WhatsApp વિડિઓ કોલિંગ

WhatsAppમાં અમારો ધ્યેય સદાય એક જ રહ્યો છે, કે અમે બને એટલા લોકોને તેમના મિત્રો, કુટુંબ, અને બીજા સ્નેહીજનો સાથે સંપર્કમાં રહેવા માટે મદદ કરી શકીયે. અર્થાત, અમે એવા ઉત્પાદની રચના કરી જે સાદું છે, ઉપયોગ કરવામાં સરળ છે, અને તમે જ્યાં પણ હોવ ત્યાં સુલભ છે. અમે સંદેશસંચારણ અને સમૂહ વાતથી શરૂઆત કરી હતી. તે પછી અમે ધ્વનિ કૉલની સુવિધા ઉમેરી. અમે આ એવી રીતે કર્યું કે આખી દુનિયામાં હજારો ઉપકરણો અને પ્લેટફોર્મની પરસપર આ કામ કરી શકે.

આજે અમે લોકોને પરસપર સંપર્કમાં રાખવાના પ્રયત્નોમાં હવે પછીના પગલાની જાહેરાત કરતા ઉત્સાહિત છીએ - WhatsApp વિડિઓ કૉલિંગ. આગામી દિવસોમાં, WhatsAppના એક અબજ કરતાં વધુ ઉપભોક્તાઓ Android, iPhone, અને Windows Phoneના ઉપકરણો ઉપર પરસપર વીડિયો કૉલ કરી શકશે.

અમે આ વિશેષ્તાને રજુ કરી રહ્યા છીએ કારણ કે અમને ખબર છે, કે ઘણી વાર ધ્વનિ અને લખાણ પૂરતું નથી થઈ રહેતું. તમારા પૌત્રને તેના પ્રથમ પગલાં લેતાં જોવાનું, કે વિદેશમાં અભ્યાસ કરી રહી તમારી દીકરીનો ચહેરો જોવાનો કોઈ બદલ નથી. અને અમારી ઇચ્છા એવી છે, કે આ બધી વિશેષતાઓ બધા માટે ઉપલબ્ધ હોય, ખાલી એ લોકો માટે જ નહીં જે મોંઘાદાટ ફોન લઈ શકતા હોય કે પછી એવા દેશોમાં રહેતા હોય જ્યાં સર્વોત્તમ સેલ્યુલર નેટવર્ક મળી રહે.

છેલ્લા કેટલાંક વર્ષોમાં અમારા વપરાશકર્તાઓ પાસેથી અમને વિડિઓ કૉલિંગ માટે ઘણી વિનંતીઓ મળી છે, અને અમે આખરે આ વિશેષ્તા દુનિયા સામે રજુ કરતા ઉત્સાહિત છીએ. WhatsAppનો ઉપયોગ કરવા બદલ તમારો આભાર અને અમે વચન આપીએ છીએ કે અમે અમારી સેવાને સુધારવા માટે ખૂબ મહેનત કરતા રહીશું.