2 جون، 2021
زیادہ سے زیادہ افراد کے WhatsApp پر کاروباروں کے ساتھ چیٹ کرنے کا انتخاب کرنے پر، آج F8 Refresh پر ہم WhatsApp Business API میں ایسی اپ ڈیٹس کا اعلان کر رہے ہیں جن سے کاروبار زیادہ تیزی سے آغاز کر سکیں گے اور لوگوں کیلئے ان کاروباروں کے ساتھ چیٹ کرنا آسان ہوجائے گا۔
ہم نے کاروباروں کیلئے شروعات کرنے میں لگنے والے وقت کو ہفتوں سے کم کر کے محض پانچ منٹ کر دیا ہے۔ چاہے کوئی کاروبار کسی کاروباری حل فراہم کرنے والے کے ساتھ کام کرنا چاہے یا مستقبل میں Facebook سے براہ راست سپورٹ حاصل کرنا چاہے، ان بہتریوں سے درمیانے اور بڑے زیادہ کاروباروں کے لئے صارفین سے WhatsApp پر گفتگو کرنا آسان ہوجائے گا۔
جیسے جیسے مزید کاروبار WhatsApp پر آ رہے ہیں، ہم اس بات میں بہتری لا رہے ہیں کہ کس طرح کاروبار اپنے صارفین سے بات چیت کرسکتے ہیں۔ مثال کے طور پر، کاروبار اکثر بروقت اطلاعات بھیجنے تک ہی محدود رہتے تھے، جس کی وجہ سے 24 گھنٹے بعد صارفین کے ساتھ فالو اپ کرنا مشکل ہوتا تھا۔ لہذا اب ہم پیغامات کی مزید اقسام کو سپورٹ کریں گے -- مثال کے طور پر، کسی چیز کے دوبارہ اسٹاک میں آ جانے پر لوگوں کو آگاہ کرنا۔ ہم نے یہ بھی دیکھا ہے کہ وبائی مرض کا جواب دینے سے متعلق ہیلتھ اتھارٹیز کی وقتاً فوقتاً اپ ڈیٹس کس طرح مدد گار رہی ہیں اور ہم اس نوعیت کی سروس کو گفتگو کی مزید اقسام کیلئے دستیاب بنانا چاہتے ہیں۔
ہم میسجنگ کی نئی خصوصیات بھی فراہم کر رہے ہیں جن سے لوگوں کو اپنے کام زیادہ تیزی سے سرانجام دینے میں مدد مل سکتی ہے۔ نئے فہرست پیغامات میں 10 اختیارات تک کا ایک مینو ہوتا ہے تاکہ لوگوں کو کوئی جواب ٹائپ نہ کرنا پڑے۔ جواب والے بٹنوں سے لوگ ایک فوری ٹیپ کے ذریعے تین اختیارات میں سے ایک کا انتخاب تیزی سے کرسکیں گے جنہیں کوئی کاروبار اپنے WhatsApp Business API اکاؤنٹ کے ذریعے وقت سے پہلے سیٹ کر سکتا ہے۔
ہمیشہ کی طرح، لوگوں کو ان کی چیٹس پر کنٹرول حاصل رہتا ہے۔ لوگوں کو اب بھی گفتگو شروع کرنے یا کسی کاروبار کو اس بات کی درخواست کرنے کی ضرورت ہو گی کہ وہ WhatsApp کے ذریعے ان سے رابطہ کرے۔ ان اپ ڈیٹس کے ساتھ، اگر لوگوں کے پاس کسی کاروبار کو بلاک کرنے کی کوئی وجہ ہو تو ہم انہیں اپنے تجربے کے بارے میں زیادہ تاثرات فراہم کرنے کیلئے نئے طریقے بھی مہیا کر رہے ہیں۔
ہم چاہتے ہیں کہ WhatsApp لوگوں اور کاروباروں کیلئے ایک دوسرے سے منسلک ہونے کا سب سے آسان اور ذاتی طریقہ بنے، اور ہم ان نئے تجربات سے متعلق پرجوش ہیں جنہیں ہم کاروباری میسجنگ کو بہتر بنانے کیلئے تخلیق کررہے ہیں۔