ہمیں یہ بتانے میں خوشی ہو رہی ہے کہ اب دنیا بھر میں 200 کروڑ سے زیادہ صارفین WhatsApp استعمال کرتے ہیں۔

والدین اپنے بچوں کے ساتھ رابطہ میں رہتے ہیں چاہے وہ کہیں بھی ہوں۔ بھائی اور بہن اپنے اہم لمحات شیئر کرتے ہیں۔ اسی طرح کام کرنے والے ساتھی ایک دوسرے کی مدد کرتے ہیں اور کاروبار اپنے کسٹمرز سے آسانی کے ساتھ جڑ کر ترقی کرتے ہیں۔

نجی باتیں جو کبھی مل کر ہی کی جا سکتی تھیں اب فوری چیٹس اور ویڈیو کال کے ذریعے کہیں سے بھی ہو سکتی ہیں۔ بہت سے اہم اور خاص لمحات WhatsApp پر شیئر ہوتے ہیں اور اس مقام پر پہنچنے پر ہم خوشی اور فخر محسوس کرتے ہیں۔

ہم یہ سمجھتے ہیں کہ جتنا ہم لوگوں کو ایک دوسرے سے جوڑتے ہیں اتنا ہی زیادہ سیکیورٹی اور حفاظت فراہم کرانا ضروری ہے۔ چونکہ انٹرنیٹ پر لوگوں کی سرگرمی میں اضافہ ہو گیا ہے اس لئے ان کی بات چیت کی حفاظت پہلے سے کہیں زیادہ اہم ہے۔

اسی لئے WhatsApp پر بھیجا گیا ہر نجی پیغام ڈیفالٹ طور پر شروع سے آخر تک مرموز کاری کے ذریعے محفوظ ہوتا ہے۔ مضبوط مرموزکاری اور سیکیورٹی نہ ٹوٹنے والے ڈیجیٹل لاک کی طرح کام کرتی ہے جو WhatsApp پر بھیجی گئی معلومات کو محفوظ کرتا ہے۔ اس سے ہیکرز اور جرائم پیشہ لوگوں سے آپ کی حفاظت کرنے میں مدد ملتی ہے۔ پیغامات صرف آپ کے فون پر ہوتے ہیں۔ کوئی دوسرا شخص آپ کے پیغامات کو نہ ہی پڑھ سکتا ہے نہ ہی آپ کی کالز کو سن سکتا ہے، WhatsApp بھی پڑھ یا سن نہیں سکتا۔ اس طرح نجی باتیں صرف آپ اور آپ کے رابطہ کے درمیان ہی رہتی ہیں۔

مضبوط مرموزکاری اور سیکیورٹی عصر حاضر میں بیحد ضروری ہے۔ ہم سیکیورٹی کے معاملہ میں کبھی بھی سمجھوتہ نہیں کریں گے کیونکہ اس سے لوگوں کی حفاظت کم ہوتی ہے۔ بلکہ مزید حفاظت اور سیکیوٹی کے لیے ہم سیکیورٹی کے بڑے ماہرین کے ساتھ کام کرتے ہیں، غلط استعمال روکنے اور مسائل رپورٹ کرنے کے لیے کنٹرولز اور طریقے فراہم کرنے کی خاطر انڈسٹری کی اہم ٹیکنالوجی استعمال کرتے ہیں — اور یہ سب رازداری کا سمجھوتہ کیے بغیر کرتے ہیں۔

WhatsApp‎ کی شروعات اس مقصد کے ساتھ ہوئی کہ ایسی سروس بنائی جائے جو لوگوں کے لیے استعمال کرنے میں آسان، بھروسے مند اور نجی ہو۔ لوگوں کو آپس میں جوڑنے اور دنیا بھر کے 200 کروڑ صارفین کی ذاتی بات چیت کی حفاظت کرنے کے لیے ہم آج بھی اتنا ہی پرعزم اور پابند ہیں جتنا ہم شروع میں تھے۔

لوگ WhatsApp پر اپنے پسندیدہ چھوٹے کاروباروں کے ساتھ چیٹ کرنا پسند کرتے ہیں لیکن پروڈکٹ کی معلومات حاصل کرنے کے لیے متعدد پیغامات اور تصاویر طلب کرنا اور بھیجنا اکتا دینے والا کام ہے۔ آج ہم نے WhatsApp Business ایپ میں کیٹالاگ کے تعارف سے کاروباروں کے فراہم کیے جانے والے پروڈکٹس اور سروسز کے بارے میں جاننے کو مزید آسان بنا دیا ہے۔

کیٹالاگز کاروباروں کے لیے اپنے سامان دکھانے اور شیئر کرنے کے لیے موبائل اسٹور فرنٹ ہیں تاکہ لوگ آسانی سے کوئی بھی ایسی چیز براؤز کر کے تلاش کر سکیں جسے وہ خریدنا چاہیں گے۔ پہلے کاروباروں کو پروڈکٹ کی تصاویر، ایک وقت میں ایک ہی، بھیجنی پڑتی تھی اور بار بار معلومات فراہم کرنی پڑتی تھی — اب کسٹمرز WhatsApp میں ہی مکمل کیٹالاگ دیکھ سکتے ہیں۔ اس سے کسٹمرز کاروباروں سے مثبت طور پر متاثر ہوتے ہیں اور وہ WhatsApp میں رہ کر ہی پروڈکٹس کی معلومات حاصل کر سکتے ہیں۔ انہیں کسی ویب سائٹ پر جانے کی ضرورت نہیں پڑتی۔

"اگرادیا" انڈونیشیا میں پائيدار جڑی بوٹیوں اور مصالحوں کا ایک کاروبار ہے۔ ہم نے اس کاروبار کے فاؤنڈر اندھیکا مہاردیکا کو کیٹالاگ خصوصیت تک ابتدائی رسائی دی اور انہوں نے ہمیں بتایا کہ اس خصوصیت سے کسٹمرز کو ان کے پروڈکٹس، قیمتوں کے بارے میں جاننے اور ان کے پروڈکٹس کی تصاویر دیکھنے میں زیادہ سہولت ہوتی ہے — جو کسٹمرز کو بہتر سروس فراہم کرنے کے لیے ضروری ہے۔

کاروبار کیٹالاگ میں موجود ہر آئٹم کے لیے قیمت، تفصیل اور پروڈکٹ کوڈ سمیت معلومات شامل کر سکتے ہیں۔ WhatsApp ان کیٹالاگز کو ہوسٹ کرتا ہے تاکہ کاروبار اور کسٹمرز دونوں کے فونز پر کافی اسٹوریج کی جگہ بچے۔

صرف چند آسان اقدامات میں WhatsApp Business ایپ کے ساتھ کیٹالاگ بنایا جا سکتا ہے۔ شروع کرنے کے لیے یہ ویڈیو دیکھیں:

آج برازیل، جرمنی، ہندوستان، انڈونیشیا، میکسیکو، برطانیہ اور امریکہ میں Android اور iPhone دونوں پر WhatsApp Business ایپ استعمال کرنے والے کاروباروں کے لیے کیٹالاگ کی خصوصیت دستیاب ہے۔ جلد ہی یہ خصوصیت پوری دنیا میں دستیاب ہوگی۔ ہم یہ جاننے کے لیے بے صبری سے انتظار کر رہے ہیں کہ کیسے کیٹالاگز کی مدد سے چھوٹے کاروبار اپنے کسٹمرز سے جڑتے ہیں اور ترقی کرتے ہیں۔

7 نومبر 2019

اس سال کے شروع میں، ہم نے WhatsApp صارفین کو سیکیورٹی کی اضافی پرت فراہم کرنے کی خاطر iPhone کیلئے ٹچ ID اور چہرے کی ID کی خصوصیت متعارف کرائی تھی۔ آج ہم تعاون یافتہ Android فونز پر بھی اسی طرح کی تصدیقی خصوصیت متعارف کروا رہے ہیں جس سے آپ اپنے فنگر پرنٹ کے ذریعے ایپ ان لاک کر سکتے ہیں۔ اسے فعال کرنے کے لیے ترتیبات > اکاؤنٹ > رازداری > فنگر پرنٹ لاک پر ٹیپ کریں۔ فنگر پرنٹ کے ذریعے ان لاک کریں کو آن کریں اور اپنے فنگر پرنٹ کی تصدیق کریں۔

‏‏WhatsApp گروپس فیملی، دوستوں، ساتھ کام کرنے والوں اور ہم جماعتوں وغیرہ کو منسلک رکھتے ہیں۔ چونکہ صارفین اہم گفتگو کیلئے گروپس کا رخ کرتے ہیں، اسلئے انہوں نے گروپ سے وابستہ مزید کنٹرول کی بھی درخواست کی ہے۔ آج، ہم ایک نئی رازداری کی ترتیب اور دعوتی سسٹم متعارف کروا رہے ہیں جو آپ کو یہ فیصلہ کرنے میں مدد کرے گا کہ آپ کو کون گروپس میں شامل کر سکتا ہے۔

اسے فعال کرنے کے لیے اپنی ایپ میں ترتیبات پر جائیں، پھر اکاؤنٹ > رازداری > گروپس پر ٹیپ کریں اور ان تینوں میں سے کوئی آپشن منتخب کریں: "ہر کوئی"، "میرے روابط"، یا "میرے روابط سوائے". "میرے روابط" کا مطلب ہے کہ صرف آپ کی ایڈریس بک میں موجود صارفین ہی آپ کو گروپس میں شامل کر سکتے ہیں اور "میرے روابط سوائے" آپشن آپ کو اضافی کنٹرول فراہم کرتا ہے کہ آپ کے روابط میں سے کون آپ کو گروپ میں شامل کر سکتا ہے۔

ان صورتوں میں، آپ کو کسی گروپ میں شامل نہ کر پانے والے ایڈمن سے انفرادی چیٹ کے ذریعے آپ کو ذاتی دعوت بھیجنے کو کہا جائے گا، جو آپ کو گروپ جوائن کرنے کا انتخاب دے گا۔ آپ کے پاس دعوت قبول کرنے کیلئے تین دن ہوں گے جس کے بعد اس کی میعاد ختم ہو جائے گی۔

ان نئی خصوصیات کے ساتھ، صارفین کو موصول ہونے والے گروپ پیغامات پر مزید کنٹرول ملے گا۔ یہ نئی رازداری کی ترتیبات کچھ صارفین کو آج سے فراہم کر دی جائیں گی اور آنے والے دنوں میں یہ دنیا بھر میں WhatsApp کا تازہ ترین ورژن استعمال کرنے والے صارفین کیلئے دستیاب ہوں گی۔

اپ ڈیٹ: شروعاتی دستیابی کے دوران صارفین کے تاثرات کی بنیاد پر "کوئی نہیں" آپشن کے بجائے ہم اب "میرے روابط سوائے" آپشن فراہم کر رہے ہیں۔ اس کی مدد سے آپ مخصوص روابط کو خارج کرنے یا "سب کو منتخب کریں" کا انتخاب کر سکتے ہیں۔ یہ اپ ڈیٹ WhatsApp کا تازہ ترین ورژن استعمال کرنے والے دنیا بھر کے صارفین کے لیے دستیاب ہے۔

آخری بار اپ ڈیٹ شدہ: 5 نومبر 2019

ہم نے چھوٹے کاروبار کے مالکان سے جو درخواستیں سب سے کثرت سے سنی ہیں ان میں سے ایک یہ ہے کہ وہ WhatsApp Business ایپ کو اپنی مرضی کے آلے پر استعمال کرنا چاہتے ہیں۔

اور اب ایسا ممکن ہے۔

آج ہم iOS کیلئے WhatsApp Business ایپ متعارف کروا رہے ہیں۔ Android ورژن کی طرح، جسے پچھلے سال دنیا بھر میں لاکھوں کاروباروں نے استعمال کیا ہے، WhatsApp Business ایپ برائے iOS Apple کے App Store پر ڈاؤن لوڈ کرنے کیلئے مفت دستیاب ہے اور اس میں چھوٹے کاروباروں اور کسٹمرز کو آپس میں بات چیت کرنے میں مدد دینے کیلئے سہولیات شامل ہیں۔ ان میں یہ شامل ہیں:

• کاروباری پروفائل: اپنے کاروبار کے بارے میں کارآمد معلومات شیئر کریں جیسے کہ کاروباری تفصیل، ای میل یا اسٹور کے پتے اور ویب سائٹ۔
• پیغام رسانی کے آلات: مؤثر پیغام رسانی کے آلات کے ساتھ کسٹمرز کو باآسانی جواب دیں — فوری جوابات اکثر پوچھے گئے سوالات کے فوری جوابات دینے کیلئے، خیر مقدم کے پیغامات کسٹمرز کو اپنے کاروبار سے متعارف کروانے کیلئے اور غیرموجودگی کے پیغامات یہ بتانے کیلئے کہ انہیں کب جواب کی توقع کرنی چاہیئے۔
• ‏WhatsApp ویب: گفتگوؤں کا نظم کرنے اور کسٹمرز کو فائلز بھیجنے کیلئے اپنے ڈیسک ٹاپ سے چیٹ کریں۔

‏WhatsApp Business ایپ آج دستیاب ہے اور برازیل، جرمنی، انڈونیشیا، بھارت، میکسیکو، برطانیہ اور امریکہ میں App Store سے مفت ڈاؤن لوڈ کی جا سکتی ہے۔ آنے والے ہفتوں میں ایپ دنیا بھر میں مہیا ہو جائے گی۔

چاہے ریبیرو پریتو، برازیل میں آن لائن مٹھائی کی دکان ہو جس کی 60 فیصد سیلز WhatsApp Business کے ذریعے ہوتی ہو یا ٹی ہوانا، میکسیکو میں دار چینی کے رول کی کمپنی ہو جو اپنا دوسرا مقام کھول پانے کی وجہ WhatsApp Business کو قرار دیتی ہے، دنیا بھر میں چھوٹے کاروبار کے مالکان ترقی کرنے کیلئے ایپ استعمال کر رہے ہیں۔ ہم WhatsApp Business ایپ کو مزید چھوٹے کاروباروں تک لانے اور اس کی مدد سے ان کے کامیابیاں حاصل کرنے کی نئی کہانیاں سننے کیلئے پُرجوش ہیں۔

ہمیں WhatsApp کا آغاز کیے 10 سال پورے ہو چکے ہیں! گزشتہ دہائی میں، ہم نے دنیا بھر میں WhatsApp کے ذریعے اپنے پیاروں سے رابطہ قائم رکھنے، اپنی کمیونٹیز سے جڑے رہنے اور کاروبار کھڑے کرنے والوں کے تاثرات حاصل کیے۔ یہ کہاںیاں ہماری ہمت بڑھاتی ہیں اور اس سنگ میل کا جشن منانے کیلئے ہم گزشتہ سالوں کے اپنے اہم ترین لمحات پر نظر ڈال رہے ہیں۔

ہم ایسی خصوصیات بنانا جاری رکھنے کیلئے پُر جوش ہیں جو WhatsApp کو سب کیلئے مزید آسان اور قابل اعتماد بنائیں گی۔ ہم دنیا بھر میں موجود اپنے صارفین کا شکریہ ادا کرتے ہیں کہ انہوں نے اس سفر میں ہمارا ساتھ دیا!

WhatsApp میں، ہم نجی پیغام رسانی کا بے حد خیال رکھتے ہیں اور اسی لیے ہم آج iPhone پر ٹچ ID اور چہرے کی ID متعارف کروانے کیلئے نہایت پُرجوش ہیں تاکہ کوئی دوسرا آپ کا فون لے کر پیغامات نہ پڑھ سکے۔

WhatsApp میں اس iPhone خصوصیت کو فعال کرنے کیلئے، ترتیبات > اکاؤنٹ > رازداری > اسکرین لاک پر ٹیپ کریں اور ٹچ ID یا چہرے کی ID کو آن کریں۔ آپ کے پاس یہ انتخاب کرنے کا بھی آپشن ہے کہ WhatsApp بند ہونے کے کتنی دیر بعد ٹچ ID یا چہرے کی ID کا تقاضہ کیا جائے۔

یہ خصوصیت iPhone 5s یا اس سے جدید اور iOS 9 یا اس سے جدید پر آج سے دستیاب ہے۔

گزشتہ سال جنوری میں ہم نے WhatsApp Business ایپ لانچ کی اور اب پچاس لاکھ سے زائد کاروبار اپنے کسٹمرز کو سپورٹ کرنے، اپنے کاروبار کو بڑھانے اور دنیا بھر میں اپنی کمیونٹیز کی خدمت کرنے کیلئے اسے استعمال کر رہے ہیں۔ ہم بے حد پُرجوش ہیں کہ ہم نے لاکھوں کاروباروں کی ترقی کرنے میں مدد کی ہے۔ مثلاً، بھارت کے اندر بنگلور کے ایک چشمے بنانے والے برانڈ Glassic نے ہمیں بتایا کہ اس کی نئی سیلز کا 30 فیصد حصہ WhatsApp Business کے ذریعے جنریٹ ہوتا ہے۔

WhatsApp Business کے پہلے سال کا جشن منانے کیلئے، ہم اس بات کا اعلان کر رہے ہیں کہ ہماری کچھ مقبول ترین خصوصیات اب WhatsApp ویب اور ڈیسک ٹاپ پر استعمال کی جا سکتی ہیں۔ ان خصوصیات میں شامل ہیں:

• فوری جوابات: یہ عام سوالات کا جواب دینے کیلئے عمومی جوابات ہیں۔ بس اپنے کی بورڈ پر '/' دبا کر ایک فوری جواب منتخب کریں اور بھیج دیں۔
• لیبلز: اپنے روابط یا چیٹس کو لیبلز کے ساتھ منظم کریں تاکہ آپ انہیں دوبارہ باآسانی تلاش کر سکیں۔
• چیٹ کی فہرست فلٹر کرنا: فلٹرز کے ذریعے اپنی چیٹس کا باآسانی نظم کریں تاکہ نہ پڑھے گئے پیغامات، گروپس یا نشریاتی فہرستوں کے لحاظ سے ترتیب دے سکیں۔

کمپیوٹر پر ان خصوصیات کو استعمال کرنا کاروباروں کو وقت بچانے اور اپنے کسٹمرز سے فوراً واپس رابطہ کرنے میں مدد دیتا ہے۔ ہم WhatsApp Business کو ترقی دینا جاری رکھنے اور ایسی نئی خصوصیات متعارف کروانے پر بے حد پُرجوش ہیں جو کسٹمرز کیلئے اپنے لیے اہم کاروبار تلاش کرنا اور ان کے ساتھ رابطہ کرنا آسان بناتی ہیں۔

From emoji and camera features to Status and animated GIFs, we’re always looking to add new features that make communicating with friends and family on WhatsApp easy and fun. Today, we’re excited to introduce a new way for people to express themselves with stickers.

Whether with a smiling teacup or a crying broken heart, stickers help you share your feelings in a way that you can't always express with words. To start, we're launching sticker packs created by our designers at WhatsApp and a selection of stickers from other artists.

We've also added support for third-party sticker packs to allow designers and developers around the world to create stickers for WhatsApp. To do this, we've included a set of APIs and interfaces that allow you to build sticker apps that add stickers to WhatsApp on Android or iOS. You can publish your sticker app like any other app to the Google Play Store or Apple App Store, and users who download and install your app will be able to start sending those stickers right from within WhatsApp. You can learn more about creating your own sticker apps for WhatsApp here.

To use stickers in a chat, simply tap the new sticker button and select the sticker you want to share. You can add new sticker packs by tapping the plus icon.

Stickers will be available for Android and iPhone over the coming weeks. We hope you enjoy them!

پہلی بار پورے بھارت میں JioPhone کیلئے WhatsApp دستیاب ہوگا۔ WhatsApp نے KaiOS آپریٹنگ سسٹم پر چلنے والے JioPhone کیلئے اپنی نجی پیغامات والی ایپ کا نیا ورژن تیار کیا ہے، تاکہ لوگ دوستوں اور گھر والوں سے آسانی، اعتماد اور محفوظ طویقے سے رابطہ کر سکیں۔

نئی ایپ WhatsApp کی بہترین خصوصیات پیش کرتی ہے بشمول تیز اور قابل اعتماد پیغام رسانی اور تصاویر اور ویڈیوز بھیجنے کی سہولت – یہ سب شروع سے آخر تک مرموز کردہ ہوتا ہے۔ کی پیڈ پر چند ٹیپ کرکے صوتی پیغامات ریکارڈ کرنا اور بھیجنا بھی بہت آسان ہے۔ شروع کرنے کیلئے JioPhone صارفین کو صرف اپنے نمبر کی توثیق کرنی ہوگی اور اس کے بعد وہ دیگر WhatsApp صارفین کے ساتھ ون ٹو ون یا گروپس میں چیٹ شروع کر سکتے ہیں۔

آج سے JioPhone ایپ سٹور میں WhatsApp دستیاب ہے۔ آپ JioPhone اور JioPhone 2 دونوں کیلئے ایپ سٹور میں جا کر ٭٭ڈاؤن لوڈ٭٭ پر کلک کرکے WhatsApp ڈاؤن لوڈ کر سکتے ہیں۔