کمیونٹیز کیلئے نیا: اعلانات کے گروپس میں ایونٹس اور جوابات

کمیونٹیز لانچ کرنے کے بعد سے، یہ دیکھنا بہت خوشی کا سبب رہا ہے کہ کس طرح مشترکہ دلچسپی رکھنے والے لوگ، آس پاس رہنے والے لوگ، اسکول کی تنظیمیں، شوقین لوگ وغیرہ، متعلقہ گروپس کو ایک دوسرے سے منسلک اور منظم رکھنے کیلئے اس خصوصیت کا استعمال کرتے ہیں۔ کمیونٹیز کو اور قریب لانے میں مدد کرنے کیلئے، ہم لوگوں کیلئے WhatsApp پر ایونٹس کا انتظام کرنے کے نئے طریقے متعارف کروا رہے ہیں اور اعلانات کے گروپس میں منظم جوابات لانچ کر رہے ہیں تاکہ ممبرز ایڈمنز کی طرف سے آنے والی اہم اپ ڈیٹس پر رد عمل دے سکیں۔

ایونٹس کی مدد سے اب لوگوں کیلئے براہ راست WhatsApp میں اپنی ملاقاتوں کی منصوبہ بندی کرنا آسان ہو گیا ہے، چاہے وہ ورچوئل میٹنگ یا سالگرہ کے ڈنر کا انتظام کرنا ہو۔ کوئی بھی ایونٹ بنا سکتا ہے اور دوسرے اس پر رد عمل دے سکتے ہیں لہذا پورے گروپ کو معلوم ہوجاتا ہے کہ کون آ رہا ہے۔ مہمانوں کو بھی گروپ کی معلومات کے پیج میں ایونٹ کے بارے میں معلوم ہو سکتا ہے، اور ایونٹ میں شریک ہونے والے لوگوں کو ایونٹ قریب ہونے پر ایک خودکار نوٹیفیکیشن موصول ہوگا۔ ایونٹس پہلے ان گروپس میں لانچ ہوں گے جو کسی کمیونٹی سے تعلق رکھتے ہیں اور آئندہ مہینوں میں تمام گروپس میں شروع ہوں گے۔

ہم اعلانات کے گروپس میں جواب دینے کی خصوصیت بھی دستیاب کرا رہے ہیں، تاکہ ایڈمنز اپنے ممبرز کی رائے جان سکیں اور ان گروپس کو ایسی جگہ بنا سکیں جہاں آسانی سے یہ معلوم ہو سکے کہ آپ کی کمیونٹی میں کیا ہو رہا ہے۔ جوابوں کو ایک ساتھ جمع کیا جاتا ہے اور ان کو چھوٹا کیا جاتا ہے تاکہ آپ یہ دیکھ سکیں کہ دوسروں نے سیاق و سباق میں کیا کہا ہے اور نوٹیفیکیشنز سب کیلئے میوٹ ہوتے ہیں۔

آئندہ کچھ مہینوں تک، ہم کمیونٹیز اور گروپس میں نئی خصوصیات لانچ کرتے رہیں گے تاکہ لوگوں کو WhatsApp پر اپنی زندگیوں کو منظم رکھنے کیلئے مزید ٹولز دستیاب ہوں۔ ہم ایپ میں براہ راست WhatsApp چینل کے ساتھ ساتھ یہاں بھی مزید معلومات شیئر کریں گے۔