તમારી ગ્રૂપ ચેટમાં જે મહત્ત્વનું હોય તેને ક્યારેય ચૂકી ન જતા

વ્યસ્ત ગ્રૂપ ચેટનો અર્થ છે કે પ્લાન બનાવવામાં આવી રહ્યા છે, સમાચાર શેર કરવામાં આવી રહ્યા છે અને જોક્સ પૂરજોશમાં ચાલી રહ્યા છે. પરંતુ તેનો અર્થ એ પણ થઈ શકે કે તમે વ્યસ્ત હોવાથી તમારે ઘણા બધા મેસેજ જોવાના બાકી છે. આજે અમે ચાર અપડેટ પ્રસ્તુત કરી રહ્યા છીએ કે જે તમે જ્યાંથી છોડ્યું હોય ત્યાંથી જ પાછા શરૂ કરવાનું વધુ સરળ બનાવે છે.

વધુ સમય માટે મેસેજ પિન કરવા: જો તમે અગાઉથી સમય મર્યાદા પસંદ કરવા માંગતા ન હો, તો તમારી પાસે હવે મહત્ત્વપૂર્ણ મેસેજને કાયમ માટે પિન કરેલા રાખવાનો વિકલ્પ છે.

કોઈ વ્યક્તિ ગ્રૂપમાં જોડાય તે પછી જૂના મેસેજ મોકલવા: આ વર્ષની શરૂઆતમાં અમે નવા સભ્યોને જૂના મેસેજ મોકલીને તેમને વાકેફ કરાવવાનું શક્ય બનાવ્યું છે. જ્યારે તમે તેમને ગ્રૂપમાં ઉમેરો ત્યારે તાજેતરના મેસેજ મોકલવા કે નહિ તે તમે ચાલુ કે બંધ કરીને પસંદ કરો છો. હવે તમે કોઈ વ્યક્તિ ગ્રૂપમાં જોડાયા હોય તે પછી ચેટમાં બસ તેમના નામ પર દબાવીને તેમને તાજેતરના મેસેજ પૂર્વલક્ષી રીતે પણ મોકલી શકો છો. તે મેસેજ તમારી તમામ વ્યક્તિગત ચેટની જેમ એન્ડ-ટૂ-એન્ડ એન્ક્રિપ્શનથી સુરક્ષિત થયેલા રહે છે.

તમારા ગ્રૂપના સભ્યો સાથે ગ્રૂપ સ્ટેટસ શેર કરો: યોગ્ય લોકો સાથે યોગ્ય ક્ષણોને શેર કરો – કારણ કે રનિંગ ક્લબની ચેટમાં જે થાય છે તે કુટુંબની ચેટમાં ન હોવાનું બની શકે છે. ગ્રૂપ સ્ટેટસ ચોક્કસ ગ્રૂપની સાથે કેઝ્યુઅલ અપડેટ શેર કરવાનું સરળ બનાવે છે. ગ્રૂપમાં દરેક જણ તેમના પોતાના સ્ટેટસને જોઈ શકે, તેના પર પ્રતિક્રિયા આપી શકે અને તેને ઉમેરી શકે છે અને નિયમિત સ્ટેટસની જેમ જ, તે 24 કલાક પછી ગાયબ થઈ જાય છે.

ઉલ્લેખો અને જવાબો અનુસાર ફિલ્ટર કરવું: એક નવું ચેટ ફિલ્ટર કે જે તમારો ઉલ્લેખ કરવામાં આવ્યો હોય અથવા જેમાં તમને સીધો જવાબ મળ્યો હોય તે દરેક વાંચ્યા વગરની ગ્રૂપ વાતચીત બતાવે છે, જેમાં @all મેસેજનો સમાવેશ થાય છે, જેથી તમે તમારા માટે સૌથી વધુ સંબંધિત હોય તેવી ચેટને ઝડપથી જોઈ લઈ શકો.

શું તમે જાણો છો?તમે તમારી ગ્રૂપ ચેટમાં કરી શકો તેનાથી વધુ બાબતો છે કે જેનો તમે કદાચ ખ્યાલ ન કરો:

• ગ્રૂપમાં કોઈ એક વ્યક્તિને ખાનગીમાં જવાબ આપો જેથી અલગ ચર્ચાને કારણે મુખ્ય વાતચીતનો પ્રવાહ ખોરવાય નહીં
• જ્યારે તમને નિર્ણાયક જવાબની જરૂર હોય ત્યારે, મતદાન બનાવતી વખતે 'એકથી વધુ જવાબોની મંજૂરી આપો'ને બંધ કરી જુઓ
• મોટા ગ્રૂપમાં નવા છો? સભ્યનાં ટેગ તમને તમે કોણ છો તે વિશે થોડોક સંદર્ભ ઉમેરવા દે છે - જેથી તમે માતા-પિતાના ગ્રૂપમાં "સમના પિતા" અને સ્વયંસેવકના ગ્રૂપમાં "ટ્રેઝરર" હોઈ શકો

અમને લાગે છે કે ગ્રૂપ ચેટ માટે WhatsApp એ શ્રેષ્ઠ જગ્યા છે અને અમે તેને વધુ સારી બનાવવાનું ચાલુ રાખીશું.