्या संकल्पनेवर आधारलेले आहे: तुम्ही तुमच्या मित्रमैत्रिणींसोबत आणि कुटुंबीयांसोबत जे काही शेअर करता, ते फक्त तुम्ही आणि तुम्ही ज्यांच्यासोबत शेअर करता आहात ती व्यक्ती यांच्यातच राहते. पाच वर्षांपूर्वी, आम्ही डिफॉल्टपणे एन्ड-टू-एन्ड एन्क्रिप्शन समाविष्ट केले, जे आता एका दिवसात 2 अब्ज वापरकर्त्यांदरम्यान केले जाणारे 100 अब्ज मेसेजेस सुरक्षित करते.

तुम्ही पाठवत आणि प्राप्त करत असलेले एन्ड-टू-एन्ड एन्क्रिप्शनने सुरक्षित केलेले मेसेजेस तुमच्या डिव्हाइसवर स्टोअर केले जात असल्याने, अनेक लोकांना जर त्यांचा फोन हरवला, तर त्यांच्या चॅट्सचा बॅकअप घेण्याचा मार्ग देखील हवा आहे. आजपासून, Google ड्राइव्ह किंवा iCloud वर स्टोअर केलेले बॅकअप्स एन्ड-टू-एन्ड एन्क्रिप्शनने सुरक्षित करण्यासाठी आम्ही अतिरिक्त, पर्यायी सुरक्षा स्तर उपलब्ध करून देत आहोत. इतर कोणतीही ग्लोबल मेसेजिंग सर्व्हिस त्यांच्या वापरकर्त्यांच्या मेसेजेस, मीडिया, व्हॉइस मेसेजेस, व्हिडिओ कॉल आणि चॅट बॅकअप्ससाठी अशा प्रकारची सुरक्षा प्रदान करत नाही.

तुम्ही आता तुम्हाला हव्या असलेल्या पासवर्ड द्वारे किंवा फक्त तुम्हाला माहीत असलेल्या 64-अंकी एन्क्रिप्शन की द्वारे तुमचे एन्ड-टू-एन्ड एन्क्रिप्शनने संरक्षित केलेले बॅकअप सुरक्षित करू शकता. WhatsApp किंवा बॅकअप सर्व्हिस पुरवठादार दोन्हींपैकी कोणीही तुमचे बॅकअप्स वाचू शकणार नाही किंवा ते अनलॉक करण्यासाठी आवश्यक असलेली की ॲक्सेस करू शकणार नाही.

आमच्या 2 अब्जपेक्षा जास्त वापरकर्ते, लोकांना त्यांच्या गोपनीयतेचे संरक्षण करण्यासाठी आणखी मार्ग उपलब्ध करून देण्यास आम्ही उत्सुक आहोत. WhatsApp च्या नवीनतम आवृत्तीसह आम्ही हळूहळू हे फीचर सादर करत आहोत. तुम्ही iOS आणि Android वर एन्ड-टू-एन्ड एन्क्रिप्शनसह तुमचे चॅट बॅकअप्स कसे सुरक्षित करू शकता याविषयीच्या अधिक माहितीसाठी येथे जा आणि आम्ही ते कसे तयार केले आहे याविषयीच्या अधिक माहितीसाठी येथे जा.

तुमचे WhatsApp मेसेजेस हे फक्त तुमचे असतात. म्हणूनच तुमचे वैयक्तिक WhatsApp मेसेजेस एन्ड-टू-एन्ड एन्क्रिप्शनने सुरक्षित केले जातात आणि आम्ही त्यांना तुमच्या चॅट्समधून आपोआप नाहीसे करण्याचे मार्गही प्रदान करतो.

अजून एका फीचरची मागणी आमच्याकडे सतत करण्यात आली, ती म्हणजे फोन बदलल्यावर आपले पूर्वीचे चॅट एका ऑपरेटिंग सिस्टमवरून दुसऱ्यावर ट्रान्सफर करता येणे. आम्ही हे सुरक्षित आणि विश्वासार्ह पद्धतीने शक्य करण्यासाठी ऑपरेटिंग सिस्टम आणि डिव्हाइस निर्मात्यांसोबत अथक प्रयत्न करत आहोत.

तुमचे WhatsApp वरील पूर्वीचे चॅट iOS वरून Android वर हलवता येणे उपलब्ध करून देण्यास आम्हाला अत्यंत आनंद होत आहे. असे करताना तुमचे मेसेजेस WhatsApp ला पाठवले जात नाहीत आणि यामध्ये व्हॉइस मेसेजेस, फोटोज आणि व्हिडिओज या सर्वांचा समावेश आहे. सध्या हे वैशिष्ट्य Android १० किंवा त्याहून वर चालणाऱ्या कोणत्याही Samsung डिव्हाइसवर उपलब्ध आहे, आणि लवकरच इतर Android डिव्हाइसेसवर देखील उपलब्ध होईल.

जेव्हा तुम्ही नवीन डिव्हाइस सेट अप कराल तेव्हा तुम्हाला तुमचे WhatsApp वरील पूर्वीचे चॅट तुमच्या जुन्या डिव्हाइसवरून नवीन डिव्हाइसवर सुरक्षितरीत्या ट्रान्सफर करण्याचा पर्याय मिळेल. या प्रक्रियेसाठी USB-C टू Lightning केबलची गरज असेल. अधिक माहिती येथे उपलब्ध आहे.

ही केवळ एक सुरुवात आहे. आम्ही अधिक लोकांना त्यांच्या आवडत्या प्लॅटफॉर्म्सवर स्विच करून आपले चॅट्स सुरक्षितपणे सोबत नेण्याचा पर्याय उपलब्ध करून देण्यासाठी उत्सुक आहोत.

आपल्या फोनवर फोटोज किंवा व्हिडिओज घेणे हे आपल्या आयुष्याचा फार मोठा भाग बनले आहे, पण आपण सामायिक केलेल्या सर्वच गोष्टी कायम स्वरूपी डिजिटल रेकॉर्ड बनून राहिल्या पाहिजेत असं नाही. काही फोन्सच्या बाबतीत, साधा फोटो घेण्याचा अर्थसुद्धा कॅमेरा रोलवर कायमची स्पेस घेणे असा होतो.

म्हणूनच आम्ही उघडल्यानंतर चॅट मधून नाहीसे होतील असे 'एकदाच पहा फोटोज आणि व्हिडिओज' हे फीचर आज उपलब्ध करून देत आहोत, ज्यामुळे वापरकर्त्यांना त्यांच्या गोपनीयतेवर अधिक नियंत्रण मिळेल.

उदाहरणार्थ, तुम्ही विकत घेण्यापूर्वी दुकानात घालून बघितलेल्या कपड्यातील फोटो किंवा क्षणभरात दिलेली त्वरित प्रतिक्रिया अथवा वाय-फाय पासवर्डसारखी संवेदनशील माहिती एकदाच पाहण्यासाठी पाठवली असेल.

WhatsApp वर पाठवलेल्या सर्वच वैयक्तिक मेसेजेसप्रमाणे, एकदाच पहा मीडिया एन्ड-टू-एन्ड एन्क्रिप्शनने सुरक्षित केलेला आहे म्हणून WhatsApp तो पाहू शकत नाही. हे नवीन "एक-वेळ" आयकॉनने स्पष्टपणे चिन्हांकित केलेले असतील.

मीडिया बघितला गेल्यानंतर, चॅटमध्ये त्यावेळी काय होत होते याबाबत कोणताही संभ्रम टाळण्यासाठी, मेसेज "उघडला" असा दिसू लागेल.

या आठवड्याच्या सुरुवातीला आम्ही हे फीचर सर्वांना उपलब्ध करून देत आहोत आणि वैयक्तिक आणि नाहीसा होणारा मीडिया पाठविण्याच्या या नवीन मार्गाबद्दलचा तुमचा अभिप्राय जाणून घेण्यास उत्सुक आहोत.

हे कसे वापरून पाहायचे याविषयी अधिक माहिती इथे मिळवा.

आपल्यापैकी अनेकजण सध्या एकमेकांपासून दूर असताना ग्रुप कॉलवर मित्र आणि कुटुंबासोबत एकत्र येण्यासारखे दुसरे काहीच चांगले नाही, आणि असा एखादा खास क्षण मिस होणे यापेक्षा वाईट काही नाही.

ग्रुप कॉल अधिकाधिक लोकप्रिय होत असताना, एन्ड-टू-एन्ड एन्क्रिप्शनची सुरक्षा आणि गोपनीयता कायम राखून आम्ही आमच्या वापरकर्त्यांसाठी हा अनुभव सुधारण्यावर काम करत आहोत.

आज आम्ही घेऊन आलो आहोत ग्रुप कॉल सुरू झाल्यावर देखील त्यात सामील होण्याची क्षमता. हे फीचर ग्रुप कॉल सुरु झाल्यानंतर त्यात सामील होण्याचे काम कमी करून WhatsApp वरील ग्रुप कॉलिंगला प्रत्यक्षात भेटण्यासारखे उत्स्फूर्त आणि सोपे बनवते.

काही सर्वोत्तम संवाद अनपेक्षितपणेच घडतात. आता, जर तुमच्या ग्रुपमधल्या एखाद्या व्यक्तीकडून फोन वाजल्यानंतर कॉल मिस झाला तर ते नंतर त्यांना हवे तेव्हा त्या कॉलमध्ये सामील होऊ शकतात. तुम्ही कॉल सुरू असेपर्यंत त्यातून बाहेर पडू शकता आणि पुन्हा सामील ही होऊ शकता.

आम्ही एक कॉल माहिती स्क्रीन देखील तयार केला आहे जेणेकरून कॉलमध्ये कोण सामील झाले आहे, तसेच कोणाला आमंत्रण दिले गेले आहे पण अजून सामील झालेले नाहीत, हे तुम्हाला पाहता येईल. आणि जर तुम्ही 'दुर्लक्ष करा' निवडले तर नंतर WhatsApp मधील कॉल्स टॅबमधून तुम्ही सामील होऊ शकता.

हे फीचर आजपासून उपलब्ध होणार असून लोक या नवीन अनुभवाचा पुरेपूर आनंद घेऊ शकतील अशी आम्ही आशा करतो.

हे कसे वापरून पाहायचे याविषयी इथे अधिक माहिती मिळवा.

We’re honored by the opportunity to support the U.S. government’s sprint to get more Americans vaccinated for COVID-19 before the July 4 holiday, or as soon as they are able to do so.

People of all backgrounds rely on WhatsApp, though we know WhatsApp plays a particularly strong role with Spanish speaking communities in the United States. This new Spanish-language vaccine finder the CDC developed makes it easy to find a location to get the shot, order a free ride to get there, and get information.

It’s amazing what can be done with just a simple text messaging service. Throughout the last year we’ve worked with over 150 governments and health organizations, like WHO and now the CDC, to help counter misinformation, provide updates, and get people vaccinated to end this pandemic. Please help us spread the word to someone you know by tapping https://wa.me/18336361122?text=hola.

Localizador de vacunas de los CDC en WhatsApp disponible en español

Es un honor para nosotros tener la oportunidad de apoyar al gobierno de Estados Unidos en su carrera por lograr que una mayor parte de la ciudadanía se vacune contra el COVID-19 antes de la celebración del 4 de julio, o tan pronto como les sea posible.

Si bien personas de todos los orígenes confían en WhatsApp, sabemos que esta aplicación juega un papel particularmente importante en la comunidad hispanohablante de Estados Unidos. Con el nuevo localizador de vacunas que desarrollaron los Centros para el Control y la Prevención de Enfermedades (CDC, por sus siglas en inglés) y que está disponible en español, será más fácil buscar un lugar donde vacunarse, solicitar un traslado gratuito al centro de vacunación y recibir información.

Es increíble lo que se puede lograr con un simple servicio de mensajería de texto. Durante el último año, trabajamos con más de 150 gobiernos y organizaciones de salud, como la Organización Mundial de la Salud (OMS) y ahora los CDC, para ayudar a contrarrestar la desinformación, ofrecer actualizaciones y lograr que las personas se vacunen para terminar con esta pandemia. Por favor, visita el siguiente enlace y ayúdanos a difundir el mensaje entre tus contactos: https://wa.me/18336361122?text=hola.

WhatsApp वर बिझनेसशी चॅट करण्याकडे अधिक लोक वळत असल्यामुळे आम्ही आज F8 रिफ्रेश वर WhatsApp Business API साठी अपडेट्स जाहीर करणार आहोत, ज्यामुळे बिझनेसना सुरुवात करणे अधिक जलद आणि लोकांना या बिझनेसशी चॅट करणे अधिक सोपे होईल.

WhatsApp वर अधिक जलदपणे सुरुवात करा

बिझनेसना पूर्णपणे सुरळीत सुरू होण्यासाठी लागणारा वेळ आम्ही आठवड्यांवरून केवळ पाच मिनिटांवर आणला आहे. एखाद्या बिझनेसला भविष्यात बिझनेस सोल्यूशन प्रोव्हायडरसोबत काम करायचे असेल किंवा थेट Facebook कडून मदत घ्यायची असेल, या सुधारणांमुळे मध्यम आणि मोठ्या बिझनेसना WhatsApp वर ग्राहकांशी संभाषण करणे सोपे जाईल.

बिझनेसकडून अतिरिक्त माहिती मिळवा

अनेक बिझनेस आता WhatsApp वर येत असल्यामुळे, बिझनेस त्यांच्या ग्राहकांशी संवाद कसा साधू शकतील हे आम्ही सुधारत आहोत. उदाहरणार्थ, बिझनेसना बरेचदा केवळ समयोचित नोटिफिकेशन्स पाठवण्याची मर्यादा होती, ज्यामुळे २४ तासांचा कालावधी संपल्यानंतर त्यांना आपल्या ग्राहकांशी पाठपुरावा करणे कठीण जात असे. तर आता आम्ही अधिक प्रकारच्या मेसेजेसना सपोर्ट करू -- उदा., एखादा आयटम परत साठ्यात असल्याची लोकांना माहिती व्हावी. आम्ही हेदेखील पाहिले आहे की या महामारीला प्रतिसाद देण्यासंबंधी आरोग्य अधिकार्‍यांचे नियमित अपडेट्स किती उपयुक्त आहेत आणि आम्हाला अशाप्रकारची सर्व्हिस अधिक प्रकारच्या संभाषणांसाठी उपलब्ध करायची आहे.

बिझनेसना नवीन पद्धतींनी प्रतिसाद द्या

आम्ही काही नवीन मेसेजिंग फीचर्सदेखील बाजारात आणत आहोत ज्यामुळे लोकांना बिझनेस अधिक जलद होण्यास मदत होईल. नवीन लिस्ट मेसेजेस १० पर्यायांचा मेनू सादर करतात जेणेकरून आता लोकांना त्यांचा प्रतिसाद टाइप करण्याची आवश्यकता नाही. रिप्लाय करा बटण, लोकांना फक्त एका टॅपने तीन पर्यायांपैकी चटकन निवड करायला अनुमती देते जे बिझनेसने त्यांच्या WhatsApp Business API खात्याद्वारे वेळेआधीच सेट केलेले असू शकतात.

नेहमीप्रमाणेच, लोकांकडे त्यांच्या चॅट्सचे नियंत्रण राहील. पण लोकांना अजूनही WhatsApp द्वारे एखादे संभाषण सुरू करण्यासाठी किंवा एखाद्या बिझनेसला त्यांच्याशी संपर्क साधण्याची विनंती करावी लागेल. या अपडेट्ससह, जर लोकांकडे एखाद्या बिझनेसला ब्लॉक करण्याचे कारण असेल तर लोकांसाठी त्यांच्या अनुभवाबद्दल सविस्तर अभिप्राय देण्याचे नवीन मार्गदेखील आम्ही प्रदान करत आहोत.

लोकांना आणि बिझनेसना एकमेकांशी जोडले जाण्याचा अत्यंत सोयीस्कर आणि वैयक्तिक मार्ग WhatsApp असावा अशी आमची इच्छा आहे, आणि बिझनेस मेसेजिंग सुधारण्यासाठी आम्ही तयार करत असलेल्या या नवीन अनुभवांसाठी आम्ही उत्सुक आहोत.

WhatsApp अभिमानाने जागतिक आरोग्य संघटना (डब्ल्यूएचओ) सोबत "Vaccines for All" (सर्वांसाठी लस) नावाच्या एका नवीन स्टिकर संग्रहाची घोषणा करत आहे. आम्हाला आशा आहे की हे स्टिकर्स लोकांना कोविड-१९ लसींमुळे निर्माण झालेल्या शक्यातांबद्दल आनंद, दिलासा आणि आशा खाजगीत एकमेकांसोबत व्यक्त करण्यासाठी तसेच या प्रदीर्घ आणि कठीण काळात जीवनरक्षक म्हणून कार्य करणार्‍या आरोग्यकर्मींप्रति कृतज्ञता व्यक्त करण्याचा एक रंजक आणि सर्जनशील मार्ग उपलब्ध करून देतील.

या महामारीच्या सुरुवातीपासूनच आम्ही १५० हून अधिक राष्ट्रीय, राज्य आणि स्थानिक सरकारांसोबत तसेच डब्ल्यूएचओ आणि युनिसेफ यांसारख्या संस्थांसोबत आमच्या २ अब्जांहून अधिक वापरकर्त्यांना अचूक माहिती आणि संसाधनांशी जोडण्यासाठी कोविड-१९ हेल्पलाइन्सबाबत भागीदारी केली आहे. या जागतिक हेल्पलाइन्सद्वारे गेल्या वर्षभरात ३ अब्जांपेक्षा अधिक मेसेजेस पाठवले गेले आहेत.

या महामारीने अनेक देशांमध्ये एका नवीन टप्प्यात प्रवेश केला असताना इंडोनेशिया, दक्षिण आफ्रिका, अर्जेंटिना, ब्राझिल आणि भारत या देशांमधील सरकार या हेल्पलाइन्सच्या मदतीने नागरिकांना खाजगीपणे लसीची अचूक माहिती आणि नोंदणी यांच्याशी जोडत आहेत. इंडोनेशियामध्ये या सर्व्हिसद्वारे पहिल्या ५ दिवसांमध्येच ५००,००० वैद्यकीय कर्मचार्‍यांनी लस घेण्यासाठी नोंदणी केली.

आम्ही, सरकार आणि आंतरराष्ट्रीय संस्थांना जगभरातील शक्य तितक्या जास्तीत जास्त लोकांना, खासकरून दूरस्थ भागात राहणारे लोक आणि उपेक्षित गटांना लसीची माहिती आणि सर्व्हिसेसशी जोडण्यास मदत करू इच्छितो. आम्ही आमच्या WhatsApp Business API द्वारे पाठवण्यात येणार्‍या मेसेजेसमधून प्राप्त होणारे शुल्कदेखील माफ केले आहे.

काही देशांमध्ये वैयक्तिकरित्या एकत्र येण्याकडे आमची वाटचाल हळूहळू सुरू असताना, आम्ही आशा करतो की लोक त्यांचे खाजगी विचार व अनुभव - आणि आशा - त्यांचे कुटुंब आणि मित्रमैत्रिणींसोबत WhatsApp वर शेअर करणे असेच पुढे चालू ठेवतील.

"Vaccines for All" (सर्वांसाठी लस) हा स्टिकर संग्रह आता WhatsApp मध्ये उपलब्ध आहे.

आम्हाला हे सांगताना अतिशय आनंद होत आहे की, आता WhatsApp च्या डेस्कटॉप ॲपवरून सुरक्षित आणि गोपनीय वन-टू-वन व्हॉइस आणि व्हिडिओ कॉल करण्याची सुविधा उपलब्ध करून देण्यात आली आहे.

गेल्या वर्षभरात WhatsApp वरून व्हॉइस आणि व्हिडिओ कॉल करणाऱ्या वापरकर्त्यांची संख्या वाढली आहे असे आम्हाला दिसले. हे कॉल्स अनेकदा प्रदीर्घ होते असेही आमच्या लक्षात आले. नववर्षाच्या पूर्वसंध्येला तर एकाच दिवसात विक्रमी १.४ अब्ज व्हॉइस आणि व्हिडिओ कॉल्स करण्यात आले होते. अनेक लोक आपल्या कुटुंबापासून, प्रियजनांपासून दूर आहेत, कामाच्या नव्या पद्धतीशी जुळवून घ्यायचा प्रयत्न करत आहेत हे आम्ही जाणतो. तुम्ही जगभरात कुठेही असा, कोणतेही डिव्हाइस वापरत असा, तुम्हाला तुमची संभाषणे समोरासमोर होणाऱ्या संभाषणांइतकीच जवळची वाटावी असे WhatsApp ला वाटते.

हे कॉल्स मोठ्या स्क्रीनवर करता आले तर काम करणे, सहकाऱ्यांशी बोलणे सोपे होते, तसेच तुमच्या कुटुंबीयांना मोठ्या स्क्रीनवर स्पष्टपणे पाहता येते. शिवाय, कॉलवर बोलण्यासाठी हाताची गरज लागत नसल्याने बोलता बोलता रूममध्ये फिरताही येते. डेस्कटॉप कॉलिंग अधिक उपयुक्त ठरावे यासाठी आम्ही ते पोर्ट्रेट आणि लॅंडस्केप अशा दोन्ही मोडमध्ये काम करेल याची खात्री केली आहे. कॉलिंग विंडो ही तुमच्या कॉंप्युटर स्क्रीनवर एका स्टॅंडअलोन, आकार कमीजास्त करता येणाऱ्या विंडोच्या स्वरूपात सर्वात वर दिसत असल्याने ब्राउझर टॅबमध्ये किंवा सुरू असलेल्या इतर विंडोजमध्ये तुमचे व्हिडिओ चॅट हरवून जाणार नाही याचीही खात्री करण्यात आली आहे.

WhatsApp वरील व्हॉइस आणि व्हिडिओ कॉल्स एन्ड-टू-एन्ड एन्क्रिप्शनने सुरक्षित असतात. तुम्ही तुमच्या फोनवरून कॉल करा किंवा कॉंप्युटरवरून, WhatsApp हे कॉल्स ऐकू किंवा पाहू शकत नाही. तुम्हाला अतिशय विश्वसनीय आणि उच्च दर्जाचा कॉलिंग अनुभव मिळावा यासाठी आम्ही WhatsApp डेस्कटॉप ॲपवर सर्वप्रथम वन-टू-वन कॉल्सची सुविधा उपलब्ध करून देणार आहोत. कालांतराने, आम्ही या फीचरमध्ये ग्रुप व्हॉइस आणि व्हिडिओ कॉलिंगची सुविधाही समाविष्ट करणार आहोत.

लोकांना त्यांच्या कुटुंबासोबत व प्रियजनांसोबत सुरक्षित आणि गोपनीय कॉलिंगचा अनुभव आवडेल अशी आशा वाटते. Windows पीसीवर किंवा Mac वर डेस्कटॉप ॲप कसे डाउनलोड करावे याबद्दल आणि अधिक माहिती मिळवण्यासाठी हा लेख पहा.

आम्ही WhatsApp वापरकर्त्यांना आमच्या सेवाशर्ती आणि गोपनीयता धोरणाचे पुनरावलोकन कशा प्रकारे करायला सांगणार आहोत याबद्दलची अपडेट केलेली माहिती आज देणार आहोत. यापूर्वी या अपडेटविषयी अनेक तर्कवितर्क लढवण्यात आले, त्यामुळे अनेक गैरसमज पसरले आणि हे गैरसमज दूर करण्यासाठी आम्ही अजूनही अविश्रांत काम करत आहोत.

आम्ही तुम्हाला आठवण करून देऊ इच्छितो की, या अपडेटमधून आम्ही एखाद्या बिझनेससोबत चॅट किंवा शॉपिंग करण्याच्या नवीन मार्गांची माहिती देत आहोत. कृपया लक्षात घ्या, की एखाद्या बिझनेससोबत संभाषण करावे की नाही ही निवड पूर्णपणे तुमची आहे. तुमच्या वैयक्तिक मेसेजेसना WhatsApp च्या एन्ड-टू-एन्ड एन्क्रिप्शनचे संरक्षण लाभलेले आहे आणि त्यामुळेच, WhatsApp तुमचे वैयक्तिक मेसेजेस वाचू किंवा ऐकू शकत नाही.

हे आम्ही अधिक चांगल्या प्रकारे कसे हाताळू शकलो असतो, यावर आम्ही गांभीर्याने विचार केला आहे. आम्ही नेहमीच एन्ड-टू-एन्ड एन्क्रिप्शनचा पुरस्कार केला आहे हे आमच्या वापरकर्त्यांना कळावे अशी आमची इच्छा आहे आणि त्यातून वापरकर्त्यांचे खाजगीपण व सुरक्षितता जपणे हेच आमचे ध्येय असते यावर वापरकर्त्यांनी विश्वास ठेवावा. यामुळेच आम्ही 'स्टेटस' फीचरच्या मदतीने आमची मूल्ये थेट WhatsApp मधूनच आमच्या वापरकर्त्यांपर्यंत पोहोचवत आहोत. आमचे म्हणणे लोकांपर्यंत पोहोचवण्यासाठी आम्ही अजून प्रयत्न करणार आहोत.

येत्या काही आठवड्यांमध्ये आम्ही WhatsApp मध्ये एक बॅनर दाखवणार आहोत. हे बॅनर लोकांना आणखी माहिती देईल आणि लोकांना ती माहिती त्यांच्या सोयीने वाचता येईल. या अपडेटविषयी असलेल्या प्रश्नांना उत्तरे देता यावीत यासाठी आम्ही आणखी माहितीही समाविष्ट केली आहे. कालांतराने, आम्ही लोकांना हे अपडेट्स स्वीकारण्याची आठवण करून देऊ, जेणेकरून त्यांना WhatsApp अव्याहत वापरता यावे.

आम्ही WhatsApp ची सेवा पूर्णपणे मोफत कशी देऊ शकतो हेदेखील लोकांना कळणे अतिशय महत्त्वाचे आहे असे आम्हाला वाटते. दर दिवशी जगभरातील करोडो लोक WhatsApp वरील बिझनेसेसशी संपर्क साधतात व त्यांच्याशी संभाषण करतात. बिझनेसला कॉल करण्यापेक्षा किंवा ईमेल्स पाठवण्यापेक्षा त्यांना WhatsApp वर चॅट करणे जास्त सोपे वाटते. या बिझनेसेसना त्यांच्या ग्राहकांना WhatsApp वर सर्व्हिस देता यावी यासाठी आम्ही त्या बिझनेसकडून शुल्क आकारतो, लोकांकडून नाही. बिझनेसेसना अनेक अ‍ॅप्सवर त्यांची प्रॉडक्ट्स आणि सर्व्हिसेस व्यवस्थापित करता याव्यात यासाठी काही शॉपिंगविषयक फीचर्समध्ये Facebook चा वापर केला जातो. बिझनेससोबत संभाषण करायचे की नाही हे वापरकर्त्यांना ठरवता यावे यासाठी आम्ही थेट WhatsApp वर आणखी माहिती उपलब्ध करून देणार आहोत.

हे सर्व होत असताना काही लोक इतर अ‍ॅप्स वापरून पाहाण्याचा विचार करत आहेत आणि आम्ही ते समजू शकतो. काही अ‍ॅप्स असा दावा करत आहेत की, ते लोकांचे मेसेजेस पाहू शकत नाहीत. कृपया लक्षात घ्या, एखादे अ‍ॅप एन्ड-टू-एन्ड एन्क्रिप्शनचे संरक्षण देत नसेल, तर त्याचा अर्थ ते अ‍ॅप तुमचे मेसेजेस वाचू शकते असा होतो. काही अ‍ॅप्स असेही म्हणत आहेत की, WhastApp कडे वापरकर्त्यांची जितकी माहिती असते त्यापेक्षा कमी माहिती त्यांच्याकडे असते. लोकांना विश्वसनीय आणि सुरक्षित अ‍ॅप हवे आहे असे आम्हाला वाटते, त्यासाठी WhatsApp कडे अतिशय मर्यादित डेटा असणे गरजेचे असले तरीही. आम्ही कोणत्याही निर्णयाचा सखोल विचार करण्यावर भर देतो आणि आम्ही याहीपेक्षा कमी माहितीसह ही जबाबदारी पेलण्याचा प्रयत्न करणार आहोत.

लोकांच्या शंकांचे निराकरण करण्यास आम्हाला मदत करणाऱ्या आणि उत्तरे देण्यासाठी हजर राहिलेल्या सर्वांचे मनापासून आभार! २०२१ मध्ये अनेक नव्या गोष्टी खुणावत आहेत आणि येत्या काही आठवड्यांमध्ये, महिन्यांमध्ये त्या शेअर करण्यास आम्ही अतिशय उत्सुक आहोत.

आमच्या अलीकडील अपडेटविषयी अनेक तर्कवितर्क लढवले जात आहेत आणि या अपडेटविषयी लोकांच्या मनात खूप संभ्रम आहे असे आमच्या लक्षात आले आहे. यामुळे खूप गैरसमज पसरलेले आहेत आणि हे चित्र चिंताजनक आहे. त्यामुळेच, आम्ही आमची तत्त्वे आणि काही तथ्ये लोकांना पुन्हा एकदा समजवून देऊ इच्छितो.

WhatsApp एका सरळसाध्या संकल्पनेवर आधारलेले आहे: तुम्ही तुमच्या कुटुंबीयांसोबत आणि प्रियजनांसोबत जे काही शेअर करता, ते फक्त तुम्ही आणि तुम्ही ज्यांच्यासोबत शेअर करता आहात ती व्यक्ती यांच्यातच खाजगी राहते. याचाच अर्थ आम्ही तुमची वैयक्तिक संभाषणे नेहमी एन्ड-टू-एन्ड एन्क्रिप्शनने सुरक्षित करतो. ही वैयक्तिक संभाषणे कोणीही, अगदी WhatsApp किंवा Facebook देखील वाचू शकत नाही. त्यामुळेच, कोण कोणाला मेसेज किंवा कॉल करते आहे याचे लॉग्स आम्ही ठेवत नाही. तुम्ही तुमचे लोकेशन शेअर केले असेल तर आम्ही तेदेखील पाहू शकत नाही. आम्ही तुमचे संपर्क Facebook सोबत शेअर करत नाही.

अलीकडील अपडेटमुळे यातल्या कशातही काहीही बदल होणार नाही. उलट या अपडेटमध्ये WhatsApp वरील एखाद्या बिझनेसला मेसेज करायचा असल्यास लोकांना वापरावे लागतील असे नवीन पर्याय समाविष्ट करण्यात आले आहेत. तुम्ही हे पर्याय वापरल्यास आम्ही कशाप्रकारे डेटा गोळा करू शकतो अथवा वापरू शकतो याबद्दलही स्पष्टीकरण देण्यात आले आहे. आज जरी प्रत्येक व्यक्ती WhatsApp वरील बिझनेसवर शॉपिंग करत नसली तरी, भविष्यात बरेच लोक हे पर्याय वापरण्याचा विचार करू शकतील, आणि त्यामुळेच या सर्व्हिसेसविषयी लोकांना माहीत असणे आवश्यक आहे असे आम्हाला वाटते. या अपडेटमुळे Facebook सह डेटा शेअर करण्याची आमची क्षमता वाढत नाही.

या सर्व पार्श्वभूमीवर आम्ही अपडेटमधील अटी वाचून मान्य करण्यासाठी लोकांना दिलेली मुदत वाढवत आहोत. ८ फेब्रुवारीला कोणाचेही खाते सस्पेंड होणार नाही किंवा डिलीट केले जाणार नाही. 'WhatsApp वरील गोपनीयता आणि सुरक्षा' याविषयी लोकांमध्ये असलेले गैरसमज दूर करण्यासाठी आम्हाला अजून बरेच काम करायचे आहे. बिझनेसशी होणाऱ्या संभाषणांशी निगडीत नवे पर्याय १५ मे ला उपलब्ध होतील, तोपर्यंत लोकांना या अपडेटबद्दल विचार करण्याचा वेळ देण्याचे आम्ही ठरवले आहे.

WhatsApp ने जगभरातील लोकांच्या संभाषणांना एन्ड-टू-एन्ड एन्क्रिप्शनची सुरक्षा देऊ केली आणि ही सुरक्षा आम्ही आज, उद्या, केव्हाही काढून घेणार नाही. ती कायम ठेवण्यासाठी आम्ही वचनबद्ध आहोत. या अपडेटबद्दल स्पष्टीकरण मागण्यासाठी आमच्याशी संपर्क साधणाऱ्या, लोकांना तथ्ये समजावून सांगण्यात आणि त्यांचे गैरसमज दूर करण्यात मदत करणाऱ्या सर्व लोकांचे खूप खूप आभार. WhatsApp ला खाजगी आणि वैयक्तिक संभाषणांचे सर्वोत्तम माध्यम बनवण्यासाठी आम्ही प्रयत्नांची शर्थ करू.