Tunakuletea akaunti zinazodhibitiwa na wazazi kwenye WhatsApp

WhatsApp ndiyo njia inayoaminika ya familia kuwasiliana kwa sababu ni rahisi, ni ya faragha na ya kuaminika. Kwa mchango kutoka kwa familia na wataalamu, tunazindua akaunti mpya zinazodhibitiwa na wazazi zinazowaruhusu wazazi au walezi kuweka mipangilio ya WhatsApp kwa vijana walio chini ya umri wa barobaro, huku kukiwa na vidhibiti vipya vya kufanya hali yao ya utumiaji wa WhatsApp iwe ya kutuma ujumbe na kupiga simu pekee.

Ili kuanza, wazazi watahitaji simu ambayo wamenunulia mwanafamilia wao na kifaa chao wenyewe, kandokando ili kuunganisha akaunti zao. Baada ya kusanidiwa, akaunti hizi hudhibitiwa na mzazi au mlezi ambaye ataweza kuamua ni nani anayeweza kuwasiliana na akaunti na ni vikundi gani anaweza kujiunga navyo. Isitoshe, wazazi wanaweza kukagua maombi ya ujumbe kutoka kwa watu wasiowajua na kudhibiti mipangilio ya faragha ya akaunti.

Vidhibiti vipya vya mzazi na mipangilio inalindwa na PIN ya mzazi kwenye kifaa kinachodhibitiwa. Wazazi pekee ndio wanaoweza kufikia na kubadilisha mipangilio ya faragha, na kuhakikisha kuwa wamepewa uwezo wa kurekebisha hali ya matumizi ya familia zao.

Mazungumzo yote ya kibinafsi yanasalia kuwa ya faragha na kulindwa kwa ufumbaji wa mwisho hadi mwisho, kumaanisha kwamba hakuna mtu yeyote—hata WhatsApp—anayeweza kuyaona au kuyasikia. Tunatoa zana na maarifa zaidi kwa wazazi, hasa kuhusu vikundi, ambayo unaweza kujifunza zaidi kuhusu hapa.

WhatsApp tayari ni sehemu muhimu ya maisha ya familia - iwe ni kuendelea kufahamisha familia kuhusu matukio muhimu, kufuatilia mipango ya baada ya shule au kuwajulisha tu wapendwa wako kuwa umefika nyumbani salama. Tunapoendelea kuzindua akaunti zinazodhibitiwa na wazazi katika miezi ijayo, tunatazamia kupata maoni yako ili tuendelee kuunda WhatsApp ili kutoa njia salama na ya faragha zaidi kwa familia kuungana.

Ili kujifunza zaidi kuhusu kusanidi akaunti inayodhibitiwa na mzazi bofya hapa.