युरोपियन युनियनमधील वापरकर्त्यांसाठी आमच्या सेवाशर्ती आणि गोपनीयता धोरण अपडेट करत आहोत

पुढील महिन्यात, लोकांची माहिती ऑनलाइन कशी वापरली जाते यासाठी अधिक पारदर्शकता आवश्यक असण्यासाठी युरोपियन युनियन त्यांचे गोपनीयता कायदे अपडेट करत आहे. WhatsApp आमच्या सेवाशर्ती आणि गोपनीयता धोरण अपडेट करत आहे जेथे जनरल डेटा प्रोटेक्शन रेग्यूलेशन (GDPR) म्हणून ओळखला जाणारा कायदा प्रभावी होत आहे.

आम्ही या अपडेटसह वैयक्तिक माहिती संकलित करण्यासाठी नवीन अधिकरांची मागणी करत नाही. आमच्याकडे तुमच्याबद्दल असलेली मर्यादित माहिती आम्ही कशी वापरतो आणि संरक्षित करतो हे स्पष्ट करणे हे आमचे उद्दिष्ट आहे. आम्हाला काही गोष्टी हायलाइट करायच्या आहेत:

• युरोपमध्ये WhatsApp: WhatsApp ने युरोपियन युनियनमध्ये तुम्हाला सर्व्हिस प्रदान करण्यासाठी आणि आमच्या वापरकर्त्यांची गोपनीयता आम्ही कशी संरक्षित करतो यासाठी पारदर्शकतेच्या नवीन उच्च मानकांची पूर्तता करण्यासाठी एक संस्था स्थापन केली आहे.
• डेटा शेअरिंग: Facebook वर तुमचे प्रॉडक्ट आणि जाहिराती अनुभव सुधारण्यासाठी आम्ही सध्या खाते माहिती शेअर करत नाही. मागे आम्ही म्हंटल्याप्रमाणे, आम्ही भविष्यात इतर Facebook कंपन्यांसोबत काम करू इच्छितो आणि जसजसे आम्ही आमच्या योजना विकसित करू तसे तुम्हाल अपडेट करत राहू.
• WhatsApp वर सुरक्षित राहणे: जेव्हा आम्हाला WhatsApp किंवा Facebook वर, एखाद्या वाईट प्रवृत्तीच्या व्यक्तीने अवांछित मेसेज पाठवल्याची तक्रार मिळते - जसे की स्पॅम किंवा अपमानास्पद कंटेन्ट - तेव्हा आम्ही माहिती शेअर करतो आणि दोन्ही सर्व्हिसेसवर ब्लॉक करण्यासह कारवाई करतो. या सुरक्षा टिप्स द्वारे WhatsApp वर सुरक्षित कसे रहायचे याबद्दल तुम्ही अधिक जाणून घेऊ शकता.

WhatsApp तुमच्या गोपनीयता आणि सुरक्षिततेबद्दल गंभीरतेने काळजी घेते. प्रत्येक मेसेज आणि कॉल एन्ड-टू-एन्ड एन्क्रिप्शनने सुरक्षित केलेला आहे, त्यामुळे कोणीही, अगदी WhatsApp देखील तुमची संभाषणे वाचू किंवा ऐकू शकत नाही. आगामी आठवड्यांमध्ये, आम्ही संकलित करतो तो मर्यादित डेटा तुम्ही डाउनलोड करू शकाल आणि पाहू शकाल. हे फीचर जगभरातील वापरकर्त्यांना ॲपच्या नवीनतम आवृत्तीवर उपलब्ध होईल. अधिक जाणून घेण्यासाठी, येथे क्लिक करा.

तुमच्या अभिप्रायाचे आम्ही स्वागत करतो आणि WhatsApp वापरण्यासाठी धन्यवाद!