روزانہ اربوں لوگ اپنے دوستوں اور رشتے داروں کے ساتھ منسلک رہنے کے لیے WhatsApp کا استعمال کرتے ہیں، اور وقت کے چلتے، زیادہ سے زیادہ لوگ اس ایپ کے ذریعے اپنے پسندیدہ کاروباروں کے ساتھ بھی گفتگو کرتے ہیں۔ در حقیقت، روزانہ نئے نئے ایسے ربت بنتے جاتے ہیں، پھر وہ چاہے کسی کا مقامی بیکری پر آرڈر دینا ہو یا کسی کپڑوں کی دکان سے نئے کپڑوں کی ڈزائنس دیکھنا۔ لیکن یہ ابھی جس طرح WhatsApp پر چل رہا ہے وہ کافی ابتدائی دور میں ہے۔ ہم نے ایسے کاروبروں کے بارے میں سنا ہے جو WhatsApp کے ذریعے ایک ہشیار فون سے ہزاروں گاہکوں سے رابطے میں رہتے ہیں اور ان سے بھی جنہیں گمان بھی نہیں کہ اگر WhatsApp پر کاروبار کرنا قانونی بھی ہے یا نہیں۔ آنے والے کئی مہینوں میں، ہم ایسی نئی خصائص کی تخلیق کرنے والے ہیں، کہ جن کا مقصد ایسی کچھ مشکلات کو حل کرنا، اور لوگوں کے لیے اپنے پسندیدہ کاروباروں سے ابلاغ کو WhatsApp پر آسان بنانا ہے۔ ہمارا ایک سادہ سا ارادہ ہے – لوگوں کو آپس میں مربوط رہنے میں مدد کرتے ہوئے جو کچھ ہمنے سیکھا ہے اس کا استعمال اب لوگوں کو اپنے پسندیدہ کاروباروں سے مربوط کرنے میں کرنا۔

ہمیں معلوم ہے کہ کاروباروں کی کچھ اپنی ضرورتیں ہوتی ہیں۔ مثلاً، انہیں ایک باضابطہ وجود درکار ہوتا ہے – ایک تصدیق یافتہ پروفائل تاکہ لوگوں کو کاروبار اور سادہ لوگوں کے بیچ کا فرق معلوم ہو سکے – اور پیغامات کا جواب دینے میں اس طرح آسانی ہو سکے۔ ہم ایک مفت WhatsApp کاروباری ایپ کے ذریعے چھوٹی کمپنیوں کے لیے نئے ذرائع کی تخلیق اور جانچ کر رہے ہیں، اور بڑے پیمانے پر چلنے والی بڑی کمپنیوں کے لیے، جن کے گاہک دنیا بھر میں ہوتے ہیں، جیسے ایئر لائینس،ای-کامرس کی سائٹس،اور بینکس، ایک صنعتی حل پیش کر رہے ہیں۔ یہ کاروبار ہمارے بتائے حل کے ذریعے، اپنے گاہکوں کو ضروری اطلاعات پیش کر سکینگے، جیسے فلائٹ کے اوقات، ڈلیوری کی تصدیق اور دیگر تجدیدات۔

کوئی پاس کی گلی والے کاروبار سے بات کر رہا ہو یا دنیا کے کسی کونے میں موجود کاروبار سے، لوگوں کی توقع تو یہی ہوتی ہے کہ WhatsApp تیز، بھروسے مند اور باتحفظ ہو۔ ہمارے آزمائشی دور میں ہم ہر ایک رائے پر غور کرینگے اور ان ذرائع کو بڑے پیمانے پر پیش کرنے کی لوگوں کو اطلاع دیتے رہینگے۔ یہ ضروری ہے کہ ہم ایسا ٹھیک سے کریں اور ہم کاروباروں اور ہمارے صارفین کے لیے جو تجربے پیش کرنے والے ہیں ان کا بھی ہمیں خیال ہے۔ مزید معلومات کے لیے، براہ کرم اس اکثر پوچھے گئے سوال کو پڑھیں۔

ابھی گزشتہ سال ہی، ہم نے اس بات کا اشتراک کیا تھا کہ دنیا بھر میں ایک ارب لوگ ہر مہینے WhatsApp کا استعمال کرتے ہیں۔ آج ہم بڑے اشتیاق اور فخر کے ساتھ بتاتے ہیں کہ ایک ارب لوگ، دنیا بھر میں اپنے دوستوں اور رشتے داروں سے رابطہ رکھنے کے لیے، WhatsApp کا ہر روز استعمال کرتے ہیں۔

حواہ وہ نجی تصاویر اور ویڈیوز کا اشتراک ہو، بذریعہ ویڈیو کالنگ کسی سے رابطہ رکھنا ہو، یا دوستوں کو اپنے دن کی صورتِ حال سے آگاہ رکھنا ہو، WhatsApp پر ابلاغ اتنا آثان یا اتنا نجی کبھی نہیں تھا۔ ہمیں انکساری ہے، کہ اتنے لوگ ایک دوسرے سے اپنے خاص انداز میں منسلک رہنے کے لیے ان نئی خصوصیات کا استعمال کرتے ہیں۔

اس کامیابی کی خوشی مناتے ہوئے، WhatsApp سے منسلک بھروسے مندی، سادگی، اور تحفظ کی آپ کی امید کو پورا کرتے ہوئے، آپ کے مزے لینے کے لیے کئی خصوصیات کی پیش کش کرتے رہنے کا ہمارا اور زیادہ ارادہ ہے۔ آپ کا اس تسلسل کے ساتھ ہمارا ساتھ دینے کا بہت شکریہ۔

ابھی صرف آٹھ سال پہلے کی ہی بات ہے، فروری ۲۰۰۹ میں، جب ہم نے اس کوڈ کی ابتدائی سطریں لکھنی شروع کی تھیں، جو آخرکار WhatsApp بن کر آشکار ہونے والا تھا۔ اس منصوبے کے پیچھے اصل خیال یہ تھا کہ ایک ایسا ایپلیکیشن بنایا جائے جو آپ کے دوستوں اور دیگر روابط کو آپ کیا کر رہے ہیں اس سے آگاہ کرے۔ یہ ہمارے پیغام رسانی کو شامل کرنے سے کئی مہینوں پہلے کی بات ہے۔ ہمارے ایپ کا پہلا ورژن کچھ اس طرح تھا:

۲۰۰۹ کے موسمِ گرما میں پیغام رسانی شامل کرنے کے بعد بھی، ہم نے WhatsApp میں صورتِ حال خصوصیت میں بنیادی ’’محض متن‘‘ کو جاری رکھا۔ ہر سال، جب براین اور میں نئے منصوبوں پر کام کرنے کا ارادہ کرتے، تب ہم اکثر اس صورتِ حال خصوصیت میں بنیادی ’’محض متن‘‘ کو بہتر بنانے اور اس میں ترقی لانے پر گفتگو کیا کرتے۔

اتفاقاً، ۲۴ فروری کے دن WhatsApp کی آٹھویں سالگرہ کے موقع پر، ہم بڑے جوش کے ساتھ اس بات کا اعلان کرتے ہیں، کہ ہم صورتِ حال خصوصیت کی مکرّر ایجاد کر رہے ہیں۔ آج سے، ہم صورتِ حال خصوصیت میں اپ ڈیٹ کی پیشکش کر رہے ہیں، جو آپ کو WhatsApp پر ایک آسان اور محفوظ طریقے سے اپنے دوستوں اور روابط کے ساتھ تصاویر اور ویڈیوز کا اشتراک کرنے کی سہولت دیتی ہے۔ ہاں، آپ کی صورتِ حال اپ ڈیٹس بھی دونوں اطراف سے مرموز ہیں۔

ویسے ہی جیسے آٹھ سال پہلے جب ہم نے WhatsApp کی شروعات کی تھی، یہ نئی اور بہتر صورتِ حال خصوصیت آپ کو اپنے دوستوں کو، جو WhatsApp کا استعمال کرتے ہوں، ایک دلچسپ اور سادہ طریقے سے اپ ڈیٹیڈ رکھنے کی سہولت دیگی۔ WhatsApp میں ہم سب کی جانب سے، ہم امید کرتے ہیں کہ آپ اس کا خوب مزہ لیںگے!

یان کوم

ہمیشہ سے WhatsApp میں ، ہمارا ارادہ ممکن ہو سکے اتنے لوگوں کو اپنے دوستوں، رشتہ داروں اور دیگر عزیزوں کے ساتھ رابطے میں رہنے میں مدد کرنا رہا ہے۔ اس کا مطلب ہے کہ ہم ایسا ایک مصنوعہ بنائیں کہ جو سہل ہو، استعمال میں آسان ہو اور آپ جہاں بھی ہوں وہ دستیاب رہے۔ ہم نے پیغام رسانی اور گروہ بات سے آغاز کیا تھا۔ پھر ہم نے صوتی کالنگ کا اضافہ کیا۔ اور ہم نے ایسا اس انداز سے کیا کہ ہزاروں آلات اور پلیٹفارمس کے مجموعات کے ساتھ مطابقت رکھتے ہوئے یہ مصنوعہ دنیا بھر میں کارگر ہے۔

آج ہم بڑے اشتیاق کے ساتھ ہماری لوگوں کو رابطے میں رکھنے کی کوششوں میں اگلے قدم کااعلان کر رہے ہیں – WhatsApp ویڈیو کالنگ۔ آنے والے دنوں میں، WhatsApp کے ایک ارب سے بھی زیادہ صارفین Android، iPhone،اور Windows Phone آلات کے مابین ویڈیو کالس کر سکیں گے۔

ہم اس خصوصیت کی پیشکش کر رہے ہیں کیونکہ ہم جانتے ہیں کہ کبھی کبھی صوت اور متن کافی نہیں ہوتے۔ اپنے پوتے نواسوں کو پہلے قدم بھرتے دیکھنے یا پردیس میں تعلیم حاصل کرتی اپنی بیٹی کے چہرے کو دیکھنے کا کوئی بدل نہیں ہو سکتا۔اور ہم ہر کسی کو یہ خصوصیات فراہم کرنا چاہتے ہیں، صرف ان کو ہی نہیں جو بہت قیمتی فونوں کو خرید سکیں یا جو ان ممالک میں رہتے ہوں جہاں سیلولر کا بہترین مربوط نظام مل سکے۔

پچھلے کچھ سالوں میں ہمارے صارفین کی جانب سے ہمیں ویڈیو کالنگ کی کئی گزارشیں کی گئیں، اور ہم بڑے اشتیاق کے ساتھ آخر کار یہ خصوصیت دنیا کے سامنے پیش کر رہے ہیں۔ WhatsApp کا استعمال کرنے کے لیے ہم آپ کے مشکور ہیں، اور ہم وعدہ کرتے ہیں کہ روزانہ ان خدمات کو بہتر بنانے کے لیے محنت کریں گے۔

آپ جن تصاویر اور ویڈیوز کا اپنے دوستوں اور رشتے داروں کے ساتھ اشتراک کرتے ہیں ان میں اپنی ضرورت کے مطابق ردوبدل کرنے اور انہیں عمدہ بنا پانے کے نئے طریقوں کی آج ہم پیشکش کر رہے ہیں۔ بذریعہ WhatsApp کی نئی کیمرا خصوصیت، اب آپ تصاویر اور ویڈیوز پر لکھ سکتے ہیں یا نقوش بنا سکتے ہیں، اور اظہارِ خیال کرنے کے لیے ان میں ایموجیز بھی شامل کر سکتے ہیں۔

جب آپ کوئی نئی تصویر یا ویڈیو لیں یا پھر اپنے فون میں موجود کسی کا اشتراک کریں، تب آپ کو ان کی ترمیم کرنے کے ٹولس بذاتِ خود نظر آئیںگے۔ خواہ کسی کی یاد میں اس کی فرقت کے اظہار کے لیے، بڑا سا دل بنانا ہو یا اپنی پسند کی ایموجی شامل کرنی ہو - بعض اوقات ایک تصویر ہزاروں الفاظ کے برابر ہوتی ہے۔ متن بھی شامل کر کے دیکھیں، اور حروف کے رنگ اور قسم کو بھی تبدیل کر کے دیکھیں۔

اب WhatsApp کیمرا خصوصیت فرنٹ فیسنگ فلیش کی معاونت کرتی ہے تا کہ آپ بہترین سیلفی لے سکتے ہیں۔ کم روشنی میں اور رات کے وقت بھی، یہ آپ کی اسکرین کو روشن کر کے آپ کی تصویر کے معیار کو بہتر بنائیگی۔ ویڈیو ریکارڈ کرنے کے لیے ہم نے ایک آسان زومنگ خصوصیت شامل کی ہے - بس اپنی انگشت کو اوپر سرکا کر ویڈیو کو قریب لا سکتے ہیں یا انگشت کو نیچے سرکا کر ویڈیو دور سے دیکھ سکتے ہیں۔ اور سرعت سے آگے اور پیچھے کے روخ کردہ کیمراس چننے کے لیے، اپنی اسکرین پر دوگنا ٹیپ کریں۔

کیمرے کی یہ خصوصیات آج سے Android فونس پر جاری کی جائیںگیں اور جلد ہی iPhone پر۔ ہمیں امید ہے کہ اگلی بار تصاویر اور ویڈیوز کا اشتراک کرتے وقت ان خصوصیات کا آپ مزا لیںگے۔

آج،ہم WhatsApp کی شرائط اور رازداری کی پالیسی کی تجدید، ان چار سالوں میں پہلی بار کر رہے ہیں، یہ ہماری آئندہ مہینوں میں لوگوں کے کاروباروں کے ساتھ ابلاغ کے طریقوں کی شناخت کے منصوبے کا حصہ ہے۔ تجدید شدہ دستاویزات اس بات کی بھی عکاسی کریں گے کہ ہم اب Facebook سے جڑے ہیں اور یہ کہ ہم نے حال ہی میں کئی نئ خصوصیات کی پیشکش کی ہے، مثلاً شروع سے آخر تک رمزکاری،WhatsApp کالنگ، اور پیغاماتی آلات جیسے WhatsApp ویب اور ڈیسکٹاپ۔آپ مکمل دستاویز یہاں پر پڑھ سکتے ہیں۔ ہم ہر کسی کو ہمارے ایپ کی ان تجدیدات کے متعلق قابلِ تعین تازہ ترین اشاعتوں پر خبر دے رہے ہیں، اور آپ کو ان جدید شرایط کے قبول کرنے کے لیے ’ متفق ہوں‘ پر ٹیپ کرنے کو کہا جائیگا۔

لوگ ہمارے ایپ کا استعمال اپنے عزیز دوستوں اوراحباب کے ساتھ تعلقات قائم رکھنے کے لئے روزانہ کرتے ہیں،اور اس میں کوئی تبدیلی نہیں آئیگی۔ لیکن جیسا کہ ہم نے سال کے شروع میں اعلان کیا تھا،کہ ہم آپ کو فریقِ ثالث کے بینر اشتہارات اور اسپیم کے تجربے کے بغیر خدمات دیتے ہوئے، آپ کے لیے آپ کے خاص کاروباروں کے ساتھ ابلاغ کے طریقوں کی تفتیش کرنا چاہتے ہیں۔چاہے وہ آپ کے بینک سے کسی مخفی طور پر فریبی کار روائی کی خبر کا ملنا، یا کسی ہوائی تنظیم کی جانب سے اڑان کے دیر سے آنے کی اطلاع موصول کرنا ہو، ہم میں سے کئی یہ اطلاعات کہیں اور سے حاصل کرتے ہیں، جیسے کہ ٹیکسٹ پیغامات یا فون کالس سے۔ ہم ان خصوصیات کی تفتیش اگلے کئی مہینوں میں کرنا چاہتے ہیں، مگر اس لیے ہماری شرائط اور پوشیدگی کی حکمت عملی کی تجدید کرنی واجب ہے۔

ہم نے شروع سے آخر تک رمزکاری شروع کر دی ہے اس کی وضاحت کرنے کے لیے بھی ہم ان دستاویزات کی تجدید کر رہے ہیں۔ جب آپ اور وہ لوگ جن سے آپ مخاتب ہیں، WhatsApp کے نئے ورژن کا استعمال کر رہے ہیں،آپ کے پیغامات بنیادی طور پر مرموز ہیں، جس کا مطلب ہے کہ صرف آپ لوگ ہی ان کو پڑھ سکتے ہیں۔ آنے والے مہینوں میں اگرچہ ہمFacebook سے زیادہ ہم آہنگ رہیں، آپ کے مرموز پیغامات مخفی ہی رہیں گے اور کوئی اور ان کو نہیں پڑھ سکیگا۔ نہ WhatsApp ،نہ Facebook، نہ ہی کوئی اور۔ ہم آپ کے WhatsApp نمبر کی،Facebook کی شمولیت کے ساتھ، کسی کے ساتھ ترسیل یا اشتراک نہیں کریں گے، اور ہم مزید،آپ کے فون نمبر کو نہ بیچیں گے ، نہ اس کا اشتراک کریں گے یا مشتہروں کو دیں گے۔

لیکن Facebook سے زیادہ ہم آہنگ ہونے پر، ہم کچھ ایسے عمل کرنے کے قابل ہوں گے جیسے کہ ایسی بنیادی میٹرکس جیسے لوگ ہماری خدمات کا استعمال کتنی بار کرتے ہیں اور WhatsApp پر ہم اسپیم سے بہتر طرح سے کیسے لڑ سکتے ہیں،ان پر نظر رکھ سکتے ہیں۔ اور آپ کے فون نمبر کو Facebook کے نظام سے جوڑنے پر، Facebook آپ کو احباب کی بہتر تجویز اور صحیح اشتہارات دے سکتا ہے، اگر آپ کا کھاتا ان کے ساتھ ہے۔ مثال کے طور پر، آپ جس کمپنی کے ساتھ کاروبار کر رہے ہیں اسی کا اشتہار آپ دیکھیں، بمقابل اس کے کہ کسی انجان کمپنی کا۔اپنے ڈیٹا کے استعمال کے نظام کی شمولیت کے ساتھ، آپ یہاں پر مزید جان سکتے ہیں۔

ہماراپوشیدگی کے ساتھ ذاتی ابلاغ میں یقین غیر متزلزل ہے، اور ہم نے آپ کو WhatsApp پر تیزتر، آسان ترین، اور قابلِ اعتبار تجربہ عطا کرنے کا قصد لیا ہے۔ ہمیشہ کی طرح، ہم آپ کے رد عمل کے منتظر اور WhatsApp کے استعمال کرنے کے لیے مشکور ہیں۔

ایک سال سے زیادہ وقت سے، دنیا بھر میں لوگوں نے دوستوں اوررشتہ داروں سے باتیں کرنے کے لیے WhatsApp کا استعمال کیا ہے۔ یہ رابطہ قائم رکھنے کا بہترین طریقہ ہے، خصوصاً جب غیر ممالک میں مقیم لوگوں سے تعلق رکھنے میں، یا جب صرف پیغامات کا بھیجنا کافی نہیں ہو سکتا۔ آج، WhatsApp پر روزانہ ۱۰۰ ارب سے زیادہ صوتی کالس کئے جاتے ہیں - یہ ۱،۱۰۰ کالس فی سیکنڈ سے زیادہ ہیں! ہم منکسر ہیں کہ اتنے لوگوں نے اس خصوصیت کو کار آمد پائی، اور ہم مستقبل میں اسے اس سے بھی بہتر بنانے پر آمادہ ہیں۔

آج ہم ایک ڈیسکٹاپ ایپ کی پیشکش کر رہے ہیں، تا کہ آپ کے پاس کہیں بھی اور کبھی بھی رابطے میں رہنے کے لیے ایک نیا ذریعہ ہو - خواہ فون پر ہوں یا اپنے گھر یا دفتر میں اپنے کمپیوٹر پر۔ جیسے WhatsApp ویب ہے، ویسے ہی ہمارا ڈیسکٹاپ ایپ بھی آپ کے فون والے ایپ کی ہی توسیع ہے: یہ ایپ آپ کے موبائل آلے کی باتوں اور پیغامات کی ہی عکاسی کرتا ہے۔

یہ نیا ڈیسکٹاپ ایپ +Windows 8 اور +Mac OS 10.9 کے لیے دستیاب ہے، اور آپ کے موبائل آلے والے ایپ سے مطابقت رکھتا ہے۔ اس ایپ کے آپ کے ڈیسکٹاپ پر مقامی طور پر چلنے کی وجہ سے آپ کو ڈیسکٹاپ کی مقامی اطلاعات، بہتر کی بورڈ، اور بھی بہت کچھ کی معاونت ملیگی۔

اس ایپ کو ڈائون لوڈ کرنے کے لئے، اپنے ڈیسکٹاپ کے برائوزر پر سے https://www.whatsapp.com/download پر جائیں۔ پھر، ایپ کھولیں اور اپنے فون کے WhatsApp ایپ کے ذریعے (ذیرِ ترتیبات WhatsApp ویب دیکھیں) QR کوڈ کو اسکین کریں۔

بالکل WhatsApp ویب کی طرح ہی، یہ نیا ایپ آپ کے لیے آپ کے فون کو اپنی جیب میں رکھتے ہوئے، دوستوں اور رشتے داروں سے رابطے میں رہنا آسان کرتا ہے۔

آپ کے معلومہ مواد اور ابلاغ کو جتنا ہو سکے محفوظ بنانے پر WhatsApp نے ہمیشہ اہمییت دی ہے۔ اور آج،ہم فخر سے اعلان کرتے ہیں کہ ہم نے وہ تکنیکی پختگی مکمل کر لی ہے جو آپ کے ذاتی ابلاغ کو محفوظ رکھنے میں WhatsApp کو سربراہی بخشتی ہے: شروع سے آخر تک مکمل رمزکاری ( full end-t-end encryption)اب سے آپ اور آپ کے روابط جب ایپ کی تازہ ترین اشاعت کا استعمال کریں گے، تو ہر کال جو آپ کریں، اور ہر پیغام، تصویر، ویڈیو، فائل، اور صوتی پیغام جو آپ بھیجیں، وہ گروہ بات کی شمولیت کے ساتھ، بنیادی طور پر دونو اطراف سے مرموز ہے۔

سیدھی سی بات ہے: جب آپ پیغام بھیجیں، واحد شخص جو اسے پڑھ سکتا ہے وہ شخص ہے یا گروہ بات جسے آپ پیغام بھیج رہے ہیں۔اس پیغام کے اندر کوئی نہیں دیکھ سکتا۔سائبر (انٹرنیٹ کے متعلق) مجرم نہیں۔ ہیکرس (ناواجب طور سے کمپیوٹر کی معلومات پڑھنے والے) نہیں۔ ظلمانہ حکمران نہیں۔ ہم بھی نہیں۔ دونو اطراف سے رمزکاری WhatsApp سے کئے گئے ابلاغ کو ذاتی بنانے میں مدد کرتی ہے۔ کچھ حد تک گویا رو برو گفتگو ہو۔

اگر آپ شروع سے آخر تک رمزکاری کس طرح کام کرتی ہے اس کے متعلق مزید جاننا چاہتے ہیں، تو آپ اس کے بارے میں [یہاں] (https://www.whatsapp.com/security) پڑھ سکتے ہیں۔ بہر حال آپ کے لیے صرف اتنا ہی جاننا ضروری ہے کہ دونوں اطراف سے مرموز پیغامات صرف وہ ہی لوگ پڑھ سکتے ہیں جنہیں آپ چاہیں۔اور اگر آپ WhatsApp کی تازہ ترین اشاعت کا استعمال کر رہے ہیں، تو اپنے پیغامات کو مرموز کرنے کے لیے آپ کو کچھ بھی نہیں کرنا ہے: دونوں اطراف سے رمزکاری بنیادی طور پر ہمیشہ چلتی رہتی ہے۔

ہم ایسی دنیا میں رہتے ہیں جہاں ہمارا معلومہ مواد ڈیجیٹلائزڈ، یعنی کمپیوٹر پر عددی نگارش کے روپ میں، پہلے سے کہیں زیادہ ہے۔ ہر دن ہم حسّاس معلومات تک نا درست طریقوں سے رسائی یا اس کی چوری کے قصّے سنتے ہیں۔اور اگر کچھ نہیں کیا گیا، تو آنے والے سالوں میں زیادہ لوگوں کی ڈیجیٹل معلومات اور ابلاغ ایسے حملوں کے خطرے میں ہوگی۔خوش قسمتی سے، دونوں اطراف سے رمزکاری ہمیں ایسے خطرات سے بچاتی ہے۔

رمزکاری سب سے زیادہ اہم وسائل میں سے ایک ہے جو حکومتیں، کاروبار، اور اشخاص کے پاس اس نئے ڈیجیٹل وقت میں بچائو اور تحفظ کی حمایت کرنے کے لیے ہے۔ حال ہی میں مرموز خدمات اور قانون کے نفاذ کے چلن پر بہت تبادلۂ خیال ہو چکا ہے۔ جہاں ہم نفاذِ قانون کے ذریعے لوگوں کو محفوظ رکھنے کے کام کے حمایتی ہیں، سائیبر مجرمین، ہیکرس، اور بدمعاش ریاستوں کی رمزکاری کو کمذور بنانے کی کوششیں لوگوں کو معلومات کے غلط مظاہرے کے خطرے میں ڈالتی ہیں۔

گر چہ WhatsApp کچھ ابلاغی پلیٹفارمس میں سے ہے جو دونوں اطراف سے مکمل رمزکاری بنانے والا ہے جو آپ کے ہر عمل کے لیے بنیادی طور پر چلتی رہتی ہے، ہم امید کرتے ہیں کہ وہ بال آخر ذاتی ابلاغ کے مستقبل کی نمائندگی کریگا۔

لوگوں کے ذاتی ابلاغ کو محفوظ رکھنے کی خواہش ان خاص اصولوں میں سے ہے جس پر WhatsApp میں ہم عمل کرتے ہیں، اور میرے لیے، یہ معاملہ ذاتی ہے۔ میں ملکِ روس (USSR ) میں اشتراکی (کمیونسٹ) حکومت کے دوران بڑا ہوا ہوں اور یہ حقیقت کہ وہاں لوگ بے خوف کلام نہیں کر سکتے تھے میرے کنبے کے ریاستہائے متحدہ امریکہUnited States منتقل ہونے کی وجوہات میں سے ایک ہے۔

آج دنیا بھر میں ایک ارب سے زیادہ لوگ اپنے دوستوں اور رشتہ داروں سے منسلک رہنے کے لیے WhatsApp کا استعمال کر رہے ہیں۔اور اب، ان میں سے ہر کوئی WhatsApp پر بے خوف و با حفاظت بات کر سکتا ہے۔

یان اور براین

اس ہفتے کے آغاز میں WhatsApp کو سات سال پورے ہو گئے ہیں۔ یہ ایک شاندار سفر رہا ہے اور آنے والے مہینوں میں ہم سیکورٹی سے متعلق خصوصیات پر پہلے سے بھی زیادہ زور دے رہے ہیں اور ساتھ ہی آپ کیلئے اہم لوگوں کے ساتھ رابطہ کرنے کے طریقوں پر بھی۔

تاہم سالگرہ کی تاریخیں ماضی پر نظر ڈالنے کا بھی اچھا موقع فراہم کرتی ہیں۔ جب ہم نے 2009 میں WhatsApp کا آغاز کیا تھا اس وقت لوگوں کا موبائل استعمال کرنے کا طریقہ کار آج کے مقابلے میں کافی مختلف تھا۔ ‏Apple App Store کو صرف چند ماہ ہوئے تھے۔ اس وقت فروخت ہونے والے 70 فیصد اسمارٹ فونز BlackBerry اور Nokia کے پیش کردہ آپریٹنگ سسٹمز استعمال کرتے تھے۔ ‏Google، Apple اور Microsoft کی جانب سے پیش کردہ موبائل آپریٹنگ سسٹمز جن کی فروخت آج 99.5 فیصد ہے، اس وقت فروخت ہونے والے موبائل آلات میں سے 25 فیصد سے بھی کم پر استعمال ہوتے تھے۔

اپنے اگلے سات سالوں کو دیکھیں تو ہم ان موبائل پلیٹ فارمز پر اپنی کوششوں کو مرکوز کرنا چاہتے ہیں جو لوگوں کی ایک بڑی اکثریت استعمال کرتی ہے۔ لہذا، 2016 کے اختتام تک، ہم مندرجہ ذیل موبائل پلیٹ فارمز پر WhatsApp Messenger کیلئے سپورٹ ختم کر رہے ہیں:

• ‏BlackBerry OS اور BlackBerry 10
• ‏Nokia S40
• ‏Nokia Symbian S60
• Android 2.1 اور ‏Android 2.2
• ‏Windows Phone 7
• ‏iPhone 3GS/iOS 6

جبکہ یہ موبائل آلات ہماری کہانی کا ایک اہم حصہ رہے ہیں، ان میں وہ صلاحیتیں موجود نہیں ہیں جو ہمیں مستقبل میں اپنی ایپ کی خصوصیات میں توسیع کرنے کیلئے درکار ہیں۔

یہ ہمارے لیے ایک مشکل تاہم درست فیصلہ تھا تاکہ ہم لوگوں کو WhatsApp کے ذریعے دوستوں، فیملی اور عزیز و اقارب کے ساتھ رابطے میں رہنے کے بہتر طریقے فراہم کر سکیں۔ اگر آپ ان متاثرہ موبائل آلات میں سے کوئی آلہ استعمال کرتے ہیں تو ہم تجویز کریں گے کہ آپ WhatsApp استعمال کرنا جاری رکھنے کیلئے 2016 کے اختتام تک نئے Android، iPhone یا Windows Phone پر اپ گریڈ کر لیں۔

اپ ڈیٹ: آپ ان آلات کیلئے مندرجہ ذیل پلیٹ فارمز پر WhatsApp استعمال نہیں کر پائیں گے:

• 30 جون، 2017 کے بعد Nokia Symbian S60
• 31 دسمبر، 2017 کے بعد BlackBerry OS اور BlackBerry 10
• 31 دسمبر، 2018 کے بعد Nokia S40
• 31 دسمبر، 2019 کے بعد تمام Windows Phone کے آپریٹنگ سسٹمز
• یکم فروری، 2020 کے بعد Android ورژنز 2.3.7 یا اس سے پرانے
• یکم فروری، 2020 کے بعد iPhone iOS 7

نوٹ: چونکہ ہم ان پلیٹ فارمز کیلئے اب فعال طور پر ڈیولپ نہیں کریں گے لہذا کچھ خصوصیات کسی بھی وقت کام کرنا بند کر سکتی ہیں۔

آخری بار اپ ڈیٹ شدہ: 7 مئی، 2019