સ્ટિકર મારફતે કનેક્ટ થયેલા રહેવું

WhatsApp પર દરરોજ લખો સ્ટિકરો મોકલાય છે. આમ WhatsApp એ લોકો માટે એક પણ શબ્દ લખ્યા વગર પોતાના અંગત વિચારોની અભિવ્યક્તિનું એક સુંદર માધ્યમ બન્યું છે. અમે 18 મહિના પહેલાં સ્ટિકર લોન્ચ કર્યા ત્યારથી, તે WhatsApp પર લોકો જેના દ્વારા વાતચીત કરે તે સૌથી વધુ ઝડપથી વિકસતી રીતો પૈકી એક બની ગયાં છે.

અમે વિશ્વ આરોગ્ય સંસ્થા સાથે મળીને કામ કરીને “Together at Home” સ્ટિકર પેક લોન્ચ કરતા આનંદ અનુભવીએ છીએ. આનાથી કોરોના વાઇરસની વૈશ્વિક મહામારી દરમિયાન અને તેના સિવાય પણ લોકોને જોડાવામાં મદદ મળશે. આવાં સ્ટિકરો રમૂજી, શૈક્ષણિક અને સર્વસામાન્ય, ભાષા, ઉંમર અને બીજાં બંધનોને તોડનારા હોઈ શકે છે.

અમે આશા રાખીએ કે લોકોને આ સ્ટિકરો વાપરવાની મજા આવે અને તેનાથી તેઓ પોતાના પ્રિયજનો, ખાસ કરીને જે લોકો એકલતાનો અનુભવ કરી રહ્યા હોય અને ડરતા હોય તેમની ખબરઅંતર પૂછી શકે. આ પેક, લોકોને તેમના હાથ ધોવા, એકબીજાથી અંતર જાળવવા, વ્યાયામ કરવા અને ખાસ કરીને તબીબી ક્ષેત્રના હીરો તેમજ આપણાં બધાનાં જીવનમાં રહેલા વ્યક્તિગત હીરોના ગુણગાન ગાવાની યાદ અપાવવા ક્રિએટિવ રીત ઓફર કરે છે.

“ઘરમાં એકસાથે” સ્ટિકર પેક હવે WhatsAppની અંદર ઉપલબ્ધ છે, જેમાં આ 9 ભાષાઓ માટે સ્થાનિકીકૃત કરેલા લખાણનો સમાવેશ થાય છે - અરબી, ફ્રેન્ચ, જર્મન, ઇન્ડોનેશિયન, ઇટાલિયન, પોર્ટુગીઝ, રશિયન, સ્પેનિશ અને તુર્કી.