Tarehe 7 Februari 2023
Hali ni njia maarufu ya kushiriki matukio ya muda mfupi na marafiki na watu unaowasiliana nao wa karibu kwenye WhatsApp. Zinatoweka baada ya saa 24 na zinaweza kujumuisha picha, video, GIF, maandishi na zaidi. Kama vile gumzo na simu zako za kibinafsi, hali yako ya WhatsApp inalindwa kwa usimbaji fiche kutoka mwanzo hadi mwisho ili uweze kushiriki kwa faragha na kwa usalama.
Tunafurahi kuongeza seti ya vipengele vipya kwenye hali kwenye WhatsApp vinavyorahisisha kujieleza na kuungana na wengine.
Kila hali unayoshiriki inaweza isiwe sawa kila wakati kwa watu unaowasiliana nao wote. Tunakupa wepesi wa kubadilisha mipangilio yako ya faragha kwa kila hali ili uweze kuchagua anayetazama hali yako kila unapoisasisha. Uteuzi wako wa hivi majuzi zaidi wa hadhira utahifadhiwa na kutumika kama chaguomsingi kwa hali yako inayofuata.
Tunakuletea uwezo wa kurekodi na kushiriki ujumbe wa sauti hadi sekunde 30 kwenye hali ya WhatsApp. Hali ya sauti inaweza kutumika kutuma masasisho zaidi ya kibinafsi, hasa ikiwa unahisi vizuri zaidi kujieleza kwa kuzungumza badala ya kuandika.
Tunaongeza majibu ya hali ili kutoa njia ya haraka na rahisi ya kujibu masasisho ya hali kutoka kwa marafiki na watu unaowasiliana nao wa karibu. Hiki ndicho kipengele #1 ambacho watumiaji walitaka, kufuatia kuzinduliwa kwa Maoni mwaka jana. Sasa unaweza kujibu hali yoyote kwa haraka kwa kutelezesha kidole juu na kugonga mojawapo ya emoji nane. Bado unaweza kujibu hali kwa maandishi, ujumbe wa sauti, vibandiko na zaidi.
Ukiwa na mviringo wa wasifu wa hali mpya hutawahi kukosa hali kutoka kwa mpendwa. Mviringo huu utakuwepo karibu na picha ya wasifu ya mwasiliani wako wakati wowote anaposhiriki sasisho la hali. Utaonekana katika orodha za gumzo, orodha za washiriki wa kikundi, na maelezo ya mawasiliano.
Sasa unapochapisha kiungo kwenye hali yako, utaona kiotomatiki muhtasari unaoonekana wa maudhui ya kiungo, kama vile unapotuma ujumbe. Mihtasari inayoonekana hufanya hali zako zionekane bora zaidi, na pia huwapa watu unaowasiliana nao kidokezo bora kuhusu kiungo kabla hawajabofya.
Masasisho haya yameanza kutolewa kwa watumiaji duniani kote na yatapatikana kwa kila mtu katika wiki zijazo. Tunatazamia watu kufurahia vipengele hivi vipya vya hali hivi karibuni.