WhatsApp پر کروڑوں لوگوں کو نئے سال کا جشن منانے میں مدد کرنا

WhatsApp میں نئے سال کا دن ہمارے لیے سب سے بڑا دن ہوتا ہے، ہم ہر سال لوگوں کو اپنے دوستوں اور عزیزوں کو میسج بھیجنے اور کال کرنے کے نئے طریقوں سے متعارف کراتے ہیں۔ ایک عام دن میں ہم 100 ارب سے زیادہ میسجز اور 2 ارب سے زیادہ کالز کی سہولت پیش کرتے ہیں لیکن جب لوگ نئے سال کا استقبال کرتے ہیں تو ان چوبیس گھنٹوں میں ان میسجز اور کالز کی تعداد ہمیشہ سب سے زیادہ ہوتی ہے۔ چاہے یہ مختلف ممالک میں رہنے والی فیملیز کو جوڑنے والی ویڈیو کال ہو، یا جشن کا انتظام کرنے والی گروپ چیٹ ہو، ہم لوگوں کی اگلے سال کیلئے دی جانے والی دعاؤں کو خاص بنانے میں ایک چھوٹا سا کردار ادا کرنے پر فخر محسوس کرتے ہیں۔

اس سال ہم نے کچھ خوشگوار فیچرز شامل کیے ہیں جو ابھی سے لے کر تہوار کے اختتام تک دستیاب ہوں گے، تاکہ آپ کو اپنے عزیز و اقارب کے ساتھ بہترین لمحات شیئر کرنے میں مدد ملے:

• 2026 سٹیکر پیک: تازہ ترین 2026 سٹیکر پیک کے ساتھ آنے والے نئے سال کیلے اپنی خوشیاں شیئر کریں۔
• ویڈیو کال ایفیکٹس: ویڈیو کال کے دوران جشن منانے کیلئے اپنی سکرین کو روشن کرنے والی آتش بازیاں، کنفیٹی، اور سٹار اینیمیشنز شامل کرنے کیلئے ایفیکٹس آئیکن پر ٹیپ کریں۔
• اینیمیٹڈ کنفیٹی رد عمل: ہم نے خاص رد عمل دوبارہ متعارف کرائے ہیں جو اس وقت ظاہر ہوں گے جب آپ میسجز پر رد عمل دینے کیلئے کنفیٹی ایموجی کا استعمال کریں گے۔
• اسٹیٹس اپ ڈیٹس: ہم پہلی بار اسٹیٹس میں اینیمیٹڈ سٹیکرز کی سہولت پیش کر رہے ہیں! اینیمیٹڈ سٹیکر کے ساتھ ایک خاص 2026 لے آؤٹ کا استعمال کریں جس سے آپ کو نئے سال کا جشن منانے میں مدد ملے گی۔

اگر آپ ہی نئے سال کے جشن کی پلاننگ کر رہے ہیں، تو ہمارے پاس کچھ تجاویز ہیں کہ آپ گروپ چیٹ میں آسانی کے ساتھ کیسے پلاننگ کر سکتے ہیں:

• ایک ایونٹ بنائیں، اسے ذہن میں رکھنے کیلئے پن کریں، RSVPs جمع کریں (یعنی شرکت کی تصدیق کریں)، اور سبھی کو شامل رکھیں۔
• پولز کا استعمال کر کے کھانے پینے کی چیزوں اور سرگرمیوں کا انتخاب کریں۔
• لائیو مقام شیئر کر کے اپنے دوستوں کو پارٹی کا مقام تلاش کرنے میں مدد کریں اور ان کے صحیح سلامت گھر لوٹنے کی خبر لیں۔
• ویڈیو اور وائس نوٹ بھیجیں، اپنے دوستوں کے ساتھ موجودہ لمحات کو کیپچر کریں اور ان دوستوں کے ساتھ شیئر کریں جو شرکت نہیں کر سکے تاکہ وہ اگلے سال اپنی شرکت کو یقینی بنائیں۔

چاہے آپ نیو یارک یا نئی دہلی، کراچی یا جکارتہ سے میسج اور کال کر رہے ہوں، WhatsApp ایک ایسا مقام ہے جہاں پوری دنیا پرائیویٹ طور پر جمع ہوتی ہے۔ ہم اس بات کے شکر گزار ہیں کہ آپ اپنے عزیزوں سے پرائیویٹ طور پر اور حفاظت کے ساتھ جڑنے کیلئے جس سہولت کا استعمال کرتے ہیں، ہم اس کا حصہ ہیں۔

WhatsApp میں موجود ہم سبھی کی طرف سے آپ کو، نیا سال مبارک ہو