दोन अब्ज वापरकर्ते -- खाजगीपणा जपून जगभरात एकमेकांशी कनेक्ट करते

आम्हाला हे शेअर करण्यात आनंद होत आहे की, आजपर्यंत WhatsApp जगभरातील दोन दशलक्ष वापरकर्त्यांपेक्षा अधिक लोकांना सपोर्ट करते.

वडीलधारी माणसं त्यांच्या जिवलगांच्या ते जगाच्या पाठीवर कोठेही असले तरीही अगदी सहज संपर्कात येऊ शकतात. बहीण भावंडं एकमेकांशी मौल्यवान क्षण शेअर करू शकतात. सहकर्मचारी एकमेकांशी सहयोग वाढवू शकतात आणि ग्राहकांशी सहज कनेक्ट होऊन बिझनेस वृद्धिंगत करू शकतात.

खाजगी संभाषणे, जी पूर्वी केवळ समोरासमोरच करणे शक्य असायचे ती आता त्वरित चॅट्स आणि व्हिडिओ कॉलिंग द्वारे करता येतात. WhatsApp च्या या वाटचालीमध्ये अनेक महत्त्वाचे आणि मौलिक क्षण येऊन गेले आहेत. आम्ही एवढी मोठी मजल मारू शकलो याबद्दल आम्ही ऋणी असून हा आम्हाला आमचा सन्मान वाटतो.

आम्हाला कल्पना आहे की, जेवढे अधिक लोक कनेक्ट होतील तेवढीच सुरक्षा देखील आम्हाला वाढवावी लागेल. आजकाल आपला ऑनलाईन वावर बराच वाढला असल्याने आपली संभाषणे सुरक्षित ठेवणे अधिकाधिक महत्त्वपूर्ण होत आहे.

त्यामुळेच WhatsApp वापरून पाठवलेला प्रत्येक खाजगी मेसेज डिफॉल्टनुसार एन्ड-टू-एन्ड एन्क्रिप्शनने सुरक्षित केलेला आहे. सशक्त एन्क्रिप्शन हे एका अभेद्य डिजिटल लॉक प्रमाणे कार्य करते जे तुम्ही WhatsApp वर पाठवत असलेली माहिती सुरक्षित ठेवते आणि तुम्हाला हॅकर्स आणि गुन्हेगारांपासून संरक्षण देते. मेसेज हे तुमच्या फोनवरच ठेवले जातात आणि कोणीही ते वाचू शकत नाहीत किंवा तुमचे कॉल्स ऐकू शकत नाहीत, अगदी आम्हीदेखील नाही. तुमची खाजगी संभाषणे तुमच्यामध्येच राहतात.

या आधुनिक काळामध्ये सशक्त एन्क्रिप्शन असणे अतिशय गरजेचे आहे. आम्ही सुरक्षेमध्ये कधीही तडजोड करणार नाही कारण तसे केल्यास लोकांची सुरक्षितता कमी होऊ शकते. अधिक सुरक्षेसाठी आम्ही उच्च सुरक्षा तज्ञांबरोबर काम करतो आणि इंडस्ट्रीमधील अग्रेसर टेक्नॉलॉजीचा वापर करून गैरवापर होणे थांबवितो तसेच, ते नियंत्रित करण्यासाठी व तक्रार नोंदवण्यासाठी गोपनीयतेशी तडजोड न करता विविध साधने प्रदान करतो.

लोकांना सोपी, सुरक्षित आणि खाजगी सेवा उपलब्ध करण्याच्या उद्देशानेच WhatsApp ची सुरुवात झाली होती. सुरुवातीला आम्ही जसे होतो तसेच आजही, जगभरातील लोकांना खाजगीरित्या कनेक्ट होण्यास मदत करण्यासाठी आणि जगभरातील दोन अब्ज लोकांची वैयक्तिक संभाषणे सुरक्षित ठेवण्यासाठी वचनबद्ध आहोत.