7 فروری 2023
اسٹیٹس WhatsApp پر اپنے دوستوں اور قریبی روابط کے ساتھ عارضی اپ ڈیٹس شیئر کرنے کا ایک مقبول طریقہ ہے۔ وہ 24 گھنٹے میں غائب ہو جاتے ہیں اور اس میں تصاویر، ویڈیوز، GIFs، اور ٹیکسٹ وغیرہ شامل ہو سکتے ہیں۔ بالکل آپ کی ذاتی چیٹس اور کالز کی طرح آپ کا WhatsApp اسٹیٹس بھی اینڈ ٹو اینڈ اینکرپٹڈ ہوتا ہے تاکہ آپ پرائیویٹ اور محفوظ طریقے سے شیئر کر سکیں۔
ہم WhatsApp پر اسٹیٹس میں نئے فیچرز شامل کرنے کیلئے پُرجوش ہیں تاکہ آپ آسانی کے ساتھ اظہار خیال کر سکیں اور دوسروں کے ساتھ جڑ سکیں۔
ممکن ہے آپ کا شیئر کردہ ہر اسٹیٹس آپ کے تمام رابطوں کیلئے ہمیشہ مناسب نہ ہو۔ ہم آپ کو ہر اسٹیٹس کیلئے اپنی رازداری کی سیٹنگز اپ ڈیٹ کرنے کی سہولت مہیا کر رہے ہیں تاکہ آپ جب بھی اپنا اسٹیٹس اپ ڈیٹ کریں تو یہ انتخاب کر سکیں کہ اسے کون دیکھ سکتا ہے۔ آپ کا ناظرین کا حالیہ ترین انتخاب محفوظ کیا جائے گا اور آپ کے اگلے اسٹیٹس کیلئے اسے بطور ڈیفالٹ استعمال کیا جائے گا۔
ہم WhatsApp اسٹیٹس پر 30 سیکنڈز کے وائس میسجز ریکارڈ اور شیئر کرنے کی سہولت پیش کر رہے ہیں۔ وائس اسٹیٹس کا استعمال مزید ذاتی اپ ڈیٹس بھیجنے کیلئے کیا جا سکتا ہے، خاص طور پر اگر آپ اظہار خیال کرنے کیلئے ٹائپ کرنے کی بجائے بات کرنا زیادہ پسند کرتے ہیں۔
ہم اسٹیٹس پر ردعمل شامل کر رہے ہیں تاکہ آپ اپنے دوستوں اور قریبی رابطوں کے اسٹیٹس اپ ڈیٹ پر فوری اور آسان طریقے سے ردعمل دے سکیں۔ گزشتہ سال رد عمل کے لانچ کے بعد یہ #1فیچر ہے جس کی صارفین نے مانگ کی ہے۔ اب آپ اوپر کی طرف سوائپ کر کے آٹھ میں سے ایک ایموجی پر ٹیپ کر کے کسی بھی اسٹیٹس کا فوری طور پر جواب دے سکتے ہیں۔ بلاشبہ آپ ٹیکسٹ، وائس میسج اور اسٹیکرز وغیرہ کا استعمال کر کے بھی اسٹیٹس کا جواب دے سکتے ہیں۔
نئے اسٹیٹس کیلئے پروفائل پر بننے والے دائرے کی وجہ سے آپ اپنے پسندیدہ لوگوں کے اسٹیٹس سے کبھی محروم نہیں رہیں گے۔ جب بھی آپ کے رابطے میں کوئی فرد اسٹیٹس اپ ڈیٹ شیئر کرتا ہے تو ان کی پروفائل تصویر کے گرد ایک دائرہ نظر آئے گا۔ یہ دائرہ چیٹ لسٹ، گروپ کے شرکاء کی لسٹوں، اور رابطے کی معلومات میں نظر آئے گا۔
اب اگر آپ اپنے اسٹیٹس پر کوئی لنک پوسٹ کرتے ہیں تو آپ کو اس لنک کے مواد کا وژیوئل پری ویو خودکار طور پر نظر آئے گا بالکل اس طرح جب آپ کوئی میسج بھیجتے ہیں۔ وژیوئل پری ویوز سے آپ کا اسٹیٹس بہتر نظر آتا ہے، اور آپ کے رابطے کو اس پر کلک کرنے سے پہلے یہ بھی آئیڈیا مل جاتا ہے اس لنک میں کون سا مواد ہے۔
یہ اپ ڈیٹس عالمی پیمانے پر صارفین تک پہنچنی شروع ہو گئی ہیں اور آئندہ ہفتوں میں سبھی کیلئے دستیاب ہوں گی۔ ہم امید کرتے ہیں لوگ جلد ہی اسٹیٹس کے ان نئے فیچرز سے استفادہ کریں گے۔