پیش خدمت ہیں اینیمیٹڈ اسٹیکرز، QR کوڈز اور مزید بہت کچھ

دنیا بھر کے 2 ارب سے زائد لوگ پہلے سے ہی WhatsApp کو پسند اور استعمال کر رہے ہیں۔ اگرچہ ہماری توجہ اب بھی لوگوں کو دوستوں اور فیملی سے چیٹ کرنے کا سادہ، قابل اعتبار اور نجی طریقہ فراہم کرنے پر ہے۔ لیکن ہم یہ یقینی بنانے کے لیے اپنی پروڈکٹ کی ڈیزائن بہتر بنانے کا کام بھی جاری رکھے ہوئے ہیں کہ WhatsApp ہر کسی کے لیے، ہر جگہ رابطہ کرنے کے کارآمد ترین طریقے کے طور پر برقرار رہے۔

آج ہم اگلے چند ہفتوں میں دستیاب ہونے والی کچھ نئی خصوصیات کے متعارف کروائے جانے کی تصدیق کر کے خوشی محسوس کر رہے ہیں:

• اینیمیٹڈ اسٹیکرز: اسٹیکرز WhatsApp پر لوگوں کے مواصلت کرنے کے سب سے تیزی سے بڑھتے ہوئے طریقوں میں سے ایک ہے جو روزانہ کروڑوں اور اربوں کی تعداد میں بھیجے جاتے ہیں۔ ہم نئے اینیمیٹڈ اسٹیکر پیکس متعارف کروا رہے ہیں جو پہلے سے بھی زیادہ مزے دار اور معنی خیز ہیں۔
• QR کوڈز: ہم نیا رابطہ شامل کرنا پہلے سے بھی زیادہ آسان بنا رہے ہیں۔ جلد ہی جب آپ کسی نئے شخص سے ملیں گے تو آپ انہیں اپنے روابط میں شامل کرنے کے لیے ان کا QR کوڈ اسکین کر پائیں گے۔ اب ان ہندسوں کو ایک ایک کر کے درج کرنے کی ضرورت نہیں ہو گی۔
• WhatsApp ویب اور ڈیسک ٹاپ کیلئے ڈارک موڈ: بے حد مشہور ڈارک موڈ تھیم اب آپ کے کمپیوٹر کیلئے بھی دستیاب ہے۔
• گروپ ویڈیو کالز میں بہتریاں: اب ویڈیو کال میں 8 لوگوں کے شامل ہونے کی سہولت کے ساتھ، ہم نے آپ کیلئے اپنی مرضی کے کسی بھی ممبر پر فوکس کرنا آسان بنا دیا ہے۔ اپنی مرضی کے کسی بھی ممبر پر فوکس کرنے کیلئے اس کی ویڈیو کو دبا کر رکھیں اور وہ بڑی ہو کر پوری اسکرین پر آ جائے گی۔ ہم نے 8 یا اس سے کم افراد پر مشتمل گروپ چیٹس کے لیے ویڈیو آئیکن بھی شامل کیا ہے تاکہ آپ 1 ٹیپ کے ذریعے باآسانی گروپ ویڈیو شروع کر سکیں۔
• اسٹیٹس اب KaiOS پر دستیاب ہے: KaiOS کے صارفین اب اس مشہور خصوصیت سے لطف اندوز ہو سکتے ہیں جو آپ کو 24 گھنٹے بعد غائب ہونے والی اسٹیٹس اپ ڈیٹس شیئر کرنے کی سہولت دیتی ہے۔

یہ خصوصیات اگلے چند ہفتوں میں WhatsApp کے تازہ ترین ورژنز میں صارفین کے لیے دستیاب کرائی جائیں گی۔