26 જુલાઈ, 2017
ગયા વર્ષની જ વાત છે, અમે શેર કરેલું કે વિશ્વભરમાં એક અબજ લોકો દર મહિને WhatsAppનો ઉપયોગ કરે છે. આજે, અમે એ શેર કરતી વખતે ઉત્સાહ અને ગર્વ અનુભવીએ છીએ કે વિશ્વભરમાં એક અબજ લોકો તેમના કુટુંબીજનો અને મિત્રો સાથે સંપર્કમાં રહેવા માટે દરરોજ WhatsAppનો ઉપયોગ કરે છે.
વ્યક્તિગત કરેલા ફોટા અને વીડિયો શેર કરવાનું હોય, વીડિયો કૉલિંગ મારફતે કનેક્ટ થવાનું હોય કે પછી સ્ટેટસ વડે મિત્રોને આખા દિવસ દરમિયાન અપડેટ થયેલા રાખવાનું હોય, WhatsApp પર સંચાર કરવાનું આનાથી પહેલાં ક્યારેય વધુ સહેલું અથવા વધુ વ્યક્તિગત રહ્યું નથી. અમે એ જોઈને કૃતજ્ઞ થઈ ગયા છીએ કે આટલાં બધાં લોકો એકબીજાની સાથે તેમની પોતાની ખાસ રીતે કનેક્ટ થવા માટે આ નવી સુવિધાઓનો ઉપયોગ કરી રહ્યાં છે.
અમે આ માઇલસ્ટોનની ઉજવણી કરીએ છીએ ત્યારે, અમે તમારી સમક્ષ આનંદ માણવાની વધુ ઉપયોગી સુવિધાઓ લાવવા, સાથે જ તમે WhatsApp પાસેથી જેની અપેક્ષા રાખો છો તે વિશ્વસનીયતા, સરળતા અને સુરક્ષા આપવા માટે પહેલાં કરતાં પણ વધુ પ્રતિબદ્ધ છીએ. તમારા નિરંતર સપોર્ટ બદલ આભાર.