WhatsApp بلاگ
WhatsApp کو ایک نہایت آسان آئیڈیا کی بنیاد پر بنایا گیا ہے اور وہ یہ کہ آپ اپنے دوستوں اور فیملی کے ساتھ جو بھی شیئر کرتے ہیں وہ آپ ہی کے درمیان رہتا ہے۔ پانچ سال پہلے ہم نے بطور ڈیفالٹ شروع سے آخر تک مرموز کاری شامل کی جو آج ایک دن میں 2 بلین سے زیادہ صارفین کے درمیان تبادلہ ہونے والے 100 بلین سے زائد پیغامات کی حفاظت کرتی ہے۔
اگرچہ آپ کے بھیجنے اور وصول کرنے والے شروع سے آخر تک مرموز پیغامات آپ کے ہی آلے پر اسٹور ہوتے ہیں، بہت سے لوگ اپنا فون کھو جانے کی صورت میں اپنی چیٹس کو بیک اپ کرنے کا طریقہ بھی چاہتے ہیں۔ آج سے ہم Google Drive یا iCloud میں محفوظ کردہ بیک اپس کو شروع سے آخر تک مرموز کاری کے ساتھ محفوظ کرنے کے لیے سیکیورٹی کا ایک اضافی، اختیاری طریقہ دستیاب کر رہے ہیں۔ اس پیمانے پر کوئی بھی عالمی پیغام رسانی کی دوسری سروس اپنے صارفین کے پیغامات، میڈیا، صوتی پیغامات، ویڈیو کالز اور چیٹ بیک اپس کے لیے اس سطح کی حفاظت فراہم نہیں کرتی۔
اب آپ اپنی پسند کے کسی ایسے پاس ورڈ یا 64 ہندسوں کی اینکرپشن کلید کے ساتھ اپنے شروع سے آخر تک مرموز بیک اپ کو محفوظ بنا سکتے ہیں جسے صرف آپ جانتے ہیں۔ نہ WhatsApp اور نہ ہی آپ کا بیک اپ سروس فراہم کرنے والا آپ کے بیک اپ کو پڑھ سکے گا اور نہ ہی اسے کھولنے کے لیے درکار کلید تک رسائی حاصل کر سکے گا۔
2 ارب سے زائد صارفین کے ساتھ، ہم لوگوں کو ان کی رازداری کے تحفظ کے لیے مزید انتخاب دینے کے لیے پرجوش ہیں۔ ہم WhatsApp کا تازہ ترین ورژن رکھنے والے صارفین کیلئے اس خصوصیت کو آہستہ آہستہ مہیا کریں گے۔ iOS اور Android پر شروع سے آخر تک مرموز کاری کے ذریعے آپ اپنے چیٹ بیک اپس کی حفاظت کیسے کر سکتے ہیں اس کے بارے میں مزید معلومات یہاں مل سکتی ہے، اور اس بارے میں مزید معلومات کہ ہم نے اسے کیسے تیار کیا یہاں مل سکتی ہے۔
آپ کے WhatsApp پیغامات آپ کی ملکیت ہیں۔ یہی وجہ ہے کہ آپ کے ذاتی WhatsApp پیغامات کو شروع سے آخر تک مرموز کاری کے ذریعے محفوظ کیا جاتا ہے اور ہم انہیں آپ کی چیٹس سے خود بخود غائب ہو جانے کے طریقے فراہم کرتے ہیں۔
ہمارے پاس سب سے زیادہ درخواست کردہ خصوصیات میں سے ایک یہ ہے کہ فون سوئچ کرتے وقت آپ کی چیٹ کی سرگزشت کو ایک آپریٹنگ سسٹم سے دوسرے آپریٹنگ سسٹم میں منتقل کرنا ممکن بنایا جائے۔ ہم آپریٹنگ سسٹم اور ڈیوائس مینوفیکچررز کے ساتھ اس کو محفوظ اور قابل اعتماد طریقے سے بنانے کے لیے سخت محنت کرتے رہے ہیں۔
ہم آپ کی WhatsApp سرگزشت کو iOS سے Android میں منتقل کرنے کی صلاحیت کا آغاز کرنے پر پُرجوش ہیں۔ اس عمل کے دوران آپ کے پیغامات WhatsApp کو نہیں بھیجے جاتے اور اس میں صوتی پیغامات، تصاویر اور ویڈیوز شامل ہیں۔ آغاز میں یہ خصوصیت Android 10 یا اس سے بعد کے ورژن والے کسی بھی Samsung آلے پر دستیاب ہے، اور جلد ہی مزید Android آلات پر دستیاب ہوگی۔
جب آپ کوئی نیا آلہ سیٹ اپ کرتے ہیں تو آپ کو اپنے پرانے آلے سے اپنی چیٹس کو محفوظ طریقے سے اپنے نئے آلے میں منتقل کرنے کا آپشن فراہم کیا جائے گا۔ اس عمل کیلئے ایک USB-C to Lightning کیبل کی ضرورت ہو گی۔ مزید معلومات یہاں مل سکتی ہے۔
یہ تو بس آغاز ہے۔ ہم اس آپشن کو مزید لوگوں کے لیے دستیاب کرنے کے بارے میں سوچ رہے ہیں تاکہ وہ اپنی پسند کے پلیٹ فارمز کے درمیان سوئچ کر سکیں اور محفوظ طریقے سے اپنی چیٹس اپنے ساتھ لے جا سکیں۔
اب جب کہ ہمارے فونوں پر تصاویر یا ویڈیوز لینا ہماری زندگی کا اتنا بڑا حصہ بن گیا ہے، ہر چیز جو ہم شیئر کرتے ہیں اسے مستقل ڈیجیٹل ریکارڈ بننے کی ضرورت نہیں ہوتی ہے۔ بہت سارے فونوں پر، صرف تصویر کھینچنے کا مطلب یہ ہے کہ یہ آپ کے کیمرا رول میں ہمیشہ کے لئے جگہ لے گی۔
یہی وجہ ہے کہ آج ہم نئی ایک دفعہ دیکھی جا سکنے والی تصاویر اور ویڈیوز پیش کر رہے ہیں جو کھلنے کے بعد چیٹ سے غائب ہوجاتی ہیں، جس سے صارفین کو ان کی رازداری پر مزید کنٹرول حاصل ہوگا۔
مثال کے طور پر، ممکن ہے آپ کسی اسٹور پر پہن کر آزما رہے کچھ نئے کپڑوں، کسی یادگار لمحے کے فوری رد عمل، یا Wi-Fi پاس ورڈ جیسی کسی حساس چیز کی ایک دفعہ دیکھی جا سکنے والی تصویر بھیجنا چاہیں۔
WhatsApp پر بھیجے جانے والے آپ کے تمام ذاتی پیغامات کی طرح، ایک بار دیکھا جا سکنے والا میڈیا شروع سے آخر تک مرموز کاری کے ذریعے محفوظ کیا جاتا ہے لہذا WhatsApp ان کو نہیں دیکھ سکتا ہے۔ انہیں واضح طور پر ایک نئے "ایک بار کیلئے" آئیکن کے ساتھ نشان زد بھی کیا جائے گا۔
میڈیا دیکھے جانے کے بعد، اس وقت چیٹ میں کیا ہو رہا تھا اس سے متعلق کسی بھی قسم کے ابہام سے بچنے کے لئے پیغام "کھولا گیا" کے بطور دکھائی دے گا۔
ہم اس ہفتے کے آغاز میں ہر کسی کیلئے اس خصوصیت کو پیش کررہے ہیں اور پرائیویٹ اور غائب ہو جانے والے میڈیا کو بھیجنے کے اس نئے طریقے سے متعلق رائے کے منتظر ہیں۔
آپ اسے آزمانے کے طریقے سے متعلق مزید یہاں پڑھ سکتے ہیں۔
ایک ایسے وقت میں جب ہم میں سے بہت سے لوگ ایک دوسرے سے دور ہیں، دوستوں اور فیملی کے ساتھ ایک گروپ کال پر اکٹھے ہونے سے بہتر کوئی اور چیز نہیں ہے، اور یہ احساس سب سے زیادہ تکلیف دہ احساس ہے کہ آپ کسی خاص لمحے سے محروم رہ گئے ہیں۔
چونکہ گروپ کالوں کی مقبولیت میں اضافہ ہوتا جارہا ہے، ہم اپنے صارفین کے لئے تجربے کو بہتر بنانے کے لئے کام کر رہے ہیں - جبکہ ہم یقینی طور پر اب بھی شروع سے آخر تک مرموز کاری کی حفاظت اور رازداری فراہم کرتے ہیں۔
آج ہم کسی گروپ کال میں اس کے شروع ہو جانے کے بعد بھی شامل ہو سکنے کی اہلیت متعارف کروا رہے ہیں۔ قابلِ شمولیت کالز کی سہولت کسی گروپ کال کے آغاز کے ساتھ ہی اس کا جواب دینے کی ضرورت کو کم کر دیتی ہے، اور WhatsApp پر گروپ کالنگ میں انفرادی بات چیت والی برجستگی اور آسانی لاتی ہے۔
کچھ بہترین گفتگوئیں تب ہوتی ہیں جب آپ کو ان کی بہت کم امید ہوتی ہے۔ اب اگر فون بجنے پر آپ کے گروپ میں سے کوئی کال نہیں اٹھاتا ہے تو وہ جب بھی چاہیں شامل ہو سکتے ہیں۔ کال جاری ہونے کی صورت میں آپ کسی بھی وقت چھوڑ کر جا سکتے ہیں اور دوبارہ شامل ہو سکتے ہیں۔
ہم نے کال انفارمیشن اسکرین بھی بنائی ہے تاکہ آپ دیکھ سکیں کہ کال پر پہلے سے کون ہے، اور کون مدعو کیا گیا ہے لیکن ابھی شامل نہیں ہوا ہے۔ اور اگر آپ 'نظر انداز کریں' پر ٹیپ کرتے ہیں تو آپ WhatsApp میں کالز ٹیب سے بعد میں شامل ہو سکتے ہیں۔
قابلِ شمولیت کالز کی سہولت آج سے متعارف ہو رہی ہے اور ہم امید کرتے ہیں کہ لوگ نئے تجربے میں زیادہ سے زیادہ فائدہ اٹھانا شروع کرسکتے ہیں۔
اسے کیسے آزمانا ہے اس بارے میں آپ مزید یہاں پڑھ سکتے ہیں۔
We’re honored by the opportunity to support the U.S. government’s sprint to get more Americans vaccinated for COVID-19 before the July 4 holiday, or as soon as they are able to do so.
People of all backgrounds rely on WhatsApp, though we know WhatsApp plays a particularly strong role with Spanish speaking communities in the United States. This new Spanish-language vaccine finder the CDC developed makes it easy to find a location to get the shot, order a free ride to get there, and get information.
It’s amazing what can be done with just a simple text messaging service. Throughout the last year we’ve worked with over 150 governments and health organizations, like WHO and now the CDC, to help counter misinformation, provide updates, and get people vaccinated to end this pandemic. Please help us spread the word to someone you know by tapping https://wa.me/18336361122?text=hola.
Localizador de vacunas de los CDC en WhatsApp disponible en español
Es un honor para nosotros tener la oportunidad de apoyar al gobierno de Estados Unidos en su carrera por lograr que una mayor parte de la ciudadanía se vacune contra el COVID-19 antes de la celebración del 4 de julio, o tan pronto como les sea posible.
Si bien personas de todos los orígenes confían en WhatsApp, sabemos que esta aplicación juega un papel particularmente importante en la comunidad hispanohablante de Estados Unidos. Con el nuevo localizador de vacunas que desarrollaron los Centros para el Control y la Prevención de Enfermedades (CDC, por sus siglas en inglés) y que está disponible en español, será más fácil buscar un lugar donde vacunarse, solicitar un traslado gratuito al centro de vacunación y recibir información.
Es increíble lo que se puede lograr con un simple servicio de mensajería de texto. Durante el último año, trabajamos con más de 150 gobiernos y organizaciones de salud, como la Organización Mundial de la Salud (OMS) y ahora los CDC, para ayudar a contrarrestar la desinformación, ofrecer actualizaciones y lograr que las personas se vacunen para terminar con esta pandemia. Por favor, visita el siguiente enlace y ayúdanos a difundir el mensaje entre tus contactos: https://wa.me/18336361122?text=hola.
زیادہ سے زیادہ افراد کے WhatsApp پر کاروباروں کے ساتھ چیٹ کرنے کا انتخاب کرنے پر، آج F8 Refresh پر ہم WhatsApp Business API میں ایسی اپ ڈیٹس کا اعلان کر رہے ہیں جن سے کاروبار زیادہ تیزی سے آغاز کر سکیں گے اور لوگوں کیلئے ان کاروباروں کے ساتھ چیٹ کرنا آسان ہوجائے گا۔
WhatsApp پر زیادہ تیزی سے شروعات کریں
ہم نے کاروباروں کیلئے شروعات کرنے میں لگنے والے وقت کو ہفتوں سے کم کر کے محض پانچ منٹ کر دیا ہے۔ چاہے کوئی کاروبار کسی کاروباری حل فراہم کرنے والے کے ساتھ کام کرنا چاہے یا مستقبل میں Facebook سے براہ راست سپورٹ حاصل کرنا چاہے، ان بہتریوں سے درمیانے اور بڑے زیادہ کاروباروں کے لئے صارفین سے WhatsApp پر گفتگو کرنا آسان ہوجائے گا۔
کاروباروں سے اضافی معلومات حاصل کریں
جیسے جیسے مزید کاروبار WhatsApp پر آ رہے ہیں، ہم اس بات میں بہتری لا رہے ہیں کہ کس طرح کاروبار اپنے صارفین سے بات چیت کرسکتے ہیں۔ مثال کے طور پر، کاروبار اکثر بروقت اطلاعات بھیجنے تک ہی محدود رہتے تھے، جس کی وجہ سے 24 گھنٹے بعد صارفین کے ساتھ فالو اپ کرنا مشکل ہوتا تھا۔ لہذا اب ہم پیغامات کی مزید اقسام کو سپورٹ کریں گے -- مثال کے طور پر، کسی چیز کے دوبارہ اسٹاک میں آ جانے پر لوگوں کو آگاہ کرنا۔ ہم نے یہ بھی دیکھا ہے کہ وبائی مرض کا جواب دینے سے متعلق ہیلتھ اتھارٹیز کی وقتاً فوقتاً اپ ڈیٹس کس طرح مدد گار رہی ہیں اور ہم اس نوعیت کی سروس کو گفتگو کی مزید اقسام کیلئے دستیاب بنانا چاہتے ہیں۔
نئے طریقوں سے کاروباروں کو جواب دیں
ہم میسجنگ کی نئی خصوصیات بھی فراہم کر رہے ہیں جن سے لوگوں کو اپنے کام زیادہ تیزی سے سرانجام دینے میں مدد مل سکتی ہے۔ نئے فہرست پیغامات میں 10 اختیارات تک کا ایک مینو ہوتا ہے تاکہ لوگوں کو کوئی جواب ٹائپ نہ کرنا پڑے۔ جواب والے بٹنوں سے لوگ ایک فوری ٹیپ کے ذریعے تین اختیارات میں سے ایک کا انتخاب تیزی سے کرسکیں گے جنہیں کوئی کاروبار اپنے WhatsApp Business API اکاؤنٹ کے ذریعے وقت سے پہلے سیٹ کر سکتا ہے۔
ہمیشہ کی طرح، لوگوں کو ان کی چیٹس پر کنٹرول حاصل رہتا ہے۔ لوگوں کو اب بھی گفتگو شروع کرنے یا کسی کاروبار کو اس بات کی درخواست کرنے کی ضرورت ہو گی کہ وہ WhatsApp کے ذریعے ان سے رابطہ کرے۔ ان اپ ڈیٹس کے ساتھ، اگر لوگوں کے پاس کسی کاروبار کو بلاک کرنے کی کوئی وجہ ہو تو ہم انہیں اپنے تجربے کے بارے میں زیادہ تاثرات فراہم کرنے کیلئے نئے طریقے بھی مہیا کر رہے ہیں۔
ہم چاہتے ہیں کہ WhatsApp لوگوں اور کاروباروں کیلئے ایک دوسرے سے منسلک ہونے کا سب سے آسان اور ذاتی طریقہ بنے، اور ہم ان نئے تجربات سے متعلق پرجوش ہیں جنہیں ہم کاروباری میسجنگ کو بہتر بنانے کیلئے تخلیق کررہے ہیں۔
WhatsApp کو ورلڈ ہیلتھ آرگنائزیشن (WHO) کے ساتھ مل کر ایک نئے ”Vaccines for All“ نامی اسٹیکر پیک کا اعلان کرنے پر فکر ہے۔ ہم امید کرتے ہیں کہ یہ اسٹیکر لوگوں کو ایک دوسرے سے منسلک ہونے اور نجی طور پر اپنی خوشی، راحت اور اس امید کا اظہار کرنے کا ایک تفریحی اور تخلیقی طریقہ فراہم کریں گے جو وہ ان امکانات کے بارے میں محسوس کرتے ہیں جو COVID-19 کی ویکسینز پیش کرتی ہیں، اور ان سے وہ ہیلتھ کیئر کے ان ہیروز کیلئے اپنی ستائش کا اظہار بھی کر سکیں گے جنہوں نے اس طویل اور مشکل وقت کے دوران زندگیاں بچانے کا اپنا کام جاری رکھا ہے۔
وبائی مرض کے آغاز سے ہی ہم نے اپنے 2 بلین صارفین کو درست معلومات اور وسائل فراہم کرنے کیلئے COVID-19 ہیلپ لائنز پر 150 سے زیادہ قومی، ریاستی اور مقامی حکومتوں اور WHO اور UNICEF جیسی تنظیموں کے ساتھ شراکت کی ہے۔ گزشتہ ایک سال میں ان عالمی ہیلپ لائنز پر 3 بلین سے زیادہ پیغامات بھیجے گئے ہیں۔
چونکہ وبائی مرض بہت سے ممالک میں ایک نئے مرحلے میں داخل ہو گیا ہے، انڈونیشیا، جنوبی افریقہ، ارجنٹائن، برازیل اور انڈیا جیسے ممالک میں حکومتیں شہریوں کو ویکسین اور رجسٹریشن سے متعلق درست معلومات نجی طور پر فراہم کرنے کیلئے ان ہیلپ لائنز کو استعمال کر رہی ہیں۔ انڈونیشیا میں 500,000 طبی کارکنوں نے ابتدائی 5 دنوں میں اس سروس پر اپنی ویکسین اپائنٹمنٹس کیلئے رجسٹر کیا۔
ہم حکومتوں اور بین الاقوامی تنظیموں کی دنیا بھر میں زیادہ سے زیادہ لوگوں کو ویکسین سے متعلق معلومات اور سروسز سے منسلک کرنے میں مدد کرنا چاہتے ہیں، خاص طور پر ایسے لوگ جو ایسے مقامات میں رہتے ہیں جہاں مشکل سے پہنچا جا سکتا ہے یا جن کا تعلق پسماندہ گروپس سے ہے۔ ہم نے وہ فیس بھی معاف کردی ہے جو ہماری WhatsApp Business API کے ذریعے پیغام بھیجنے سے اکٹھی ہوتی ہے۔
جیسا کہ ہم کچھ ممالک میں ذاتی طور پر ایک ساتھ اکٹھا ہونے کی طرف آہستگی سے گامزن ہیں، ہم امید کرتے ہیں کہ لوگ WhatsApp پر اپنے نجی خیالات اور تجربات اپنی فیملی اور قریبی دوستوں کے ساتھ شیئر کرتے رہیں گے۔
”Vaccines for All“ اسٹیکر پیک اب WhatsApp کے اندر ہی دستیاب ہے۔
ہمیں یہ اعلان کرتے ہوئے بے حد خوشی محسوس ہو رہی ہے کہ اب WhatsApp کی ڈیسک ٹاپ ایپ سے ایک دوسرے کو نجی اور محفوظ وائس اور ویڈیو کالز کی جا سکتی ہیں۔
گذشتہ سال کے دوران ہم نے WhatsApp پر لوگوں کی جانب سے ایک دوسرے کو کی جانے والی کالز میں نمایاں اضافہ دیکھا ہے، اور اکثر یہ کالز لمبی بات چیت کے لئے ہوتی ہیں۔ گزشتہ سال کے آخری روز ہم نے اب تک ایک دن میں کی جانے والی سب سے زیادہ کالز کا ریکارڈ توڑ دیا تھا۔ ایک ہی دن میں 1.4 ارب وائس اور ویڈیو کالز کی گئی تھیں۔ چونکہ بہت سے لوگ اپنوں سے دور ہیں، اور کام کرنے کے نئے طریقوں کے مطابق خود کو ایڈجسٹ کرنے کی کوشش کر رہے ہیں، ہم چاہتے ہیں کہ WhatsApp پر ہونے والی بات چیت زیادہ سے زیادہ نجی اور ذاتی محسوس ہو، بھلے ہی آپ دنیا میں کہیں بھی ہوں یا کوئی بھی آلہ استعمال کر رہے ہوں۔
بڑی اسکرین پر کال کرنے سے ساتھ میں کام کرنے والوں کے ساتھ کام کرنا اور اپنی فیملی کو بڑے کینوس پر زیادہ واضح طور پر دیکھ پانا آسان ہو جاتا ہے، یا پھر ہاتھ میں موبائل لیے بغیر آپ کمرے میں چل پھر کر بھی بات کر سکتے ہیں۔ ڈیسک ٹاپ کالنگ کو مزید کار آمد بنانے کے لئے، ہم نے اس بات کو یقینی بنایا ہے کہ یہ لمبائی (پورٹریٹ) اور چوڑائی (لینڈ اسکیپ) کی دونوں سمتوں پر ہی بلا رکاوٹ کام کرے، آپ کی کمپیوٹر اسکرین پر ایک علیحدہ ونڈو میں ظاہر ہو جس کی سائز تبدیل کی جا سکے، اور ہمیشہ اوپر رہے تاکہ ایک براؤزر ٹیب میں یا متعدد کھلی ونڈوز میں بھی آپ کی ویڈیو کال ہمیشہ چلتی رہے۔
WhatsApp پر وائس اور ویڈیو کالز شروع سے آخر تک انکرپشن کے ذریعے محفوظ (اینڈ سے اینڈ انکرپٹڈ) ہوتی ہیں، لہٰذا WhatsApp انہیں نہ سن سکتا ہے اور نہ ہی دیکھ سکتا ہے، چاہے آپ اپنے فون سے کال کریں یا اپنے کمپیوٹر سے۔ ہم WhatsApp ڈیسک ٹاپ ایپ پر ایک دوسرے سے کال کرنے کی سہولت کا آغاز کر رہے ہیں تاکہ ہم آپ کو ایک قابل اعتماد اور اعلیٰ معیار کا تجربہ فراہم کر سکیں۔ ہم مستقبل میں اس فیچر میں گروپ وائس اور ویڈیو کالز بھی متعارف کرائیں گے۔
ہمیں امید ہے کہ لوگ اپنے دوستوں اور فیملی کے ساتھ نجی اور محفوظ ڈیسک ٹاپ کالنگ سے لطف اندوز ہوں گے۔ آپ Windows PC اور Mac پر ڈیسک ٹاپ ایپ ڈاؤن لوڈ کرنے کے طریقے سمیت، مزید معلومات یہاں دیکھ سکتے ہیں۔
آج ہم اس حوالے سے اپ ڈیٹ کردہ منصوبے شیئر کر رہے ہیں کہ ہم کیسے WhatsApp کے صارفین سے ہماری سروس کی شرطیں اور پرائیویسی پالیسی پڑھنے کے لیے کہیں گے۔ اس اپ ڈیٹ کے بارے میں ہمیں پہلے بہت زیادہ غلط معلومات کا سامنا کرنا پڑا اور ہم مسلسل ہر طرح کی غلط فہمی دور کرنے کیلئے کڑی محنت کر رہے ہیں۔
آپ کو یاد دلاتے چلیں کہ ہم WhatsApp پر کاروباروں کے ساتھ چیٹ یا خریداری کرنے کے لیے ایسے نئے طریقے بنا رہے ہیں جن کا استعمال مکمل طور پر آپ کی مرضی پر منحصر ہے۔ ذاتی پیغامات ہمیشہ شروع سے آخر تک انکرپشن کے ذریعے محفوظ رہیں گے، اسلئے WhatsApp انہیں پڑھ یا سن نہیں سکتا۔
ہم نے اس بارے میں غور و فکر کیا ہے کہ ہم کیا چیزیں بہتر کر سکتے ہیں۔ ہم چاہتے ہیں کہ ہر کسی کو معلوم ہو کہ ہم نے شروع سے آخر تک انکرپشن کی ٹیکنالوجی کی حفاظت اور دفاع کے لیے کیا کیا ہے اور یہ اعتماد ہو کہ ہم لوگوں کی پرائیویسی اور سیکیورٹی کی حفاظت کے لیے کتنی ذمہ داری اور سنجیدگی سے کام لیتے ہیں۔ ہم اب اپنے اسٹیٹس فیچر کے ذریعے اپنی اقدار اور اصول اور اپ ڈیٹس براہ راست WhatsApp میں شیئر کر رہے ہیں۔ ہم آئندہ اپنی بات مزید واضح انداز میں پہنچانے کیلئے کئی مختلف اقدامات لیں گے۔
آنے والے ہفتوں میں ہم WhatsApp میں ایک بینر دکھائیں گے جو لوگوں کو مزید معلومات فراہم کرے گا اور لوگ اسے اپنی سہولت اور وقت کے مطابق پڑھ پائیں گے۔ ہم نے گردش کرنے والی تشویشات دور کرنے کی کوشش کرنے کیلئے مزید معلومات بھی شامل کی ہیں۔ اور آخر میں، ہم لوگوں کو WhatsApp کا استعمال جاری رکھنے کیلئے یہ اپ ڈیٹس پڑھنے اور قبول کرنے کے بارے میں نوٹیفیکیشن بھیجنا شروع کر دیں گے۔
ہمارے خیال میں لوگوں کو یہ بتانا بھی اہم ہے کہ ہم WhatsApp مفت کیسے فراہم کر پاتے ہیں۔ روزانہ لاکھوں لوگ کسی نہ کسی کاروبار کے ساتھ WhatsApp پر بات کرتے ہیں کیونکہ ایسا کرنا فون کال یا ای میل کرنے سے زیادہ آسان ہے۔ ہم WhatsApp پر کسٹمر سروس فراہم کرنے کیلئے کاروباروں سے معاوضہ لیتے ہیں، نہ کہ لوگوں سے۔ خریداری کے کچھ فیچرز میں Facebook بھی شامل ہے تاکہ کاروبار سبھی ایپس پر اپنی انوینٹری کا نظم کر سکیں۔ ہم مزید معلومات براہ راست WhatsApp میں ہی دکھاتے ہیں تاکہ لوگ خود اس بات کا فیصلہ کر سکیں کہ وہ کاروباروں کے ساتھ بات چیت کرنا چاہتے ہیں یا نہیں۔
ہم سمجھتے ہیں کہ اس دوران کچھ لوگ یہ دیکھنے کیلئے دوسری ایپس چیک کر سکتے ہیں کہ وہ کیا فراہم کر رہی ہیں۔ ہم نے اپنے کچھ حریفوں کو یہ دعوی کرتے دیکھا ہے کہ وہ لوگوں کے پیغامات نہیں دیکھ سکتے، لیکن اگر کوئی ایپ ڈیفالٹ طور پر شروع سے آخر تک انکرپشن فراہم نہیں کرتی تو اس کا مطلب ہے کہ وہ آپ کے پیغامات پڑھ سکتی ہے۔ دیگر ایپس دعوی کرتی ہیں کہ وہ اس لیے بہتر ہیں کیونکہ ان کے پاس WhatsApp سے بھی کم معلومات ہوتی ہیں۔ ہمارا ماننا ہے کہ لوگ ایسی ایپس تلاش کرتے ہیں جو قابل اعتماد اور محفوظ دونوں ہوں، چاہے اس کیلئے WhatsApp کو کچھ محدود ڈیٹا حاصل کرنے کی ضرورت ہو۔ ہم مکمل غور و فکر اور سنجیدگی کے ساتھ فیصلے لیتے ہیں اور ہم زیادہ نہیں، کم ہی معلومات کے ساتھ ان ذمہ داریوں کو پورا کرنے کے نئے طریقے بناتے رہیں گے۔
ہم ان سبھی لوگوں کے بے حد شکرگزار ہیں جنہوں نے ان تشویشات کو دور کرنے میں ہماری مدد کی اور سوالات کا جواب دینے کیلئے پیش پیش رہتے ہیں۔ ہم نے 2021 کیلئے نئی چیزیں بنانا بند نہیں کیا ہے اور آنے والے ہفتوں اور مہینوں میں مزید اپ ڈیٹس شیئر کرنے کے منتظر ہیں۔
ہمیں بہت سارے لوگوں سے یہ معلوم ہوا ہے کہ ہمارے نئے اپ ڈیٹ کے بارے میں لوگ بہت زیادہ غلط فہمیوں کا شکار ہیں۔ فکر اور تشویش پیدا کرنے والی بہت سی غلط معلومات اور افواہیں گردش کر رہی ہیں۔ لہذا ہم اپنے اصول اور ضابطے اور سچائی جاننے میں سب کی مدد کرنا چاہتے ہیں۔
WhatsApp کو ایک نہایت آسان آئیڈیا کی بنیاد پر بنایا گیا ہے اور وہ یہ کہ آپ اپنے دوستوں اور فیملی کے ساتھ جو بھی شیئر کرتے ہیں وہ آپ ہی کے درمیان رہتا ہے۔ اس کا مطلب یہ ہے کہ ہم شروع سے آخر تک مرموز کاری (اینڈ ٹو اینڈ انکرپشن) کے ذریعے ہمیشہ آپ کی ذاتی بات چیت کی حفاظت کرتے ہیں اور کریں گے، لہذا WhatsApp ہو یا Facebook، کوئی بھی آپ کے نجی پیغامات کو نہیں دیکھ سکتا۔ یہی وجہ ہے کہ ہم یہ ریکارڈز اپنے پاس نہیں رکھتے کہ کون کسے پیغام بھیج رہا ہے یا کال کر رہا ہے۔ WhatsApp آپ کا شیئر کیا گيا مقام بھی نہیں دیکھ سکتا اور نہ ہی Facebook کے ساتھ آپ کے رابطے شیئر کرتا ہے۔
ان اپ ڈیٹس سے ان میں سے کچھ بھی تبدیل نہیں ہو رہا ہے۔ بلکہ اس اپ ڈیٹ میں ایسے نئے آپشنز شامل ہیں جو WhatsApp پر کسی کاروبار کو پیغام بھیجنے کیلئے لوگوں کے پاس ہوں گے اور یہ اپ ڈیٹ ہمارے ڈیٹا حاصل کرنے اور استعمال کرنے کے بارے میں مزید شفافیت فراہم کرتا ہے۔ اگرچہ فی الحال ہر کوئی WhatsApp پر کاروبار سے خریداری نہیں کرتا ہے لیکن ہمارا ماننا ہے کہ آنے والے دنوں میں زیادہ لوگ WhatsApp پر خریداری کریں گے، لہذا لوگوں کا ان سروسز سے واقف ہونا اہم ہے۔ یہ اپ ڈیٹ Facebook کے ساتھ ڈیٹا شیئر کرنے کی ہماری قابلیت میں اضافہ نہیں کرتا ہے۔
اس صورتحال کے پیش نظر، ہم اب لوگوں کے لیے سروس کی شرطوں کو پڑھنے اور قبول کرنے کی تاریخ آگے بڑھا رہے ہیں۔ کسی کا بھی اکاؤنٹ 8 فروری کو معطل یا ڈیلیٹ نہیں ہوگا۔ اس دوران ہم WhatsApp کی رازداری، پرائیویسی اور سیکیورٹی کے بارے میں پھیلی غلط معلومات اور افواہوں کو رد اور ختم کرنے کیلئے اور بھی بہت کچھ کرنے جا رہے ہیں۔ اس کے بعد ہم 15 مئی کو نئے کاروباری آپشنز دستیاب ہونے سے پہلے لوگوں سے آہستہ آہستہ ان کی اپنی سہولت کے مطابق پالیسی پڑھنے کو کہیں گے۔
WhatsApp نے دنیا بھر کے لوگوں کو شروع سے آخر تک مرموز کاری (اینڈ ٹو اینڈ انکرپشن) کی سہولت فراہم کرنے میں مدد کی ہے اور ہم اب بھی اور آئندہ کیلئے بھی حفاظت اور سیکیورٹی کی اس ٹیکنالوجی کے دفاع کیلئے پُرعزم ہیں۔ ہم ان سبھی لوگوں کا شکریہ ادا کرنا چاہتے ہیں جنہوں نے ہم سے رابطہ کیا اور ان بہت سارے لوگوں کا بھی جنہوں نے سچائی پھیلانے میں اور افواہوں کو روکنے میں مدد کی۔ ہم WhatsApp کو نجی طور پر بات چیت کرنے کا بہترین ذریعہ بنانے کیلئے اپنی بھرپور کوشش جاری رکھیں گے۔