27 جولائی 2023
WhatsApp پر وائس میسجز کی وجہ سے لوگوں کے بات چیت کرنے کا طریقہ تبدیل ہو گیا ہے یہاں آپ فوراً اور محفوظ طریقے سے اپنی آواز شیئر کر سکتے ہیں۔ ہمیں اس خصوصیت میں نئے فوری ویڈیو میسجز کا اضافہ کرنے میں انتہائی خوشی محسوس ہو رہی ہے۔ اب آپ براہ راست چیٹ میں چھوٹی ذاتی ویڈیوز ریکارڈ اور شیئر کر سکتے ہیں۔
ویڈیو میسجز کی مدد سے آپ رئیل ٹائم میں اپنی چیٹس کا جواب دے سکتے ہیں، آپ جو بھی کہنا اور دکھانا چاہتے ہیں اسے 60 سیکنڈز میں دکھا سکتے ہیں۔ ہمارے خیال سے یہ ایک مزے دار طریقہ ہے جہاں آپ اپنے لمحات شیئر کر سکتے ہیں اور ویڈیو میں اپنے جذبات کا اظہار کر سکتے ہیں، چاہے کسی کو سالگرہ کی مبارکباد دینا ہو، کسی لطیفے پر ہنسنا ہو، یا خوش خبری دینی ہو۔
ویڈیو میسج بھیجنا بالکل وائس میسج بھیجنے کی طرح آسان ہے۔ ویڈیو موڈ میں سوئچ کرنے کیلئے بس ٹیپ کریں، اور ویڈیو ریکارڈ کرنے کیلئے دبائے رکھیں۔ آپ اوپر سوائپ کر کے لاک بھی کر سکتے ہیں اور ہینڈز-فری ویڈیو ریکارڈ کر سکتے ہیں۔ چیٹ میں ویڈیوز کھولنے پر وہ خودکار طور پر خاموش پلے ہوتی ہیں، اور ویڈیو پر ٹیپ کرنے پر آواز آنے لگتی ہے۔ ویڈیو میسجز اینڈ ٹو اینڈ اینکرپشن سے تحفظ یافتہ ہوتے ہیں تاکہ آپ کے میسجز محفوظ رہیں۔
ویڈیو میسجز کا آغاز ہو چکا ہے اور آئندہ ہفتوں میں یہ خصوصیت ہر کسی کیلئے دستیاب ہوگی۔