Mabilioni ya vibandiko vinatumwa kila siku kwenye WhatsApp ili kuwasaidia watu kushiriki mawazo ya faragha na hisia bila ya kuandika hata neno moja. Tangu tulipozindua vibandiko miezi 18 iliyopita, vimekuwa mojawapo ya njia zinazokua kwa kasi za watu kuwasiliana kwenye WhatsApp.

Tunafurahia kufanya kazi na Shirika la Afya Duniani kuanzisha kifurushi cha kibandiko cha "Pamoja Nyumbani" ambacho kitawasaidia watu kuunganishwa wakati wote wa janga kubwa la COVID-19 na hata baadaye. Vibandiko kama hivi vinaweza kuwa vya kufurahisha, kuelemisha na vya kijumla, kuvunja vizuizi vya lugha, umri, na vingine.

Tunatumaini watu watafurahia kutumia vibandiko hivi kuwajulia hali wapendwa wao, haswa wale wanaojisikia wametengwa, wapweke na kuogopa. Kifurushi hiki kinatoa namna ya ubunifu ya kuwakumbusha watu kuosha mikono yao, kudumisha umbali, mazoezi na muhimu pia kusherehekea mashujaa wa matibabu na vilevile mashujaa wa kibinafsi katika maisha yetu.

Kifurushi cha kibandiko cha "Pamoja Nyumbani" sasa kinapatikana kwenye WhatsApp, ikiwa ni pamoja na maandishi kwenye lugha 9 - Kiarabu, Kifaransa, Kijerumani, Kiindonesia, Kiitaliano, Kireno, Kirusi, Kihispania na Kituruki.

Wakati mabilioni ya watu hawawezi kuwaona marafiki na familia zao ana kwa ana kwa sababu ya COVID-19, watu wanategemea kuwasiliana kwa WhatsApp zaidi kuliko wakati mwingine. Watu wanaongea na madaktari, waalimu, na wapendwa wao waliotengwa nao kwa kupitia WhatsApp wakati wa taharuki hii. Hiyo ndiyo sababu ujumbe na simu zako kwenye WhatsApp zimefumbwa kwa ufumbaji wa mwisho-kwa-mwisho kwa msingi ili kukupatia mahali salama pa mazungumzo yako binafsi.

Mwaka jana tuliwatambulisha watumiaji kwenye dhana ya ujumbe ambazo zimezambazwa mara nyingi. Ujumbe hizi zimepewa lebo ya mishale miwili kuonyesha hazikuanzishwa na mwasiliani wako wa karibu. Kwa kweli, ujumbe hizi sio za kibinafsi zikilinganishwa na ujumbe wa kawaida zilizotumwa kwenye WhatsApp. Sasa tunaanzisha kikomo ili ujumbe zisambazwe tu kwenye soga moja kwa wakati mmoja.

Kama huduma ya utumaji ujumbe wa kibinafsi, tumechukua hatua kadhaa kwa miaka zilizopita ili kukusaidia kuweka mazungumzo kuwa ya kisiri. Kwa mfano, mwanzoni tuliweka kikomo kwa usambazaji wa ujumbe ili kudhibiti kuenea haraka. Wakati huo, tuliona upungufu wa 25% kwa jumla wa usambazaji wa ujumbe ulimwenguni.

Je usambazaji wote ni mbaya? Kwa hakika hapana. Tunajua watumiaji wengi wanasambaza habari zinazosaidia, pamoja na video za kuchekesha, utani, na tafakari au maombi wanayoona kuwa ya maana. Katika wiki za hivi karibuni, watu pia wametumia WhatsApp kupanga wakati wa umma kuunga mkono wafanyakazi wa afya walio kwenye mstari wa mbele. Walakini, tumeona ongezeko kubwa katika kiwango cha usambazaji ambacho watumiaji wametuambia wanaweza kuhisi kuwa umezidi na unaweza kuchangia kuenea kwa habari potofu. Tunaamini ni muhimu kupunguza kasi ya kuenea kwa ujumbe hizi ili kuweka WhatsApp kuwa mahali pa mazungumzo ya kibinafsi.

Pamoja na mabadiliko haya, tunafanya kazi moja kwa moja na NGOs na serekali, pamoja na Shirika la Afya Duniani na wizara za afya za kitaifa zaidi ya 20, ili kusaidia kuunganisha watu na habari sahihi. Pamoja mamlaka hizi zinazoaminika zimetuma mamilioni ya ujumbe moja kwa moja kwa watu wanaoomba habari na ushauri. Unaweza kujifunza zaidi kuhusu juhudi hizi, na jinsi ya kuwakilisha hadithi za uwongo, mzaha na uvumi kwenye mashirika ya kuchunguza ukweli, kwenye Kitovu chetu cha Habari za Virusi vya Corona.

Tunaamini kuwa sasa kuliko zamani watu wanahitaji kuunganishwa kibinafsi. Timu zetu zinafanya kazi sana ili kufanya WhatsApp iendelee kufanya kazi kwa ukamilifu wakati huu wa mgogoro ulimwenguni usiyo wa kawaida. Tutaendelea kusikiliza maoni yako na kuboresha njia ambazo watu wanaweza kushirikiana kwenye WatsApp.

Tumefurahi sana kusasisha WhatsApp na kipengele ambacho kimeombwa sana na watumiaji wetu kila mahali - hali ya giza.

Hali ya giza ya WhatsApp inatoa mtazamo mpya kwa uzoefu unaoufahamu. Imeundwa kupunguza mnachuo wa jicho katika mazingira ya mwanga wa chini. Na tunatumaini itasaidia kuzuia nyakati zisizofaa ambako simu yako inatoa mwanga kwenye chumba.

Tulipokuwa tunaunda hali ya giza tulitumia muda kufanya utafiti na kuzingatia sehemu mbili maalum:

Usomaji: Wakati wa kuchagua rangi, tulitaka kupunguza uchofu wa jicho na kutumia rangi ambazo zinafanana na chaguo-msingi ya mfumo kwenye IPhone na Android.

Taarifa ya mfumo wa viwango: Tulitaka kuwasaidia watumiaji kuzingatia kwa urahisi umakini wao kwenye kila skrini. Tulifanya hivyo kwa kutumia rangi na vitu vingine vya muundo ili kuhakikisha kuwa habari muhimu zaidi inasisitizwa.

Watumiaji kwenye Android 10 na iOS 13 wanaweza kutumia hali ya giza kwa kuiwezesha katika mipangilio ya mfumo. Watumiaji kwenye Android 9 na chini wanaweza kuenda kwenye Mipangilio ya WhatsApp > Soga > Mandhari > chagua ‘Giza’.

Tunatumahi kuwa kila mtu anafurahia hali ya giza, ambayo inajitokeza katika siku zijazo kwenye toleo la hivi karibuni la WhatsApp.

Tumefurahi kuwaeleza kwamba, kama ya leo, WhatsApp inasaidia zaidi ya watumiaji bilioni mbili duniani kote.

Akina mama na akina baba wanaweza kuwapata wapendwa wao popote walipo. Akina kaka na dada wanaweza kushirikisha muda muhimu. Wafanyakazi wanaweza kushirikiana, na biashara inaweza kukua kwa kuunganisha kirahisi na wateja wao.

Mazungumzo ya kibinafsi ambayo wakati mmoja yaliwezekana tu kwa ana-kwa-ana sasa zinaweza kufanyika katika umbali mkubwa kupitia soga za papo hapo na simu ya video. Kuna wakati mwingi muhimu na maalum ambayo yanafanyika kwenye WhatsApp na tunajinyenyekea na kupokea heshima ya kufikia hatua hii kuu.

Tunajua kwamba tunavyoungana zaidi, ndvyo tunavyohitaji kulinda zaidi. Tunapoendesha zaidi maisha yetu mtandaoni, kulinda mazungumzo yetu ni muhimu zaidi kuliko hapo awali.

Ndiyo sababu kila ujumbe wa kibinafsi uliotumwa kwa kutumia WhatsApp umelindwa kimsingi na ufumbaji wa mwisho-kwa-mwisho. Ufumbaji imara ni kama kufuli ya kidijitali ambacho hakiwezi kuvunjwa na kinaweka maelezo unayotuma kwa kupitia WhatsApp salama, kukusaidia kukulinda kutoka kwa wadadisi na wahalifu. Ujumbe huhifadhiwa tu kwenye simu yako, na hakuna mtu kati anayeweza kusoma ujumbe wako au kusikiliza simu zako, hata sisi. Mazungumzo yako ya kibinafsi yanakaa kati yenu.

Ufumbaji imara ni jambo la lazima katika maisha ya kisasa. Hatutakiuka juu ya usalama kwa sababu kufanya hivyo kutafanya watu kupungukiwa kidogo na usalama. Ili kuwa na usalama zaidi, tunafanya kazi na wataalam wa hali ya juu wa usalama, kutumia teknolojia inayoongoza kusimamisha matumizi mabaya na vile vile kutoa udhibiti na njia za kuripoti maswala — bila kupunguza faragha.

WhatsApp ilianza na lengo la kuunda huduma ambayo ni rahisi, ya kuaminika, na ya faragha kwa watu kutumia. Leo tunabaki tumejitolea kama vile tulipoanza, kusaidia kuunganisha ulimwengu kifaragha na kulinda mawasiliano ya kibinafsi ya watumiaji bilioni mbili ulimwenguni.

Watu wanapenda kupiga soga kwenye WhatsApp na biashara wanazopendelea, lakini kubadilishana jumbe na picha nyingi ili kupata maelezo ya bidhaa kunachosha. Leo tuna rahisisha kujifunza kuhusu bidhaa na huduma biashara zinazotoa kwa kutambulisha orodha kwenye programu ya WhatsApp Business.

Orodha ni rafu ya duka rununu kwa ajili ya biashara kuonyesha na kushirikisha bidhaa zao ili watu wanaweza kuvinjari kwa urahisi na kugundua kitu ambacho wangependa kununua. Zamani biashara zililazimika kutuma picha za bidhaa moja kwa wakati mmoja na kurudia kutoa maelezo - sasa wateja wanaweza kuona orodha yao kamili kwenye WhatsApp. Hii inawafanya wamiliki wa biashara waonekane kitaalamu zaidi na inawafanya wateja kujiingiza kwenye soga bila kutembelea tovuti.

Kama Agradaya, biashara endelevu ya mimea na viungo iliyo Indonesia. Tulimpa mwanzilishi Andhika Mahardika ufikiaji wa kipengele cha orodha mapema na alituambia kwamba kinafanya wateja wajifunze kirahisi kuhusu bidhaa zao, kujua bei na kuona picha za wanazotoa - hii ni muhimu kwa kuwahudumia wateja wao kwa ubora.

Kwa kila kitu kwenye orodha, biashara inaweza kuongeza habari pamoja na bei, maelezo na nambari ya bidhaa. WhatsApp inahudumia orodha hizi ili kuokoa nafasi muhimu ya hifadhi kwenye simu za biashara na wateja wote.

Kuunda orodha kwenye programu ya WhatsApp Business inachukua tu hatua chache. Tazama video ili kuanza:

Kipengele hiki cha orodha kinapatikana leo kwa biashara zinazotumia programu ya WhatsApp Business kwenye Android na iPhone nchini Brazil, Ujerumani, India, Indonesia, Mexico, Uingereza na Marekani. Itatandazwa duniani kote hivi karibuni. Hatuwezi kungojea kusikia jinsi orodha zinasaidia biashara ndogo kuungana na wateja wao na kukua.

Novemba 7, 2019

Mapema mwaka huu, tulizindua Touch ID na Face ID kwa iPhone ili kutoa safu ya ziada ya usalama kwa watumiaji wa WhatsApp. Leo, tunatambulisha uthibitishaji kama huo,unaokuruhusu kufungua programu na alama ya kidole chako, kwa simu za Android zilizowezeshwa. Kuiwezesha, gusa Mipangilio > Akaunti > Faragha > Kufuli cha alama ya kidole. Kuwasha Fungua na alama ya kidole, na thibitisha alama ya kidole chako.

Vikundi vya WhatsApp vinaendelea kukuunganisha na familia, marafiki, wafanyakazi wenzako, wanafunzi wenzako, na zaidi. Vile watu wanavyotumia vikundi kwa mazungumzo muhimu, watumiaji wameomba udhibiti zaidi juu ya uzoefu wao. Leo, tunatambulisha mpangilio wa faragha mpya na mfumo wa kualika ili kukusaidia kuamua ni nani anayeweza kukuongeza kwenye vikundi.

Kuiwezesha, nenda kwenye Mipangilio ya programu yako, kisha gusa Akaunti > Faragha > Vikundi na chagua mojawapo ya hiari tatu: “Kila Mtu,” “Waasiliani Wangu,” au “Waasiliani Wangu Isipokua.” “Waasiliani Wangu” inamaanisha kuwa watumiaji tu waliopo kwenye kitabu chako cha anwani ndiyo wanaoweza kukuongeza kwenye vikundi na “Waasiliani Wangu Isipokuwa” hutoa udhibiti wa ziada kwa nani miongoni mwa waasiliani wako wanaweza kukuongeza kwenye kikundi.

Kwenye kesi hizo, mtawala ambaye hawezi kukuongeza kwenye kikundi atatakiwa kutuma mwaliko wa faragha kwa kupitia soga ya kibinafsi, kukupa hiari ya kujiunga na kikundi hicho. Utakuwa na siku tatu za kukubali mwaliko kabla ya muda wake kuisha.

Kwa vipengele hivi vipya, watumiaji watakuwa na udhibiti zaidi wa jumbe za kikundi wanazopokea. Mipangilio hii mpya ya faragha itaanza kuwezeshwa kwa watumiaji wengine kuanzia leo na itakuwa inapatikana duniani kote katika siku zijazo kwa wale wanaotumia toleo la karibuni la WhatsApp.

SASISHO: Kulingana na maoni kutoka kwa watumiaji wakati wa usambazaji wetu wa awali, badala ya chaguo la "Hakuna mtu" sasa tunatoa hiari ya “Waasiliani Wangu Isipokuwa”. Hii inakuwezesha kuchagua kutenganisha waasiliani maalum au "chagua wote". Sasisho hili linasambaziwa kwa watumiaji duniani kote kwenye toleo la hivi karibuni la WhatsApp.

Mwisho Ilisasishwa: Novemba 5, 2019

Mojawapo ya maombi ya mara kwa mara tumeyasikia kutoka kwa wamiliki wa biashara ndogo ni wanataka kutumia Programu ya WhatsApp Business kwenye kifaa cha chaguo lao.

Sasa wanaweza.

Leo tunawajulisha kwa Programu ya WhatsApp Business ya iOS. Kama toleo la Android - ambayo kwa mwaka uliopita inatumiwa na mamilioni ya biashara duniani kote - Programu ya Biashara ya WhatsApp ya iOS itakuwa bure kupakua kutoka kwenye Duka la Programu la Apple na itajumuisha vipengele vya kusaidia biashara ndogo na wateja kuwasiliana. Haya ni pamoja na:

• Jalada la Biashara: Shirikisha habari muhimu kuhusu biashara yako kama maelezo ya biashara, barua pepe au anwani za duka, na tovuti.
• Zana za Ujumbe: Wajibu kwa wateja kwa urahisi na zana za ujumbe za ufanisi - majibu ya haraka kutoa majibu ya haraka kwa maswali yanayoulizwa mara kwa mara, jumbe za salamu kuwajulisha wateja kwa biashara yako na jumbe za kuwa mbali kuwajulisha wakati wa kutarajia jibu.
• WhatsApp Web: Piga soga kutoka kwenye desktop yako ili kudhibiti mazungumzo na kutuma faili kwa wateja.

Programu ya WhatsApp Business inapatikana leo na hupakuliwa kutoka kwenye Duka la Programu nchini Brazil, Ujerumani, Indonesia, India, Meksiko, U.K. na U.S. Programu itajulishwa duniani kote katika wiki zijazo.

Hata kama ni duka la vitu vitamu la mtandao huko Ribeirão Preto, Brazil ambayo inafikia asilimia 60 ya mauzo yake kupitia WhatsApp Biashara au kampuni ya vitafunio vya mdalasini iliyopo Tijuana, Meksiko ambayo inasifia WhatsApp Biashara kwa kuisababisha ifungue eneo la pili, wamiliki wa biashara ndogo duniani kote wanatumia programu kukua. Tunafurahi kuleta programu ya WhatsApp Business kwenye biashara ndogo zaidi na kusikia hadithi mpya kuhusu jinsi inavyowasaidia kufanikiwa.

Ni miaka 10 tangu tuanze WhatsApp! Katika kipindi cha miaka kumi iliyopita, tumesikia kutoka kwa watu duniani kote ambao wanatumia WhatsApp kuendelea kuwasiliana na wapendwa wao, kuungana na jamii zao, na kujenga biashara. Hadithi hizi zinaendelea kututia moyo, na kusherehekea jambo hili muhimu, tunaangalia matukio makubwa yaliyotokea katika miaka iliyopita.

Tunafurahia kuendelea kujenga vipengele vinavyofanya WhatsApp iwe rahisi na ya kutegemewa na kila mtu. Asante kwa watumiaji wetu wote kote duniani kwa kuungana nasi katika safari hii!

Katika WhatsApp tunajali sana ujumbe wa kibinafsi, na leo tunafurahi kutambulisha Touch ID na Face ID kwenye iPhone ili kumzuia mtu kuchukua simu yako na kusoma jumbe zako.

Kuwezesha kipengele hiki cha iPhone kwenye WhatsApp, gusa Mipangilio > Akaunti > Faragha > Kufunga Skrini na kuwezesha Touch ID au Face ID. Una hiari ya kuchagua muda kabla ya Touch ID au Face ID kuwezeshwa baada ya WhatsApp kufungwa.

Kipengele hiki kinapatikana kwenye iPhone 5s au ya baadaye na inayotumia iOS 9 na zaidi kuanzia leo.