२६ फेब्रुवारी, २०१६
या आठवड्याच्या सुरुवातीला WhatsApp सात वर्षांचे झाले. हा एक निश्चितच विस्मयकारक प्रवास होता आणि येणाऱ्या काही महिन्यांमध्ये सुरक्षा फीचर्सविषयी आणि लोकांना त्यांच्या जवळच्या व्यक्तींशी संपर्कात राहणे अधिक सोयीचे व्हावे यासाठी आम्ही अधिक प्रयत्नशील राहणार आहोत.
परंतु या वर्धापनदिनी आम्हाला पुन्हा मागे वळून पहायचे आहे. जेव्हा आम्ही २००९ मध्ये WhatsApp सुरू केले, तेव्हा डिव्हाइसेसचा वापर आजच्यापेक्षा खूप वेगळा होता. Apple App Store काही महिन्यांपूर्वीच सुरू झाले होते. त्या काळी, विकल्या जाणाऱ्या सुमारे ७० टक्के स्मार्टफोनमध्ये BlackBerry आणि Nokia यांनी सादर केलेल्या ऑपरेटिंग सिस्टीम होत्या. Google, Apple आणि Microsoft तर्फे आणलेल्या मोबाईल ऑपरेटिंग सिस्टीम – ज्यांची आजची विक्री ९९.५ टक्के इतकी आहे, त्यांची त्या काळातील मोबाईल डिव्हाइस मधील विक्री २५ टक्क्यांहूनही कमी होती.
आम्ही पुढील सात वर्षांचा आढावा घेत असताना, आम्ही आमचे प्रयत्न बहुसंख्य लोक वापरत असलेल्या मोबाईल प्लॅटफॉर्मवर केंद्रित करू इच्छितो. आणि म्हणूनच, २०१६ च्या अखेरीस, आम्ही पुढील मोबाईल प्लॅटफॉर्मवर WhatsApp Messenger साठीचा सपोर्ट समाप्त करू:
हे मोबाईल डिव्हाइस जरी आमच्या प्रवासाचा एक अविभाज्य घटक होते तरी भविष्यामध्ये आम्हाला ज्या प्रकारच्या सुविधा उपलब्ध करून द्यायच्या आहेत त्या पुरवण्याची क्षमता त्यांच्याकडे नाही.
आमच्यासाठी हा निर्णय घेणे कठीण असले तरीही, WhatsApp वापरत असलेल्या लोकांना त्यांचे मित्र, कुटुंब आणि प्रियजनांच्या संपर्कात ठेवण्यासाठी सर्वोत्तम मार्ग देण्याकरीता तो निर्णय योग्य होता. तुम्ही या प्रभावित मोबाईल डिव्हाइसपैकी एक वापरत असल्यास, WhatsApp वापरणे सुरू ठेवण्यासाठी २०१६ च्या समाप्तीपूर्वी नवीन Android, iPhone किंवा Windows Phone वर अपग्रेड करण्याची आम्ही शिफारस करतो.
अपडेट करा: तुम्ही खालील प्लॅटफॉर्मवर WhatsApp वापरू शकणार नाही:
टीप: आम्ही यापुढे या प्लॅटफॉर्मसाठी सक्रियपणे विकसित करणार नसल्यामुळे, काही फीचर कधीही कार्य करणे थांबवू शकतात.
शेवटचे अपडेट केले: १४ जून, २०१९