WhatsApp પર મતદાન માટે નવી અપડેટ અને કેપ્શનની સાથે શેર કરવાની સુવિધા

અમે ઍપ પર નવીનતા લાવવાનું ચાલુ રાખીએ છીએ ત્યારે, આજે અમે WhatsApp પર આવનારી કેટલીક નવી સુવિધાઓને શેર કરી રહ્યાં છીએ કે જે અમને આશા છે કે ચેટને થોડી વધુ પ્રોડક્ટિવ અને મજેદાર બનાવશે.

મતદાન માટે નવાં અપડેટ

અમે માહિતી એકત્ર કરવામાં અને સાથે મળીને નિર્ણયો લેવામાં ગ્રૂપની મદદ કરવા મતદાન માટે ત્રણ નવાં અપડેટ રજૂ કરી રહ્યાં છીએ.

• એકલ-મતની સુવિધાવાળા મતદાન બનાવો: જ્યારે તમને નિર્ણાયક જવાબની જરૂર હોય તે વખત માટે, અમે લોકોને માત્ર એકવાર મત આપવાની પરવાનગી આપવા માટે મતદાનના ક્રિએટર માટે વિકલ્પ રજૂ કરી રહ્યા છીએ. મતદાન બનાવતી વખતે બસ ‘એક કરતાં વધુ જવાબો આપવાની પરવાનગી આપો'ને બંધ કરી દો.
• તમારી ચેટમાં મતદાનને શોધો: કોઈ મતદાનનો તાત્કાલિક રીતે જવાબ આપવો હંમેશાં શક્ય હોતું નથી અને પછીના સમયે ચેટમાં કોઈ મતદાનને શોધવું મુશ્કેલ હોઈ શકે છે. હવે, તમે મતદાન દ્વારા મેસેજને ફિલ્ટર કરી શકો છો, જેમ કે તમે ફોટા, વીડિયો કે લિંક માટે કરી શકો છો. 'ચેટ' સ્ક્રીન પર, 'શોધો'ને દબાવો અને પછી બધાં પરિણામોના લિસ્ટને શોધવા માટે 'મતદાન'ને દબાવો.
• મતદાનનાં પરિણામો અંગે અપડેટ થયેલા રહો: જ્યારે લોકો તમારાં મતદાન પર મત આપશે ત્યારે હવે તમને નોટિફિકેશન મળશે, જેથી તમે જવાબો અંગે સહેલાઈથી અપડેટ થયેલા રહી શકો.

કેપ્શનની સાથે ફોરવર્ડ કરવું

WhatsApp પર ફોટા શેર કરવા એ મિત્રો અને કુટુંબીજનોને તમારા જીવન બાબતે અપડેટ થયેલા રાખવાની સૌથી સરળ રીતો પૈકી એક છે અને મીડિયા ફોરવર્ડ કરવાની ક્ષમતાનો અર્થ એ થાય કે તમે ફોટાને કનેક્શનના એક ગ્રૂપથી બીજામાં ઝડપથી ફરીથી શેર કરી શકો છો. પરંતુ ક્યારેક કોઈ વ્યક્તિ જવાબ આપે તે પહેલાં તમારી પાસે સંદર્ભ ઉમેરવાનો સમય ન પણ હોઈ શકે.

હવે જ્યારે તમે એવા મીડિયાને ફોરવર્ડ કરો કે જેમાં કેપ્શન હોય, ત્યારે તમારી પાસે ચેટની વચ્ચે ફોટા શેર કરતી વખતે વધારાની માહિતી આપવા માટે તેને રાખવા, ડિલીટ કરવા કે સંપૂર્ણપણે ફરીથી લખવાનો વિકલ્પ રહેલો છે. જ્યારે તમે ફોટા અને વીડિયો ફોરવર્ડ કરો ત્યારે તમે તેમાં કેપ્શન પણ ઉમેરી શકો છો.

કેપ્શનની સાથે ડોક્યુમેન્ટ શેર કરવા

ફોટા કે વીડિયો શેર કરતી વખતે હોય છે બસ તેમ જ, તમે શેર કરો છો તે ડોક્યુમેન્ટ માટે થોડી સમજૂતીની જરૂર પડી શકે છે. ભલેને તે કોઈ ન્યૂઝપેપરનો લેખ કે કામકાજનો ડોક્યુમેન્ટ મોકલતી વખતે હોય, હવે તમારી પાસે શેર કરતા પહેલાં કેપ્શન ઉમેરવાનો વિકલ્પ રહેલો છે.

આ અપડેટ વૈશ્વિક ધોરણે વાપરનારાઓ માટે રજૂ થવાની શરૂ થઈ ગઈ છે અને તે આવનારા અઠવાડિયાઓમાં દરેક જણને ઉપલબ્ધ થઈ જશે.