آپ کا سٹائل دکھانے کیلئے چیٹ تھیمز

آپ نے اس کی درخواست کی تھی۔ اب یہ دستیاب ہے! ہم چیٹ تھیمز متعارف کروا رہے ہیں، لہذا آپ رنگین چیٹ ببلز اور نئے وال پیپرز کے ذریعے اپنی چیٹس کو اپنے مطابق منفرد بنا سکتے ہیں۔

چیٹ تھیمز: کئی آپشنز میں سے انتخاب کر کے چیٹ ببلز اور پس منظر کو اپنے پسندیدہ رنگ کا بنائیں۔ ہماری پہلے سے سیٹ کی ہوئی تھیمز میں سے کوئی ایک منتخب کریں جس سے پس منظر اور ببلز دونوں تبدیل ہو جاتے ہیں، یا اپنے سٹائل کے مطابق رنگوں کو مکس اور میچ کریں۔

نئے وال پیپرز: وال پیپر کے 30 نئے آپشنز میں سے انتخاب کر کے اپنی چیٹس کو مزے دار بنائیں، یا آپ اپنے کیمرے سے لی گئی تصاویر میں سے پس منظر اپ لوڈ کر کے انہیں مکمل طور پر اپنے لئے منفرد بنا سکتے ہیں۔

آپ ایک ہی تھیم کو اپنی تمام چیٹس پر اپلائی کر سکتے ہیں، یا مختلف تھیمز کے ذریعے ہر ایک چیٹ کو خاص بنا سکتے ہیں۔ بہر کیف، آپ کی چیٹ کی تھیمز صرف آپ کو دکھائی دیتی ہیں۔ آپ اپنے چینلز کی تھیم بھی تبدیل کر سکتے ہیں۔

اپنی تمام چیٹس اور چینلز کی تھیم تبدیل کرنے کیلئے سیٹنگز > چیٹس > ڈیفالٹ چیٹ تھیم پر جائیں۔ ہر چیٹ کو انفرادی طور پر حسب ضرورت بنانے کیلئے، (iOS پر) چیٹ کی سکرین پر سب سے اوپر چیٹ کے نام پر کلک کریں، یا (Android پر) تین نقطے والے مینو > چیٹ تھیم پر کلک کریں۔

اب ان خصوصیات کی شروعات ہونے جا رہی ہے، اور آئندہ ہفتوں میں یہ عالمی پیمانے پر دستیاب ہو جائیں گی۔