२२ ऑक्टोबर २०२०
मागील काही वर्षांमध्ये वैयक्तिक पातळीवरील संभाषणांसाठी मेसेजिंग ॲप्सचा वापर करण्यास पसंती मिळत असल्याचे आम्हाला दिसून आले आहे आणि बिझनेस करण्याकरिताही लोक जास्तीत जास्त प्रमाणात WhatsApp चा वापर करू लागले आहेत.
लोक आणि बिझनेस यांच्यामधील संभाषण ज्या पद्धतींनी व्हायचे त्या पद्धतीही आता जुन्या झाल्या आहेत. फोन कॉल्स, ईमेल्स आणि एसएमएस यांसारख्या नवीन संभाषण माध्यमांच्या व्यवस्थापनावर बिझनेसेस वर्षभरात अब्जावधी डॉलर्स खर्च करत असले तरी लोकांना अजूनही त्यांचा कॉल होल्डवर ठेवला जाणे, कॉल एका व्यक्तीकडून दुसऱ्या व्यक्तीकडे पास केला जाणे किंवा बिझनेसला पाठवलेला मेसेज व्यवस्थित पोहोचला आहे का यावर विचार करत राहणे रुचत नाही, हे लक्षात घेणे गरजेचे आहे.
जागतिक स्तरावरील साथीच्या काळात तर बिझनेसना त्यांच्या ग्राहकांना सर्व्हिस देण्यासाठी आणि प्रॉडक्ट्सची विक्री करण्यासाठी वेगवान व कार्यक्षम संभाषण पद्धतींची अधिक गरज वाटू लागली आहे. आणि अशा काळात WhatsApp ने त्यांच्यासाठी संभाषणाचा एक साधासोपा आणि सोयिस्कर मार्ग खुला करून दिला आहे. दररोज १७.५ कोटी लोक WhatsApp Business खात्यांना मेसेजेस पाठवतात. लोकांना प्रॉडक्ट किंवा सेवेविषयी मदत हवी असेल तर ते बिझनेसला मेसेज करण्यास प्राधान्य देतात आणि त्यांना तशी सोय उपलब्ध असेल तर ते प्रॉडक्ट किंवा सेवा खरेदी करण्याची शक्यता जास्त असते, असे आमच्या संशोधनातून दिसून आले आहे.
अर्थात, आम्हाला त्यात आणखी बऱ्याच सुधारणा करायच्या आहेत. मागील दोन वर्षांच्या कालावधीमध्ये आम्ही लहानमोठ्या बिझनेसना त्यांची चॅट्स व्यवस्थापित करण्यासाठी WhatsApp Business ॲप आणि WhatsApp Business API चा पर्याय देऊ केला आहे. कोणते उपाय लागू पडत आहेत आणि काय पसंतीस उतरते आहे याबद्दलचा फीडबॅक ऐकल्यानंतर, WhatsApp हे ॲप 'मेसेजिंग'ला ग्राहक आणि बिझनेस यांच्यातील संभाषणाचा दुवा बनवू शकते याबद्दल आमची खात्री पटली आहे. यासाठी आम्ही खालील क्षेत्रांमधील गुंतवणूक वाढवत आहोत:
बहुतेक लोक त्यांच्या मित्रमैत्रिणींशी, कुटुंबीयांशी संवाद साधण्यासाठी WhatsApp चा वापर करतात आणि हेच लक्षात घेऊन आम्ही त्यांच्यासाठी नवनवीन फीचर्स विकसित करत राहू आणि लोकांची खाजगी संभाषणे सुरक्षित ठेऊ.
WhatsApp वरील हे अतिरिक्त अनुभव अनेक लोकांच्या आणि बिझनेसच्या वास्तविक गरजा पूर्ण करतील मग ते जगाच्या कोणत्याही कानाकोपर्यात असोत असा आमचा विश्वास आहे. आम्ही पुढे काय असेल यासाठी उत्सुक आहोत आणि येत्या काही महिन्यात आम्ही हळूहळू या सर्व्हिस सुरू करू.