WhatsApp ઇવેન્ટ ગ્રૂપ ચેટથી પણ આગળ લોકોને એકસાથે લાવે છે

અમે લોકો પાસેથી સાંભળ્યું છે કે તેઓ ઇવેન્ટ બનાવવાં અને તેનું સંકલન કરવા માટે એક એવી જગ્યા ઇચ્છે છે કે જ્યાં બધું એકથી થઈ જાય, જેમાં WhatsApp પર ન હોય તેવા મિત્રોને આમંત્રિત કરવાનું સામેલ છે. ભલેને તે કુટુંબીજનો, નવા મિત્રો અથવા તમારું સૌથી નજીકનું વર્તુળ હોય, શ્રેષ્ઠ અવસરો ત્યારે થાય છે જ્યારે તમે રૂબરૂમાં સાથે હોવ છો. અમે તમારા આગલા મીટઅપને વધુ સરળતાથી પ્લાન કરવામાં તમારી મદદ કરવા માટે અપડેટ રજૂ કરી રહ્યા છીએ.

WhatsApp પર ઇવેન્ટ વડે, તમારું આમંત્રણ હવે દરેક જણનો સંપર્ક સાધી શકે છે, તે પણ એવા મિત્રોનો કે જેમનું WhatsApp એકાઉન્ટ નથી – બસ, તહેવારની મુલાકાતો માટે સમયસર. ઇવેન્ટ બનાવો, કવર ફોટો ઉમેરો, લિંક શેર કરો અને તેઓ ઍપને ડાઉનલોડ કર્યા વિના વિગતો જોઈ શકે છે અને RSVP કરી શકે છે.

અમે એક નવા ઇવેન્ટ હોમને પણ પ્રસ્તુત કરી રહ્યા છીએ કે જે કસ્ટમાઇઝ કરેલા આમંત્રણો બનાવવા અને મોકલવા તથા RSVPનું સંચાલન કરવા માટે તમારું વન-સ્ટોપ હશે. કસ્ટમ રિમાઇન્ડર અને પ્લસ વનને ઉમેરવાના વિકલ્પ સાથે દરેકને સમાન પેજ પર રાખો. સેટિંગ પર નેવિગેટ કરો અને ભૂતકાળની અને આગામી ઇવેન્ટનું સંપૂર્ણ લિસ્ટ જોવા માટે ઇવેન્ટને પસંદ કરો, જેમાં તમે બનાવી હોય તેવી અથવા તમને જેના માટે આમંત્રિત કરવામાં આવ્યા હોય તેવી ઇવેન્ટ બધી એક જ જગ્યામાં સામેલ છે.

અમે પ્રાઇવસીને ધ્યાનમાં રાખીને ઇવેન્ટનાં આમંત્રણો બનાવ્યાં છે: તમારો ફોન નંબર તમે જેમને ઓળખતા ન હો તે અતિથિઓને બતાવવામાં આવતો નથી અને WhatsApp એકાઉન્ટ વિનાના અતિથિઓને તેઓ RSVP કરે તે પછી જ ઇવેન્ટનું સરનામું દેખાશે. હંમેશની જેમ, તમારા વ્યક્તિગત મેસેજ અને કૉલ ખાનગી અને એન્ડ-ટૂ-એન્ડ એન્ક્રિપ્શનથી સુરક્ષિત રહે છે.

અપડેટ કરેલી ઇવેન્ટ આગામી અઠવાડિયામાં દરેક જણ માટે રજૂ કરવામાં આવી રહી છે.