तुमचे चॅट्स तुमच्यासोबत नेणे

iPhone वर नेणे आता उपलब्‍ध आहे — नवीन, 7.20.22

तुम्ही आता फोन स्विच करताना तुमचे पूर्वीचे सर्व चॅट्स Android वरून iPhone वर देखील ट्रान्सफर करू शकता आणि तुमचे WhatsApp वरील पूर्वीचे चॅट्स कायम ठेवू शकता.

Android वर हलवणे

तुमचे WhatsApp मेसेजेस हे फक्त तुमचे असतात. म्हणूनच तुमचे वैयक्तिक WhatsApp मेसेजेस एन्ड-टू-एन्ड एन्क्रिप्शनने सुरक्षित केले जातात आणि त्यांना तुमच्या चॅट्समधून आपोआप नाहीसे करण्याचे मार्गही आम्ही प्रदान करतो.

अजून एका फीचरची मागणी आमच्याकडे सतत करण्यात आली, ती म्हणजे फोन बदलल्यावर पूर्वीचे चॅट्स एका ऑपरेटिंग सिस्टीमवरून दुसऱ्यावर ट्रान्सफर करता येणे. आम्ही हे सुरक्षित आणि विश्वासार्ह पद्धतीने शक्य करण्यासाठी ऑपरेटिंग सिस्टीम आणि डिव्हाइस निर्मात्यांसोबत अथक प्रयत्न करत आहोत.

तुमचा WhatsApp इतिहास iOS वरून Android वर नेणे उपलब्ध करून देण्यास आम्हाला अत्यंत आनंद होत आहे. असे करताना तुमचे मेसेजेस WhatsApp ला पाठवले जात नाहीत आणि यामध्ये व्हॉइस मेसेजेस, फोटोज आणि व्हिडिओज या सर्वांचा समावेश आहे. हे फीचर Android 12 आणि त्यापुढील आवृत्त्यांवर उपलब्ध आहे.

जेव्हा तुम्ही नवीन डिव्हाइस सेट अप करता तेव्हा तुम्हाला तुमच्या जुन्या डिव्हाईसवरील वरील चॅट्स तुमच्या नवीन डिव्हाइसवर सुरक्षितरित्या ट्रान्सफर करण्याचा पर्याय प्रदान केला जाईल. या प्रक्रियेसाठी USB-C टू लाइटनिंग केबलची गरज असेल. येथे आणखी माहिती मिळू शकते.

ही फक्त एक सुरुवात आहे. आम्ही अधिक लोकांना त्यांच्या आवडत्या प्लॅटफॉर्म्सवर स्विच करून त्यांचे चॅट्स सुरक्षितपणे सोबत नेण्याचा पर्याय उपलब्ध करून देण्यासाठी उत्सुक आहोत.

शेवटचे अपडेट केले: २० जुलै २०२२