WhatsApp ایونٹس لوگوں کو گروپ چیٹ سے بڑھ کر ایک ساتھ لاتے ہیں

لوگوں سے ہمیں یہ رائے ملی ہے کہ وہ ایونٹس بنانے اور انہیں مینج کرنے کیلئے ایک جگہ پر ہی سب کچھ کرنا چاہتے ہیں، جس میں ایسے دوستوں کو مدعو کرنا بھی شامل ہے جو WhatsApp پر نہیں ہیں۔ چاہے وہ آپ کی فیملی ہو، نئے دوست ہوں، یا آپ کے قریبی لوگ ہوں، بہترین لمحات وہ ہوتے ہیں جو آپ ایک دوسرے کے ساتھ ذاتی طور پر گزارتے ہیں۔ ہم آپ کی اگلی ملاقات کی مزید آسانی سے منصوبہ بندی کرنے میں مدد کیلئے اپ ڈیٹس پیش کر رہے ہیں۔

WhatsApp پر ایونٹس فیچر کے ذریعے، اب آپ کا دعوت نامہ ہر کسی تک پہنچ سکتا ہے، یہاں تک کہ ان دوستوں تک بھی جن کا WhatsApp پر اکاؤنٹ نہیں ہے—ایسے وقت میں جب تعطیلات کے موقع پر دوستوں کے ساتھ ملنے جلنے کا سلسلہ شروع ہونے والا ہے۔ ایک ایونٹ بنائیں، اس میں کور فوٹو شامل کریں اور اس کا لنک شیئر کریں۔ لنک وصول کرنے والے لوگ ایپ ڈاؤن لوڈ کیے بغیر ایونٹ کی تفصیلات دیکھ سکتے ہیں اور اپنی شرکت کی تصدیق کر سکتے ہیں۔

ہم ایک نیا ایونٹس ہوم بھی متعارف کروا رہے ہیں جو آپ کیلئے کسٹمائزڈ دعوت نامے بنانے اور بھیجنے اور شرکت کی تصدیق کو مینج کرنے کا ایک مقام ہوگا۔ کسٹم یاد دہانیوں کے ذریعے سبھی کو ایونٹ کے بارے میں باخبر رکھیں اور ایک اضافی مہمان کو ساتھ لانے کا آپشن بھی دیں۔ سیٹنگز میں جائیں اور ایونٹس منتخب کریں تاکہ ماضی اور مستقبل کے ایونٹس کی مکمل لسٹ دیکھ سکیں، جن میں وہ ایونٹس بھی شامل ہیں جو آپ نے بنائے ہیں یا جن میں آپ کو مدعو کیا گیا ہے، یہ سب کچھ ایک ہی جگہ پر۔

ہم نے پرائیویسی کو ذہن میں رکھ کر ایونٹ کے دعوت نامے تیار کیے ہیں: آپ کا فون نمبر ان مہمانوں کو نظر نہیں آتا جنہیں آپ نہیں جانتے، اور جو مہمان WhatsApp اکاؤنٹ کے بغیر ہیں انہیں شرکت کی تصدیق کرنے کے بعد ہی ایونٹ کا پتہ نظر آئے گا۔ ہمیشہ کی طرح، آپ کے ذاتی میسجز اور کالز پرائیویٹ اور اینڈ ٹو اینڈ اینکرپٹڈ رہتے ہیں۔

اپ ڈیٹ شدہ ایونٹس کو آئندہ ہفتوں میں سبھی کیلئے دستیاب کرایا جائے گا۔