સંપર્કો ઉમેરવાનું અને તેનું સંચાલન કરવાનું વધુ સરળ બનાવવું

મેસેજ મોકલવાથી વધુ મહત્ત્વનું શું હોય છે? બેશક, એ વ્યક્તિ કે જેને તમે તે મોકલી રહ્યા છો. આજે, અમે તમે ઉપયોગમાં લઈ રહ્યા હોઈ શકો તેવાં કોઈ પણ ડિવાઇસ પરથી WhatsApp પર તમારા સંપર્કોને ખાનગી રીતે ઉમેરવાનું અને તેનું સંચાલન કરવાનું વધુ સરળ બનાવી રહ્યા છીએ.

અત્યાર સુધી, એવી એકમાત્ર જગ્યા કે જ્યાંથી તમે, કાં તો ફોન નંબરને ટાઇપ કરીને અથવા QR કોડને સ્કેન કરીને સંપર્કોને ઉમેરી શકતા હતા, તે તમારું મોબાઇલ ડિવાઇસ હતું. ટૂંક સમયમાં, તમે WhatsApp વેબ અને Windows – અંતમાં અન્ય લિંક કરેલાં ડિવાઇસ પરના તમારા કીબોર્ડ પરથી આરામથી સંપર્કોને ઉમેરી શકશો અને તેનું સંચાલન કરી શકશો.

અમે એક્સક્લૂસિવ રીતે WhatsApp પર સંપર્ક સેવ કરવાનો એક નવો વિકલ્પ પણ પ્રસ્તુત કરી રહ્યા છીએ. આ WhatsApp સંપર્કો તે વખત માટે આદર્શ રૂપ હોય છે કે જ્યારે તમે અન્ય લોકો સાથે તમારો ફોન શેર કરી રહ્યા હો અથવા જો તમે તમારા ફોન પર એકથી વધુ WhatsApp એકાઉન્ટનું સંચાલન કરતી વખતે વ્યક્તિગત અને બિઝનેસના સંપર્કોને અલગ કરવા માંગતા હો.

WhatsApp પર તમે સેવ કરો છો તે સંપર્કો, જો તમે ક્યારેય તમારો ફોન ગુમાવી દો અથવા ડિવાઇસ બદલો તો તે કિસ્સામાં રિસ્ટોર થઈ જશે.

આ અપડેટ અંતમાં યુઝરનેમ દ્વારા સંપર્કોનું સંચાલન કરવા અને તેને સેવ કરવાનું પણ શક્ય બનાવશે. WhatsApp પર યુઝરનેમ એક વધારાની ડિગ્રીની પ્રાઇવસી ઉમેરશે, જેથી કરીને તમારે કોઈ વ્યક્તિને મેસેજ મોકલતી વખતે તમારા ફોન નંબરને શેર કરવાની જરૂર ન પડે. આજની અપડેટ તે વાસ્તવિકતાને શક્ય બનાવવા માટેનું બસ એક નિર્ણાયક પગલું છે અને જ્યારે તે તૈયાર થઈ જશે ત્યારે અમારી પાસે શેર કરવા માટે વધુ હશે.

અમે તમારી સુરક્ષાને ધ્યાનમાં રાખીને આને કેવી રીતે બનાવેલ છે તે અંગેની ટેક બાબતે વધુ ગહન રીતે જાણવા માટે, અહીં ક્લિક કરો.