પ્રસ્તુત કરી રહ્યા છીએ પ્રગત ચેટ પ્રાઇવસી: તમારી સૌથી વધુ સંવેદનશીલ વાતચીતો માટે બહેતર બનાવેલું સંરક્ષણ

WhatsApp પર પ્રાઇવસીનો પાયો એ છે કે તમારા વ્યક્તિગત મેસેજ અને કૉલ એન્ડ-ટૂ-એન્ડ એન્ક્રિપ્શન દ્વારા સુરક્ષિત હોય છે જેથી કરીને માત્ર મેસેજ મોકલનાર અને મેસેજ મેળવનાર જ તેમને જોઈ, સાંભળી અથવા શેર કરી શકે. ત્યાંથી, અમે પ્રાઇવસીના એકથી વધુ સ્તર બનાવ્યા છે, જેમ કે ગાયબ થતા મેસેજ અને ચેટ લૉક, જે પ્રાઇવસીને એક પગલું વધુ આગળ લઈ જાય છે.

આજે અમે "પ્રગત ચેટ પ્રાઇવસી" નામનું પ્રાઇવસી માટેનું અમારું નવીનતમ સ્તર પ્રસ્તુત કરી રહ્યા છીએ. ચેટ અને ગ્રૂપ એમ બંનેમાં ઉપલબ્ધ આ નવું સેટિંગ જ્યારે તમે વધારાની પ્રાઇવસી ઇચ્છતા હોઈ શકો ત્યારે અન્ય લોકોને WhatsAppની બહાર કન્ટેન્ટ લઈ જવાથી અટકાવવામાં મદદ કરે છે.

જ્યારે આ સેટિંગ ચાલુ હોય, ત્યારે તમે અન્ય લોકોને તેમના ફોન પર ચેટને એક્સપોર્ટ કરવાથી, મીડિયાને ઓટો-ડાઉનલોડ કરવાથી અને AIની સુવિધાઓ માટે મેસેજને ઉપયોગમાં લેવાથી બ્લોક કરી શકો છો. તે રીતે, ચેટમાં રહેલ દરેક જણને એ બાબતનો વધુ વિશ્વાસ થાય છે કે જે કંઈ કહેવામાં આવી રહ્યું છે તેને કોઈ પણ વ્યક્તિ ચેટની બહાર લઈ જઈ શકતી નથી.

WhatsApp ગ્રૂપ આપણી વાસ્તવિક દુનિયાનાં નેટવર્કનું વધુને વધુ વિસ્તરણ બની રહ્યાં છે, જેમાંથી કેટલાંક અન્યોની સરખામણીમાં બહુ વધારે નજીક છે. અમારા વિચારે આ સુવિધાનો શ્રેષ્ઠ ઉપયોગ એવાં ગ્રૂપની સાથે વાત કરતી વખતે થાય છે જ્યાં તમે કદાચ દરેક જણને નજીકથી ઓળખતા ન હો, પરંતુ તેમ છતાં પ્રકૃતિમાં સંવેદનશીલ હોય, જેમ કે સપોર્ટ ગ્રૂપમાં આરોગ્યને લઈને આવતા પડકારો વિશે વાત કરવી અથવા તમારા માટે મહત્ત્વપૂર્ણ કોઈ બાબત વિશે તમારી કોમ્યુનિટીને સંગઠિત કરવી.

તમે ચેટના નામ પર દબાવીને, તે પછી 'પ્રગત ચેટ પ્રાઇવસી' પર દબાવીને આને ચાલુ કરી શકો છો. આ સુવિધાનું આ પહેલું વર્ઝન છે અને અમે તેમાં વધુ બાબતોને ઉમેરવાનો પ્લાન કરી રહ્યા છીએ જેથી છેવટે તેમાં હજીએ વધુ સંરક્ષણોનો સમાવેશ થાય.

આ નવું સેટિંગ WhatsAppના નવીનતમ વર્ઝન પર દરેક જણ માટે રજૂ કરવામાં આવી રહ્યું છે.