3 اکتوبر 2016
پیش خدمت ہے کیمرے کی نئی خصوصیت
آج ہم ان تصاویر اور ویڈیوز کو حسب ضرورت اور بہتر بنانے کے نئے طریقے پیش کر رہے ہیں جو آپ دنیا بھر میں اپنے دوستوں اور فیملی کے ساتھ شیئر کرتے ہیں۔ WhatsApp کے کیمرا کی نئی خصوصیت میں اب آپ تصاویر اور ویڈیوز پر لکھ سکتے ہیں یا ڈرائنگ بنا سکتے ہیں، ساتھ ہی اظہار خیال کرنے کیلئے ایموجی بھی شامل کر سکتے ہیں۔
جب بھی آپ کوئی نئی تصوير یا ویڈیو لیتے ہیں یا اپنے فون میں پہلے سے موجود تصوير یا ویڈیو شیئر کرتے ہیں تو آپ کو خودبخود نئے ایڈیٹنگ ٹولز نظر آئیں گے۔ چاہے آپ کوئی بڑا دل بنا کر کسی کو یہ بتا رہے ہوں کہ آپ کو ان کی کتنی یاد آ رہی ہے یا اپنی پسندیدہ ایموجی شامل کر رہے ہوں - بعض اوقات ایک تصویر واقعی ہزاروں الفاظ کا کام کرتی ہے۔ متن بھی شامل کرنے کی کوشش کریں، اور رنگ اور فانٹ کی سٹائل تبدیل کریں۔
WhatsApp کیمرا کی خصوصیت میں اب سامنے والی فلیش کی سپورٹ کی جاتی ہے لہذا آپ ایک کامل سیلفی لے سکتے ہیں۔ کم روشنی یا رات کے وقت یہ آپ کی سکرین کو روشن کرے گی اور آپ کی تصوير کی کوالٹی کو بہتر بنائے گی۔ ہم نے ویڈیوز ریکارڈ کرنے کیلئے ایک آسان زومنگ کی خصوصیت بھی شامل کی ہے - زوم ان اور زوم آؤٹ کرنے کیلئے بس اپنی انگلی کو اوپر اور نیچے سلائیڈ کریں۔ اور سامنے اور پیچھے والے کیمرے کو فوری طور پر سوئچ کرنے کیلئے سکرین پر دوبارہ ٹیپ کریں۔
کیمرے کی یہ نئی خصوصیات آج سے Android فونز میں اور بہت جلد iPhone میں شروع ہونے والی ہیں۔ ہمیں امید ہے کہ اپنی اگلی تصوير یا ویڈیو شیئر کرنے پر آپ ان نئی خصوصیات سے لطف اندوز ہوں گے۔