26 ફેબ્રુઆરી, 2016
આ અઠવાડિયાની શરૂઆતમાં WhatsApp સાત વર્ષનું થઈ ગયું છે. આ એક અદ્દભુત સફર રહી છે અને આવનારા મહિનાઓમાં અમે સુરક્ષાની સુવિધાઓ અને તમારા માટે મહત્ત્વપૂર્ણ હોય એવાં લોકોની સાથે સંપર્કમાં રહેવાની વધુ રીતો પર હજુ વધુ પ્રાધાન્ય આપવાના છીએ.
પરંતુ, વર્ષગાંઠની તારીખો એ યાદોને ફરીથી જોવાની પણ એક તક હોય છે. અમે જ્યારે 2009માં WhatsAppને શરૂ કરેલું, ત્યારે લોકોનો મોબાઇલ ડિવાઇસનો ઉપયોગ આજના જમાનાથી ખૂબ જ અલગ લાગતો હતો. Apple App Store માત્ર થોડા મહિના પહેલાં જ શરૂ થયો હતો. એ સમયે વેચાતા લગભગ 70 ટકા સ્માર્ટફોનમાં BlackBerry અને Nokia દ્વારા ઓફર કરવામાં આવતી ઓપરેટિંગ સિસ્ટમ હતી. Google, Apple અને Microsoft દ્વારા ઓફર કરવામાં આવતી મોબાઇલ ઓપરેટિંગ સિસ્ટમ – જેનો આજે વેચાણમાં 99.5 ટકા હિસ્સો છે – એ સમયે વેચાતાં 25 ટકાથી ઓછાં મોબાઇલ ડિવાઇસમાં હતી.
અમે અમારા આવનારા સાત વર્ષ પર આગળ નજર જમાવી રહ્યા છીએ ત્યારે, અમે એવાં મોબાઇલ પ્લેટફોર્મ પર અમારા પ્રયત્નોને કેન્દ્રિત કરવા માંગીએ છીએ જેનો ઉપયોગ મોટા ભાગનાં લોકો કરતા હોય. તેથી, 2016ની સમાપ્તિ સુધીમાં, અમે નીચેનાં મોબાઇલ પ્લેટફોર્મ પર WhatsApp Messenger માટેના સપોર્ટને સમાપ્ત કરીશું:
જોકે આ મોબાઇલ ડિવાઇસ અમારી સ્ટોરીનો એક મહત્ત્વપૂર્ણ હિસ્સો રહ્યા છે, તેમ છતાં તે ભવિષ્યમાં અમારી ઍપની સુવિધાઓને વિસ્તારવા માટે અમને જે પ્રકારની ક્ષમતાઓની જરૂર છે તે ઓફર કરતા નથી.
આ નિર્ણય લેવો અમારા માટે કઠિન હતો, પરંતુ લોકોને WhatsAppનો ઉપયોગ કરીને મિત્રો, કુટુંબીજનો અને પ્રિયજનો સાથે સંપર્કમાં રહેવાની વધુ સારી રીતો આપવા માટેનો યોગ્ય નિર્ણય હતો. જો તમે આ પ્રભાવિત મોબાઇલ ડિવાઇસ પૈકી કોઈ એકનો ઉપયોગ કરતા હો, તો WhatsAppને ઉપયોગમાં લેવાનું ચાલુ રાખવા માટે 2016ની સમાપ્તિ પહેલાં વધુ નવા Android, iPhone કે Windows Phone પર અપગ્રેડ કરવાની અમે ભલામણ કરીએ છીએ.
અપડેટ: તમે આ માટે નીચેનાં પ્લેટફોર્મ પર WhatsAppનો ઉપયોગ કરી શકશો નહિ:
નોંધ: અમે હવે આ પ્લેટફોર્મ માટે એક્ટિવ રીતે કંઈ ડેવલપ કરી રહ્યા ન હોવાથી, કેટલીક સુવિધાઓ કોઈ પણ સમયે કામ કરતી બંધ થઈ શકે છે.
છેલ્લે અપડેટ કર્યું: 14 જૂન, 2019