15 مئی 2018
گروپس کیلئے نئی خصوصیات
گروپس WhatsApp تجربے کا ایک اہم حصہ رہے ہیں، چاہے فیملی ممبرز دنیا بھر میں کہیں بھی ایک دوسرے سے جڑ رہے ہوں یا بچپن کے دوست سالوں تک ایک دوسرے سے رابطے میں رہ رہے ہوں۔ WhatsApp پر لوگ ایسے گروپس بھی بنا رہے ہیں، مثلا نئے والدین جنہیں پرورش کے متعلق مدد تلاش کرنا ہو، طلبہ جنہیں تعلیمی سیشنز کا اہتمام کرنا ہو، اور یہاں تک کہ شہر کے لیڈرز جنہیں قدرتی آفات کے بعد امدادی کوششوں میں تعاون کرنا ہو۔ آج ہم گروپ میں کی گئی اصلاحات کے بارے میں بتا رہے ہیں۔
نیا کیا ہے
- گروپ کی تفصیل: گروپ کی معلومات کے نیچے موجود ایک مختصر تعریفی خاکہ جس میں آپ کو اپنا مقصد، گائیڈ لائنز، یا گروپ کے موضوعات سیٹ کرنے کی سہولت ملتی ہے۔ کسی نئے شخص کے گروپ میں شامل ہونے پر، تفصیل چیٹ کے اوپری حصے میں دکھائی دے گی۔
- ایڈمن کنٹرولز: گروپ سیٹنگز میں، اب ایک نیا کنٹرول موجود ہے جس سے ایڈمنز کو یہ پابندی عائد کرنے کی سہولت ملتی ہے کہ گروپ کا موضوع، آئیکن اور تفصیل کون تبدیل کر سکتا ہے۔
- گروپ کیچ اپ: اگر آپ کسی گروپ چیٹ سے کچھ عرصہ دور رہے ہوں تو چیٹ کے نچلے دائیں کونے میں ظاہر ہونے والے '@' بٹن پر ٹیپ کر کے فوری طور پر ان میسجز کو دیکھ سکتے ہیں جن میں آپ کا تذکرہ کیا گیا ہو یا آپ کو جواب دیا گیا ہو۔
- شرکاء کی تلاش: گروپ کی معلومات پیج پر شرکاء کو تلاش کرکے گروپ میں کسی کو بھی تلاش کریں۔
- ایڈمنز اب گروپ کے دوسرے شرکاء کی ایڈمن کی اجازتوں کو ہٹا سکتے ہیں، اور گروپ بنانے والوں کو اس گروپ سے نہیں ہٹایا جا سکتا جو انہوں نے شروع کیا تھا۔
ہم نے تحفظ بھی متعارف کرایا ہے تاکہ صارفین کو ان گروپس میں بار بار شامل نہ کیا جا سکے جنہیں وہ چھوڑ چکے ہیں۔ آج یہ خصوصیات Android اور iPhone صارفین کیلئے دستیاب ہیں۔ ہمیں امید ہے آپ ان نئی اپ ڈیٹس سے لطف اندوز ہوں گے!
