نئے ممبر ٹیگز، ٹیکسٹ سٹیکرز وغیرہ کے ساتھ اپنی WhatsApp گروپ چیٹس کو مزید بہتر بنائیں

نیا سال قریب ہے اور آپ کی گروپ چیٹس میں کچھ اپ گریڈز کرنے کا بہترین موقع ہے۔ WhatsApp پر گروپ چیٹس آپ کیلئے اپنے عزیز و اقارب سے جڑے رہنا آسان بناتی ہے چاہے وہ کسی بھی ڈیوائس کا استعمال کر رہے ہوں - خواہ نئے سال کے مقاصد شیئر کرنا ہو، آنے والے خاص جشن کی تیاری کرنی ہو، یا اپنی فٹ بال لیگ جیتنے کا منصوبہ بنانا ہو۔

آج، ہم ایسے نئے فیچرز پیش کر رہے ہیں جن سے گروپ چیٹس میں جڑے رہنا اور اپنے خیالات کا اظہار کرنا مزید آسان ہو جاتا ہے۔

ممبر ٹیگز: ہم سب مختلف کردار ادا کرتے ہیں اور آپ بعض اوقات اسے گروپ چیٹ میں مزید سیاق و سباق کے ساتھ ظاہر کرنا چاہتے ہیں۔ اب آپ خود کو ایک ٹیگ دے سکتے ہیں جس سے گروپ کو یہ پتہ چلے گا کہ آپ کا کردار کیا ہے، اور آپ اسے ہر ایک گروپ میں کسٹمائز کر سکتے ہیں۔ لہذا ایک گروپ میں آپ "زین کے والد" ہو سکتے ہیں اور کسی اور گروپ میں "گول کیپر"۔

ٹیکسٹ سٹیکرز: ان میسجز کیلئے جنہیں آپ واقعی نمایاں کرنا چاہتے ہیں، اب آپ اپنے کسی بھی لفظ کو "سٹیکر کی تلاش" میں ٹائپ کر کے اسے سٹیکر میں تبدیل کر سکتے ہیں۔ آپ نئے بنائے ہوئے سٹیکرز کو اپنے سٹیکر پیکس میں براہ راست شامل کر سکتے ہیں، اس کیلئے اب آپ کو اسے پہلے چیٹ میں بھیجنے کی ضرورت نہیں ہوگی۔

ایونٹ کی یاد دہانیاں: اب جب آپ گروپ چیٹ میں کوئی ایونٹ بناتے اور بھیجتے ہیں تو آپ اپنے مدعو شدہ لوگوں کیلئے وقت سے پہلے کرائی جانے والی کسٹم یاد دہانیاں سیٹ کر سکتے ہیں۔ اس سے ایونٹ کی قسم کی بنیاد پر ہر کسی کو صحیح وقت پر آپ کی پارٹی میں شرکت کرنا یا کال میں جڑنا یاد رکھنے میں مدد ملے گی۔

یہ نئی اپ ڈیٹس ہمارے ان زبردست فیچرز کا حصہ بننے جا رہی ہیں جو ہم سالوں سے لانچ کرتے رہے ہیں تاکہ گروپس کو ایک دوسرے کے قریب لا سکیں - جیسے 2GB تک کی بڑی فائلیں شیئر کرنا، HD میڈیا، سکرین شیئر کرنا اور وائس چیٹس وغیرہ۔ ہمارا ماننا ہے کہ WhatsApp بہترین گروپ چیٹ کا تجربہ فراہم کرتا ہے، اور ہم اسے مزید بہتر بنانے کیلئے پُرعزم ہیں۔