ચેટમાં સેવ કરો: મોકલનાર તરીકેનો તમારો નવો સુપરપાવર

ગાયબ થતા મેસેજની સાથે, રૂબરૂમાં થતી ચર્ચાઓની જેમ જ – વાતચીતોએ કાયમ માટે વળગી રહેવાની જરૂર નથી. જોકે પ્રાઇવસીનો આ વધારાનો સ્તર મેસેજને ખોટા હાથોમાં પડવાથી સુરક્ષિત કરે છે, તેમ છતાં કેટલીકવાર એવી તે પ્રસંગોપાત્ત વૉઇસ નોટ કે મહત્ત્વની માહિતી હોય છે કે જેને તમે ચેટમાં સેવ કરવા માંગતા હો.

આજે અમે “ચેટમાં સેવ કરો” સુવિધા રજૂ કરી રહ્યા છીએ, જેથી તમે મોકલનાર માટેના વિશેષ સુપરપાવરની સાથે તમને પછીથી જોઈતી ટેક્સ્ટને સેવ કરીને રાખી શકો. અમે માનીએ છીએ કે જો તમે મેસેજ મોકલ્યો છે, તો તે તમારી પસંદગી છે કે ચેટમાં રહેલાં અન્ય લોકો તેને પછી માટે ચેટમાં સેવ કરીને રાખી શકે કે કેમ.

આ કામ કરે તે માટે, જ્યારે કોઈ વ્યક્તિ મેસેજને ચેટમાં સેવ કરે છે ત્યારે મોકલનારને જાણ કરવામાં આવશે અને મોકલનાર પાસે નિર્ણયને નિષેધ કરવાની ક્ષમતા હશે. જો તમે નક્કી કરી લીધું હોય કે તમારો મેસેજ અન્ય લોકો દ્વારા ચેટમાં સેવ કરી શકાતો નથી, તો તમારો નિર્ણય અંતિમ રહે છે, બીજું કોઈ તેને ચેટમાં સેવ નહિ કરી શકે અને ટાઇમરનો સમય સમાપ્ત થઈ જવા પર મેસેજ ડિલીટ કરી દેવામાં આવશે. આ રીતે તમે મોકલો છો તે મેસેજ કેવી રીતે સુરક્ષિત રહે તે પરનો અંતિમ નિર્ણય તમારો રહે છે.

તમે તમારા WhatsApp પર સેવ કરેલા મેસેજને બુકમાર્ક આઇકન વડે નોંધવામાં આવશે અને તમને આ મેસેજ "ચેટમાં સેવ કરેલા મેસેજ" ફોલ્ડરમાં ચેટ પ્રમાણે ગોઠવાયેલા દેખાઈ શકે છે.

અમને આશા છે કે લોકો આ નવા અપડેટ તથા તેઓને જરૂર હોય તેવા મેસેજને ચેટમાં સેવ કરવાની સુગમતાનો આનંદ લેશે. આગામી થોડા અઠવાડિયામાં વૈશ્વિક સ્તરે આ ઉપલબ્ધ કરવામાં આવશે.