30 نومبر 2023
اس سال کی شروعات میں ہم نے چیٹ لاک کا آغاز کیا تاکہ لوگوں کو اپنی زیادہ حساس گفتگوؤں کی حفاظت کرنے میں مدد مل سکے۔ آج ہم خفیہ کوڈ کا آغاز کر رہے ہیں، یہ ان چیٹس کی حفاظت کرنے کا ایک اضافی طریقہ ہے اور اگر کسی فرد کو آپ کے فون تک رسائی حاصل ہے یا اگر آپ کسی کے ہاتھ میں فون دیتے ہیں تو ان کیلئے چیٹس تلاش کرنا مشکل ہو جاتا ہے۔
خفیہ کوڈ سے اب آپ ایک منفرد پاس ورڈ سیٹ کر سکتے ہیں جو اس پاس ورڈ سے مختلف ہوگا جو آپ اپنا فون ان لاک کرنے کیلئے استعمال کرتے ہیں اور اسے آپ کی لاک شدہ چیٹس اضافی پرائیویسی حاصل ہوگی۔ آپ کے پاس لاک شدہ چیٹس فولڈر کو اپنی چیٹ لسٹ سے چھپانے کا آپشن ہوگا لہذا تلاش بار میں خفیہ کوڈ ٹائپ کرنے پر ہی اسے دریافت کیا جا سکتا ہے۔ اگر آپ کو اس کی ضرورت نہ ہو تو آپ انہیں اپنی چیٹ لسٹ میں ظاہر کرنے کا انتخاب بھی کر سکتے ہیں۔ اگر آپ کسی نئی چیٹ کو لاک کرنا چاہتے ہیں تو اسے لاک کرنے کیلئے اب آپ چیٹ کی سیٹنگز پر جانے کے بجائے اسے دبا کر رکھیں۔
ہمیں بہت خوشی ہے کہ ہماری کمیونٹی چیٹ لاک کو پسند کررہی ہے، اور امید ہے کہ خفیہ کوڈ کا فیچر اسے ان کیلئے اور بھی مفید بنائے گا۔ خفیہ کوڈ کا آغاز آج سے ہو رہا ہے اور آنے والے مہینوں میں عالمی سطح پر دستیاب ہوگا۔ ہم چیٹ لاک میں مزید فنکشنز شامل کرنے کیلئے پُرجوش ہیں تاکہ لوگوں کو ان کی پرائیویسی کے تحفظ میں مدد کر سکیں، ہمیں اس بارے میں آپ کی رائے بتائیں۔