Over the last few months, we've added new features that improve the groups experience. Some of these include group descriptions, a catch up feature, and protection for people who are being added repeatedly to groups they've left.

Today, we're launching a new group setting where only admins are able to send messages to a group. One way people use groups is to receive important announcements and information, including parents and teachers at schools, community centers, and non-profit organizations. We've introduced this new setting so admins can have better tools for these use cases.

To enable this setting, open “Group Info,” tap Group Settings > Send Messages and select “Only Admins.” This setting is rolling out to all users around the world on the latest supported versions of the app.

Groups have been an important part of the WhatsApp experience, whether it's family members connecting across the globe or childhood friends staying in touch over the years. There are also people coming together in groups on WhatsApp like new parents looking for support, students organizing study sessions, and even city leaders coordinating relief efforts after natural disasters. Today, we're sharing improvements that we've made to groups.

What's New

• Group description: A short blurb found under group info that allows you to set the purpose, guidelines, or topics for the group. When a new person joins a group, the description will show up at the top of the chat.
• Admin controls: In group settings, there's now a control that allows admins to restrict who can change the group's subject, icon, and description.
• Group catch up: When you've been away from a group chat, quickly catch up on messages that mention or reply to you by tapping on a new @ button that appears at the bottom right corner of the chat.
• Participant search: Find anyone in a group by searching for participants on the group info page.
• Admins can now remove admin permissions of other group participants, and group creators can no longer be removed from the group they started.

We've also introduced protection so users can't be repeatedly added to groups they've left. These features are available for Android and iPhone users today. We hope you enjoy these new updates!

लोकांची ऑनलाईन माहिती कशी वापरली जावी याबद्दल अधिक पारदर्शकता निर्माण करण्यासाठी पुढील महिन्यात युरोपियन संयुक्त राष्ट्रे त्यांचे गोपनीयता कायदे अद्यतनित करणार आहेत. आम्ही आमच्या सेवाशर्ती आणि गोपनीयता धोरण अद्यतनित करीत आहोत ज्यामध्ये General Data Protection Regulation (GDPR) या कायद्याची अंमलबजावणी केली जाईल.

या अपडेटमध्ये आम्ही कोणतीही नवीन वैयक्तिक माहिती गोळा करण्याची विनंती करणार नाही. आमच्याकडे जी तुमची मर्यादित माहिती आहे त्याचा वापर आम्ही कसा करतो आणि त्याचे संरक्षण कसे करतो याची माहिती स्पष्ट करणे हा या मागील मुख्य हेतू आहे. काही गोष्टींवर आम्ही प्रकाश टाकू इच्छितो :

• युरोपमधील WhatsApp : तुमच्यासाठीच्या सर्व्हिसेस तेथेच प्रदान करण्यासाठी आणि आम्ही आमच्या वापरकर्त्यांची माहिती कशी सुरक्षित ठेवतो याबद्दल अधिक काटकोरता जपण्यासाठी WhatsApp ने युरोपयन संयुक्त राष्ट्रांमध्ये स्वतःचे अस्तित्व प्रस्थापित केलेले आहे.
• डेटा शेअरिंग: Facebook वरील जाहिराती आणि उत्पादनाविषयी समृद्ध अनुभव प्रदान करण्यासाठी सध्या आम्ही खाते माहिती शेअर करत नाही आहोत. जसे आम्ही पूर्वीसुद्धा स्पष्ट केले आहे की भविष्यामध्ये इतर Facebook कंपनींबरोबर आम्ही जवळून काम करू इच्छितो आणि जसे आम्ही आमच्या योजना पुढे नेऊ तसे त्याबद्दल आम्ही तुम्हाला अद्यतनित ठेऊ.
• WhatsApp वर सुरक्षित राहण्यासाठी: WhatsApp किंवा Facebook कोणत्याही प्लॅटफॉर्मवर - आमच्याकडे अवांछित आणि अनावश्यक संदेश पाठविणाऱ्यांबद्दल रिपोर्ट येतात - जसे की स्पॅम किंवा अपमानास्पद मजकूर - आम्ही ही माहिती शेअर करून त्यावर कारवाई करू शकतो अशारितीने या वापरकर्त्यांना दोन्ही प्लॅटफॉर्म्स वर प्रतिबंधित देखील करता येते. WhatsApp वर सुरक्षित कसे रहावे याविषयी अधिक जाणून घ्यायची असल्यास ही सुरक्षितता माहिती वाचा.

तुमची गोपनीयता आणि सुरक्षितता WhatsApp साठी अत्यंत महत्वाची आहे. तुमचा प्रत्येक संदेश आणि कॉल्स हे एन्ड टू एन्ड एन्क्रिप्शनने अर्थात संपूर्णपणे कूटबद्ध करून सुरक्षित केलेले असतात त्यामुळे ते कोणीही वाचू अथवा ऐकू शकत नाही, अगदी WhatsApp देखील नाही. पुढील काही आठवड्यांमध्ये आमच्याकडे तुमचा कोणता मर्यादित डेटा आहे ते तुम्ही डाउनलोड करून बघू शकता. अॅपच्या नवीन सुधारित आवृत्तीमध्ये हे वैशिष्टय आम्ही संपूर्ण जगभरात उपलब्ध करून देत आहोत. अधिक जाणून घेण्यासाठी येथे टॅप करा.

तुमच्या अभिप्रायाचे आम्ही स्वागतच करू. WhatsApp चा वापर केल्याबद्दल धन्यवाद!

संपूर्ण जगभरात अनेक लोक लघु उद्योजकांशी संपर्क साधण्यासाठी WhatsApp चा वापर करतात - मग ते भारतातील ऑनलाईन कापड व्यावसायिक असोत किंवा ब्राझील मधील ऑटो पार्ट विकणारी कंपनी असो. WhatsApp हे लोकांसाठीच तयार केलेले आहे आणि आता व्यवसाय करताना देखील समृद्ध अनुभव यावा अशी आमची इच्छा आहे. जसे की, ग्राहकांना चटकन प्रत्युत्तर देणे, वैयक्तिक संदेश आणि व्यावसायिक संदेश वेगळे करणे आणि व्यवसायांसाठी अधिकृत व्यासपीठ मिळवून देणे.

आज आम्ही सादर करीत आहोत WhatsApp Business - लघु उद्योजकांसाठी असलेले एक निःशुल्क Android अॅप. आमचे नवीन अॅप अनेक कंपन्यांना त्यांच्या ग्राहकांशी संपर्कात राहण्यास मदत करेल आणि मुखत्वे आमच्या १.३ करोड ग्राहकांना त्यांच्या आवडीच्या उद्योगाशी संपर्कात राहण्यास सोयीचे ठरेल. पुढीलप्रमाणे :

• बिझनेस प्रोफाइल : ग्राहकांना महत्वाची माहिती प्रदान करतात जसे की व्यवसायाची माहिती, ई-मेल, स्टोअर पत्ता आणि वेबसाईट.
• मेसेजिंग साधने : स्मार्ट मेसेजिंग साधने वापरून वेळ वाचविता येतो — तात्काळ प्रत्युत्तर हे नेहमी विचारल्या जाण्याऱ्या प्रश्नांना चटकन उत्तर देतात, स्वागत संदेश हे ग्राहकांना तुमच्या व्यवसायाची माहिती देतात, आणि व्यस्तता संदेश हे तुम्ही सध्या अनुपलब्ध असल्याचे सांगतात.
• मेसेजिंग सांख्यिकी : काही साधी आकडेवारी, जसे की एकूण किती संदेश वाचले गेले हे जाणून एकंदर परिस्थितीचा आढावा घेता येईल.
• WhatsApp वेब : तुमच्या डेस्कटॉप वर WhatsApp Business चे संदेश पाठविता आणि प्राप्त करता येतात.
• खाते प्रकार : लोकांना हे समजेल की ते एखाद्या व्यावसायिकांशी चॅट करत आहेत कारण तुमचे खाते 'व्यवसाय खाते' म्हणून नोंदविले जाईल. कालांतराने जेव्हा खात्याचा फोन नंबर व्यवसायाच्या फोन नंबर बरोबर जुळेल त्यानंतर त्या व्यवसायांची 'प्रमाणित' खात्यांमध्ये गणना केली जाईल.

सामान्य लोक WhatsApp मेसेंजरचा नेहमीप्रमाणेच वापर करू शकतात — त्यासाठी काहीही नवीन डाउनलोड करण्याची गरज नाही. आणि लोक त्यांना येणारे संदेश पूर्ण पणे नियंत्रित करू शकतात जसे की व्यवसायांचा देखील नंबर ब्लॉक करता येणे, तसेच त्यांना स्पॅम म्हणून रिपोर्ट करता येणे.

भारत आणि ब्राझील मधील साधारण ८०% लघु व्यावसायिकांचे असे मत आहे की WhatsApp मुळे त्यांना ग्राहकांशी संपर्कात राहण्यासाठी आणि त्यांचा व्यवसाय वृद्धिंगत करण्यासाठी मदत झाली आहे (Source: Morning Consult study). आणि WhatsApp Business, जलद आणि सुलभ मार्गाने त्यांच्याशी संपर्कात राहणे अजूनच सोपे करेल.

WhatsApp Business हे आजपासून इंडोनेशिया, इटली, मेक्सिको, यू.के आणि यू.एस येथे Google Play वर निःशुल्क उपलब्ध आहे. हे अॅप संपूर्ण जगभरात पुढील काही आठवड्यांमध्येच उपलब्ध होईल. ही फक्त सुरुवात आहे!

आजपासून तुम्ही एखादा चकून पाठविला गेलेला संदेश तुमच्या वैयक्तिक किंवा सर्व गटामधून हटवू शकता. हे पुढीलप्रमाणे कार्य करते : संदेशावर टॅप करून होल्ड करा, "हटवा" निवडा आणि त्यानंतर "सर्वांसाठी हटवा" वर टॅप करा. संदेश पाठविला गेल्यानंतर तो डिलीट करण्यासाठी तुमच्याकडे ७ मिनिटे असतील.

हे वैशिष्टय iPhone, Android आणि Windows Phone आणि डेस्कटॉप साठी संपूर्ण जगभरात नवीन आवृत्तींसाठी येत आहे. संदेश यशस्वीरीत्या हटविता यावा यासाठी तुम्ही आणि प्राप्तकर्ते दोघेही WhatsApp ची नवीन सुधारित आवृत्ती वापरीत असणे गरजेचे आहे.

आमच्या Android, iPhone, and Windows Phone साठी असलेल्या मदतपुस्तिकेमध्ये अधिक जाणून घ्या.

आज, आम्ही असे वैशिष्ट्य प्रसारित करीत आहोत ज्यामुळे तुम्ही तुमच्या मित्रपरिवार आणि कुटुंबियांना तुमचे लाईव्ह लोकेशन अर्थात सध्याचे थेट ठिकाण कळवू शकता. जर तुम्ही तुमच्या मित्रांना भेटायला जात आहात, तुमच्या आप्तेष्टांना तुमची खुशाली कळवत असाल किंवा तुम्ही प्रवासात कुठवर आला आहेत ते कळवत असाल, लाईव्ह लोकेशन हे तुमचे सध्याचे थेट ठिकाण शेअर करण्याचा सोपा आणि सुरक्षित मार्ग आहे. हे एन्ड टू एन्ड एन्क्रिप्ट केलेले वैशिष्ट्य वापरून तुम्ही तुमचे सध्याचे ठिकाण कोणासोबत आणि किती काळ शेअर करायचे ते नियंत्रित करू शकता. तुम्ही तुमचे सध्याचे ठिकाण शेअर करणे कधीही थांबवू शकता किंवा लाईव्ह लोकेशन टायमर बंद झाल्यावर ते आपोआपच थांबेल.

हे पुढीलप्रमाणे कार्य करते. तुम्हाला ज्या व्यक्तीबरोबर किंवा गटाबरोबर लोकेशन शेअर करायचे आहे त्यांच्या बरोबरच्या गप्पा उघडा. अटॅच बटणावर टॅप केल्यानंतर तुम्हाला "स्थान" असा पर्याय दिसेल, त्यामध्ये "तुमचे सध्याचे थेट ठिकाण शेअर करा" असा पर्याय असेल. तुम्हाला किती काळ शेअर करायचे आहे ते निवडा. त्यानंतर चॅट मधील प्रत्येक व्यक्ती तुमचे लाईव्ह लोकेशन बघू शकते. जर एकाच गटातील अनेक व्यक्त्तींनी त्यांचे लोकेशन शेअर केले असेल तर ते सर्व एकाच नकाशामध्ये दिसतील.

लाईव्ह लोकेशन हे Android आणि iPhone मध्ये उपलब्ध आहे आणि आम्ही पुढील काही आठवड्यांमध्ये ते प्रक्षेपित करू. आम्हाला अशी आशा आहे की तुम्हाला ते नक्कीच आवडेल.

संपूर्ण जगभरात १ अब्ज होऊन अधिक लोक त्यांच्या कुटुंबियांशी आणि मित्रपरिवाराशी संपर्कात राहण्यासाठी WhatsApp दररोज वापरतात आणि आजकाल अनेक लोक विविध व्यवसायांशी संपर्क करण्यासाठी देखील WhatsApp वापरतात, मग ते एखाद्या स्थानिक बेकरी मध्ये दिलेली ऑर्डर असो किंवा एखाद्या कपड्यांच्या दुकानात आलेले नवीन स्टाईलचे कपडे असोत. परंतु हे WhatsApp वर सध्या अत्यंत प्राथमिक स्वरूपात आहे. आम्ही अनेक दुकानदारांकडून हे ऐकले आहे की ते त्यांच्या शेकडो ग्राहकांच्या संपर्कात राहण्यासाठी ते WhatsApp दररोज वापरतात, केवळ एका स्मार्टफोन द्वारे हे शक्य होते आणि अनेकांना WhatsApp वरील हे व्यवसाय सत्यापित आहेत की नाही याबद्दल साशंकता असते. पुढील काही महिन्यांमध्ये आम्ही अशा वैशिष्ट्यांची चाचणी घेऊ जी अशा प्रश्नांवर लक्ष केंद्रित करतील आणि लोकांना त्यांना हव्या असलेल्या व्यवसायांशी संपर्कात राहणे सोयीचे होईल. आमचे उद्दिष्ट साधे आणि सरळ आहे - आम्ही लोकांना एकमेकांशी जोडताना जे काही शिकलो आहोत त्याचा त्यांना महत्वाच्या वाटणाऱ्या व्यवसायांशी जोडताना सुद्धा उपयोग व्हावा.

आम्हाला जाणीव आहे की प्रत्येक व्यवसायाच्या काही विशिष्ट अशा गरजा असतात. उदाहरणार्थ, त्यांचे अधिकृत अस्तित्व - एक सत्यापित प्रोफाइल ज्यायोगे इतर व्यक्तींच्या मार्फत त्या व्यवसायास मान्यता मिळविणे - आणि सहजरित्या त्यांच्याशी संवाद साधणे शक्य होते. आम्ही लहान व्यावसायिकांसाठी मोफत 'WhatsApp व्यवसाय' अॅप आणि मोठ मोठ्या कंपन्या ज्या जागतिक स्तरावर विविध ग्राहकांना सेवा पुरवितात जसे की एरलाईन्स, इ-कॉमर्स साईट्स आणि बँक अशांसाठी इंटरप्राईझ सोल्युशन निर्माण करण्यासाठी नवीन अशी काही साधने तयार करीत आहोत व त्यांची चाचणी घेत आहोत. असे व्यवसाय आमची सेवा वापरून ग्राहकांना उपयुक्त अधिसूचना पाठवू शकतात जसे की विमानाची वेळ, डिलिव्हरी पोचपावती आणि इतर अपडेट्स.

व्यवसाय कोठेही असो एखाद्या गल्लीत असो किंवा जगभरात पसरलेला असो, सर्व लोकांची ही अपेक्षा असते की WhatsApp हे जलद, विश्वासार्ह आणि सुरक्षित असते. या चाचणी कालावधी मध्ये आम्ही अतिशय काळजीपूर्वक सर्व अभिप्राय ऐकत आहोत आणि जशी ही वैशिष्ट्ये अधिकाधिक लोकांना उपलब्ध करून देऊ तसे आम्ही लोकांना त्याची माहिती देत राहू. हे सर्व काटेकोर पद्धतीने होणे आणि आमच्या वापरकर्त्यांना आणि व्यावसायिकांना नवीन अनुभव प्रदान करता येण्यासाठी त्याचा सखोल विचार आमच्यातर्फे केला जाणे अत्यंत महत्वाचे आहे. अधिक माहितीसाठी कृपया मदतपुस्तिकेतील हा लेख वाचा.

गेल्याच वर्षी आम्ही घोषित केले होते की संपूर्ण जगभरात दर महिन्याला एक अब्ज पेक्षा अधिक वापरकर्ते WhatsApp वापरतात. आज, आम्हाला अतिशय आनंद आणि अभिमान वाटतो की आता संपूर्ण जगभरात एक अब्ज पेक्षा अधिक वापरकर्ते दररोज स्वतःच्या मित्रपरिवार व कुटुंबियांशी संपर्कात राहण्यासाठी WhatsApp चा वापर करतात.

वैयक्तिक फोटो असो अथवा व्हिडिओ शेअर करणे असो किंवा व्हिडिओ कॉलिंग अथवा स्टेटस च्या मार्फत मित्रमैत्रिणींच्या संपर्कात राहणे असो WhatsApp वर संभाषण करणे हे आता अतिशय सोयीस्कर आणि अधिक खाजगी आहे. आम्ही आभारी आहोत की इतके सर्वजण एकमेकांशी संपर्कात राहण्यासाठी ही नवीन वैशिष्ट्ये स्वतःच्या स्वतंत्र शैलीने वापरतात.

या मैलाच्या दगडाचा आनंदोत्सव साजरा करताना आम्हाला आता अधिकच जबाबदारीची जाणीव होत आहे त्यासाठी WhatsApp कडून अभिप्रेत असलेल्या विश्वासार्ह, सुलभ आणि सुरक्षितते सह आम्ही नवनवीन वैशिष्ट्ये तुम्हाला प्रदान करण्यासाठी सज्ज आहोत. तुमच्या निरंतर सहकार्यासाठी आभारी आहोत.

आठ वर्षांपूर्वी, फेब्रुवारी २००९ मध्ये आम्ही आमच्या कोडच्या पहिल्या ओळी लिहायला सुरुवात केली ज्याचे रूपांतर आज WhatsApp मध्ये झालेले आहे. ज्या प्रोजेक्ट मागील महत्वाची संकल्पना ही होती की तुमचे मित्रमैत्रिणी आणि इतर संपर्क यांना तुम्ही सध्या काय करत आहात ते कळत रहावे. ही आम्ही मेसेजिंग समाविष्ट करण्यापूर्वीची गोष्ट आहे. आमच्या ॲपची पहिली आवृत्ती अशी होती :

२००९ च्या उन्हाळ्यात आम्ही जरी मेसेजिंग समाविष्ट केले तरी आम्ही अत्यंत मूलभूत असे "टेक्स्ट ओन्ली" अर्थात "केवळ मजकूर" अशा स्वरूपातच स्टेटस वैशिष्ट्य ठेवले होते. दरवर्षी जेव्हा मी आणि ब्रायन कोणकोणत्या प्रोजेक्ट्स वर अधिक काम करायचे यावर योजना आखीत असू त्यावेळी नेहमीच आम्ही आमचे मूळ "टेक्स्ट ओन्ली" फिचर अधिक नावीन्यपूर्ण पद्धतीने कसे सुधारता येईल याविषयी चर्चा करीत असू.

आम्हाला हे घोषित करताना आनंद होत आहे की योगायोगाने २४ फेब्रुवारी ला WhatsApp च्या आठव्या वाढदिवसाच्या निमित्ताने आम्ही आमचे 'स्टेटस' फिचर नव्याने पुनरुज्जीवित करीत आहोत. आजपासून आम्ही स्टेटस अपडेट हे वैशिष्ट्य प्रसारित करीत आहोत ज्यामुळे तुम्ही तुमच्या मित्रपरिवार आणि संपर्कांबरोबर फोटो आणि व्हिडिओ अतिशय सोप्या आणि सुरक्षित पद्धतीने शेअर करू शकाल. आणि हो, तुमचे स्टेटस अपडेट्स देखील एन्ड टू एन्ड एन्क्रिप्ट अर्थात संपूर्ण कूटबद्धतेने सुरक्षित केलेले असतील.

जसे आठ वर्षांपूर्वी आम्ही प्रथमच WhatsApp स्थापित केले, तसेच हे नवीन आणि सुधारित वैशिष्टय, तुमचे जे मित्र WhatsApp वापरतात त्यांच्याबरोबर संपर्कात राहण्यासाठी एक मजेशीर आणि सोपा पर्याय उपलब्ध करून देईल. WhatsApp मधील आम्हा सर्वांना अशी आशा आहे की तुम्ही हे नवीन वैशिष्टय नक्कीच पसंत कराल.

यान कौम

मित्रपरिवार, कुटुंबीय आणि इतर महत्वाच्या व्यक्तींच्या संपर्कात राहण्यासाठी मदत करणे हेच WhatsApp मध्ये आमचे उद्दिष्ट आहे. याचा अर्थ असा की तुम्ही जिथे असाल तिथे सोपे, वापरण्यास सुलभ आणि कधीही वापरता येण्याजोगे उत्पादन निर्माण करणे. आम्ही मेसेजिंग आणि गटगप्पा यापासून सुरुवात केली. त्यानंतर आम्ही व्हॉइस कॉलिंग समाविष्ट केले आणि आम्ही ते असे केले की हजारो डिव्हाइसेस आणि प्लॅटफॉर्म्स वर संपूर्ण जगभरात ते चालू शकतात.

आज हे घोषित करताना आम्हाला अत्यंत आनंद होत आहे की जनसमुदायास एकत्र जोडणाऱ्या आमच्या प्रयत्नांमध्ये आमचे नवीन पाऊल आहे - WhatsApp व्हिडिओ कॉलिंग. येणाऱ्या काही दिवसात WhatsApp चे १ अब्जहून अधिक वापरकर्ते Android, iPhone आणि Windows फोन डिव्हाईसेस वरून व्हिडिओ कॉल्स करू शकतील.

आम्ही हे फिचर यासाठी आणत आहोत कारण आम्हाला माहित आहे की कधीकधी फक्त ध्वनी संदेश आणि लिहिलेला मजकूर पुरेसा नसतो. तुमच्या नातवंडांचे पहिले पाऊल बघणे किंवा तुमच्या परदेशी शिकणाऱ्या मुलीचा चेहरा बघता येणे याची सर कशालाही येणे शक्य नाही. आणि केवळ अशा व्यक्ती ज्यांच्याकडे महागडे नवीन फोन आहेत किंवा जे अशा देशात राहतात ज्यांच्याकडे सर्वोत्तम सेल्युलर नेटवर्क उपलब्ध आहे अशांसाठीच नव्हे तर सगळ्यांसाठीच ही सेवा आम्हाला उपलब्ध करून द्यायची आहे.

काही वर्षांपासून व्हिडिओ कॉलिंग सुरु करण्याबद्दल आम्हाला अनेक वेळा विचारण्यात आलेले आहे, आणि अखेरीस हे फिचर जगाला उपलब्ध करून देण्यास आता आम्ही अतिशय उत्सुक आहोत. WhatsApp चा वापर करण्यासाठी आभारी आहोत आणि आमच्या सेवा सुधारण्यासाठी आम्ही सदैव प्रयत्नशील राहू याची ग्वाही आम्ही तुम्हाला देतो.