نئی خصوصیت کا خلاصہ: جگہ خالی کریں، متعدد اکاؤنٹس، کراس پلیٹ فارم ٹرانسفر اور بہت کچھ

وقت کے ساتھ ساتھ، ہماری چیٹس اہم لمحات کا ریکارڈ بن جاتی ہیں: فیملی کے ساتھ گفتگو، دوستوں کے ساتھ ہنسی، وہ تصاویر اور ویڈیوز جنہیں ہم شیئر کرنا بند نہیں کر سکے۔ ان تمام سہولتوں سے آپ کو زیادہ سے زیادہ فائدہ پہنچانے میں مدد کیلئے، ہم WhatsApp کا استعمال مزید آسان بنانے کیلئے نئے طریقے متعارف کروا رہے ہیں — چاہے آپ منظم رہنا چاہتے ہوں، کام اور ذاتی امور کو ایک ساتھ انجام دینا چاہتے ہوں، یا ہر چیٹ سے زیادہ سے زیادہ فائدہ اٹھانا چاہتے ہوں۔

جگہ خالی کریں، اہم چیزیں برقرار رکھیں: جیسے جیسے آپ کی چیٹس بھرتی جائیں گی، ویسے ویسے بے ترتیبی بڑھتی جائے گی۔ اب آپ کسی بھی چیٹ میں براہ راست بڑی فائلوں کو تلاش کر کے ڈیلیٹ کر سکتے ہیں، لہذا آپ اپنی پوری گفتگو کو صاف کیے بغیر ان چیزوں کو صاف کر سکتے ہیں جن کی آپ کو ضرورت نہیں ہے۔ بس چیٹ کے نام پر ٹیپ کریں اور اسٹوریج کا نظم کریں کو منتخب کریں۔ آپ چیٹ صاف کرتے وقت صرف میڈیا فائلز کو صاف کرنے کا انتخاب بھی کر سکتے ہیں – اپنی چیٹ ہسٹری کو برقرار رکھتے ہوئے۔

کراس پلیٹ فارم چیٹ کی منتقلی کو آسان بنایا گیا ہے: ہماری چیٹ کی منتقلی کی خصوصیت اب آپ کی چیٹ ہسٹری کو اسی پلیٹ فارم کے اندر منتقل کرنے کے علاوہ iOS سے Android میں بھی منتقل کرنے کی سہولت دیتی ہے۔ فونز تبدیل کرنا پیچیدہ نہیں ہونا چاہیے۔ اب محض چند بار ٹیپ کرنے سے آپ کی گفتگوئیں، تصاویر اور ویڈیوز آسانی سے منتقل ہو جاتی ہیں۔

دو اکاؤنٹس، ایک فون – اب iOS پر: اب آپ iOS پر بھی ایک ہی وقت میں دو WhatsApp اکاؤنٹس میں لاگ ان کر سکتے ہیں—بالکل Android کی طرح۔ اب کام اور ذاتی معاملات کو الگ رکھنے کیلئے دو فونز استعمال کرنے کی ضرورت نہیں ہوگی۔ آپ کو ہمیشہ یہ معلوم رہے گا کہ آپ کس اکاؤنٹ میں ہیں کیوں کہ اب آپ کی پروفائل تصویر نچلے ٹیب میں نظر آئے گی۔

آپ کے موڈ سے مماثلت رکھنے والے اسٹیکرز: اسٹیکرز سے آپ کی چیٹس میں بڑے اور بولڈ تاثرات شامل ہو سکتے ہیں—اور اب WhatsApp آپ کو ایموجیز ٹائپ کرتے وقت اسٹیکرز کی تجویز دے کر ان کا استعمال کرنا آسان بنائے گا۔ صرف ایک ٹیپ کے ذریعے آپ ایموجی کو اسٹیکر سے بدل سکتے ہیں جو آپ کے جذبات کو بالکل بیان کرے۔

Meta AI کے ساتھ تصویر ٹچ اپس: اب آپ تصاویر بھیجنے سے پہلے براہ راست اپنی چیٹ میں Meta AI کا استعمال کر کے انہیں ٹچ اپ کر سکتے ہیں، جس سے پریشان کن چیزوں کو ہٹانا، نیا بیک گراؤنڈ لگانا یا مزیدار سٹائل اپلائی کرنا آسان ہو جاتا ہے۔ ہو سکتا ہے Meta AI کی خصوصیات تمام صارفین کیلئے دستیاب نہ ہوں۔

AI لکھنے میں مدد اور بھی مفید ہے: لکھنے میں مدد سے اب آپ کی گفتگو کی بنیاد پر تجویز کردہ جواب کا مسودہ تیار کیا جا سکتا ہے تاکہ آپ کا میسج بالکل صحیح ہو – یہ سب کچھ آپ کی چیٹس کو مکمل طور پر پرائیویٹ رکھتے ہوئے کیا جا سکتا ہے۔

یہ خصوصیات ابھی لانچ ہو رہی ہیں اور جلد ہی سب کے لیے دستیاب ہوں گی۔ ہمیں امید ہے کہ ان سے آپ کے WhatsApp کا استعمال اور بھی آسان ہو جائے گا۔