WhatsApp પર Meta AIની સાથે વાત કરવી

અમને WhatsApp પર Meta AI લાવ્યાને એક વર્ષ થઈ ગયું છે અને અમને જેઓ આ નવી ટેક્નોલોજીનો ઉપયોગ કરી રહ્યાં છે તે લોકો પાસેથી ખરેખર સકારાત્મક પ્રતિસાદ સાંભળવા મળવાનું ચાલુ જ છે. આજે Meta Connect ખાતે, અમે અપડેટના એક નવા સેટની ઘોષણા કરી કે જે તમારા વોઇસ વડે Meta AIની સાથે રિયલ-ટાઇમમાં વાત કરવાનું અથવા ફેરફાર કરવા માટે તેને ફોટા મોકલવાનું શક્ય બનાવે છે. આ અપડેટ વધુ લોકો માટે તેમના આઇડિયાને એક્સ્પ્લોર કરવા, તેમની ચેટને બહેતર બનાવવાં અને નવી વસ્તુઓને અજમાવી જોવાનું વધુ સરળ બનાવશે.

• મારી સાથે વાત કરો: તમે હવે Meta AIની સાથે વાત કરી શકો છો અને તે સામે (વળતામાં) વાત કરશે. પ્રશ્ન પૂછવા માટે વેવફોર્મ બટનને બસ દબાવો અને Meta AIને તમે જેના વિશે જિજ્ઞાસુ હો તેવી કોઈ બાબત વિશે સમજાવવા દો. જેમ-જેમ આ સુવિધા રજૂ થવાની શરૂ થશે, તેમ-તેમ તમે વોઇસના અલગ-અલગ વિકલ્પોમાંથી પસંદગી પણ કરી શકશો, જેમાં વિશ્વભરના સેલિબ્રિટીના વોઇસનો સમાવેશ થાય છે.

• આ જુઓ: તમે હવે Meta AIને ફોટો મોકલી શકો છો અને તમારી આસપાસના વિશ્વ વિશે જવાબો મેળવી શકો છો. ઉદાહરણ તરીકે, તમે કોઈ વિદેશી ભાષામાં રહેલા મેનૂનો ફોટો લઈને તેનો અનુવાદ માંગી શકો છો અથવા કોઈ છોડનો ફોટો લઈને તેની કેવી રીતે સંભાળ રાખવી તે પૂછી શકો છો.

• મારા ફોટામાં ફેરફાર કરો: Meta AI હવે તમને તમારા પોતાના ફોટામાં ફેરફાર કરવામાં મદદ કરી શકે છે, જેમ કે કંઈક ઉમેરવામાં, તેને દૂર કરવામાં અથવા તેને બદલવામાં. ઉદાહરણ તરીકે, તમે બેકગ્રાઉન્ડમાંથી કોઈ રેન્ડમ અજાણી વ્યક્તિને દૂર કરી શકો છો અથવા એક નવી દૃષ્ટિથી કોઈ વસ્તુને જોવા માટે ઓબ્જેક્ટના રંગોને બદલી શકો છો.

અમે અમારા બિઝનેસ AIને પણ વિસ્તારિત કરી રહ્યા છીએ, જેથી બિઝનેસની સાથે વાત કરવા પર વધુ લોકોને વધુ ઝડપથી સેવા મળશે. અમે WhatsApp Business ઍપનો ઉપયોગ કરી રહેલા હજારો બિઝનેસની સાથે શરૂ કરી રહ્યા છીએ અને આવનારા વર્ષમાં આ સેવાઓને વિસ્તારિત કરવા અંગે જોઈશું. તમે અહીં વધુ જાણી શકો છો.

Meta AIનું ઝડપથી આગળ વધવાનું ચાલુ જ છે અને અમે વિશ્વભરનાં લોકો માટે નવી સુવિધાઓ લાવવાની આતુરતાથી રાહ જોઈએ છીએ. કૃપા કરીને અમારી સાથે તમારા પ્રતિસાદને શેર કરવાનું અને તમે Meta AIનો જે રુચિપ્રદ રીતે ઉપયોગ કરી રહ્યા છો તે શેર કરવા માટે Threads પર અમને ટેગ કરવાનું ચાલુ રાખો.