5 સપ્ટેમ્બર, 2017
1 અબજ કરતાં વધુ લોકો દરરોજ તેમના કુટુંબીજનો અને મિત્રો સાથે કનેક્ટ થયેલા રહેવા માટે WhatsAppનો ઉપયોગ કરે છે અને સમય જતાં, વધુ લોકો તેમના માટે મહત્ત્વપૂર્ણ હોય તે બિઝનેસ સાથે સંચાર કરવા માટે પણ ઍપનો ઉપયોગ કરી રહ્યાં છે. હકીકતમાં, દરરોજ અનેક કનેક્શન પહેલાંથી જ થઈ રહ્યાં છે, પછી ભલેને તે કોઈ વ્યક્તિ સ્થાનિક બેકરીને ઓર્ડર આપી રહી હોય અથવા કોઈ વ્યક્તિ કપડાંના સ્ટોરની નવી સ્ટાઇલ પર નજર ફેરવી રહી હોય. પરંતુ WhatsApp પર હવે જે રીતે આ થાય છે તે ઠીક-ઠીક પ્રમાણમાં પ્રાથમિક થઈ ગયું છે. અમે એવા શૉપકીપરની સ્ટોરી સાંભળી છે કે જેઓ એક જ સ્માર્ટફોન પરથી સેંકડો ગ્રાહકો સાથે સંપર્કમાં રહેવા માટે WhatsAppનો ઉપયોગ કરે છે અને એવાં લોકોની વાત સાંભળી છે કે જેમને WhatsApp પર થતો બિઝનેસ પ્રમાણિત હોય છે કે નહિ તે બાબતની ખાતરી હોતી નથી. આવનારા મહિનાઓમાં, અમે નવી સુવિધાઓને ટેસ્ટ કરીશું કે જેનો હેતુ આમાંથી કેટલાક પડકારોનો ઉકેલ લાવવાનો તથા લોકો માટે તેઓ WhatsApp પર જેમનો સંપર્ક કરવા માંગતા હોય તે બિઝનેસની સાથે સંચાર કરવાનું વધુ સરળ બનાવવાનો છે. અમારો અભિગમ સરળ છે – અમે જે જાણ્યું છે તે અમે લોકોની એકબીજાની સાથે કનેક્ટ થવામાં મદદ કરવાથી લઈને લોકોની તેમના માટે મહત્ત્વપૂર્ણ હોય તેવા બિઝનેસ સાથે કનેક્ટ થવામાં મદદ કરવા માટે લાગુ કરવા માંગીએ છીએ.
અમે જાણીએ છીએ કે બિઝનેસની અનેક અલગ-અલગ જરૂરિયાતો હોય છે. ઉદાહરણ તરીકે, તેમને સત્તાવાર હાજરી – એક ખાતરી કરેલી પ્રોફાઇલ જેથી કરીને લોકો બીજા લોકોથી બિઝનેસની ઓળખ કરી શકે – અને મેસેજનો જવાબ આપવાની વધુ સરળ રીત જોઈતી હોય છે. અમે નાની કંપનીઓ માટે મફત WhatsApp Business ઍપના માધ્યમથી નવાં ટૂલ તથા એરલાઇન, ઈ-કોમર્સ સાઇટ અને બેંક જેવી વૈશ્વિક ધોરણે ગ્રાહકોનો બેઝ ધરાવતી અને મોટા પાયા પર ચાલતી વધુ મોટી કંપનીઓ માટે એન્ટરપ્રાઇઝ સોલ્યુશન બનાવી રહ્યાં છીએ અને તેને ટેસ્ટ કરી રહ્યા છીએ. આ બિઝનેસ, ગ્રાહકોને ફ્લાઇટના સમય, ડિલિવરીનાં કન્ફર્મેશન જેવાં ઉપયોગી નોટિફિકેશન અને અન્ય અપડેટ પૂરાં પાડવાં માટે અમારા સોલ્યુશનનો ઉપયોગ કરી શકશે.
કોઈ વ્યક્તિ આસપાસમાં આવેલા બિઝનેસ સાથે સંચાર કરી રહી હોય કે વિશ્વભરમાં આવેલા બિઝનેસ સાથે, લોકો એવી અપેક્ષા રાખે છે કે WhatsApp ઝડપી, વિશ્વસનીય અને સુરક્ષિત હોય. અમે અમારા ટેસ્ટ તબક્કા દરમિયાન પ્રતિસાદને કાળજીપૂર્વક સાંભળીશું અને અમે જેમ-જેમ આ ટૂલને વધુ વ્યાપક ધોરણે ઉપલબ્ધ કરતા જઈશું તેમ-તેમ લોકોને સુમાહિતગાર રાખતા જઈશું. અમે આને યોગ્ય રીતે કરીએ અને બિઝનેસ તથા અમારા વાપરનારાઓ માટે અમે જે પૂરા પાડીશું તે નવા અનુભવો વિશે વિચારશીલ હોઈએ તે મહત્ત્વપૂર્ણ છે. વધુ માહિતી માટે, કૃપા કરીને આ વારંવાર પૂછાતા પ્રશ્નોને વાંચો.