અમે અમારા વિઝન અંગે ગયા મહિને ઘોષણા કરી હતી તે મુજબ, હવે અમે સંસ્થાઓ, બિઝનેસ અને અન્ય નજીકથી વણાયેલા ગ્રૂપ WhatsApp પર સુરક્ષિત રીતે વાતચીત અને કામકાજ કરી શકે તે માટે WhatsApp પર કોમ્યુનિટીનું નિર્માણ કરી રહ્યાં છીએ. અમને અત્યાર સુધી જે પ્રતિસાદ મળ્યો છે તે સકારાત્મક છે અને નવી-નવી સુવિધાઓ લોકો સુધી પહોંચાડવા માટે અમે તત્પર છીએ.

અમને જણાવતા ખૂબ જ આનંદ થઈ રહ્યો છે કે હવે ઍપના નવીનતમ વર્ઝનમાં ઇમોજી પ્રતિક્રિયાઓ ઉપલબ્ધ છે. પ્રતિક્રિયાઓ મજેદાર અને ત્વરિત હોય છે તેમજ તે ગ્રૂપમાં વધારાનું ભારણ પણ ઓછું કરે છે. અમે ભવિષ્યમાં અભિવ્યક્તિઓની વધુ વ્યાપક શ્રેણી ઉમેરીને તેને બહેતર બનાવવાનું ચાલુ રાખીશું.

વધુમાં, તમે હવે WhatsAppમાં એક સમયે 2GB સુધીની ફાઇલ મોકલી શકો છો, જે એન્ડ-ટૂ-એન્ડ એન્ક્રિપ્શન દ્વારા સુરક્ષિત છે. આ અગાઉની મર્યાદામાં વધારો છે જે 100MB જ હતી, અને અમને લાગે છે કે આ સુવિધા નાના બિઝનેસ અને શાળાના ગ્રૂપ વચ્ચે સહયોગ માટે મદદરૂપ બની રહેશે. અમે મોટી ફાઇલ માટે WiFiનો ઉપયોગ કરવાની ભલામણ કરીએ છીએ અને અમે તમને અપલોડ અથવા ડાઉનલોડ કરતી વખતે એક કાઉન્ટર પ્રદર્શિત કરીશું જે તમને તમારા ટ્રાન્સફરમાં કેટલો સમય લાગશે તે દર્શાવશે.

અમને સતત પ્રાપ્ત થયેલી મુખ્ય વિનંતીઓમાંની એક વિનંતી એ હતી કે ચેટમાં વધુ લોકોને ઉમેરી શકવાનો વિકલ્પ હોય, તેથી હવે અમે ગ્રૂપમાં 512 જેટલા લોકોને ઉમેરવાની ક્ષમતાને ધીમે-ધીમે બહાર પાડી રહ્યાં છીએ. ખાનગી, સલામત અને સુરક્ષિત કોમ્યુનિટીનું નિર્માણ કરવું પરિશ્રમ માંગી લે તેવું કાર્ય છે અને અમને લાગે છે કે આ શ્રેણીબદ્ધ સુધારાઓ લોકોને અને ગ્રૂપને એકબીજાની નજીક રહેવામાં મદદ કરશે.

અમે આશા રાખીએ છીએ કે લોકો આ અપડેટનો આનંદ માણશે અને અમે આખા વર્ષ દરમિયાન વધુ શેર કરવા માટે આતુર છીએ.

WhatsApp પર કોમ્યુનિટી તરીકે ઓળખાતી નવી સુવિધા શરૂ કરવા પાછળના અમારા ઉદ્દેશ વિશે વાત કરતા આજે અમે ઘણો રોમાંચ અનુભવીએ છીએ. 2009માં WhatsApp શરૂ થયું ત્યારથી લોકો જ્યારે કોઈ વ્યક્તિ સાથે કે મિત્રો અથવા પરિવારજનોના ગ્રૂપમાં વાત કરવા ઇચ્છતા હોય ત્યારે તેમને વ્યક્તિગત વાતચીતમાં સર્વશ્રેષ્ઠ સુવિધા કેવી રીતે આપી શકીએ તેના પર જ અમે ધ્યાન કેન્દ્રિત કર્યું છે. અમે સમુદાય અંતર્ગત સંવાદ અને સમન્વય કરવા માટે WhatsAppનો ઉપયોગ કરતાં લોકો પાસેથી અવારનવાર તેમના પ્રતિસાદ મેળવતા હોઈએ છીએ.

શાળાઓ, સ્થાનિક ક્લબો અને બિન-લાભકારી સંગઠનો જેવી સંસ્થાઓ સુરક્ષિત રીતે સંવાદ કરવા અને તેમના કામકાજ પૂરા કરવા માટે હવે WhatsApp પર વિશ્વાસ રાખે છે - ખાસ કરીને મહામારીએ જયારે આપણને દૂર હોવા છતાં પણ સાથે મળીને કામ કરવાના સર્જનાત્મક માર્ગો શોધવા મજબૂર કર્યા છે ત્યારે. અમને મળેલા અસંખ્ય પ્રતિસાદોને આધારે અમે જાણ્યું કે, આ પ્રકારના ગ્રૂપ વચ્ચે થતી અસંખ્ય વાતચીતની આપ-લેને મેનેજ કરવામાં લોકોને સહાયરૂપ થવાની દિશામાં અમે ઘણું કરી શકીએ તેમ છીએ.

બસ આ જ જગ્યાએ કોમ્યુનિટી મદદરૂપ થાય છે. WhatsApp પર કોમ્યુનિટીની સુવિધા થકી લોકો તેમને અનુકૂળ બની રહેતા માળખાની મદદથી અલગ-અલગ ગ્રૂપને એક જ સ્થાને એકઠાં કરી શકશે. આ રીતે લોકો આખી કોમ્યુનિટીને મોકલેલા મેસેજ પર અપડેટ મેળવી શકશે અને તેમના માટે મહત્ત્વપૂર્ણ ચર્ચા માટેના નાના ગ્રૂપને સહેલાઈથી આયોજિત કરી શકશે. કોમ્યુનિટીમાં એડમિન માટે નવા શક્તિશાળી ટૂલ પણ હશે, જેમાં દરેકને મોકલી શકાય તેવા અને કયા ગ્રૂપને શામેલ કરી શકાય તેના નિયંત્રણ સાથે ઘોષણા માટેના મેસેજ પણ કરી શકાશે.

અમારું માનવું છે કે કોમ્યુનિટીની સુવિધા શાળાના પ્રિન્સિપાલને ઘણી સહાયરૂપ થઈ રહેશે. વાંચવી ફરજીયાત હોય તેવી અપડેટ શેર કરવા માટે બધાં વાલીઓને એકઠાં કરવા તેમજ જે-તે વર્ગ, ઇતર પ્રવૃત્તિઓ અથવા સ્વયંસેવાની જરૂરિયાત ધરાવતા કામ માટે ગ્રૂપ સેટ કરવામાં તેઓ આ સુવિધાનો ઉપયોગ કરી શકશે.

અમે WhatsApp પર ગ્રૂપની કાર્ય કરવાની રીતો પર પણ સંખ્યાબંધ સુધારાઓ કરી રહ્યા છીએ - પછી ભલે તેઓ કોમ્યુનિટીનો ભાગ હોય કે ન હોય. અમે માનીએ છીએ કે આ લોકોને નવીન રીતે શેર કરવામાં અને મોટી ચેટમાં ભારણ ઘટાડવામાં મદદ કરશે. These features are rolling out in the coming weeks so people can start trying them out even before Communities are ready.

• પ્રતિક્રિયાઓ - WhatsApp પર ઇમોજી પ્રતિક્રિયાઓ પણ આવી રહી છે જેથી લોકો નવા મેસેજથી ચેટને ભરી દીધા વગર ઝડપથી તેમના અભિપ્રાય શેર કરી શકે.
• એડમિન ડિલીટ - ગ્રૂપ એડમિન ગેરમાર્ગે દોરનારા અથવા સમસ્યારૂપ મેસેજને દરેકની ચેટમાંથી દૂર કરી શકશે.
• ફાઇલ શેરિંગ – અમે ફાઇલ શેરિંગની મર્યાદાને 2 ગીગાબાઇટ સુધી વધારી રહ્યાં છીએ જેથી લોકો પ્રોજેકટ પર સરળતાથી સહયોગ સાધી શકે.
• વધુ મોટા વોઇસ કૉલ – અમે 32 જેટલા લોકો માટે એક-ટેપમાં વોઇસ કૉલ કરી શકાય તેવી એકદમ નવી ડિઝાઇન સાથેની સુવિધા પ્રસ્તુત કરવાના છીએ જે ચેટ કરવા કરતાં લાઇવ વાતચીત કરવાનું વધુ અનુકૂળ હોય તેવા સમયે કામ આવે.

કોમ્યુનિટી સ્વાભાવિક રીતે જ ખાનગી હોય છે, તેથી જ અમે મેસેજને એન્ડ-ટૂ-એન્ડ એન્ક્રિપ્શન વડે સુરક્ષિત રાખવાનું ચાલુ રાખીશું. આ સુરક્ષા ટેકનોલોજી ખરેખર લોકોની પ્રાઇવસી અને સલામતીને સુરક્ષિત કરવા માટે અત્યંત આવશ્યક બની ગઈ છે. નજીકથી વણાયેલા ગ્રૂપ - શાળાઓ, ધાર્મિક મંડળોના સભ્યો, અને બિઝનેસની પણ - ઘણા અંશે ઇચ્છા અને જરૂરિયાત છે કે તેઓ સુરક્ષિત અને ખાનગી વાતચીતો કરી શકે જેમાં WhatsApp તેમના દરેક શબ્દ પર નજર ન રાખે. અમે કોમ્યુનિટી માટે પ્રાઇવસી, સલામતી અને સુરક્ષા વિશે કેવો અભિગમ અપનાવી રહ્યા છીએ તે અંગે તમે અહીં વધુ વાંચી શકો છો.

જ્યારે અન્ય ઍપ લાખો લોકો માટે ચેટનું જ નિર્માણ કરી રહી છે, અમે એવા ગ્રૂપ પર ધ્યાન કેન્દ્રિત કરવાનું પસંદ કરી રહ્યાં છીએ જે આપણા દૈનિક જીવનનો ભાગ છે. WhatsApp પર કોમ્યુનિટીની શરૂઆતનો આ સમય છે અને અમારા માટે તેને સપોર્ટ કરવા માટેની નવી સુવિધાઓનું નિર્માણ કરવું એ આવનારા વર્ષ માટે એક મહત્ત્વપૂર્ણ લક્ષ્ય હશે. અમે કોમ્યુનિટી લોકો સુધી પહોંચે તે અંગે ખૂબ જ ઉત્સુક છીએ અને લોકોના પ્રતિસાદની આતુરતાથી રાહ જોઈએ છીએ.

જ્યારે અમે 2013માં સૌપ્રથમ વૉઇસ મેસેજિંગ શરૂ કર્યું ત્યારે અમે જાણતા હતાં કે લોકોની વાતચીત કરવાની રીતમાં તે પરિવર્તન લાવશે. ડિઝાઇનને સરળ રાખીને, અમે વૉઇસ મેસેજ મોકલવાનું અને રેકોર્ડ કરવાનું મેસેજ લખવા જેટલું જ ઝડપી અને સહેલું બનાવ્યું છે. WhatsApp પર અમારા વાપરનારા દરરોજ સરેરાશ 700 કરોડ વૉઇસ મેસેજ મોકલે છે, જે તમામ એન્ડ-ટૂ-એન્ડ એન્ક્રિપ્શનથી સુરક્ષિત છે જેથી વૉઇસ મેસેજને દરેક સમયે ખાનગી અને સુરક્ષિત રાખી શકાય.

WhatsApp પર વૉઇસ મેસેજને બહેતર બનાવતી આ નવી સુવિધાઓની જાહેરાત કરતા આજે અમે આનંદ અનુભવીએ છીએ. આમાં શામેલ છે:

• ચેટની બહાર પ્લેબેક: વૉઇસ મેસેજને ચેટની બહારથી સાંભળો, જેથી તમે એક સાથે વધુ કાર્યો કરી શકો અથવા અન્ય મેસેજને વાંચી કે તેમનો જવાબ આપી શકો.
• રેકોર્ડિંગને થોભાવવું/ફરી શરુ કરવું : વૉઇસ મેસેજ રેકોર્ડ કરતી વખતે જો તમને વિક્ષેપ પડે અથવા વિચાર કરવાનો સમય જોઈતો હોય, તો તમે રેકોર્ડિંગને થોભાવી શકો છો અને ફરી શરૂ કરી શકો છો.
• વેવફોર્મ વિઝ્યુલાઇઝેશન : રેકોર્ડિંગને અનુસરવામાં મદદ મળે તે માટે વૉઇસ મેસેજ પરના અવાજનું દાર્શનિક નિરૂપણ દર્શાવે છે.
• ડ્રાફ્ટ પ્રિવ્યૂ: તમારા વૉઇસ મેસેજને મોકલતા પહેલાં તેને સાંભળી જુઓ.
• પ્લેબેક યાદ રાખવું: જો તમે વૉઇસ મેસેજ સાંભળતી વખતે તેને થોભાવો છો, તો જ્યારે તમે ચેટ પર પાછા ફરો ત્યારે મેસેજને જ્યાં થોભાવ્યો હતો ત્યાંથી જ શરૂ કરી શકો છો.
• ફોરવર્ડ કરેલા મેસેજ માટે ઝડપી પ્લેબેક: રેગ્યુલર અને ફોરવર્ડ કરેલા બંને પ્રકારના મેસેજને ઝડપથી સાંભળવા માટે વૉઇસ મેસેજને 1.5x અથવા 2x ઝડપે વગાડો.

વૉઇસ મેસેજે લોકો માટે વધુ અર્થસભર વાતચીત કરવાનું હવે ઝડપી અને સરળ બનાવી દીધું છે. લાગણીઓ કે રોમાંચ વ્યક્ત કરવા માટે લખવાને બદલે બોલીને કહેવું વધુ સ્વાભાવિક બની રહે. વિશ્વના અનેક દેશોમાં WhatsApp પર વાતચીત કરવા માટે વૉઇસ મેસેજને આગવી પસંદગી મળે છે. તે કોઈ પણ વ્યક્તિ માટે ઉપયોગ કરવામાં સરળ છે - તમારા પરિવારના સભ્યો માટે કે જેઓને ટાઇપ કરવાનું ફાવતું ન હોય, તમારા મિત્રો માટે કે જેમને વાર્તાઓ કહેવી ખૂબ ગમતી હોય, તમારા સાથીઓ માટે જેમને પ્રેરક શબ્દોની જરૂર હોય, અથવા જ્યારે તમે આખા દિવસના અંતે તમારા માતા-પિતાનો અવાજ સાંભળવા ઇચ્છતા હો.

આ નવી સુવિધાઓ જ્યારે થોડા સપ્તાહમાં આવી રહી છે ત્યારે, વાપરનારા તેમનો ઉપયોગ કરી જુએ તે માટે અમે ઉત્સાહિત છીએ.

વિશ્વને અંગત રીતે પરસ્પર જોડવું એ અમારું મિશન છે. આપણી વધુને વધુ વાતો હવે રૂબરૂને બદલે ડિજિટલ સ્વરૂપે થવા લાગી છે. આમ છતાં, સામસામે બેસી, અન્યોન્ય વિશ્વાસ સાથે વિચારોની આપ-લે કરવામાં, સંવાદની એ પળે પરસ્પર જોડાયેલા હોવાનો અહેસાસ થવામાં કંઈક અનેરો જ જાદુ હોવાની હકીકત તો સ્વીકારવી જ રહી. વાતચીતને રેકોર્ડ અને હંમેશને માટે ક્યાંય સ્ટોર કરવામાં આવતી ન હોવાની જાણ સાથે પ્રામાણિક અને સંવેદનશીલ બનવાની સ્વતંત્રતા.

મેસેજ કેટલા સમય સુધી રાખવો તેનો નિર્ણય તમારા હાથમાં હોવો જોઈએ. આપણે જે કંઈ ટાઇપ કરીએ તેની ડિજિટલ છાપ છૂટતી હોવા વિશે કોઈ જ વિચાર ન કરવાની આપણને જાણે આદત પડી ગઈ છે. આપણે કહેલી બધી જ વાતને આપણો પડછાયો બની ટપકાવી લેનાર અને તેને હંમેશ માટે જાળવી રાખનાર આપણા વ્યક્તિગત સહાયક જેવું આ લાગે છે. તેથી જ અમે ગયા વર્ષે ગાયબ થતા મેસેજની સુવિધા રજૂ કરી હતી અને તે જ રીતે હાલમાં અમે ફોટા અને વીડિયોને એકવાર જોઈ લીધા પછી તરત જ ગાયબ કરવાની સુવિધા રજૂ કરી છે.

આજે અમે અમારા વાપરનારને ડિફોલ્ટ રીતે ગાયબ થતા મેસેજ અને બહુવિધ સમયગાળાની સુવિધા સાથે તેમના મેસેજનું નિયંત્રણ કરવાના અને મેસેજ જાળવી રાખવાના વિવિધ સમયગાળાના વધુ વિકલ્પો પૂરા પાડવામાં આનંદ અનુભવીએ છીએ.

હવે WhatsApp વાપરનાર પાસે બધી નવી ચેટ માટે ડિફોલ્ટ રીતે મેસેજને ગાયબ કરવાનું ચાલુ કરવાનો વિકલ્પ હશે. જ્યારે તે ચાલુ કરાય, ત્યારે તમે અથવા અન્ય વ્યક્તિએ શરૂ કરેલી બધી નવી વ્યક્તિગત ચેટ તમે પસંદ કરેલા સમયગાળામાં ગાયબ થઈ જશે. વળી, અમે ઉમેરેલા એક નવા વિકલ્પ અનુસાર, તમે બનાવેલા ગ્રૂપ માટે, ગ્રૂપ ચેટ બનાવતી વખતે તમે આ સુવિધા ચાલુ કરી શકશો. આ નવી સુવિધા વૈકલ્પિક છે અને તે તમારી હાલની કોઈ ચેટમાં ફેરફાર કરતી નથી કે તેને ડિલીટ કરતી નથી.

અમે મેસેજ ગાયબ થવાના બે નવા સમયગાળા ઉમેરી રહ્યાં છીએ: 24 કલાક અને 90 દિવસ, તે ઉપરાંત 7 દિવસનો હાલનો વિકલ્પ તો ઉપલબ્ધ રહેશે જ.

જેમણે ડિફોલ્ટ રીતે મેસેજ ગાયબ થવા પર સ્વિચ થવાનું પસંદ કર્યું હોય તેવા લોકો માટે અમે તમારી ચેટમાં એક મેસેજ બતાવીશું જે લોકોને જણાવશે કે તમે આના માટે ડિફોલ્ટ રીત પસંદ કરી છે. જે સ્પષ્ટ કરે છે કે તેને વ્યક્તિગત રીતે કોઈ લેવાદેવા નથી - આગળ જતાં WhatsApp પર તમે બધા સાથે કેવી રીતે વાતચીત કરવા માંગો છો તે વિશે તમે એક પસંદગી કરી છે. તેમ છતાં, જો તમને કોઈ ખાસ વાતચીતને હંમેશને માટે રાખવાની જરૂર જણાય, તો તે ચેટ માટે અગાઉનો વિકલ્પ કરવો સરળ છે.

વર્ષો સુધી કુટુંબ અને મિત્રોથી અલગ રહેવાની બાબતે હવે એ વધુ સ્પષ્ટ કરી દીધું છે કે આપણે રૂબરૂમાં વાત ન કરી શકીએ તેનો અર્થ એમ નથી કે આપણે આપણી અંગત વાતચીતની પ્રાઇવસીનો ભોગ આપી દેવો જોઇએ. ગાયબ થતા મેસેજ તેમજ એન્ડ-ટૂ-એન્ડ એન્ક્રિપ્શન - આ બંને એવી અતિ મહત્ત્વની સુવિધાઓ છે જેના થકી સાંપ્રત સમયમાં ખાનગી મેસેજિંગ સેવાનો ખરો અર્થ વ્યક્ત થાય છે. રૂબરૂમાં થતા અંગત સંવાદનો અહેસાસ કરાવવાની દિશામાં આ સુવિધાઓ આપણને એક ડગલું આગળ લઈ જાય છે.

શરૂ કરવા માટે તમારા પ્રાઇવસી સેટિંગમાં જાઓ અને 'ડિફોલ્ટ મેસેજ ટાઇમર' પસંદ કરો. તમે અહીં વધુ માહિતી મેળવી શકો છો.

WhatsAppને એક સરળ આશયથી બનાવવામાં આવ્યું હતું: તમે તમારા મિત્રો અને કુટુંબ સાથે જે કંઈ શેર કરો એ ફક્ત તમારી વચ્ચે જ રહે. પાંચ વર્ષ પહેલાં, અમે મૂળ રૂપે જ એન્ડ-ટૂ-એન્ડ એન્ક્રિપ્શન ઉમેર્યું હતું, જે આજે 2 અબજથી વધુ વાપરનારાઓ પાસેથી પસાર થતાં રોજના 100 અબજથી વધુ મેસેજને સુરક્ષિત કરે છે.

જયારે તમારા દ્વારા મોકલાતા અને પ્રાપ્ત થતાં એન્ડ-ટૂ-એન્ડ એન્ક્રિપ્શનથી સુરક્ષિત થયેલ મેસેજ તમારા ડિવાઇસ પર સ્ટોર થાય છે, ત્યારે ઘણા લોકોની તેમનો ફોન ખોવાઈ જાય તે કિસ્સામાં ચેટનું બેકઅપ લેવાના વિકલ્પની પણ માંગ છે. આજથી અમે Google Drive અથવા iCloud પર સ્ટોર થયેલ બેકઅપને એન્ડ-ટૂ-એન્ડ એન્ક્રિપ્શન પ્રદાન કરી સુરક્ષાનું વધુ એક વૈકલ્પિક આવરણ ઉમેરી રહ્યાં છીએ. આ પરિમાણ પર રહેલ કોઈ અન્ય વૈશ્વિક મેસેજિંગ સેવા તેમના વાપરનારના મેસેજ, મીડિયા, વૉઇસ મેસેજ, વીડિયો કૉલ અને ચેટ બેકઅપ માટે આ સ્તરની સુરક્ષા પ્રદાન કરતી નથી.

તમે હવે તમારા એન્ડ-ટૂ-એન્ડ એન્ક્રિપ્શનથી સુરક્ષિત બેકઅપને તમારી પસંદના પાસવર્ડ વડે અથવા 64-અંકની એન્ક્રિપ્શન કી વડે સુરક્ષિત કરી શકો છો, જે ફક્ત તમે જ જાણતા હશો. ન તો WhatsApp કે ન તમારા બેકઅપ સેવા પ્રદાતા તમારા બેકઅપને વાંચી શકશે કે તેને ખોલવા માટે જરૂરી કી મેળવી શકશે.

2 અબજથી વધુ વાપરનારાઓ સાથે, અમે લોકોને તેમની પ્રાઇવસીની સુરક્ષા કરવા માટેના વધુ વિકલ્પો આપવા બદલ ઉત્સાહિત છીએ. WhatsAppનું તાજેતરનું વર્ઝન ધરાવતા હોય તેમના માટે અમે ધીરે-ધીરે આ સુવિધા લાગુ કરતા જઈશું. તમે iOS અને Android પર તમારા ચેટ બેકઅપને એન્ડ-ટૂ-એન્ડ એન્ક્રિપ્શનથી કેવી રીતે સુરક્ષિત કરી શકો તે વિશે વધુ માહિતી અહીં, અને અમે તેનું નિર્માણ કેવી રીતે કર્યું તે વિશે વધુ માહિતી અહીં મળી શકશે.

તમારા WhatsApp મેસેજ ફક્ત તમારા માટે જ છે. આ કારણે તમારા ખાનગી WhatsApp મેસેજ એન્ડ-ટૂ-એન્ડ એન્ક્રિપ્શનથી સુરક્ષિત હોય છે અને આ જ કારણે અમે તે તમારી ચેટમાંથી આપમેળે ગાયબ થઈ જાય તેવી સુવિધા પ્રદાન કરીએ છીએ.

અમને સૌથી વધુ વિનંતી એ કરવામાં આવી હતી કે ફોન સ્વિચ કરતી વખતે ચેટ હિસ્ટ્રીને એક ઓપરેટિંગ સિસ્ટમમાંથી બીજી સિસ્ટમમાં ટ્રાન્સફર કરવાની સુવિધાને સંભવ બનાવો. તેને સુરક્ષિત અને વિશ્વસનીય રીતે બનાવવા માટે અમે ઓપરેટિંગ સિસ્ટમ અને ડિવાઇસ ઉત્પાદકો સાથે મળીને સખત મહેનત કરી રહ્યા છીએ.

અમે તમારી WhatsApp હિસ્ટ્રીને iOSમાંથી Android પર લઈ જવાની સુવિધા શરૂ કરવા માટે ઉત્સાહિત છીએ. આ પ્રક્રિયામાં તમારા મેસેજને WhatsApp પર મોકલ્યા વિના થાય છે અને તેમાં વોઇસ મસેજ, ફોટા અને વીડિયો શામેલ છે. શરૂઆતમાં આ સુવિધા Android 10 અથવા તેનાથી ઉપરનાં કોઈપણ સેમસંગ ડિવાઇસ માટે ઉપલબ્ધ છે અને ટૂંક સમયમાં વધુ Android ડિવાઇસ પર ઉપલબ્ધ થશે.

જ્યારે તમે એક નવું ડિવાઇસ સેટ અપ કરો ત્યારે, તમને તમારી WhatsApp ચેટ હિસ્ટ્રીને તમારા જૂના ડિવાઇસમાંથી તમારા નવા ડિવાઇસમાં સુરક્ષિત રીતે ટ્રાન્સફર કરવાનો વિકલ્પ આપવામાં આવશે. આ પ્રક્રિયા માટે USB-Cથી Lightning કેબલની જરૂર પડશે. વધુ માહિતી અહીં મેળવી શકાય છે.

આતો ફક્ત એક શરૂઆત છે. અમે વધુ લોકોને તેમની પસંદગીના પ્લેટફોર્મ વચ્ચે સ્વિચ કરવા અને તેમની ચેટ સુરક્ષિત રીતે તેમની સાથે રાખવા માટે આ વિકલ્પ ઉપલબ્ધ કરાવવા આતુર છીએ.

ફોટો પાડવા અને વીડિયો બનાવવા એ આપણા જીવનનો એક મોટો હિસ્સો બની ગયો છે, પરંતુ આપણે જે કંઈ પણ શેર કરીએ છીએ તે બધું જ કાયમી ડિજિટલ રેકોર્ડ બને એ જરૂરી નથી. ઘણા ફોન પર ફોટો પાડવાનો અર્થ છે કે તે તમારા કેમેરા રોલમાં કાયમ માટે જગ્યા રોકશે.

તેથી જ આજે અમે એક નવી સુવિધા, ફોટા અને વીડિયો ફક્ત એકવાર જુઓ, રજૂ કરી રહ્યા છીએ, જેમાં ફોટા અને વીડિયો ચેટમાંથી ખોલ્યા પછી ગાયબ થઈ જાય છે. આના થકી વપરાશકર્તાઓનું તેમની ગોપનીયતા પર વધુ નિયંત્રણ રહે છે.

ઉદાહરણ તરીકે, તમે કોઈ દુકાનમાં નવા કપડાં પસંદ કરી રહ્યા હો તેમાંથી કેટલાંકના ફોટા, કોઈ ખાસ પળ પર એક ત્વરિત પ્રતિક્રિયા કે વાઈ-ફાઈ પાસવર્ડ જેવી સંવેદનશીલ માહિતી તમે ફોટો એકવાર જુઓ સુવિધા દ્વારા મોકલી શકો.

તમે WhatsApp પર મોકલો છો એ બધા અંગત મેસેજની જેમ એકવાર જુઓ મીડિયા શરૂથી અંત સુધી સુરક્ષિત છે, જેથી WhatsApp તેને જોઈ શકશે નહીં. તે નવા "એકવાર" આઇકન વડે પણ સ્પષ્ટપણે ચિહ્નિત થશે.

મીડિયા જોવાઈ જાય પછી ચેટમાં શું થઈ રહ્યું હતું તે અંગે કોઈ મૂંઝવણ ન થાય તે માટે મેસેજ "ખોલેલો" દેખાશે.

અમે બધા માટે આ સુવિધા આ અઠવાડિયાથી શરુ કરી રહ્યા છીએ અને અમે ખાનગી તથા ગાયબ થતા મીડિયાને મોકલવાની આ નવી રીત પર પ્રતિસાદની રાહ જોઈશું.

કેવી રીતે અજમાવી શકો તે વિશે તમે અહીં વધુ વાંચી શકો છો.

એવા સમયે જ્યારે આપણામાંના ઘણા બધાં લોકો એકબીજાથી દૂર હોય, ત્યારે મિત્રો અને પરિવારજનો સાથે ગ્રૂપ કૉલમાં એકબીજાને મળવાથી વધુ સારું કંઈ ન હોઈ શકે અને જ્યારે તમને ખબર પડે કે તમે એક ખાસ ક્ષણ ગુમાવી દીધી છે તો તેથી વધુ ખરાબ પણ કંઈ નથી.

ગ્રૂપ કૉલની વધતી લોકપ્રિયતા સાથે અમે અમારા વપરાશકર્તાઓના અનુભવને બહેતર બનાવવા કામ કરતાં આવ્યા છીએ - અને સાથે જ એન્ડ-ટૂ-એન્ડ એન્ક્રિપ્શનની સુરક્ષા અને પ્રાઇવસી તો ખરી જ.

આજે અમે પ્રસ્તુત કરી રહ્યાં છીએ ગ્રૂપ કૉલમાં જોડાવાની ક્ષમતા, તે શરૂ થઈ ગયા પછી પણ. કોઈપણ સમયે જોડાઈ શકાય તેવા કૉલ, ગ્રૂપ કૉલ શરૂ થતી વખતે જ તેનો જવાબ આપવાની ચિંતાને દૂર કરે છે અને WhatsApp પર ગ્રૂપ કૉલિંગમાં વ્યક્તિગત વાતચીતની સહજતા અને સરળતાનો આનંદ પ્રદાન કરે છે.

કેટલીક શ્રેષ્ઠ વાતચીતો ત્યારે થતી હોય છે જ્યારે તમે તેની સૌથી ઓછી અપેક્ષા રાખી હોય. હવે, જો તમારા ગ્રૂપમાંથી કોઈ ફોનની રિંગ વાગે ત્યારે તેનો જવાબ આપવાનું ચૂકી જાય છે, તો તેઓ હજી પણ ગમે ત્યારે કૉલમાં જોડાઈ શકે છે. તમે કૉલ ચાલુ હોય તે દરમિયાન કોઈપણ સમયે કૉલ છોડી શકો છો અને ફરીથી પણ જોડાઈ શકો છો.

અમે એક કૉલ માહિતી સ્ક્રીન પણ બનાવી છે જેથી તમે જોઈ શકો કે કોણ પહેલાથી જ કૉલમાં હાજર છે અને કોને આમંત્રિત કર્યા છે પણ હજી જોડાયા નથી. અને જો તમે 'અવગણો' દબાવ્યું હોય, તો તમે WhatsAppમાં કૉલ ટેબમાંથી પછી પણ જોડાઈ શકો છો.

કોઈપણ સમયે જોડાઈ શકાય તેવા કૉલ આજે જ પ્રસ્તુત થઈ રહ્યાં છે અને અમે આશા રાખીએ છીએ કે લોકો આ નવા અનુભવનો ભરપૂર આનંદ માણે.

તમે તેને કેવી રીતે અજમાવી જોવું તે અહીં જોઈ શકો છો.

We’re honored by the opportunity to support the U.S. government’s sprint to get more Americans vaccinated for COVID-19 before the July 4 holiday, or as soon as they are able to do so.

People of all backgrounds rely on WhatsApp, though we know WhatsApp plays a particularly strong role with Spanish speaking communities in the United States. This new Spanish-language vaccine finder the CDC developed makes it easy to find a location to get the shot, order a free ride to get there, and get information.

It’s amazing what can be done with just a simple text messaging service. Throughout the last year we’ve worked with over 150 governments and health organizations, like WHO and now the CDC, to help counter misinformation, provide updates, and get people vaccinated to end this pandemic. Please help us spread the word to someone you know by tapping https://wa.me/18336361122?text=hola.

Localizador de vacunas de los CDC en WhatsApp disponible en español

Es un honor para nosotros tener la oportunidad de apoyar al gobierno de Estados Unidos en su carrera por lograr que una mayor parte de la ciudadanía se vacune contra el COVID-19 antes de la celebración del 4 de julio, o tan pronto como les sea posible.

Si bien personas de todos los orígenes confían en WhatsApp, sabemos que esta aplicación juega un papel particularmente importante en la comunidad hispanohablante de Estados Unidos. Con el nuevo localizador de vacunas que desarrollaron los Centros para el Control y la Prevención de Enfermedades (CDC, por sus siglas en inglés) y que está disponible en español, será más fácil buscar un lugar donde vacunarse, solicitar un traslado gratuito al centro de vacunación y recibir información.

Es increíble lo que se puede lograr con un simple servicio de mensajería de texto. Durante el último año, trabajamos con más de 150 gobiernos y organizaciones de salud, como la Organización Mundial de la Salud (OMS) y ahora los CDC, para ayudar a contrarrestar la desinformación, ofrecer actualizaciones y lograr que las personas se vacunen para terminar con esta pandemia. Por favor, visita el siguiente enlace y ayúdanos a difundir el mensaje entre tus contactos: https://wa.me/18336361122?text=hola.

WhatsApp પર બિઝનેસ માટે વધુ લોકો ચેટ તરફ વળી રહ્યાં છે ત્યારે, આજે F8 Refresh ખાતે અમે WhatsApp Business APIની અપડેટની ઘોષણા કરી રહ્યાં છીએ જે બિઝનેસ શરું કરવાનું વધુ ઝડપી બનાવશે અને લોકો માટે આ બિઝનેસ સાથે ચેટ કરવાનું સરળ બનાવશે.

WhatsApp પર ઝડપથી શરું કરો

બિઝનેસને તૈયાર થવા અને શરૂ કરવામાં લાગતા અઠવાડિયાઓના સમયને ઘટાડીને હવે અમે તેને ફક્ત પાંચ મિનિટનો કરી દીધો છે. કોઇ બિઝનેસ એક બિઝનેસ ઉકેલ પ્રદાતા સાથે કામ કરવા માંગતા હોય અથવા તો ભવિષ્યમાં સીધો Facebookનો સપોર્ટ મેળવવા ઈચ્છતા હોય, આ સુધારણાઓ વધુ મધ્યમ અને મોટા બિઝનેસને તેમના ગ્રાહકો સાથે WhatsApp પર વાતચીત કરવાનું વધુ સરળ બનાવશે.

બિઝનેસ પાસેથી વધારાની માહિતી પ્રાપ્ત કરો

વધુ બિઝનેસ WhatsApp પર આવી રહ્યાં હોવાથી, બિઝનેસની તેમના ગ્રાહકો સાથે વાતચીત કરવાની રીતોમાં અમે સુધારણા કરી રહ્યાં છીએ. ઉદાહરણ તરીકે, બિઝનેસ મોટા ભાગે સમયસર નોટિફિકેશન મોકલવા પૂરતા મર્યાદિત હતા, જેના કારણે તેમને 24-કલાકની વિન્ડો બહાર ગ્રાહકોનું ફોલો-અપ લેવું મુશ્કેલ બની જતું હતું. તેથી હવે અમે વધુ પ્રકારના મેસેજને સપોર્ટ કરીશું -- ઉદાહરણ તરીકે, જ્યારે કોઈ વસ્તુ સ્ટોકમાં પાછી આવે ત્યારે લોકોને જણાવવું. અમે એ પણ જોયું છે કે મહામારીને પ્રતિસાદ આપવા માટે આરોગ્ય અધિકારીઓ તરફથી સમયાંતરે આવતા અપડેટ કેવી રીતે મદદરૂપ થયા છે અને અમે આ પ્રકારની સેવાને વધુ પ્રકારની વાતચીત માટે ઉપલબ્ધ કરાવવા માંગીએ છીએ.

બિઝનેસને નવી રીતો દ્વારા જવાબ આપો

અમે નવી મેસેજિંગ સુવિધાઓ પણ પ્રસ્તુત કરવા જઈ રહ્યાં છીએ જે લોકોને વધુ ઝડપથી બિઝનેસ કરવામાં મદદ કરી શકે. નવા લિસ્ટ મેસેજ 10 જેટલા વિકલ્પો સાથેનું એક મેનૂ પ્રસ્તુત કરે છે, તેથી લોકોએ હવે જવાબ લખવાની જરૂર ન પડે. જવાબ આપવાના બટનથી લોકોને ત્રણ જેટલા વિકલ્પોમાંથી ત્વરિત દબાવીને ઝડપી પસંદગી કરવાની સુવિધા મળશે, જેને બિઝનેસ તેમના WhatsApp Business API એકાઉન્ટ વડે પહેલેથી જ સેટ કરી શકશે.

હંમેશની જેમ જ, લોકોની ચેટ પર તેમનું જ નિયંત્રણ રહેશે. લોકોને હજી પણ WhatsApp દ્વારા વાતચીત શરૂ કરવા માટે સંપર્ક કરવાની જરૂર પડશે અથવા બિઝનેસને તેમનો સંપર્ક કરવા વિનંતી કરવી પડશે. આ અપડેટ સાથે, લોકોને જો કોઈ બિઝનેસ સાથે સંપર્ક તોડવા માટેનું કોઈ કારણ હોય તો, તેમના અનુભવ વિશેનો વ્યાપક પ્રતિસાદ આપવા માટેની નવી રીતો પણ પ્રદાન કરી રહ્યાં છીએ.

અમે WhatsAppને લોકો અને બિઝનેસને કનેક્ટ કરવા માટેનું સૌથી અનુકૂળ અને વ્યક્તિગત માધ્યમ બનાવવા માંગીએ છીએ અને અમે બિઝનેસ મેસેજિંગને બહેતર બનાવવા માટેના આ નવા અનુભવો અંગે ખૂબ જ ઉત્સાહિત છીએ.