ग्रुप मेसेज इतिहास सादर करत आहोत: ग्रुप चॅटमध्ये अप टू डेट राहण्याची अधिक खाजगी पद्धत

आम्हाला ग्रुप मेसेज इतिहास सादर करताना आनंद होत आहे. हे असे फीचर आहे जे कोणत्याही व्यत्ययाशिवाय ग्रुप चॅटना अधिक स्वागतार्ह बनवते. आता, ग्रुप अ‍ॅडमिन आणि सदस्य हे नवीन सदस्यांना अलीकडील मेसेज पाठवण्याचा पर्याय निवडू शकतात, ज्यामुळे त्यांना झटपट अपडेट मिळू शकतात.

आमच्या सर्वाधिक मागणी असलेल्या फीचरपैकी हे एक असून, तुमचे डिव्हाइस कोणतेही असले, तरीही ग्रुप मेसेजिंगमध्ये WhatsApp कसे आघाडीवर आहे याचे हे आणखी एक उदाहरण आहे. इतर सर्व वैयक्तिक मेसेजप्रमाणेच, ग्रुप मेसेज इतिहास एंड-टू-एंड एन्क्रिप्ट केलेला आहे, ज्यामुळे स्क्रीनशॉट किंवा अनावश्यकरीत्या मेसेज फॉरवर्ड न करता संभाषण पुढे सुरू ठेवण्यासाठी तुम्हाला अधिक जलद आणि खाजगी मार्ग मिळतो.

तुम्ही एखाद्या नवीन व्यक्तीला ग्रुप चॅटमध्ये जोडता, तेव्हा तुम्हाला किमान 25 ते कमाल 100 अलीकडील मेसेज त्यांना पाठवण्याचा पर्याय दिसेल. यामुळे गोष्टी सोप्या होतात, नवीन सदस्यांना फक्त सर्वाधिक समर्पक आणि अलीकडील संदर्भ वाचावा लागतो याची खात्री होते आणि संपूर्ण ग्रुपला शेअर केलेले मेसेज सहज पाहता येतात.

मेसेज इतिहास पाठवणे ही तुम्हाला स्वतः करावी लागणारी कृती आहे आणि अ‍ॅडमिनकडे त्यांच्या ग्रुपसाठी हे सेटिंग बंद करण्याचा पर्याय असतो. अ‍ॅडमिन मेसेज इतिहास कधीही शेअर करू शकतील.

पारदर्शकतेसाठी, मेसेज इतिहास पाठवला जातो, तेव्हा ग्रुपमधील सर्वांना सूचित केले जाते, त्यामध्ये स्पष्ट टाईमस्टँप आणि पाठवणाऱ्याची माहिती तसेच मेसेज इतिहास नेहमीच्या मेसेजपेक्षा वेगळा दिसेल अशा प्रकारे दाखवला जातो.

आम्ही ग्रुप मेसेज इतिहास रोल आउट करण्यास सुरुवात केली आहे आणि WhatsApp वर खाजगी, ग्रुप चॅट अनुभवांसाठी मानक निश्चित करत राहण्याची आम्ही उत्सुक आहोत.