WhatsApp પર એક વાર જોઈ શકાય એવા ફોટા અને વીડિયો જોવા

આપણા ફોન પર ફોટા પાડવા અને વીડિયો બનાવવા એ આપણા જીવનનો એક મોટો હિસ્સો બની ગયો છે, પરંતુ આપણે જે કંઈ પણ શેર કરીએ છીએ તે બધું જ કાયમી ડિજિટલ રેકોર્ડ બને એ જરૂરી નથી. ઘણા ફોન પર ફોટો પાડવાનો અર્થ છે કે તે તમારા કેમેરા રોલમાં કાયમ માટે જગ્યા રોકશે.

તેથી જ આજે અમે એક નવી 'એક વાર જોઈ શકાય એવા ફોટા અને વીડિયો'ની સુવિધા રજૂ કરી રહ્યા છીએ, જેમાં ફોટા અને વીડિયો ચેટમાંથી ખોલ્યા પછી ગાયબ થઈ જાય છે, જે વાપરનારાઓને તેમની પ્રાઇવસી પર હજીએ વધુ નિયંત્રણ આપે છે.

ઉદાહરણ તરીકે, બની શકે કે તમે કોઈ દુકાનમાં ટ્રાય કરી રહ્યા હોય એવા કેટલાક નવા કપડાંનો 'એક વાર જોઈ શકાય એવો ફોટો', કોઈ પળ પર એક ત્વરિત પ્રતિક્રિયા કે વાઇ-ફાઇ પાસવર્ડ જેવું કંઈક સંવેદનશીલ મોકલો.

તમે WhatsApp પર મોકલો છો એ બધા વ્યક્તિગત મેસેજની જેમ, 'એકવાર જુઓ' મીડિયા શરૂથી અંત સુધી સુરક્ષિત છે, જેથી WhatsApp તેને જોઈ શકશે નહિ. તેને નવા "એકવાર" આઇકન વડે પણ સ્પષ્ટપણે માર્ક કરવામાં આવશે.

મીડિયા જોવાઈ જાય પછી, તે સમયે ચેટમાં શું થઈ રહ્યું હતું તે અંગે કોઈ મૂંઝવણ થવાની ટાળવા માટે મેસેજ "ખોલેલો" તરીકે દેખાશે.

અમે દરેક જણ માટે આ સુવિધા આ અઠવાડિયાથી રજૂ કરી રહ્યા છીએ અને અમે ખાનગી તથા ગાયબ થતા મીડિયાને મોકલવાની આ નવી રીત પર પ્રતિસાદ મેળવવા માટે આતુર છીએ.

તેને કેવી રીતે અજમાવી જોવું તે વિશે તમે અહીં વધુ વાંચી શકો છો.