પાછલા કેટલાક વર્ષોમાં, અમે વ્યક્તિગત રીતે સંપર્ક કરવા માટે મેસેજિંગ ઍપ્લિકેશનો તરફનો એક વાસ્તવિક ઝુકાવ જોયો છે અને બિઝનેસને આગળ વધારવા માટે વધુને વધુ લોકો WhatsApp પર આધાર રાખતા થયાં છે.

ઘણી બધી જૂની રીતો જેનો ઉપયોગ કરીને લોકો અને બિઝનેસ એકબીજાનો સંપર્ક કરે છે તે હવે વપરાશમાં નથી. જ્યારે બિઝનેસ વાર્ષિક ધોરણે અબજો રૂપિયા ફોન કૉલ, ઇમેઇલ, SMS પાછળ ખર્ચે છે, ત્યારે લોકો એવું નથી ઇચ્છતા કે ફોન પર તેમને વધુ સમય રાહ જોવી પડે, તેમનો કૉલ એક વ્યક્તિથી બીજી વ્યક્તિને ટ્રાન્સફર થયો રહે અને તેમનો મેસેજ પહોંચ્યો છે કે નહિ તેવી અનિશ્ચિતતામાં તેઓને રહેવું પડે.

દુનિયા ફરતે ફેલાયેલી મહામારીએ સ્પષ્ટ કરી દીધું છે કે બિઝનેસ માટે પોતાના ગ્રાહકોને સેવા પૂરી પાડવા અને વેચાણ કરવા માટે ઝડપી અને અસરકારક માધ્યમોની જરૂર છે. WhatsApp આ સમયમાં સરળ અને અનુકૂળ સાધન સાબિત થયું છે. દરરોજ 17.5 કરોડથી પણ વધુ વધુ લોકો WhatsApp Business એકાઉન્ટને મેસેજ મોકલે છે. અમારું સંશોધન જણાવે છે કે લોકો મદદ મેળવવા માટે બિઝનેસને મેસેજ કરવાનું પસંદ કરે છે અને તેઓ જ્યારે આમ કરે ત્યારે મોટેભાગે ખરીદી કરે તેવી શક્યતા હોય છે.

જોકે, હજી અમારે ઘણું વિકસાવવાનું બાકી છે. છેલ્લા બે વર્ષોમાં, અમે બધા પ્રકારના બિઝનેસને તેઓની ચેટનું સંચાલન કરવા માટે WhatsApp Business ઍપ અને WhatsApp Business API પૂરી પાડી છે. અસરકારક સાબિત થયેલી સુવિધા પર મેળવેલા પ્રતિસાદને અમે સાંભળ્યા છે અને અમે માનીએ છીએ કે ગ્રાહકો અને બિઝનેસને જોડવા માટે WhatsApp એ મેસેજિંગને સૌથી સારું માધ્યમ બનાવવામાં મદદ કરી શકે છે. એ તરફ અમે અમારું રોકણ નીચેના વિસ્તારોમાં વધારી રહ્યાં છીએ:

• ખરીદી - લોકો અમારી ઉપલબ્ધ પ્રોડક્ટ જોઈ અને તપાસી શકે તથા ચેટમાંથી જ ખરીદી શકે તે માટેની રીતો અમે વિકસાવીશું. અમે બિઝનેસ માટે આ સુવિધાઓને તેઓના ચાલી રહેલા વાણિજ્ય અને ગ્રાહક ઉકેલોમાં સામેલ કરવાનું સહેલું બનાવવા પણ ઇચ્છીએ છીએ. આ એવા ઘણા નાના બિઝનેસને મદદ કરશે જે આ સમયમાં સૌથી વધુ અસર પામ્યા છે.
• Facebookની હોસ્ટિંગ સેવાઓ - બિઝનેસની ટેક્નોલોજી માટેની અલગ-અલગ જરૂરિયાતો હોય છે અને તેઓ જે કંપનીઓ સાથે કામ કરે છે ત્યાં ગ્રાહકો સાથેના વાતચીત વ્યવહારને હોસ્ટ કરવા અને તેનું સંચાલન કરવાનો વિકલ્પ ઇચ્છે છે, અને ખાસ કરીને જ્યારે ઘરેથી કામ કરવાનું ચલણ વધ્યું છે એની સાથે આ માંગ વધી રહી છે. એટલે જ આવનારા મહિનાઓમાં, અમે છેલ્લા બે વર્ષોમાં જેઓની સાથે કામ કર્યું છે એવા અમારા બિઝનેસ સોલ્યૂશન પ્રોવાઇડર સાથેની અમારી ભાગીદારીને વધારવાની યોજના ઘડી રહ્યા છે. અમે બિઝનેસ માટે તેઓના WhatsApp મેસેજના સંચાલન માટે હોસ્ટિંગ સેવાઓ કે જેને Facebook દ્વારા બહાર પાડવાની યોજના છે તેની મારફતે એક નવો વિકલ્પ પણ પૂરો પાડીશું. આ વિકલ્પ પૂરો પાડવાથી નાના અને મધ્યમ કદના બિઝનેસ માટે શરૂઆત કરવાનું, પ્રોડક્ટનું વેચાણ કરવાનું, સ્ટોકનો તાળો મેળવવાનું અને તેઓને મળતા મેસેજનો ઝડપથી જવાબ આપવાનું - પછી ભલેને તેઓના કર્મચારીઓ ક્યાંય પણ હોય, સરળ બની જશે.
• બિઝનેસને વેચાતી સેવાઓ - અમારા દ્વારા ઓફર કરવામાં આવતી સેવાઓ માટે અમે બિઝનેસ ચલાવતા ગ્રાહકો પાસેથી ચાર્જની વસૂલાત કરીશું. એમ કરવાથી જ્યારે અમે 200 કરોડથી વધુ લોકોને મફતમાં શરૂથી અંત સુધી સુરક્ષિત મેસેજ, વીડિયો અને વોઇસ કૉલિંગની સુવિધા પૂરી પાડીએ અને તેનો વ્યાપ વધારીએ ત્યારે WhatsAppને પોતાના બિઝનેસને વિકસાવવામાં મદદ મળશે.

અમે જાણીએ છીએ કે મોટાભાગના લોકો મિત્રો અને કુટુંબ સાથે માત્ર વાતચીત કરવા માટે WhatsApp વાપરવાનું ચાલુ રાખશે, એટલે જ અમે સરસ નવી સુવિધાઓ વિકસાવવાનું અને લોકોની પ્રાઇવેટ વાતચીતોને સુરક્ષિત રાખવાનું ચાલુ રાખીશું.

અમે માનીએ છીએ કે WhatsApp પર ઉમેરવામાં આવેલા આ વધારાના અનુભવો ઘણાં લોકો અને બિઝનેસની સાચી જરૂરિયાતોને સંતોષે છે, પછી ભલે તેઓ પાસે હોય કે દુનિયાના કોઈ પણ ખૂણે બેઠા હોય. આગામી સમયમાં રજૂ થનારી સેવાઓ વિશે અમે ખૂબ ઉત્સાહિત છીએ અને આવનારા મહિનાઓમાં અમે આ સેવાઓને ક્રમશઃ બહાર પાડીશું.

ચેટમાં શેર કરીને ઘણી વધુ વખત ફોરવર્ડ કરેલા મેસેજ પર WhatsApp ફોરવર્ડ કરેલોનું એક ખાસ લેબલ મૂકે છે. આ બે તીર લોકોને એ જાણવામાં મદદ કરે છે કે તેમને મળેલો મેસેજ તેમના કોઈ નજીકના સંપર્કે લખેલો નથી. આ વર્ષની શરૂઆતમાં, WhatsAppનું ખાનગીપણું જાળવી રાખવા માટે અમે આવા મેસેજ એક વખતમાં કેટલી વખત મોકલી શકાય તેની મર્યાદાઓ સેટ કરી હતી.

આજે, અમે ચેટમાં બિલોરી કાચના બટનને દબાવીને આવા મેસેજને ખાતરીપૂર્વક તપાસવાની એક સરળ રીત આપી રહ્યા છીએ. સરળ રીતે મેસેજ શોધવાની સુવિધાથી લોકોને ઘણી વખત ફોરવર્ડ કરાયેલા મેસેજની ખરાઈ કરવા માટે તે મેસેજ અંગેના સમાચારના પરિણામો અને માહિતીના બીજા માધ્યમો શોધવામાં મદદ મળે છે.

વપરાશકર્તાઓ મેસેજને તેમના બ્રાઉઝરથી અપલોડ કરીને આ સુવિધા વાપરી શકે છે અને WhatsApp તે મેસેજ ક્યારેય જોતું નથી.

Android, iOS અને WhatsApp વેબ માટે WhatsAppનું લેટેસ્ટ વર્ઝન વાપરતા બ્રાઝિલ, ઇટલી, આયર્લેન્ડ, મેક્સિકો, સ્પેન, યુકે અને યુએસના લોકો માટે આજથી વેબ પર શોધવાની સુવિધા શરૂ કરવામાં આવી રહી છે.

સમગ્ર વિશ્વના બિઝનેસ ફરીથી ખુલવાની અને ઓનલાઇન વ્યવહારો વધારવાની તૈયારી કરી રહ્યા છે ત્યારે લોકોને પ્રશ્નો પૂછવા, માહિતી મેળવવા કે તેમને જોઈતી વસ્તુ ખરીદવા માટે બિઝનેસનો સંપર્ક કરવાના સરળ માધ્યમોની જરૂર છે.

આજની તારીખે અમે 5 કરોડથી વધુ WhatsApp Business ઍપ વાપરનારાઓને સપોર્ટ કરી રહ્યા છીએ. WhatsApp Business API પરના હજારો મોટા બિઝનેસ બજારમાં પોતાની આગવી ઓળખ ઊભી કરી શકે તે માટે મદદરૂપ થવા અમે નવી સુવિધાઓ લાવી રહ્યા છીએ. જેમાં બિઝનેસ સાથે ચેટ શરૂ કરવાની અને તેઓ કયો માલસામાન અને સેવાઓ ઓફર કરે છે તે જોવાની સુવિધાઓનો સમાવેશ થાય છે.

QRનો ઉપયોગ કરીને કોઈ બિઝનેસ સાથે ચેટ શરૂ કરવી

QR કોડ એકદમ સરળ રીતે બિઝનેસ સાથે ચેટ શરૂ કરવાનું ડિજિટલ માધ્યમ છે. આ પહેલાં, જ્યારે લોકો પોતાની પસંદના કોઈ બિઝનેસના સંપર્કમાં આવતા, ત્યારે એક-એક કરીને તેના WhatsApp નંબર તેમના સંપર્કોમાં ઉમેરવાની જરૂર પડતી હતી. હવે, ચેટ શરૂ કરવા માટે લોકો સરળતાથી બિઝનેસના સ્ટોર, પ્રોડક્ટના પેકિંગ કે રસીદ પર દર્શાવેલો QR કોડ સ્કેન કરી શકે છે.

દાખલા તરીકે, ઉત્તમ ટોય નામની રાજકોટની રમકડાંની એક દુકાને અમને આ સુવિધાને ટેસ્ટ કરવામાં મદદ કરી હતી. આ દુકાન તેઓના માલસામાનના પેકેજિંગ પર અને રમકડાંના ટેગ પર QR કોડ લગાવે છે.

QR કોડ સ્કેન કરવાથી ચેટ ખૂલશે જેમાં બિઝનેસ દ્વારા વાતચીત શરૂ કરવા માટે પહેલેથી બનાવેલો મેસેજ દેખાશે. આપમેળે જવાબ મોકલવાની સુવિધા ચાલુ કરવાથી, વાતચીત આગળ ધપાવવા માટે બિઝનેસ તરત જ તેમના કેટલોગ જેવી કોઈ માહિતી મોકલી શકે છે. QR કોડ વાપરવાનું શરૂ કરવા માટે, બિઝનેસ આ ઝડપી પગલાં અનુસરી શકે છે.

WhatsApp Business ઍપ અથવા WhatsApp Business APIનો ઉપયોગ કરી રહેલા દુનિયાભરના બિઝનેસ માટે QR કોડ આજથી ઉપલબ્ધ થઈ રહ્યા છે.

બિઝનેસ શું પૂરું પાડે છે એ જાણવા માટે કેટલોગ શેર કરવાની સુવિધા

કેટલોગ બિઝનેસને તેમનો માલસામાન અથવા સેવાઓ પ્રદર્શિત કરવાની સુવિધા આપે છે, જે વેચાણ વૃદ્ધિમાં તેમની મદદ કરી શકે છે. ગયા વર્ષે લોન્ચ કર્યા પછી, લોકો માટે WhatsApp પર બિઝનેસ સાથે વાતચીત કરવાની આ લોકપ્રિય રીત બની ગઈ છે. હકીકતમાં, દર મહિને 4 કરોડથી વધુ લોકો WhatsApp પર બિઝનેસના કેટલોગ જુએ છે.

લોકો માટે પ્રોડક્ટ શોધવાનું વધુ સરળ બનાવવા માટે, અમે કેટલોગ અને દરેક વસ્તુને વેબસાઇટ, Facebook, Instagram અને બીજે ક્યાંય પણ લિંક તરીકે શેર કરવાનું ઉપલબ્ધ બનાવી રહ્યા છીએ. અને જો લોકો તેમને મળેલું કેટલોગ કે વસ્તુને મિત્રો કે કુટુંબીઓ સાથે શેર કરવા માગતા હોય, તો તેઓ બસ લિંકને કોપી કરીને તેને WhatsApp અથવા બીજી કોઈ જગ્યાએ પણ શેર કરી શકે છે.

કેટલોગની લિંક બધે જ ઉપલબ્ધ છે અને તેને કેવી રીતે શેર કરવી તે અંગે બિઝનેસ અહીં શીખી શકે છે.

અત્યારે બિઝનેસ નવી હકીકતને સ્વીકારીને તેની સાથે સુમેળ સાધવાનો પ્રયત્ન કરી રહ્યા છે અને તેને સરળતાથી ચલાવવાનો માર્ગ લાંબો અને પડકારજનક રહેશે, આવા સંજોગોમાં અમે તેમને સપોર્ટ કરવાના પૂરતા પ્રયત્નો કરવા માગીએ છીએ.

દુનિયાભરમાં WhatsApp 200 કરોડ કરતાં વધુ લોકો દ્વારા ઉપયોગમાં લેવાય છે અને પસંદ કરાય છે. ખરું કે અમારું ધ્યાન લોકોને તેઓના મિત્રો અને સ્નેહીજનો સાથે ચેટ કરવા માટેનું એક સરળ, ભરોસાપાત્ર અને અંગત માધ્યમ પૂરું પાડવાનું છે. સાથેસાથે અમે અમારી પ્રોડક્ટ ડિઝાઇનને પણ આગળ ધપાવી રહ્યાં છીએ, જેથી WhatsApp કોઈ પણ વ્યક્તિ માટે ક્યાંયથી પણ કનેક્ટ થવાનું ઉપયોગી માધ્યમ બની રહે.

આજે, અમે અમારી નવી સુવિધાઓ વિશે ખાતરી કરતા ઘણી ઉત્સુકતા અનુભવીએ છીએ, જે આવતા કેટલાંક અઠવાડિયાઓમાં ખુલ્લી મુકાશે:

• હલતાં સ્ટિકરો: WhatsApp પર સ્ટિકરોથી વાતચીત કરવાનું ચલણ ઝડપથી વધી રહ્યું છે અને દરરોજના કરોડો સ્ટિકરોનો ઉપયોગ થઈ રહ્યો છે. અમે નવા હલતા સ્ટિકરોનું પેક બહાર પાડી રહ્યાં છીએે, જે વધુ મજેદાર અને અર્થસભર છે.
• QR કોડ: નવો સંપર્ક ઉમેરવાની રીતને અમે વધુ સહેલી બનાવી રહ્યા છીએ. ટૂંક સમયમાં, જ્યારે તમે કોઈ નવી વ્યક્તિને મળો, ત્યારે તમે તેઓને તમારા સંપર્કોમાં ઉમેરવા માટે સહેલાઈથી તેઓનો QR કોડ સ્કેન કરી શકશો. તેઓનો નંબર એક પછી એક અંકો દબાવીને ઉમેરવાથી હવે મળશે રાહત.
• WhatsApp વેબ અને ડેસ્કટોપ માટે ડાર્ક મોડ: અતિ લોકપ્રિય થયેલો ડાર્ક મોડ હવે તમારા કમ્પ્યૂટરમાં પણ મળી રહેશે.
• ગ્રૂપ વીડિયો કૉલમાં સુધારા: 8 સભ્યોનો સમાવેશ કરતા વીડિયો કૉલ સાથે, હવે તમે જેના પર ચાહો તેના પર ફોકસ કરી શકશો. કોઈ સભ્યનો વીડિયો ફૂલ સ્ક્રીન પર જોવા માટે થોડી વાર એમના વીડિયો પર દબાવી રાખો. અમે ગ્રૂપ ચેટમાં 8 કે તેથી ઓછા સભ્યો સાથે વાત કરવા માટે વીડિયો આઇકન ઉમેર્યું છે, જેથી તમે સહેલાઈથી એક વાર દબાવીને ગ્રૂપ વીડિયો કૉલ ચાલુ કરી શકો છો.
• KaiOS પર હવે સ્ટેટસ: KaiOS વાપરનારાઓ હવે આ લોકપ્રિય સુવિધાનો આનંદ માણી શકે છે. હવે તેઓ અપડેટ શેર કરી શકશે જે 24 કલાક પછી દેખાશે નહિ.

આ સુવિધાઓ આવતા કેટલાંક અઠવાડિયાઓમાં WhatsAppના સૌથી નવા વર્ઝનમાં ખુલ્લી મુકાશે.

અમને એ જાહેર કરતા આનંદ થાય છે કે અમે આજથી બ્રાઝિલના WhatsApp વાપરનાર લોકો માટે ડિજિટલ પેમેન્ટની સુવિધા લાવી રહ્યા છીએ. લોકો સુરક્ષિત રીતે પૈસા મોકલી શકશે અથવા તેમની ચેટમાંથી બહાર નીકળ્યા વગર લોકલ બિઝનેસ પાસેથી ખરીદી કરી શકશે.

1 કરોડથી વધુ નાના અને માઇક્રો બિઝનેસ બ્રાઝિલના સમાજની જીવાદોરી છે. સવાલોના જવાબ મેળવવા બિઝનેસને સીધી પૂછપરછ કરવી એ ગ્રાહકોના સ્વભાવમાં વણાઈ ગયું છે. હવે સ્ટોરના કેટલોગને જોવા ઉપરાંત ગ્રાહકો પ્રોડક્ટની ખરીદી બદલ પેમેન્ટ પણ મોકલી શકશે. પેમેન્ટની લેવડ-દેવડ સરળ બનાવવાથી વધુ બિઝનેસને ડિજિટલ અર્થતંત્રમાં લાવવામાં અને વિકાસની નવી તકો ખોલવામાં મદદ મળી શકે છે.

વધુમાં, અમે તમારા પ્રિયજનોને પૈસા મોકલવાનું મેસેજ મોકલવા જેટલું જ સરળ બનાવી રહ્યા છીએ, જ્યારે લોકો એકબીજાથી દૂર રહેતા હોય ત્યારે આનાથી મહત્ત્વનું બીજું કંઈ ન હોઈ શકે. WhatsApp પર પેમેન્ટની સુવિધા Facebook Pay દ્વારા સંચાલિત હોવાથી, ભવિષ્યમાં અમે લોકો અને બિઝનેસની સગવડ માટે Facebookની તમામ ઍપ્લિકેશનોમાં એક જ કાર્ડથી પેમેન્ટ કરવાની સુવિધા આપવાનું વિચારી રહ્યા છીએ.

અમે સુરક્ષાને ધ્યાનમાં રાખીને પેમેન્ટની સુવિધા બનાવી છે અને બિનસત્તાવાર વ્યવહારોને અટકાવવા માટે ખાસ છ અંકોનો પિન અથવા ફિંગરપ્રિન્ટ નાખવી જરૂરી રહેશે. શરૂઆતમાં, અમે Visa અને Mastercard નેટવર્ક પર Banco do Brasil, Nubank અને Sicrediના ડેબિટ અથવા ક્રેડિટ કાર્ડ સપોર્ટ કરીશું અને તે માટે અમે બ્રાઝિલના અગ્રણી પેમેન્ટ પ્રોસેસર Cielo સાથે મળીને આ સુવિધા આપવા માટે કામ કરી રહ્યા છીએ. ભવિષ્યમાં વધુ પાર્ટનરોને આવકારવા અમે બધા અપનાવી શકે એવું મોડલ બનાવ્યું છે.

WhatsApp પર પૈસા મોકલવા કે ખરીદી કરવા માટે અમે લોકો પાસેથી વધારાનો કોઈ ચાર્જ લેતા નથી. ગ્રાહકોનું પેમેન્ટ મેળવવા માટે પ્રોસેસિંગ ફી જે તે બિઝનેસ ચૂકવશે, જેમ તેઓ ક્રેડિટ કાર્ડના વ્યવહારો સ્વીકારતી વખતે કરતા હશે એવી જ રીતે.

આજથી સમગ્ર બ્રાઝિલના લોકો માટે WhatsApp પર પેમેન્ટની સુવિધા શરૂ કરવામાં આવી છે અને આગળ જતાં આ સુવિધા દરેક માટે સુલભ બનાવવી એ અમારું લક્ષ્ય છે.

કોવિડ-19 વૈશ્વિક મહામારીને કારણે આપણામાંંનાં ઘણાં પોતાનાં કુટુંબ અને મિત્રોથી વિખૂટા પડી ગયાં છે. પરિણામે, અમે જોઈએ છીએ કે દુનિયા ફરતે WhatsApp પર લોકો વોઇસ અને વીડિયો કૉલથી પહેલાંની સરખામણીમાં સૌથી વધુ સમય પસાર કરી રહ્યાં છે. ખાસ તો, ગ્રૂપ કૉલ ઉપયોગી હોવાથી, એક વારમાં એક કરતાં વધુ લોકો સાથે જોડાવાની માંગણી અમારા વપરાશકર્તાઓએ કરી હતી. આજથી શરૂ થઈ રહેલી આ નવી સુવિધામાં, અમે WhatsApp પર વીડિયો અને વોઇસ કૉલથી એક સમયે જોડાનાર સભ્યોની સંખ્યા બેગણી કરીને, 4થી 8 કરી રહ્યાં છીએ.

ગયા મહિનાથી, લોકો સરેરાશે WhatsApp કૉલ પર દરરોજની 1500 કરોડ મિનિટ વીતાવી રહ્યાં છે, જે મહામારી પહેલાંના સમય કરતાં અનેક ગણી વધુ છે. લખેલા મેસેજની જેમ જ, એ તમામ કૉલ શરૂથી અંત સુધી સુરક્ષિત કરેલા છે. અમે ગ્રૂપમાં કૉલ કરવાની સુવિધાને એવી રીતે બનાવી છે કે વધુને વધુ વપરાશકર્તાઓ સુધી અને ઓછી ગુણવત્તા ધરાવતા ડિવાઇસ અને ધીમા નેટવર્કવાળી પરિસ્થિતિમાં પણ એ સુવિધાને ઉપલબ્ધ બનાવી શકીએ.

અમે જાણીએ છીએ કે લોકો અત્યારે ઘરે હોવાથી જુદી જુદી રીતોથી જોડાવા ઇચ્છે છે, તેથી જ WhatsApp Portal પર ઉપલબ્ધ છે. આ સૌથી સારી રીત હોવાનું ઘણા વપરાશકર્તાઓએ અમને જણાવ્યું છે. ઘરમાં કેદ છીએ ત્યારે અમારો લિવિંગ રૂમ કુટુંબ સાથે અમે આસાનીથી શેર કરી શકીએ છીએ.

WhatsApp કૉલ પર વધુ સભ્યો સાથે જોડાવાની આ નવી સુવિધા મેળવવા માટે, કૉલ પરના બધા સભ્યોએ iPhone અથવા Android પર આજે ઉપલબ્ધ લેટેસ્ટ વર્ઝન પર અપડેટ કરવું જરૂરી છે. તમારા મિત્રો અને કુટુંબના સભ્યોને WhatsAppને અપડેટ કરવાનું અને આ નવી સુવિધા અજમાવવા કહો.

WhatsApp પર દરરોજ લખો સ્ટિકરો મોકલાય છે. આમ WhatsApp એ લોકો માટે એક પણ શબ્દ લખ્યા વગર પોતાના અંગત વિચારોની અભિવ્યક્તિનું એક સુંદર માધ્યમ બન્યું છે. અમે 18 મહિના પહેલાં સ્ટિકર બહાર પાડ્યાં ત્યારથી તે WhatsApp પર લોકોમાં વાતચીત કરવાનાં માધ્યમોમાંથી સૌથી ઝડપથી વિકસતું માધ્યમ બની ગયું છે.

અમે વિશ્વ આરોગ્ય સંસ્થા સાથે મળીને કામ કરીને “Together at Home” સ્ટિકર પેક લોન્ચ કરતા આનંદ અનુભવીએ છીએ. આનાથી કોરોના વાઇરસની વૈશ્વિક મહામારી દરમિયાન અને તેના સિવાય પણ લોકોને જોડાવામાં મદદ મળશે. આવાં સ્ટિકરો રમૂજી, શૈક્ષણિક અને સર્વસામાન્ય, ભાષા, ઉંમર અને બીજાં બંધનોને તોડનારા હોઈ શકે છે.

અમે આશા રાખીએ કે લોકોને આ સ્ટિકરો વાપરવાની મજા આવે અને તેનાથી તેઓ પોતાના પ્રિયજનો, ખાસ કરીને જે લોકો એકલતાનો અનુભવ કરી રહ્યા હોય અને ડરતા હોય તેમની ખબરઅંતર પૂછી શકે. આ પેકમાં સર્જનાત્મક રીતે લોકોને હાથ ધોવા માટે, એકબીજાથી અંતર જાળવવા માટે, વ્યાયામ કરવા માટે અને ખાસ કરીને આરોગ્ય ક્ષેત્રે જોડાયેલા આપણા વિરલાઓ અને વ્યક્તિગત વિરલાઓના ગુણગાન ગાવાં તરફ ધ્યાન દોરવામાં આવ્યું છે.

“Together at Home” સ્ટિકર પેક હવે WhatsAppની અંદર જ આ 9 ભાષાઓમાં અનુવાદ સાથે ઉપલબ્ધ છે - અરેબિક, ફ્રેન્ચ, જર્મન, ઇન્ડોનેસિયન, ઇટાલિયન, પોર્ટુગીઝ, રશિયન, સ્પેનિશ અને ટર્કિશ.

કોરોના વાઇરસ (COVID-19)ને કારણે કરોડો લોકો પોતાના મિત્રો અને કુટુંબીજનોને રૂબરુમાં મળી શકતા ન હોવાથી વાતચીત માટે WhatsAppનો પહેલાં કરતાં વધારે ઉપયોગ કરી રહ્યાં છે. લોકો આ કટોકટી દરમિયાન WhatsAppનો ઉપયોગ કરીને ડૉક્ટરો, શિક્ષકો અને વિખૂટાં પડી ગયેલાં સ્નેહીજનો સાથે વાતો કરી રહ્યાં છે. એટલે જ, WhatsApp પર તમારા મેસેજ અને કૉલ મૂળ રીતે શરૂથી અંત સુધી સુરક્ષિત રાખવામાં આવે છે, જેથી તમારી સૌથી વ્યક્તિગત વાતચીત માટે તમને સુરક્ષિત માધ્યમ પૂરું પાડી શકીએ.

ગયા વર્ષે અમે વપરાશકર્તાઓને વારંવાર ફોરવર્ડ કરેલા મેસેજ વિશે માહિતગાર કર્યા હતા. એ મેસેજ પર લેબલ તરીકે બે તીર લગાડ્યાં હતાં, જેથી ખ્યાલ આવે કે એ મેસેજ કોઈ નજીકના સંપર્કે બનાવીને નથી મોકલ્યો. આમ, જોવા જઈએ તો આ મેસેજ WhatsApp પર મોકલવામાં આવતા બીજા મેસેજની સરખામણીમાં ઓછા વ્યક્તિગત કહેવાય. હવે અમે એક મર્યાદા લગાડવા જઈ રહ્યાં છીએ, જેથી આ મેસેજ એક સમયે માત્ર એક જ ચેટમાં ફોરવર્ડ કરી શકાશે.

WhatsApp પ્રાઇવેટ મેસેજ માટેની સેવા હોવાથી, વાતચીત ખાનગી રહે તે માટે અમે છેલ્લાં કેટલાક વર્ષોથી આગવાં પગલાં ભર્યાં છે. દાખલા તરીકે, અગાઉ અમે ફોરવર્ડ કરેલા મેસેજ પર મર્યાદા ઠરાવી હતી, જેથી તેને વાયરલ થતા અટકાવી શકીએ. તેના કારણે એ સમયે દુનિયા ફરતે ફોરવર્ડ કરાતા મેસેજમાં 25% જેટલો ઘટાડો થયો હતો.

શું બધાંને ફોરવર્ડ કરવું ખરાબ ગણાય? જરા પણ નહિ. અમે જાણીએ છીએ કે ઘણા વપરાશકર્તાઓ મદદરૂપ માહિતી, સાથે રમૂજી વીડિયો, મીમ, વિચારવિમર્શ અને પ્રાર્થનાઓ ફોરવર્ડ કરે છે, જેમાં તેઓને કંઈ ખોટું લાગતું નથી. એટલું જ નહિ, તાજેતરનાં અઠવાડિયાંઓમાં, લોકોએ WhatsAppનો ઉપયોગ કરીને પ્રાથમિક સ્વાસ્થ્ય કર્મચારીઓને ટેકો આપવા માટે જાહેર સંભારણાંનું પણ આયોજન કર્યું હતું. જોકે, ફોરવર્ડ કરેલા મેસેજની તીવ્રતમાં અમે નોંધપાત્ર વધારો જોયો છે, જેના વિશે વપરાશકર્તાઓએ અમને જાણ કરી છે કે એનાથી હેરાનગતિના અનુભવ અને અફવાઓ ફેલાવાની શક્યતામાં વધારો થઈ શકે છે. અમને લાગે છે કે WhatsAppને વ્યક્તિગત વાતચીતના માધ્યમ તરીકે જાળવી રાખવા માટે આ મેસેજ ફેલાવાની ઝડપમાં ઘટાડો કરવો જરૂરી છે.

આ ફરેફારની સાથેસાથે, અમે બિન-સરકારી સંગઠનો (NGO), સરકારો, વિશ્વ આરોગ્ય સંસ્થા (WHO) તેમજ 20 થી વધુ દેશોના સ્વાસ્થ્ય મંત્રાલયો સાથે સીધેસીધી રીતે કામ કરી રહ્યાં છીએ, જેથી લોકોને ખરી માહિતી મેળવવામાં મદદરૂપ બની શકીએ. આ ભરોસાપાત્ર સત્તાધીશોએ માહિતી અને સલાહસૂચનની વિનંતી કરી રહેલા લોકોને સીધેસીધા કરોડો મેસેજ મોકલ્યા છે. તમે આ પ્રયત્નો વિશે જાણવા માટે તેમજ સંભાવ્ય બનાવટી માહિતી, છેતરપિંડી અને અફવાઓ વિશે કેવી રીતે હકીકત તપાસતી સંસ્થાઓને જાણ કરવી એ અંગે અમારા કોરોના વાઇરસ માહિતી હબ પર વધુ શીખી શકો છો.

અત્યારની પરિસ્થિતિ જોતાં અમને લાગે છે કે લોકોને વ્યક્તિગત રીતે એકબીજા સાથે વાત કરવાની આટલી જરૂર પહેલાં ક્યારેય નહોતી પડી. આ અભૂતપૂર્વ વૈશ્વિક કટોકટી દરમિયાન WhatsAppને ભરોસાપાત્ર રીતે કામ કરતું રાખવા માટે અમારી ટીમ સખત મહેનત કરી રહી છે. અમને આશા છે કે તમારા પ્રતિભાવો મેળવતા રહીએ અને લોકોને એકબીજાની સાથે WhatsApp પર શેર કરવાની રીતોમાં અમે સુધારો કરતા રહીએ.

દરેક જગ્યાએથી અમારા વપરાશકર્તાઓ દ્વારા સૌથી વધુ વિનંતી કરાયેલી ડાર્ક મોડ સુવિધા સાથે WhatsAppને અપડેટ કરવાથી અમે ખૂબ ઉત્સાહિત છીએ.

WhatsApp માટેનો ડાર્ક મોડ પરિચિત અનુભવની સાથેસાથે નવો દેખાવ ઑફર કરે છે. ઓછા પ્રકાશવાળી પરિસ્થતિઓમાં આંખ ઓછી ખેંચાય તેવી રીતે તેને ડિઝાઇન કરાયો છે. તમારા ફોનથી આખા રૂમમાં અજવાળું થઈ જાય તેવી મૂંઝવનારી પરિસ્થિતિઓથી તમને આ સુવિધા બચાવશે એવી અમને આશા છે.

ડાર્ક મોડ ડિઝાઇન કરતી વખતે અમે મુખ્યત્વે બે વસ્તુઓ પર ફોકસ રાખીને રિસર્ચ અને પ્રયોગો કર્યાં છે:

વાંચવામાં સરળતા: રંગો પસંદ કરતી વખતે, અમે ઇચ્છતા હતા કે બને તેટલી આંખ ઓછી ખેંચાય અને એવા રંગો વાપરીએ જે iPhone અને Androidની સિસ્ટમના રંગોની નજીકના હોય.

માહિતીની તેના મહત્ત્વ મુજબ ગોઠવણ: અમે વપરાશકર્તાઓને દરેક સ્ક્રીન પર તેઓનું ફોકસ જળવાઈ રહે તેમાં મદદ કરવા ઇચ્છતા હતા. આવું અમે રંગ અને ડિઝાઇનના બીજા ઘટકો વાપરીને કર્યું અને સૌથી મહત્ત્વની માહિતી આંખે તરીને આવે તેની ખાતરી કરી.

વપરાશકર્તાઓ Android 10 અને iOS 13 પર સિસ્ટમ સેટિંગમાં જઈને ડાર્ક મોડ ચાલુ કરીને વાપરી શકે છે. Android 9 અને તેની નીચેનું વર્ઝન વાપરનારાઓ WhatsApp સેટિંગમાં જઈને > ચેટ > થીમ > 'કાળી' થીમ પસંદ કરી શકે છે.

અમે આશા રાખીએ કે આવનારા દિવસોમાં WhatsAppના લેટેસ્ટ વર્ઝન પર શરૂ થનારો ડાર્ક મોડ વાપરવામાં દરેકને મજા આવશે.

અમે તે જણાવવા માટે ઉત્સાહિત છીએ કે, આજની તારીખે, વિશ્વભરના 200 કરોડથી વધારે લોકો WhatsApp વાપરે છે.

માતાપિતા, તેમના બાળકો ગમે ત્યાં પણ હોય, તેમના સંપર્કમાં રહી શકે છે. ભાઈબહેન, તેમને ગમતી ક્ષણો શેર કરી શકે છે. સહકર્મીઓ, સહયોગ આપી શકે છે અને ગ્રાહકો સાથે સરળતાથી જોડાઈને બિઝનેસનો વિકાસ થઈ શકે છે.

ખાનગી વાતચીતો, પહેલાં રૂબરૂમાં જ શક્ય હતી પરંતુ હવે ઇન્સ્ટન્ટ ચેટ અને વીડિયો કૉલ દ્વારા ગમે એટલા દૂરથી આ શક્ય છે. એવા ઘણાં મહત્વના અને ખાસ કામ છે જે WhatsApp મારફતે કરવામાં આવે છે અને અમે આ શિખર સર કરવા બદલ નમ્ર અને ગૌરવાન્વિત અનુભવ કરીએ છીએ.

અમે જાણીએ છીએ કે આપણે જેટલા વધુ જોડાઈશું, એટલી જ વધુ સુરક્ષાની આપણને જરૂર પડશે. આપણે આપણું મોટાભાગનું જીવન ઓનલાઇન વિતાવીએ છીએ, ત્યારે આપણી વાતચીત સુરક્ષિત રાખવી તે પહેલાં કરતા વધારે અગત્યનું છે.

આ કારણે જ WhatsApp પર મોકલવામાં આવતા દરેક ખાનગી મેસેજ મૂળરૂપે શરૂથી અંત સુધી સુરક્ષિત છે. સશક્ત એન્ક્રિપ્શન એ તોડી ન શકાય એવા ડિજિટલ લૉક તરીકે કામ કરે છે કે અને WhatsApp પર મોકલવામાં આવતી માહિતીને સુરક્ષિત રાખે છે, જે તમને હેકર અને ગુનેગારોથી રક્ષણ આપે છે. મેસેજ ફક્ત તમારા ફોન પર જ રાખવામાં આવે છે અને તમારી બન્ને વચ્ચેથી કોઈ તમારા મેસેજ વાંચી કે તમારા કૉલ સાંભળી શકતા નથી, અમે પણ નહિ. તમારી અંગત વાતચીતો તમારી બન્ને વચ્ચે જ રહે છે.

આ આધુનિક જીવનમાં સશક્ત એન્ક્રિપ્શન જરૂરી છે. અમે સુરક્ષામાં કોઈ જ બાંધછોડ કરીશું નહિ કે જેનાથી લોકોની સુરક્ષામાં કોઈ ઘટાડો થાય. આનાથી પણ વધુ સુરક્ષા માટે, અમે શ્રેષ્ઠ સુરક્ષા નિષ્ણાતો સાથે કામ કરીએ છીએ, દુરુપયોગ રોકવા માટે ઉદ્યોગોમાં મુખ્યરૂપે વપરાતી ટેક્નોલોજીનો ઉપયોગ કરીએ છીએ તેમજ નિયંત્રણો અને સમસ્યાઓની જાણ કરવાની રીતો પૂરી પાડીએ છીએ, એ પણ પ્રાઇવસીનો ભોગ આપ્યા વગર.

લોકોને ઉપયોગ માટે સરળ, વિશ્વસનીય અને ખાનગી એવી સેવા બનાવવાના હેતુ સાથે WhatsAppની શરૂઆત કરવામાં આવી હતી. જ્યારે અમે શરૂઆત કરી હતી ત્યારે જેટલા અમે પ્રતિબદ્ધ હતા તેટલા જ અમે આજે છીએ અને 200 કરોડથી વધુ વપરાશકારોની અંગતતા અકબંધ રાખીને અમે દુનિયાને જોડીએ છીએ અને તેમની અંગત વાતચીતોને સુરક્ષિત રાખીએ છીએ.