25 ઑગસ્ટ, 2016
આજે, અમે આગામી મહિનાઓમાં લોકો માટેની બિઝનેસ સાથે સંચાર કરવાની રીતોને ટેસ્ટ કરવાના અમારા પ્લાનના ભાગ રૂપે, ચાર વર્ષમાં પહેલી વાર WhatsAppની શરતો અને પ્રાઇવસી પોલિસીને અપડેટ કરી રહ્યાં છીએ. અપડેટ કરેલા ડોક્યુમેન્ટ એ પણ બતાવે છે કે અમે Facebookમાં જોડાયા છીએ અને એ કે અમે તાજેતરમાં જ એન્ડ-ટૂ-એન્ડ એન્ક્રિપ્શન, WhatsApp કૉલિંગ, તથા વેબ અને ડેસ્કટોપ માટે WhatsApp જેવાં મેસેજિંગ ટૂલ જેવી અનેક નવી સુવિધાઓ રજૂ કરી છે. તમે અહીં સંપૂર્ણ ડોક્યુમેન્ટને વાંચી શકો છો. અમે આ અપડેટ વિશે અમારી ઍપનાં નવીનતમ સપોર્ટેડ વર્ઝન પર દરેકને જણાવી રહ્યા છીએ અને તમને અપડેટ કરેલી શરતો સ્વીકારવા માટે 'સંમત થાઉં છું'ને દબાવવા માટે કહેવામાં આવશે.
લોકો દરરોજ અમારી ઍપનો ઉપયોગ તેમના માટે મહત્ત્વના મિત્રો અને પ્રિયજનો સાથે સંપર્કમાં રહેવા માટે કરે છે અને આ બદલાઈ રહ્યું નથી. પરંતુ અમે આ વર્ષની શરૂઆતમાં જાહેર કર્યું હતું તે મુજબ, અમે તમને ત્રાહિત-પક્ષની બેનર જાહેરાતો અને સ્પામ વિનાનો અનુભવ હજી પણ આપતી વખતે, તમારા માટે મહત્ત્વના હોય તેવા બિઝનેસ સાથે સંચાર કરવાની તમારા માટેની રીતોને પણ એક્સ્પ્લોર કરવા માંગીએ છીએ. ભલે તે તમારી બેંક તરફથી સંભવિત રીતે છેતરપિંડીભર્યા ટ્રાન્ઝેક્શન વિશે સાંભળવાનું હોય અથવા વિલંબિત ફ્લાઇટ વિશે એરલાઇન દ્વારા નોટિફિકેશન મેળવવાનું હોય, આપણામાંથી અનેક લોકો લખેલા મેસેજમાં અને ફોન કૉલ દ્વારા મેળવવા સહિત અન્યત્ર આ માહિતીને મેળવે છે. અમે આગામી કેટલાક મહિનાઓમાં આ સુવિધાઓને ટેસ્ટ કરવા માંગીએ છીએ, પરંતુ અમારે આમ કરવા માટે અમારી શરતો અને પ્રાઇવસી પોલિસીને અપડેટ કરવાની જરૂર છે.
અમે એન્ડ-ટૂ-એન્ડ એન્ક્રિપ્શન રજૂ કર્યું છે તે સ્પષ્ટ કરવા માટે પણ અમે આ ડોક્યુમેન્ટને અપડેટ કરી રહ્યાં છીએ. જ્યારે તમે અને તમે જેમને મેસેજ કરો છો તે લોકો WhatsAppના નવીનતમ વર્ઝનનો ઉપયોગ કરી રહ્યાં હોય છે, ત્યારે તમારા મેસેજ ડિફોલ્ટ રૂપથી એન્ક્રિપ્ટેડ હોય છે, જેનો અર્થ છે કે માત્ર તમે અને મેસેજ મેળવનાર જ તેને વાંચી શકે છે. અમે આગામી મહિનાઓમાં Facebook સાથે વધુ સંકલન કરીશું ત્યારે પણ, તમારા એન્ક્રિપ્ટેડ મેસેજ ખાનગી રહેશે અને અન્ય કોઈ તેને વાંચી શકશે નહિ. WhatsApp નહિ, Facebook નહિ કે બીજું કોઈ નહિ. અમે Facebook પર કરવા સહિત અન્ય લોકો સાથે તમારો WhatsApp નંબર પોસ્ટ કે શેર કરીશું નહિ અને અમે હજી પણ જાહેરાત આપનારાઓને તમારો ફોન નંબર વેચીશું નહિ, શેર કરીશું નહિ અથવા આપીશું નહિ.
પરંતુ Facebook સાથે વધુ સંકલન કરીને, અમે લોકો અમારી સેવાઓનો ઉપયોગ કેટલી વાર કરે છે તે વિશેનાં મૂળભૂત મેટ્રિક્સને ટ્રેક કરવાં અને WhatsApp પર સ્પામ સામે વધુ સારી રીતે લડવા જેવી બાબતોને કરી શકીશું. અને Facebookની સિસ્ટમ સાથે તમારા ફોન નંબરને કનેક્ટ કરીને, જો તમારું Facebook સાથે એકાઉન્ટ હોય તો તે વધુ સારાં 'મિત્રોનાં સૂચનો' ઓફર કરી શકે છે અને તમને વધુ સંબંધિત જાહેરાતો બતાવી શકે છે. ઉદાહરણ તરીકે, તમે જેના વિશે ક્યારેય સાંભળ્યું ન હોય તેવા કોઈની જાહેરાતને બદલે, તમે જેની સાથે પહેલેથી જ કામ કરો છો તે કંપનીની જાહેરાત તમને દેખાઈ શકે છે. તમારા ડેટાના ઉપયોગને કેવી રીતે નિયંત્રિત કરવો તે સહિત, તમે અહીં વધુ જાણી શકો છો.
ખાનગી સંચારના મૂલ્યમાં અમારો વિશ્વાસ અચળ છે અને અમે તમને WhatsApp પર સૌથી વધુ ઝડપી, સૌથી વધુ સરળ અને સૌથી વધુ વિશ્વસનીય અનુભવ આપવા માટે પ્રતિબદ્ધ થઈને રહેલા છીએ. હંમેશની જેમ, અમે તમારા પ્રતિસાદની આતુરતાથી રાહ જોઈ રહ્યા છીએ અને WhatsAppનો ઉપયોગ કરવા બદલ તમારો આભાર.