WhatsApp સ્ટેટસનો આનંદ માણવા માટેની નવી રીતો

સ્ટેટસ એ WhatsApp પર રહેલા મિત્રો અને નજીકના સંપર્કો સાથે અલ્પકાલિક અપડેટને શેર કરવાની એક લોકપ્રિય રીત છે. તે 24 કલાકમાં ગાયબ થઈ જાય છે અને તેમાં ફોટા, વીડિયો, GIF, ટેક્સ્ટ વગેરેનો સમાવેશ થઈ શકે છે. તમારી વ્યક્તિગત ચેટ અને કૉલની જેમ જ, તમારું WhatsApp સ્ટેટસ એન્ડ-ટૂ-એન્ડ એન્ક્રિપ્શન દ્વારા સુરક્ષિત કરવામાં આવે છે જેથી તમે ખાનગી રીતે અને સુરક્ષિત રીતે શેર કરી શકો.

અમે WhatsApp પર સ્ટેટસમાં નવી સુવિધાઓના સેટને ઉમેરવા માટે ઉત્સાહિત છીએ જે સ્વયંને અભિવ્યક્ત કરવાનું અને અન્ય લોકો સાથે કનેક્ટ થવાનું વધુ સરળ બનાવે છે.

ખાનગી ઓડિયન્સ સિલેક્ટર

બની શકે કે તમે શેર કરો છો તે દરેક સ્ટેટસ તમારા બધા સંપર્કો માટે હંમેશાં યોગ્ય ન હોય. અમે તમને સ્ટેટસ દીઠ તમારાં પ્રાઇવસી સેટિંગને અપડેટ કરવાની સુગમતા પૂરી પાડી રહ્યા છીએ જેથી તમે તમારા સ્ટેટસને અપડેટ કરો તે દર વખતે તેને કોણ જુએ તે તમે પસંદ કરી શકો. ઓડિયન્સની તમારી સૌથી તાજેતરની પસંદગીને સેવ કરવામાં આવશે અને તમારા આગલા સ્ટેટસ માટે ડિફોલ્ટ તરીકે તેનો ઉપયોગ કરવામાં આવશે.

વોઇસ સ્ટેટસ

અમે WhatsApp સ્ટેટસ પર 30 સેકન્ડ સુધીના વોઇસ મેસેજને રેકોર્ડ કરીને શેર કરવાની ક્ષમતા રજૂ કરી (લાવી) રહ્યા છીએ. વોઇસ સ્ટેટસનો ઉપયોગ વધુ વ્યક્તિગત અપડેટ મોકલવાં માટે કરી શકાય છે, ખાસ કરીને જો તમે ટાઇપ કરવાને બદલે વાત કરીને સ્વયંને અભિવ્યક્ત કરવામાં વધુ સહજતા અનુભવતા હો.

સ્ટેટસને લગતી પ્રતિક્રિયાઓ

અમે તમારા મિત્રો અને નજીકના સંપર્કોનાં સ્ટેટસ અપડેટનો જવાબ આપવા માટેની એક ઝડપી અને સરળ રીત પૂરી પાડવા માટે સ્ટેટસને લગતી પ્રતિક્રિયાઓ ઉમેરી રહ્યાં છીએ. આ, ગયા વર્ષે પ્રતિક્રિયાઓને લોન્ચ કર્યાના પગલે વાપરનારાઓને જોઈતી #1ની સુવિધા હતી. તમે હવે કોઈ પણ સ્ટેટસ પર આંગળીને ઉપર સરકાવી અને આઠ ઇમોજી પૈકી એક પર દબાવીને જે-તે સ્ટેટસનો ઝડપથી જવાબ આપી શકો છો. અલબત્ત, તમે હજી પણ ટેક્સ્ટ, વોઇસ મેસેજ, સ્ટિકર વગેરેની સાથે સ્ટેટસનો જવાબ આપી શકો છો.

નવાં અપડેટ માટે સ્ટેટસ પ્રોફાઇલની રિંગ

નવી સ્ટેટસ પ્રોફાઇલ રિંગ સાથે, તમે ક્યારેય કોઈ પ્રિયજનના સ્ટેટસને ચૂકશો નહીં. આ રિંગ તમારા સંપર્ક જ્યારે કોઈ સ્ટેટસ અપડેટને શેર કરશે ત્યારે તેમના પ્રોફાઇલ ફોટાને ફરતે હાજર રહેશે. તે ચેટનાં લિસ્ટ, ગ્રૂપના સભ્યોનાં લિસ્ટ અને સંપર્ક માહિતીમાં દેખાશે.

સ્ટેટસ પર લિંક પ્રિવ્યૂ

હવે જ્યારે તમે તમારા સ્ટેટસ પર કોઈ લિંક પોસ્ટ કરશો, ત્યારે તમને લિંકના કન્ટેન્ટનું એક વિઝ્યુઅલ પ્રિવ્યૂ આપમેળે દેખાશે, તે જ રીતે જેમ તમે કોઈ મેસેજ મોકલો ત્યારે દેખાય છે. વિઝ્યુઅલ પ્રિવ્યૂથી તમારાં સ્ટેટસ વધુ સારાં દેખાય છે અને તે તમારા સંપર્કો તેના પર ક્લિક કરે તે પહેલાં લિંક શું છે તેનો એક વધુ સારો ખ્યાલ પણ તેઓને આપે છે.

આ અપડેટ વિશ્વભરનાં વાપરનારાઓને ઉપલબ્ધ કરાવવાનું શરૂ થઈ ગયું છે અને તે આગામી અઠવાડિયાઓમાં દરેક જણને ઉપલબ્ધ થઈ જશે. ટૂંક સમયમાં લોકો સ્ટેટસની આ નવી સુવિધાઓનો આનંદ લેવા લાગે તેની અમે આતુરતાથી રાહ જોઈશું.