Ongea na Meta AI kwenye WhatsApp

Tumemaliza mwaka mmoja baada ya kuleta Meta AI kwenye WhatsApp na tunaendelea kusikia maoni mazuri kutoka kwa watu wanaotumia teknolojia hii mpya. Katika Meta Connect leo, tumetangaza safu mpya ya masasisho ambayo yatawezesha kuzungumza na Meta AI katika muda halisi kwa kutumia sauti yako au kuitumia picha ili kuhariri. Masasisho haya yatarahisisha watu zaidi kuchunguza mawazo yao, kuboresha magumzo yao na kujaribu mambo mapya.

• Zungumza nami: Sasa unaweza kuzungumza na Meta AI na itakujibu. Bonyeza tu kitufe cha muundo wa wimbi ili kuuliza swali na uruhusu Meta AI ieleze kitu ambacho unatamani kujua. Kipengele hiki kinapoanza kutekelezwa, utaweza pia kuchagua kutoka kwa chaguo tofauti za sauti ikiwa ni pamoja na kutoka kwa watu mashuhuri kutoka duniani kote.

• Angalia hili: Sasa unaweza kutuma picha kwa Meta AI na upate majibu kuhusu ulimwengu unaokuzunguka. Kwa mfano, unaweza kuchukua picha ya menyu katika lugha ya kigeni na kuomba tafsiri, au kuchukua picha ya mmea na kuuliza jinsi ya kuutunza.

• Hariri picha yangu: Meta AI sasa inaweza kukusaidia kuhariri picha yako mwenyewe kama vile kuongeza, kuondoa au kubadilisha kitu. Kwa mfano, unaweza kuondoa mtu usiyemjua kwenye mandharinyuma au kubadilisha rangi kwenye kitu ili kuona kitu katika mwanga mpya.

Pia tunapanua AI za biashara zetu, ili watu wengi zaidi wapate huduma haraka wanapozungumza na biashara. Tunaanza na maelfu ya biashara zinazotumia programu ya WhatsApp Business na tutakusudia kupanua huduma hizi katika mwaka ujao. Unaweza kupata maelezo zaidi hapa.

Meta AI inaendelea kusonga mbele kwa kasi na tunatarajia kuwaletea watu kote ulimwenguni vipengele vipya. Tafadhali endelea kushiriki maoni yako nasi na ututambulishe kwenye Mitungo ili kushiriki njia za kuvutia unazotumia Meta AI.