WhatsApp inazidi kuwa jukwaa ambapo watu hujadili kuhusu bidhaa na kuratibu mauzo. Katalogi zimewasaidia watu kuona kwa haraka bidhaa zinazopatikana na kuzisaidia biashara kupanga soga zao ili kuambatana na bidhaa mahususi. Huku idadi ya ununuzi unaofanyika kupitia soga ikiendelea kuongezeka, tunataka kufanya mchakato wa ununuzi na uuzaji kuwa rahisi zaidi.

Kuanzia leo, ni fahari yetu kukuletea vikapu kwenye WhatsApp. Vikapu ni kipengele kizuri unapotuma ujumbe kwa biashara ambayo inauza bidhaa nyingi kwa mkupuo, kwa mfano, mkahawa au duka la nguo. Kwa kutumia vikapu, watu wanaweza kuvinjari katalogi, kuchagua bidhaa kadhaa na kutuma oda ikiwa ujumbe mmoja kwenda kwa biashara. Hatua hii itazirahisishia biashara kufuatilia maswali ya oda, kudhibiti maombi ya wateja na kufanya mauzo.

Kwa mfano, Agradaya, biashara endelevu ya mimea na manukato huko Yogyakarta, Indonesia ilipata ufikiaji wa mapema wa huduma hiyo na kutuambia jinsi vikapu ni njia rahisi ya kuelewa kile mteja anachoagiza bila mawasiliano ya mara kadhaa.

Ni rahisi kutumia vikapu. Tafuta tu bidhaa unazotaka kisha uguse “weka kwenye kikapu”. Ukishaweka vitu unavyohitaji kwenye kikapu, kitume kama ujumbe kwenda kwa biashara. Maelezo zaidi juu ya kutumia vikapu yanaweza kupatikana hapa.

Kipengele cha vikapu kitaanza kutumika kote duniani kuanzia leo -- wakati mwafaka kwa ajili ya msimu wa sikukuu. Furahia ununuzi kwenye WhatsApp!

Kuanzia leo, watu kote nchini India wataweza kutuma pesa kupitia WhatsApp. Njia hii salama ya malipo inafanya shughuli ya kuhamisha pesa iwe rahisi tu kama kutuma ujumbe. Watu wanaweza kutuma pesa kwa familia zao kwa usalama au kuchangia gharama za bidhaa bila kubadilishana pesa taslimu kibinafsi au kwenda benki.

WhatsApp imeunda kipengele chetu cha malipo kwa kushirikiana na Shirika la Malipo la India (NPCI) kwa kutumia Kiolesura Unganifu cha Malipo (UPI), mfumo wa malipo kwa muda halisi ambao ni wa kwanza nchini India, unaowezesha miamala na zaidi ya benki 160 zilizowezeshwa. Tunafurahi kujiunga na harakati za India za kuongeza urahisi na utumiaji wa malipo dijitali, hali inayosaidia kukuza ujumuishaji wa kifedha nchini India.

Ili kutuma pesa kwenye WhatsApp nchini India, ni muhimu uwe na akaunti ya benki na kadi ya malipo nchini India. WhatsApp hutuma maagizo kwa benki, ambazo pia zinajulikana kama watoa huduma za malipo, ili kuanzisha uhamishaji wa pesa kupitia UPI kati ya akaunti ya benki ya mtumaji na ya mpokeaji. Ni fahari yetu kufanya kazi na benki tano zinazoongoza nchini India: ICICI Bank, HDFC Bank, Axis Bank, Benki ya Taifa ya India, na Jio Payments Bank. Watu wanaweza kutuma pesa kwenye WhatsApp kwa yeyote anayetumia programu ya UPI iliyowezeshwa.

Baada ya muda, tunaamini muungano wa usanifu wa kipekee wa WhatsApp na UPI unaweza kusaidi mashirika ya ndani kutatua baadhi ya changamoto muhimu za wakati wetu, ikiwa ni pamoja na kuongeza ushiriki wa vijijini kwenye uchumi wa kidijitali na uwasilishaji wa huduma za kifedha kwa wale ambao hawajawahi kuwa nazo.

Kama ilivyo kwa kila kipengele kwenye WhatsApp, mfumo wa malipo umeundwa na viunzi imara vya usalama na kanuni za faragha, ikiwa ni pamoja na hitaji la kuweka PIN ya UPI kwa kila malipo. Malipo kwenye WhatsApp yanapatikana kwa watu walio na toleo la hivi karibuni la programu za iPhone na Android.

Kufikia leo, ujumbe wa WhatsApp hukaa daima kwenye simu zetu. Ingawa hali hiyo ni muhimu katika kudumisha kumbukumbu kutoka kwa familia na marafiki zetu, ujumbe mwingi tunaotuma haufai kudumu milele.

Lengo letu ni kufanya mazungumzo kwenye WhatsApp yahisi kama mazungumzo ya ana kwa ana kadri inavyowezekana, hii ina maana kwamba hayafai kubaki milele. Ndiyo maana tunafuraha kukuletea chaguo la ujumbe unaotoweka kwenye WhatsApp.

Hali ya ujumbe unaotoweka ikiwa imewashwa, ujumbe mpya unaotumwa kwenye soga utatoweka baada ya siku 7, hivyo kufanya mazungumzo yawe mepesi na ya faragha zaidi. Katika soga ya mtu na mwenzake, yeyote kati yao anaweza kuwasha au kuzima hali ya ujumbe unaotoweka. Katika vikundi, wasimamizi watakuwa na udhibiti.

Tunaanza kwa siku 7 kwa sababu tunafikiri kwamba itatoa utulivu wa akili ukijua kuwa mazungumzo hayatahifadhiwa milele, na pia yatadumu kwa muda wa kutosha hivi kwamba hutasahau soga ilihusu nini. Orodha ya bidhaa za kununua au anwani ya ilipo duka uliyopokea siku chache zilizopita itaendelea kuwa unapoihitaji, kisha itatoweka wakati huihitaji. Unaweza kusoma zaidi, ikiwa ni pamoja na jinsi ya kuwasha hali ya ujumbe unaotoweka hapa.

Tunataraji watu watafurahia hali ya ujumbe unaotoweka, hali hii itaanza kupatikana kwa watumiaji kila mahali mwezi huu.

Kwa miaka michache iliyopita, tumeona mabadiliko kwenye programu za utumaji ujumbe kwa mawasiliano ya kibinafsi na pia kwa ongezeko la watu wanaotegemea WhatsApp kwa kufanyia biashara zao.

Njia nyingi za zamani ambazo watu na biashara waliwasiliana nazo hazifanyi kazi. Ingawa biashara zinatumia mabilioni ya dola kila mwaka kugharimia mawasiliano ya simu, barua pepe na SMS, watu hawataki kusubiri simu zao zijibiwe, kupitishwa kutoka kwa mtu mmoja kwenda kwa mwingine, au kukosa kujua kama ujumbe wao umepokelewa.

Janga la ulimwengu limeonyesha wazi kuwa biashara zinahitaji njia za haraka na za ufanisi za kuwahudumia wateja wao na kufanya mauzo. WhatsApp imekua rasilimali rahisi kwa wakati huu. Zaidi ya watu milioni 175 kila siku hutuma ujumbe kwenye akaunti ya WhatsApp Business. Utafiti wetu unaonyesha watu wanapendelea kutuma ujumbe kwa biashara ili kupata msaada na wana uwezekano mkubwa wa kununua wakati wanaweza kufanya hivyo.

Ingawa kuna mengi zaidi tunayohitaji kuunda. Kwa miaka miwili iliyopita, ili kusaidia tumetoa programu ya WhatsApp Business na API ya WhatsApp Business ili kusaidia biashara za ukubwa wote kudhibiti soga zao. Tumesikiliza maoni kuhusu yale yanayofanya kazi na tunaamini WhatsApp inaweza kusaidia kufanya utumaji ujumbe kuwa njia nzuri kwa watumiaji na biashara kuunganishwa. Ili kufikia hilo tunaongeza uwekezaji wetu kwenye maeneo yafuatayo:

• Ununuzi - Tutapanua njia za watu kuangalia bidhaa zilizopo na kufanya ununuzi kutoka hapohapo kwenye soga. Pia tunataka kufanya kuwe rahisi kwa biashara kujumuisha vipengele hivi kwenye suluhisho walizonazo za kibiashara na wateja. Hii itasaidia biashara nyingi ndogo ambazo zimeathiriwa zaidi wakati huu.
• Huduma za Upangishaji za Facebook - Biashara zina mahitaji tofauti ya kitekinolojia na zinahitaji kuchagua kampuni za kufanya kazi nazo kupangisha na kudhibiti mawasiliano ya wateja, hasa kwa ajili la ongezeko la kufanya kazi kwa mbali. Ndiyo sababu zaidi ya miezi ijayo, tunapanga kupanua ushirikiano wetu na watoaji suluhisho ya biashara ambao tumefanya kazi nao kwa miaka miwili iliyopita. Pia tutatoa hiari mpya kwa biashara kusimamia ujumbe wao wa WhatsApp kupitia huduma za upangishaji ambazo Facebook inapanga kutoa. Kutoa hiari kutafanya rahisi kwa biashara ndogo na ukubwa wa wastani kuanza, kuuza bidhaa, kutunza kitabu cha orodha ya vitu, kujibu ujumbe wanaopokea kwa haraka - popote pale waajiriwa wao walipo.
• Mauzo ya Biashara - Tutatoza wateja wa biashara kwa baadhi ya huduma tunazotoa, hatua itakayosaidia WhatsApp kuendelea kujenga biashara yetu wenyewe huku tukitoa na kukuza huduma za ujumbe wa maandishi, simu za video na za sauti, zote zilizo na ufumbaji wa mwisho hadi mwisho, bure kwa zaidi ya watu bilioni mbili.

Tunajua kuwa watu wengi wataendelea kutumia WhatsApp kwa mawasiliano na marafiki na familia, ikiwa ndiyo sababu tutaendelea kuunda vipengele vipya na kulinda mazungumzo ya watu ya kibinafsi.

Tunaamini maongezeko haya ya uzoefu kwenye WhatsApp yanakidhi mahitaji ya watu wengi na biashara kama wapo jirani au popote ulimwenguni. Kwa hakika yajayo yanapendeza na tutazindua hatua kwa hatua huduma hizi katika miezi ijayo.

WhatsApp inatoa lebo maalumu ya kusambaza kwenye ujumbe ulioshirikishwa kwa soga na ulisambazwa mara nyingi. Mishale hii miwili inasaidia watu kujua wanapopokea ujumbe ambao haukuandikwa na mwasiliani wa karibu. Mapema mwaka huu, tuliweka kikomo kwa mara ngapi zinaweza kutumwa kwa mara moja ili kutunza hali ya faragha ya WhatsApp.

Leo, tunaanzisha njia rahisi ya kuangalia mara mbili ujumbe huu kwa kugusa kitufe cha kioo cha kukuza kwenye soga. Kutoa njia rahisi ya kutafuta ujumbe ambao umesambazwa mara nyingi kunaweza kusaidia watu wengi kutafuta matokeo ya taarifa au vyanzo vingine vya habari kuhusu maudhui waliyopokea.

Kipengele hiki hufanya kazi kwa kuruhusu watumiaji kupakua ujumbe kupitia kwenye kivinjari bila WhatsApp kuuona ujumbe wenyewe.

Tafuta kwenye wavuti inazinduliwa kuanzia leo Brazil, Italia, Ireland, Meksiko, Uhispania, Uingereza na Marekani kwa wale wenye toleo la hivi karibuni la WhatsApp ya Android, iOS na WhatsApp Web.

Wakati biashara kote ulimwenguni zinajiandaa kufungua tena na kupanua mtandaoni, watu wanahitaji njia rahisi za kuwasiliana na biashara kuuliza maswali, kupata taarifa au kupata kitu ambacho wangependa kununua.

Leo tunaunga mkono zaidi ya watumiaji milioni 50 wa WhatsApp Business. Ili kuwasaidia hao na maelfu ya biashara kubwa kwenye API ya WhatsApp Business waweze kugundiliwa, tunaleta vipengele vipya ili kuanzisha soga na biashara kwenye WhatsApp na kuona ni bidhaa na huduma gani wanazotoa.

Kuanzisha soga na biashara kwa kutumia msimbo wa QR

Misimbo ya QR ni milango ya mbele ya kidijitali inayofanya kufungua kwa soga na biashara kuwa rahisii inavyowezekana. Awali watu walipokutana na biashara ya kuvutia, walihitaji kuongeza nambari yake ya WhatsApp kwenye anwani zao, nambari moja baada ya nyingine. Sasa, watu wanaweza kuchanganua msimbo wa QR unaonyeshwa mbele ya duka, kwenye furushi la bidhaa au risiti ili kuanzisha soga.

Kwa mfano, Ki Mindful Wearing, chapa inayotumika huko Brazil iliyotusaidia kujaribu kipengele hiki, inaweka msimbo wa QR kwenye vifurushi na vitambulisho vya bidhaa ili kuwaalika wateja kuomba msaada kwenye WhatsApp.

Kuchanganua msimbo wa QR kutafungua soga iliyo na ujumbe wa hiari wa awali ulioundwa na biashara ili kuanzisha mazungumzo. Pamoja na programu ya zana za utumaji ujumbe, biashara inaweza kutuma taarifa kwa haraka kama vile katalogi yao ili mazungumzo yaendelee. Kuanza kutumia msimbo wa QR, biashara zinaweza kufuata hatua hizi za haraka.

Misimbo ya QR yanapatikana kwa biashara kote duniani kwa kutumia programu ya WhatsApp Business au API ya WhatsApp Business kuanzia leo.

Kushiriki katalogi ili kugundua ni nini biashara inatoa

Katalogi inaruhusu biashara kuonyesha na kushiriki bidhaa au huduma wanazotoa, jambo ambalo linaweza kuwasaidia kukamilisha mauzo. Tangu kuzizindua mwaka uliopita, katalogi zimekuwa njia maarufu kwa watu kuhusiana na biashara kwenye WhatsApp. Kwa kweli, zaidi ya watu milioni 40 hutazama katalogi ya biashara kwenye WhatsApp kila mwezi.

Ili kufanya kuwe rahisi kwa watu kugundua bidhaa, tunafanya katalogi na vitu vya kibinafsi viweze kushirikishwa kama viungo kwenye tovuti, Facebook, Instagram na mahali pengine. Na kama watu wanataka kushirikisha katalogi au vitu wanavyovipata na marafiki wao au familia, wanaweza tu kunakili kiungo na kukituma kwenye WhatsApp au sehemu zingine pia.

Viungo vya katalogi vinapatikana ulimwenguni kote na biashara zinaweza kujifunza jinsi ya kuzishiriki hapa.

Ingawa barabara inayotangulia ya biashara itakuwa ndefu na yenye changamoto kadiri wanavyozoea hali mpya, tunatarajia kuwaunga mkono.

Tayari WhatsApp inatumiwa na kupendwa na watu zaidi ya bilioni 2 kote duniani. Wakati mwelekeo wetu unabakia kuwa njia rahisi, ya kuaminika na ya faragha kwa watu kupiga soga na marafiki na familia - sisi pia tunaendelea kusukuma mbele muundo wetu wa bidhaa ili kuhakikisha kuwa WhatsApp inabaki kuwa njia bora kwa mtu yeyote, mahali popote kujiunga.

Leo, tunafurahia kuthibitisha baadhi ya vipengele vipya ambavyo vinatolewa kwa muda wa wiki chache zijazo:

• Vibandiko Vilivyohuishwa: Vibandiko ni njia moja inayokua haraka ambayo watu wanawasiliana kwenye WhatsApp, na bilioni zikiwa zinatumwa kila siku. Tunatoa vifurushi vipya vya vibandiko vilivyohuishwa vitafurahisha zaidi na kujieleza zaidi.
• Misimbo ya QR: Tunafanya kuongeza mwasiliani mpya kuwa rahisi zaidi kuliko awali. Hivi karibuni utakapokutana na watu wapya, utaweza kukagua msimbo wao wa QR na kuwaongeza kwenye waasiliani wako. Hakuna tena kuandika tarakimu zao moja baada ya nyingine.
• Hali ya Giza ya WhatsApp Web na Desktop: Mandhari ya Hali ya Giza iliyo maarufu sana sasa inaenea kwa kompyuta yako.
• Uboreshaji wa simu za video za kikundi: Kwa sasa hadi watu 8 kwenye simu ya video, tumefanya kuwe rahisi kuzingatia mtu yeyote unayetaka kwa kukuruhusu ubonyeze na ushikilie kutanua video ya mshiriki ili iwe skrini kamilifu. Pia tumeongeza aikoni ya video kwenye soga za kikundi cha watu 8 au pungufu, ili uweze kuanzisha simu ya video ya kikundi kwa mguso 1.
• Hali inakuja kwa KaiOS: Watumiaji wa KaiOS wanaweza sasa kufurahia kipengele maarufu kinachoruhusu kushirikisha sasisho ambazo zinatoweka baada ya masaa 24.

Vipengele hivi vinatolewa kwa watumiaji kwa muda wa wiki chache zijazo, kwenye toleo la hivi karibuni la WhatsApp.

Tunafurahi kutangaza kwamba kuanzia leo tunaleta malipo ya kidigitali kwa watumiaji wa WhatsApp Brazil. Watu wataweza kutuma pesa kwa usalama au kununa kutoka kwa biashara za ndani bila kuondoka kwenye soga zao.

Zaidi ya biashara ndogo na biashara maikro milioni 10 ni mapigomoyo ya jamii za Brazil. Inakuwa asili ya pili kutuma zap kwa biashara ili maswali yajibiwe. Sasa pamoja na kuona katalogi la duka, wateja wataweza pia kutuma malipo kwa ajili ya bidhaa. Kurahisisha malipo kunaweza kusaidia kuleta biashara zaidi kwenye uchumi wa kidigitali, na kufungua fursa mpya za ukuaji.

Zaidi ya hayo, tunafanya kutuma pesa kwa wapendwa kuwa rahisi kama kutuma ujumbe, jambo ambalo ni muhimu sana kwani watu wako mbali na wenzao. Kwa kuwa malipo kwenye WhatsApp yanawezeshwa na Facebook Pay, kwa siku za usoni tunataka kufanya uwezekano wa watu na biashara kutumia kadi hiyohiyo kwenye familia ya programu za Facebook.

Tumeunda malipo tukizingati usalama na PIN maalum ya tarakwimu sita au alama ya kidole itahitajika kuzuia miamala isiyoruhusiwa. Kwa kuanza, tutawezesha kadi za malipo au mikopo kutoka kwa Banco do Brasil, Nubank na Sicredi kwenye mitandao ya Visa na Mastercard -na tunafanya kazi na Cielo, kiongozi wa kichakataji cha malipo Brazil. Tumeunda modeli wazi kuwakaribisha washiriki zaidi siku za usoni.

Kutuma pesa au kununua kwenye WhatsApp ni bure kwa watu. Biashara zitalipa gharama za uchakataji ili kupokea malipo ya wateja, sawa na wanavyolipa tayari wanapokubali miamala ya kadi za mikopo.

Malipo kwenye WhatsApp yanaanza kusambazwa kote Brazil kuanzia leo na tunatarajia kuyaleta kwa wote tunavyoendelea mbele.

Janga la COVID-19 limemaanisha kwamba wengi wetu sasa tumetenganishwa na marafiki na familia. Matokeo yake, tunaona kwamba watu kote ulimwenguni wanageukia upigaji simu na video kwenye WhatsApp zaidi kuliko hapo awali. Simu za kikundi zimekuwa muhimu sana na watumiaji wetu wameuliza kuungana na watu wengi kwa mara moja. Kuanzia leo, tunaongeza mara mbili zaidi ya idadi ya washiriki unaoweza kuwa nao kwenye video au simu ya WhatsApp kutoka watu 4 hadi 8 kwa wakati mmoja.

Kwa mwezi uliopita, kwa wastani watu wametumia zaidi ya dakika bilioni 15 wakiongea kila siku kwenye simu za WhatsApp, ikiwa ni zaidi ya siku ya kawaida kabla ya janga. Na kama ilivyo kwenye ujumbe wa maandishi, simu hizo zote zimelindwa kwa ufumbaji wa mwisho-kwa-mwisho. Tumeunda upigaji simu wa kikundi kwa njia ambayo inafanya ipatikane kwa watumiaji wengi iwezekanavyo, ikiwa ni pamoja na watu wenye vifaa vya viwango vya chini na muunganisho wa kasi ya chini wa mtandao.

Tunajua watu wanaweza kuhitaji njia mbalimbali za kujiunga wakati wakiwa nyumbani, hiyo ndiyo sababu WhatsApp pia inapatikana kwenye Portal — ambayo watumiaji wengi wametuambia imekuwa njia nzuri ya kushiriki sebule zao na familia wakati huu wa karantini.

Kupata WhatsApp mpya, yenye kipimo cha juu cha washiriki kwenye simu za WhatsApp, washiriki wote kwenye simu wanahitajika kusasisha toleo la hivi karibuni la WhatsApp linalopatikana kwenye iPhone au Android leo. Waulize marafiki zako na familia kusasisha WhatsApp na kuijaribu.

Mabilioni ya vibandiko vinatumwa kila siku kwenye WhatsApp ili kuwasaidia watu kushiriki mawazo ya faragha na hisia bila ya kuandika hata neno moja. Tangu tulipozindua vibandiko miezi 18 iliyopita, vimekuwa mojawapo ya njia zinazokua kwa kasi za watu kuwasiliana kwenye WhatsApp.

Tunafurahia kufanya kazi na Shirika la Afya Duniani kuanzisha kifurushi cha kibandiko cha "Pamoja Nyumbani" ambacho kitawasaidia watu kuunganishwa wakati wote wa janga kubwa la COVID-19 na hata baadaye. Vibandiko kama hivi vinaweza kuwa vya kufurahisha, kuelemisha na vya kijumla, kuvunja vizuizi vya lugha, umri, na vingine.

Tunatumaini watu watafurahia kutumia vibandiko hivi kuwajulia hali wapendwa wao, haswa wale wanaojisikia wametengwa, wapweke na kuogopa. Kifurushi hiki kinatoa namna ya ubunifu ya kuwakumbusha watu kuosha mikono yao, kudumisha umbali, mazoezi na muhimu pia kusherehekea mashujaa wa matibabu na vilevile mashujaa wa kibinafsi katika maisha yetu.

Kifurushi cha kibandiko cha "Pamoja Nyumbani" sasa kinapatikana kwenye WhatsApp, ikiwa ni pamoja na maandishi kwenye lugha 9 - Kiarabu, Kifaransa, Kijerumani, Kiindonesia, Kiitaliano, Kireno, Kirusi, Kihispania na Kituruki.