18 جون 2012
Brian اور میں نے Yahoo! میں ایک ساتھ کام کرتے ہوئے 20 سال گزارے ہیں اور سائٹ کو چلانے میں بہت محنت کی ہے۔ اور ہاں، اشتہارات فروخت کرنے کیلئے بہت محنت کرتے رہے، کیوں کہ Yahoo! کا یہی کام تھا۔ یہ ڈیٹٓا جمع کرتی ہے پیجز فراہم کرتی ہے اور اشتہارات فروخت کرتی ہے۔
ہم نے دیکھا کہ Yahoo! گوگل کے مقابلے چھوٹا ہے اور اس تک رسائی میں کمی کے باوجود بھی ایک مؤثر اور زیادہ منافع بخش اشتہار فروخت کنندہ ہے۔ وہ جانتے تھے کہ آپ کیا تلاش کر رہے ہیں، لہذا وہ آپ کا ڈیٹا زیادہ مؤثر طریقے سے جمع کر سکے ہیں اور بہتر اشتہارات فروخت کر سکے۔
ان دنوں کمپنیاں آپ کے بارے میں، آپ کے دوستوں کے بارے میں، آپ کی دلچسپیوں کے بارے میں سب کچھ جانتی ہیں، اور وہ یہ سب کچھ اشتہارات فروخت کرنے کیلئے استعمال کرتی ہیں۔
جب ہم نے اپنی خود کی چیز بنانے کیلئے تین سال پہلے ساتھ مل کر کام شروع کیا تھا تو ہم ایسی چیز بنانا چاہتے تھے جو اشتہار فروخت کنندہ نہ ہو۔ ہم اپنا وقت ایک ایسی سروس بنانے میں صرف کرنا چاہتے تھے جسے لوگ اس لئے استعمال کرنا چاہیں کہ وہ ان کیلئے مفید ثابت ہو، او ران کے پیسے بچائے اور شائستگی کے ساتھ ان کی زندگی کو بہتر بنائے۔ ہم جانتے تھے کہ اگر ہم یہ سب چیزیں کر سکے تو لوگوں کو اس کیلئے براہ راست فیس لے سکتے ہیں۔ ہم جانتے تھے کہ ہم وہ کر سکتے ہیں جسے کرنے کا لوگ ہر روز خواب دیکھتے ہیں یعنی: اشتہارات سے بچنا۔
کوئی بھی زیادہ ایڈورٹائزنگ نہیں دیکھنا چاہتا، کوئی بھی اس بارے میں سوچتے ہوئے نہیں سوتا کہ وہ کل کون سے اشتہار دیکھیں گے۔ ہم جانتے ہیں کہ لوگ سوتے وقت اس بارے میں خوش ہوتے ہیں کہ انہوں نے آج کس کے ساتھ بات چیت کی (اور اس بارے میں مایوس ہوتے ہیں کہ انہوں نے کس کے ساتھ بات نہیں کی)۔ ہم WhatsApp کو ایک ایسی پروڈکٹ بنانا چاہتے تھے جو آپ کو بیدار رکھے… اور صبح جس تک آپ کی سب سے پہلے رسائی ہو۔ کوئی بھی نیند سے اٹھ کر ایڈورٹائزمنٹ نہیں دیکھنا چاہتا۔
ایڈورٹائزنگ نہ صرف جمالیات میں خلل ہے بلکہ آپ کی ذہانت کی توہین اور آپ کی سوچ کی تربیت میں رکاوٹ بھی ہے۔ اشتہارات فروخت کرنے والی ہر کمپنی میں، ان کی انجینئرنگ ٹیم کا ایک اہم حصہ ڈیٹا مائننگ کو ٹیون کرنے، آپ کے تمام ذاتی ڈیٹا کو جمع کرنے کیلئے بہتر کوڈ لکھنے، تمام ڈیٹا رکھنے والے سرورز کو اپ گریڈ کرنے اور اس بات کو یقینی بنانے میں صرف کرتا ہے کہ یہ سب لاگ اور متوازن کیا جا رہا ہے اور کاٹ چھانٹ اور پیک کر کے شپ کیا جا رہا ہو... اور آخر میں اس سب کے نتیجے میں آپ کے براؤزر یا آپ کی موبائل اسکرین پر معمولی مختلف ایڈورٹائزنگ بینر ہوتا ہے۔
یاد رکھیں کہ جہاں ایڈورٹائزنگ شامل ہوتی ہے آپ یعنی صارف ہی پروڈکٹ ہوتے ہیں۔
WhatsApp میں، ہمارے انجینیئر اپنا سارا وقت بگز کو درست کرنے، نئی خصوصیات شامل کرنے اور دنیا کے ہر فون پر بھرپور، سستی، قابل اعتماد میسجنگ فراہم کرنے کے ہمارے کام میں پیش آنے والی تمام چھوٹی پیچیدگیوں کو دور کرنے میں صرف کرتے ہیں۔ یہ ہماری پروڈکٹ ہے اور یہی ہمارا جنون ہے۔ آپ کے ڈیٹا کا اس سے کوئی تعلق نہیں ہوتا ہے۔ ان میں سے کسی بھی چیز میں ہماری دلچسپی نہیں ہے۔
جب ہم لوگوں سے پوچھتے ہیں کہ ہم WhatsApp کیلئے چارج کیوں وصول کرتے ہیں تو ہم کہتے ہیں کہ "کیا آپ کے پاس کوئی متبادل ہے؟"